شباب رأيكم في سوبر سفاري ديزل ؟؟!! استفسار عاجل لاني شراي :)

[slmuni]

السلام عليكم ورحمة الله وبركاته ...


استفساري يا شباب عن سوبر سفاري ديزل موديل 2004 فل كامل تماتيك

سؤالي عن

1= اداء السيارة في الخطوط السريعة .

2= اداء السيارة في الطلعات (المنحدرات)

3= في الرمل و الطعوس هل اداءها جيد او ضعيف .

4= السعر المناسب ان كان الموتر نظيف و ممشاه اكثر من جيد وبه مواصفات جيدة ( جلد فتحة ...الخ )

5= قطع غيار السياراة وخصوصاً سمعت ان فلاتر الديزل غالية جداً فمتى تغير ..

6= هل سوبر سفاري 2004 الديزل تيربو .


الرجاء من الاخوة اللي يملكون معلومات عن تجربة و معرفه افادتي في النقاط السابقة ومن لديه المزيد فهو كريم وانا استاهل :):):) ..

من لا يملك معرف في المنتدى بامكانه ارسال رسالة على التالي :-

slmuni@hotmail.com

[rehaam88]

للرفع ...... .....

[slmuni]

للرفع ...... .....


rehaam88 :):) اي رفع الموضوع توه جديد و ريحة الوكالة فيه وين ترفعه اكثر من كذا انا فرحت قلت فيه رد يفيدنا :p ..

على العموم رفع الله قدرك :)

[غضنفر]

اذا تبي الشور
وش يحدك على الديزل
خاصة انه مهب ارخص من الباترول البنزين
والبنزين رخيص يالله لك الحمد
هذا غير صوت الديزل ودخنته

[slmuni]

اذا تبي الشور
وش يحدك على الديزل
خاصة انه مهب ارخص من الباترول البنزين
والبنزين رخيص يالله لك الحمد
هذا غير صوت الديزل ودخنته


اخوي black path هذا اللي خلاني اتردد في الشراء ...

ابو متعب ما قصر لعن ابو سعر البنزين ... باخو البلاش ...الله يطول بعمره ..


ولكن السيارة ستدوم من 3 الى 6 سنوات و لاقي لي باترول اخو الجديد وعيبه ديزل :(...

ابي رد فيه دراسة وافيه و شكراً لك على رأيك اللي اعتز به :):)

[slmuni]

وين الربع وين الخبراء :):):)

[Barq al7'eel]

حياك الله اخوي
اولا انا لست بالخبير الكبير الخطير ولكن سألت واحد من عيال عمي عنده باترول ديزل ولاكن ماهو سفاري اللي اقل منه ويقول التالي وطبعا على ذمة الراوي
انه اقتصادي درجه 1 بس بالطلعات عزمه دايخ جدا وبالزفلت ازعاج وريحة دخان والصيانه ليست مكلفه ولاكن مستمره يعني دوخ راس صراحه هذا ما عندي وانشالله الشباب يفيدونك

تحياتي

[لاباس]

أقول وش تبي بالديزل بعد مارخص البنزين

[m1m]

بدون لف ولا دوران .. إذا انت راعي جلد وبطناج .. وضلعان خذه

وإذا انت راعي طعوس .. وطلعات مثل عسير ... ما يصلح

[العطة]

وعليكم والسلام ورحمة الله وبركاتة

اخي الكريم اطلب تجرية السيارة

السيارة جديدة او مستعملة

تربوا او بدون

فيها فلتر دخان؟


ابوعبدالاله

[الربذي]

خذ بالنزين الا اذا سعره طايح عن البانزين وبعدين معروف الديزل ثقيل طبعا وخصوصا اذا بوجهك هواء تعاف الموتر مايتعدى 130 وثقيل ومكلف الفلاتر حقت الديزل وبعدين انا اخبر مايجي السوبر فل كامل ديزل يمكن مركبه مكينته تاكد وبعدين الان رخيص البانزين رخيص اول 120 تعبي الحين فل ب58 الله يديم الرخص ويصلح بطانة ابو متعب الغالي

[الصقار2007]

لا لا لا تقرب الديزل صحيح أقتصادي جدا بس ذاك أول اليوم البزين مايكلف والله يعز أبو متعب

[slmuni]

كل من شارك في موضوعي شكراً لكم جميعاً و الرد ادناه لكل واحد تقديراً مني لمشاركاتكم التي اعتز بها ..


ـــــــــــــــ

Barq al7'eel الله يجزاكم خير انت وعيال عمك وخير ما شاروا فعلاً كلامهم 100%..

ـــــــــــــــــــــــــــــ

لا باس ... محاتسيك عنده خطة طويلة الاجل و البنزين ما ندري عن سعره بعد سنة والا ثنتين والله يطول بعمر ابو متعب ويخليه لعيوننا ...

ـــــــــــــــــــــــــ

m1m راعيهن كلهن البطانيج و الطلعات والنزلات و الطعوس لا وازيدكم من الشعر بين عندي طلوع اكثر من عسير اذا تعرف شمال سوريا وجنوب تركيا يعني كسب و صلنفه وصافيتا و انطاكيا و الطريق من اضنة الى انطاليا التركيات و شي جبال عسير عندهن اقول وانت صادق ما يصلح الا البنزين لالمناطق من حيث الاداء ولكن اقتصادياً الديزل على حساب وقتي وصحتي لذا غيرت رأيي :):::..

ــــــــــــــــ

العطة ابو عبدالاله بالفعل مجرد ما شغلت الموتر غيرت رأيي :) والحمد لله ...

ـــــــــــــــــ

الربذي الله يشكر سعيك على النصيحة وما كنت اتصور ان الديزل لا يقاوم الهواء :(... و ما اعرف المواصفات و اشوف الموتر جلد و سخان مراتب و زنون و فرارات وما ادري وش بعد مليان مواصفات شفه عند مرضي الدوسري بالنسيم شارع البرحة الشرقي :) لونه اسود وجوا جلد رمادي .. وهذه ليست دعوة للشراء فهو غالي و رزه بس اذا شغلته طاح من عينك مثل المرأة جميلة المظهر خبيثت المنبت :) اذا عرفت خفاياها تهرب منها وترضى بمتوسطة الجمال فائقة الاخلاق ....


تحياتي لك ..

ــــــــــــــــــــــــــــ

الصقار2007 اشكر لك ردك وبالفعل الديزل كيف الحال من اول ما دقيت سلف وسمعت صوت قرقرت الماكينة و فاحت ريحة الديزل و انا صاكن الباب و الدرايش قلت يالله لك الحمد على البنزين طلعت تسني راكب دركتر :):)


ـــــــــــــ


كل الاخوة اللي مروا من هنا شكراً لكم ..


ولمعومية الجميع انا غيرت رأيي في الديزل من اول دقت سلف :):) يحوم التسبد...