مشكلة افيدونييييييييييييييييييييييي تكفون

[الفيافي]

السلام عليكم ورحمة الله وبركاته
يا اخوان عندي جيب تويوتا موديل 94 صالون نضيف لكن اذا جيت منطقة رملية وعشقت الدبل ودست تطلع ريحة مثل ريحة الكلتش هل هذا عادي او فيه مشكلة وعندي كذلك تندية بالجربكس عند الصرة قالوا لي باللحام البارد يضبط هل هذا صحيح ويطلع غبار مع الصحراء افيدونا اعزكم الله
بسرعة لأهل الخبرة

[غضنفر]

سؤال سريع
هل تنسم الكفرات اذا جيت في منطقة رملية

[الفيافي]

ابــــــــــــــــــــــــــــــــــــــــــــــــ ـــــــــــــــــدا لا

[غضنفر]

اذا
نسم الكفرات
اذا كنت ما تبي ريحة الكلتش تطلع
واذا تبي الكلتش يعيش معك

[الفيافي]

الله يجزاك خير اجرب في اقرب وقت وان شاء الله تضبط

[shaheenshah]

هذي ريحة الكلتش الله يحييك
يمكن دسك الكلتش بادي يخدج
غير دسك وكلتش

[الفيافي]

والله مدري انا شارد عن فكة الجربكس وان فكيته نفضته كله بس قلت يمكن في شي ثاني يسبب الريحة والله اعلم
الحمد لله على كل حححححححححححححححححححححححححححال

[الكاسر23]

اخوي الفيافي

انا عندي نفس سيارتك ونفس الموديل 94، المشكلة ان ريحة الكلتش تطلع اذا طبيت في منطقة تغريز وشديت على السيارة عشان أطلعها من الغراز والكفرات مليانة هواء، لكن ارفع رجلي عن دعسة البنزين والكلتش وأنسم الكفرات واخفف دعستي على الكلتش إلى ان تطلع من الغراز، وتروح الريحه بسرعة اذا ما طولت الدعسه عليها وهي مغرزة.
ومثل ما قالك اخونا لاك باث نسم الكفر عشان يعيش الكلتش وعشان بعد لا تورط في الصحراء (يحترق عليك الكلتش).
والله معاك

[Avalanche]

نسم الكفرات

وبتشوف الفرق (خاصة انه مع تنسيم الكفرات تكون السيارة خفيفة في الرمل يعني تسحب معك بسهولة)

[ممتر البران]

لا تجي القير بوكس ولا تقربه
هذي عشانك ما نسمت ورجلك على الكلتش سق مضبوط ونسم وما جاك عندي
والتنديه زد الزيت
ولا غير القازقت او الوجه كما يسمونه وبس اما تفكه وتنفضه لا بينعثل عليك الموتر كله
تحيتي لكم

[الفيافي]

الله يبارك بالجميع بس التندية عادمة لي بطن السيارة من تحت وقالوا لي نصنفر مكان الصدع ونحكة بالسلك الناعم ونفضية من الزيت ثم نحط عليه اللحام البارد ولا تفك جربكس ولاشي ويادار مادخلك شر 0 هل تضبط هالفكرة