صوت(من عمود)الدركسون باليوكن :خلل مصنعي أم ماذا؟! فزعتكم (الشقردي)

[الشقردي]

السلام عليكم

عندنا يوكن 2005 دبل من بعد ما شريناه بفتره بسيطه وفيه صوت في الدركسون زي الطقطقه, اذا جيت تلف يمين أو يسار ولو لفه خفيفه وحولك مطب اوعلى طريق بري.

جينا بنوديه لأحد وكلاه (ولا مهيب العادة) في الرياض لسبب ثاني (عطل في حساس الدبل) وعلى أساس ان السيارة ماشية 59200 كيلو ولا بقى على الضمان الا شوي قلنا خل نسمعهم هالصوت اللي في الدركسون والله ويطلع معي واحد من المهندسين وخلاصة الكلام ان المشكلة في عمود الدركسون وانه لازم نشحمه تشحيم خاص يجي من دبي واذا راح الصوت كان بها واذا رجع نشحمه مره ثانيه أما الثالثة يغيرون عمود الدركسون بكبره !! :confused:

قلنا عموما دخلوه ونشوف, الحين هو واقف عندهم, ولا هم رادين الا بعد يومين ؟؟؟:no2:

الزبده هذا الموضوع يبي فزعتكم من اللي قد سمع أو صلح هذا الصوت في سيارته (من نفس النوع طبعا) وش تتوقعون هل هو عيب مصنعي !!! :no:

وللعلم:
1- الموتر ما يطب البر الا نادرا وهو للأهل ومشاوير المدارس.
2- سقت موتر خويي نفس الموديل ولكنه ماشي أكثر وطلعاته للبر أكثر ولكن الصوت أقل ؟
3- قبل يومين نتكلم في هالموضوع واحد من الجماعة عندهم جمس 2006 دفرنس واحد وفيه نفس الصوت على وصفه لي؟

4- هذا رابط لمشكله احتمال انها مشابهه للموضوع
http://www.assayyarat.com/forums/showthread.php?t=83326 (http://www.assayyarat.com/forums/showthread.php?t=83326)


بانتظار ردودكم على أحر من الجمر:director:

[بدوي جنوبي]

والله الصوت اللي عندك غريب

ما اتوقع انه عيب مصنعي احتمال يكون الصوت من شي ثاني

عموما عمود الدركسون اول مره اسمع انه يخرب .... اللي اعرفه ان العمود يجي فيه ربله قويه وتتغير بس هذا الربله خاصه بالفضاوه

وايضا يجي فيها صليب صغير ...... انا ما شفت هالنوع اذا يتشحم او لا

شوف اخوي انا ذكرت ان فيه جلد او ربل تحتاج التغيير

لما فتحت الموقع اللي اضفته بعد ما كتبت ردي طلع نفس كلامي ممكن يكون من الربل

زبدة الكلام ممكن اصلاح العمود بدون تغييره بالكامل

ولا تنسي ان الوكاله تبي تغير شي كامل وتفتك من الزبون

والله اعلم

[الدحبول]

شكرااااااااااااااااااااااااااااااااااااااااااااااا ااااااااااااااااااااااااااااااااا

[سعد الدين]

عمود الدركسيون يحتاج الى تشحيم

وهو موجود عند الوكالة

وأن شاء الله تنحل المشكلة

وهذا عن تجربة مع زميل لي معة يوكن 2005

[جمس قطعه 10]

السلام عليكم ورحمة الله وبركاته

اخوي :الشقردي

انا معي جمس سوبربان دفرنسين وفيه نفس المشكله على وصفك انت ورحت للوكاله قالو هذا صوت طبيعي والله أعلم

تحياتي أخوك : جمس قطعه 10

[ابن هدبة]

السلام عليكم ياالشقردى

اسمع قصدى اقرأ مااقول هذى بلاستيكة تحت الربلة فى عمود الدركسون اللى فوق الرجلين تجى مدورة
تشتريها من الوكالة واى كهربائى شاطررررر يسويها لك وتراها مرت على وماتثر على السيارة بس
يزعجك الصوت ولاتفكر ( الكويت ) تلقا البلاستيكة فوق الدواسات هز السكان والسيارة واقفة تسمعها تقرقع
بصوت خفيف وليا مشيت اقوى والله يوفقك .

[الشقردي]

بدوي جنوبي

شاكر لك مشاركتك اللي أثرت الموضوع ولا يهونون الاعضاء, للعلم ان الدركسون ما فيه فضاوة أبد أبد. :no2:

الدحبول .. شكرا !!!, على رفعك للموضوع ...


سعد الدين .. شاكر لك مشاركتك, س: متى خويك شحم عمود الدركسون خلال فترة الضمان ولا بعد؟ وكم كانت السيارة ماشيه؟:j

جمس قطع 10 ... شاكر لك مشاركتك ولكن انت مثل حالة واحد من الجماعة اللي راح للعيسى اللي بالملز وقالوا له الصوت طبيعي ... وانا رحت للعيسى اللى على الدائري الشمالي وطلع معي المهندس (فلبيني وهذولا معروفين بدقته بهالامور) وحس بالصوت اللي شرحت لك. رح لهم وخلهم يتسمعون الصوت اذا معك وقت .;)

ابن هدبة ... الله يسلمك على هالافادة بس ترى ما فهمت اللي انت كاتب بالسطر الثالث وورى, ولكن الخلاصة ان فيه ربله تغير من داخل فوق دواسة البنزين صحيح اللي فهمته ولا لا؟ وياليت يحصل صورة:good:

[الشقردي]

للرفع ومشاركة الاعضاء بخبراتهم مطلوبه

[ابن صقيه]

أنا عندي يوكون موديل 2004 دفرنسين فيه نفس المشكلة .
رحت وديته لوكالة العيسى ( أفضل وكالة ) وغيروا لي قطعة هي اللتثبت عامود الدركسون عشان ما يتحرك ويطلع الصوت وقالوا لي أن هذا خلل مصنعي في الدفرنسين .
( هذه تجربتي إن شاء الله تفيدك )

[الواهبي]

السلام عليكم ورحمة الله

نفس المشكلة صارت معي في سيارتي يوكن2006 وكان على الضمان رحت للوكالة وصلحوووووه

المشكلة من عمود الدركسون فيه مادة من الشحم إذا قلت تسمع ها الصوت

وده للوكالة ويحطون له ها المادة او الشحم

لك فائق الاحترام

[الشقردي]

ابن صقيه .... مشكور وماقصرت انا مريتهم اليوم وقالوا لي بنطلب لك قطعة على الضمان وقال اسمها بالانجليزي ما أدري وشي ولكنها بتطول حول اسبوع أو 10 أيام وكتبوا خروج للسيارة فيما تجي القطعة

الواهبي .. تسلم لي على هالاضافة ولكن انتبه لها صوت اذا طلع مره ثانية لا تتساهل فيه

[الشقردي]

للرفع والمشاركة

[ks543]

هذي المشكلة صارت معي في سيارتي يوكن2004 وكانت على الضمان رحت للوكالة وصلحوه وترى المشكلة من عمود الدركسيون فيه مادة من الشحم يسمونها (ويل لبريكانت كيت) تجي على شكل حقنه تحقن داخل ذراع الدركسيون اللي من داخل الكبوت ومفعوله تقريبا سنتين و تعيد الحقن مره ثانيه لا ولازم في الوكاله بعد.

وده للوكالة ويحطون له ها المادة او الشحم.:D :D :D :D :D :D

[تلسكوب 1]

شكرا اخواني لكل من افاد اصحاب اليوكنات

[الشقردي]

الشكر موصول لجميع المشاركين في الموضوع .... وهذاني أنتظر القطع توصل للوكيل

[العنقري]

معلو مات قيمه يا لشقردى عندى نفس المشكله000000لكن المشكله التى ذبحتنى هى تولع لمبة(4فى4سيرفس) وبدئت تطول فى بعض الاحيان هل هو من الاحساسات

[الشقردي]

يمكن من الحساسات ويمكن من شئ ثاني في الدبل

لكن اليوكن اللي معنا يوم وديناه قال ان اللمبة اذا ولعت واذا طفيت وشغلت السيارة راحت, فاحتمال كبير انها من الحساس رح لهم ولا تأجل مثل سواتنا ....

[سعد الدين]

السلام عليكم ورحمة الله وبركاته

اسف على التأخر في الرد

بالنسبة للوقت اللي تم تشحيم فيه الدركسون لسيارة زميلي كان بفترة الضمان وكانت

ماشية السيارة حوالي 10000 كيلو متر

ويقول بعدها أختفى الصوت

[sawa7]

الأخ الكريم شقردي مكشات

انا عندي يوكون 2006 وحدثت لدي نفس المشكلة وبعد ذهابي للوكالة اتضح ان المشكلة (عيب مصنعي)
وتم الأصلاح على الضمان
هذا بلأضافة ان هذة المشكلة حدثت لأحد زملائي في العمل وهو الذي ارشدني للذهاب الى الوكالة

وشكرا

[الشقردي]

أشكر الاخوة اللي أثروا الموضوع بتجاربهم

عموما بالنسبة لسيارتنا فعلا صار خلل مصنعي وصلحوه على الضمان. ويبدوا لي أنهم غيرواعمود الدركسون

وشكرا مرة ثانية للجميع

[ابرق حباري]

السلام عليكم

تقريبا نفس المشكلة كانت عندي ورحت لفني ميزان سيارات>>شاطر بالحيل
وقام بشد عمود السكان(الدريكسون)من الداخل وبعدها اختفى الصوت
والسبب في المشكلة هو المطاب عموما والبطانيج بالبر

موتري يوكن 2002

[رقبة حاشي]

السلام عليكم

تقريبا نفس المشكلة كانت عندي ورحت لفني ميزان سيارات>>شاطر بالحيل
وقام بشد عمود السكان(الدريكسون)من الداخل وبعدها اختفى الصوت
والسبب في المشكلة هو المطاب عموما والبطانيج بالبر

موتري يوكن 2002

ممكن الله يخليك تعرفنا بمكانه ووصفه اذا ماعليك كلافه مع ملاحظة انني بالرياض

اخوك / رقبة حاشي

[ابرق حباري]

هلا بأخوي.. رقبة حاشي

ياأخي ليش تتعب نفس عندكم بالرياض افضل الورش,,,انا ودي اجي الرياض واظبط الموتر عندكم

بس ان شاء الله راح اجيكم بالاجازة واتفرغ له
إلا لك جيه الله محييك..انت واللي يعز عليك

مكان الورشة طال عمرك بالشويخ الصناعيه
ينقال له ميزان يعقوب نهاية شارع الزينة>>اسأل مراح تضيع الكل يعرفة

تقبل تحياتي