الياي الاسترالي للمره الثانيه

[j w a l]

يا اخوان كتبت موضوع الصباح بنفس العنوان ولقيت عليه عشر مشاهدات بدون ردرود وشكله انحذف

موضوعي مره ثانيه

شريت ياي استرالي من الرمايه وركبته قبل شهر سيارتي Gx وعندي تانكي 100 لتر

المهم قبل فتره سمعت صوت في الموتر (طقطقه ) في الخلف ورحت لميزان المجد وتشييك وخسرت حوالي 1200 واخرتها الصوت باقي


اخرتها دخلت الموتر في بنشر وناضرت فيه من تحت ولقيت ثلاث لفات من كل ياي لاصقه في بعض وتحتك عند التحميل مع العلم انه تفقعت مساعداتي الاوله وغيرتها

وش الراي يا اخوان نرجع الياي القديم ونغير المساعدات اللي عنده خبره يفيدنا الله يعافيكم

[Mr.Patrol]

اخي (جوال)

اليايات الاستراليه انواع ومقاسات و حسب علمي انه تبدء من وزن 100كيلو الى 400كيلو وارتفاع 1سم الى 3سم
فاذا كنت ممن يضع حموله كبيره يمكنك استخدام ياي 3سم و400كيلو لكن راح تفقد الراحة فى المطبات لانه قاسيه ولاتنسي المساعدات
فهناك انواع مثل الجبريال يمكن وضعها على وضعية التحميل فتصبح حركتها صعبه مما يجعل يحفظ الياي من الاتصاق ببعض
وهناك ايضا بالاضافة الى ذلك بالون يتم تركيبه داخل الياي يقوم برفع اليارة فى حالة نزولها بعد التحميل هذا والله اعلم.
وهذا رابط لموضوع مشابه لموضعيك اطلع عليه قد تجد الفائدة ان شاء الله.
http://www.mekshat.com/vb/showthread.php?t=75386

[المترو]

اخي الكريم اليك هذا الرابط لموضوع حول المساعدات واليايات الاستراليه

http://www.mekshat.com/vb/showthread.php?t=37227


ثانيا انا مركب يايات استراليه منذ ذلك الوقت كتابة الموضوع اعلاه وانا مطامر بالبران ومحمل وتانكي حولي 85 لتر واستمر ارتفاع السياره وليس كما قيل لي انه سوف تنزل مع الوقت
وقبل حولي كم شهر اضطريت اني انا اللين اليايات لفه من كل واحد لتزيل السياره قليلا والحمد لله تمام الامر الى الان

علما ان المقاس 400 لليايات وشاريها من الرمايه

امل ان تستفيد والجميع من هذه الاضافه
والسلام

[j w a l]

اخواني

Mr.Patrol
و
المترو

الله يعطيكم العافيه

اليوم العصر رحت للورشه ورجعت اليايات الأوله حقة بلده الله يعوض


مشكورين

[الرهدن]

قلتها أكثر من مرة00
جربوا البالونات وشوفوا الفرق00
أنا مركبها عند 4*4 ولها ولله الحمد أكثر من 5 سنوات00

.

[مريقب العيفار]

والله يا اخوي انا مثلك ركبت ياي استرالي الله لا يعيده

وطلع عندي طقطقة شينة رجعت للميزان قلته طلع صوت

قال هذا الياي الاسترالي وبعد فترة يروح

والى الحين ما راح

الاسبوع اللي فات رحت لميزان آخر يوم سمع الصوت قال هذا الياي

نزل تحت وشيك قال الياي راكب صح ولا فيه مشكلة

العجيب اني اذا صرت معبي تانكي الماء الطقطقة تروح

يا ليت احد الأخوان يفيدنا بحل

[j w a l]

اخوي الرهدن


اشكرك على التعقيب


اخوي

مريقب العيفار

انا مايطلع الصوت الا اذا عبيت التانكي

بالنسبه لى انا رجعت الياي القديم


بس فيه شي يمكن ينفع انا المهندس اللي ركب لى الياي القديم بدل الربلات دخل لي اسود لفتين من فوق ولفتين من تحت (امريكي متره بـ 15)

يعني لفتين من فوق ولفتين من تحت


جربه يمكن ينفع معك ويروح الاحتكاك بس انا اتوقع معك انه مع الوقت يبي يتآكل لان لفات الاسترالي قريبه من بعض

[مريقب العيفار]

اخوي الجوال الف شكر لك

انت قدرت ترجع القديمات لكن انا القديمات رميتها عند الميزان يوم ركبت الاستراليات

ولا زلت ارجو ان يفيدنا أحد الأخوة عن حل حاسم

والا ما لنا الا طريقتك اللي قلتها

مع اني ما اتوقع ان اللي ما يتحمل ضغط الياي

وشكرا لك اخوي