أهل الباثفاندر اقلطوا تقهوو معنا ..

[باثفاندر 2005]

السلام عليكم ..

يا الله حيهم ..

هاذي أول مشاركه لي بهالمنتدى بعد مده طويله من التصفح ( مطفي النور ) .. :p

المهم يا جماعه ..

معي باثفاندر 2005 الله يخليه لي :p

قبل أمس دق علي واحد مغرز مع أهله عالقن موتره علقتن شينه ..
المهم رحت لمه وسحبته ما دريت الا الحبل ينقطع وتضرب حديدته الباب الخلفي " الشنطه " وتعورت بالحيل فأبي شوركم أوديه أسمكره وأصبغ كل الباب والا بس الضربه ؟
وتسانكم تعرفون محلات زينه بالدمام ..

الشي الثاني جنوطي حديد من الوكاله شكلهن شين وناوي أغيرهن سألت الوكاله قالو الجنط الواحد بـ 2060 ريال .. :o
مريت محلات ما لقيت مستعمل أبد اللي يخبر لي مستعمل يعلمن الله يعافيه ..
لقيت تجاري واسعاره مناسبه الطقم 1150 ريال بس ما ادري تقل خايف من التجاري .. :(

رايكم يا جماعه .. :D

[باثفاندر 2005]

والله التحطيم .. :(

65 مشاهدة ولا رد ..!

[الدحبول]

ممكن صورة علشان اشوف مدى قوة الضربة وهل راح البويا

أن شاء الله يفيدونك أهل الدمام

أنصحك بجنوط البترول 2006 أو مكحلين (لكزس 470)

[باثفاندر 2005]

هلا بك أخوي الدحبول ..

الصوره ان شاء الله اني اجيبها ..

طيب الجنوط ما قلت لي رايك التجاري ينفع والا لا ؟

نورت الموضوع .. :d

[الدحبول]

واحد من الربع يحذر منها ويقول مع اختلاف التضاريس تنشرخ يعني تتشقق
مثل مريت في ماء مطر وضربت الشمس في الجنط ممكن تروح الامعة أو يتشقق
هذه وجهت نظر واحد من الربع

أنصح بالجنوط ديرتها وشلك بالخساير

[روح البداوه]

سلام عليكم اخوي باثفندر 2005

انا صار لي نفس الحاله سحب واحد من قدام ونقطع الواير وضرب في الشبك ثم الكبوت ثم الزجاجه الاماميه طلعت علي اكثر من بيع السوق
وصلحتهم بالمبلغ الفلاني
النصيحه اذا كان لون سيارتك غامق سمكر الضربه بس واذا كان لون سيارتك فاتح سمكر الباب كامل

اما بالنسبه للجنوط فاجنوطك جميله وحقت بر ومدينه وهي قويه جدااا
اذا كان ودك تركب جنوط التجاري فهو ياباني مقلد ولا تخاف ان شالله وعند محل الزهراني في شارع الملك سعود بالدمام مليان جنوط طب وتنقى ويركب لك جنط واحد اذا اعجبك ولا فكه - وانصحك بكفرات دنلوب العريضه

شاكر لك ومقدر

روح البداوه

[باثفاندر 2005]

هلا بكم ..

الظاهر كل الشباب يعانون من السحب .. :p

لون السيارة أبيض لؤلي يعني الظاهر لازم أصبغ كل الباب .. :(

جنوطي جنوط بلده لكنها مهب مثل العاده حديد وشكله شين مهب مثل جنوط الباثفاندر العادي ..

روح البداوه مريت شارع الملك سعود كل اللي عندهم تجاري عجزت ألقا جنط بلده مستعمل ..

الله يجزاكم خير ..


ننتظركم ..

[أبوناصر]

بالنسبة للجنوط دورها في التشليح تراه أرخص


شريتها لخويي بـ 1700 أصليه


بس يبيلك تدوير مضبوط

[باثفاندر 2005]

والله دورت بالتشليح بسرعه بس ما لقيت الا باثفاندر واحد محترق الله يكفينا الشر ..

بس يبيلي أروح أدور مضبوط ..

مشكور أبوناصر ..

[الربذي]

وعليكم السلام لاتركب صيني انا ركبت ولااعجبني فيه رجه ولايمكن تروح ابدا لان الفراغ الي في الجنط اكبر من الفراغ الي في الهوب وبذلك لايمكن ان يضبطونها ابدا بدا الا اذا كانوا دقيقين مره عشان يمشونه وبعدين تبدا المشاكل اذا فك مره ثانيه هذا اذا مانكسر مع لفه لاني لاحظت ان الصاموله داخله جوا الجنط لدرجه ان الحافه السداسيه قاشره من نفس الجنط من شده الربط مايبونه يرج هالحيونات وبعدين الثقل يكون على المسامير لان الفتحه اكبر مايسقط مئه بالمئه واحتمال ان تتكسر خذا وكاله او تشليح
وبعدين سيارتك وشي هل هي مكيف لمس وتخشيبه لايكون منزله جنوطه
الاصليه
طبعا انا رجعت وركبت جنوط موديل 2001 وكاله 16 ارخص واخف ومطبه لين لان كلما كبر الجنط خف الكفر وبذلك يقسى مطبه

نصيحه انحاش بهذلتني وعقدتني حتى الجنط تحس انه يبي ينكسر ويمتلى مخوش بسرعه

[باثفاندر 2005]

هلا بالربذي ..

مكيف فرار وبدون تخشيبه ..

جزاك الله خير على النصيحه وشكلي بشيل من مخي سالفة الجنوط التجارية ..

[abo naser 21]

حبيبي ...

أسأل السمكري .. إن كانت الضربة يستطيع أن يعدلها ( تعديل ) .. فتوكل على الله ..

[كن كن]

والله السمكرة تطيح في قيمة السيارة كانك بتبيع لا تصلحن وكانك بتستعمل صلحه

[salehhd]

السلام عليكم

نصيحتي توديها للكراج الاهلي في الخضرية
لاجيت ورشة سهم تلف من يمها يمين وانت جاي من طريق الجبيل وتمشي حوالي 10 ورش
تلقى واحد يمني اسمة بوهاني
ترى شغلهم ممتاز وسعرهم معقول وينصح
والله يعوض عليك
ولاعاد تسحب سيارة بقلص حديد الاقماش افضل ومامنه مشاكل لو انقطع لاقدر الله
بالنسبة للجنوط مثل ماتفضلو الشباب تركب موديل قديم افضل لانها نفس المقاس 16 والجديد مقاس 17 وكفرة غالي

[باثفاندر 2005]

مشكورين على مروركم وآراؤكم ..

salehhd (http://www.mekshat.com/vb/member.php?u=16463)
مشكور على الوصف وبحاول أمره بأقرب وقت ..

:)

[المنبسط]

إذا انت من الرياض فيه في الغرابي مستعملات ونظيفة أو في التشليح أخذته مره بالكفر والكفر نظيف بـ650 قبل سنة من تشليح الحاير.

المنبسط