زوار التنهات...المساعدة !!!

[ابوجيان]

الاخوة الاعزاء جميعا السلام عليكم
الحقيقة اول مرة ادخل هذا الموقع وانا منبهر من اللي قاعد اشوف من صور روعة
الموضوع ومافيه اني قررت ازور التنهات ومحتاج منكم مساعدة
اولا انا من سكان الرياض لكن الربع متجمعين من الرياض والشرقية
يعني البعض بيجي من الشرقية والبعض من الرياض
ياليت احد يفيدني في الطريق الى التنهات من الرياض والشرقية

لحظة: سمعت كمان ان الصمان روعة والحقيقة انا محتارين
التنهات او الصمان وبعدين ايش رايكم في التوقيت اخاف زحمة
وكمان المكان ينفع عوايل والا شباب وبس


الرجاء المساعدة

[البّري]

لا والله يا اخوي ابو جيان

خريم احسن من التنهات بكثير ورحلها من جهة الشرق ممتازه وسيارتك معك

[البّري]

تعقييب

تبي الصمان رح للعمياء وام المصران بجنب بعض

ولا تأخر لان الصمعا طلعت واذا سنبلت تشددك من الآرض اللي هي فيها

اعتقد ان هالسبوع اخر فرصه للي يبي يكشت والله اعلم


للمعلوميه في المنتدى موضوع لي باسم احسن ما رأيت
وللمشرف مسافر عن ام المصران

اخوك البري

[مسافر1]

إن كنت تريد الرأي .
فعليك أخي الكريم بروضة خريم ..
فهي أفضل الموجود حتى الآن
ثانياً أنها قريبة أكثر من غيرها بالنسبة للرياض وكذلك أقرب من التنهات بالنسبة للمنطقة الشرقية ..
ما يعيبها هو كثرة الناس ..
أتمنى لك كل توفيق ..

[ابوجيان]

الاخوة لاهنتم ومشكرين الجميع
بس اخوي المسافر 1 كيف يعني خريم اقرب لاهل الشرقية (اعرف خريم قريبة للرياض ) بس التنهات انا ما رحتها ابدا
وبعدين لاهنتم ايش الراي بطلعت العوايل

ممكن توصفولي الطريق من الدمام (الى خريم والتنهات)
مع الف شكر

[باترول 4×4]

أوافق الإخوة في أن خريم أفضل لكم وبالذات إذا أنتم عوايل .وكذلك لأن خريم هالسنة شي ثاني ( لكن امشوا من الفجر ) لأن زحمة الناس شديدة .
وطريق خريم :
تمسك خط الدمام السريع وقبل التفتيش اللي على مدخل الرياض تجيك لوحة يمين مكتوب رماح ، اطلع معه يمين وتتجه شمالا ، وبعد 50 كم تقريبا يجيك مفرق خريم يمين .
وبالنسبة للتنهات :
امسك خط الجنادرية باتجاه الثمامة وبعد تفتيش الثمامة بـ 50 إلى 60 كم يجيك مفرق يمين مكتوب ( الصمان - الطوقي - التنهاة )
ادخل معه وبعد تقريبا 80 كم تجيك التنهاة .
أتمنى لكم رحلة موفقة .

[zaizoom]

وعليكم السلام ورحمة الله وبركاته

أخي الكريم / ابوجيان

هذا كروكي لعله يخدمك أنت وأصحابك .. قمت بإعداده خدمة لأعضاء مكشات

وأنت أحدهم :good: ..

يمكنك طباعته وتوزيعه على أصحابك ..

تمنياتي لكم برحلة موفقة .. في حفظ الله ..

بدون خرائط ولا قارمنات..كروكي سهل بالمسافات..من خزام للتنهات.. (http://www.mekshat.com/vb/showthread.php?t=65222)


محبك :

زيزوم .. ولد القروم

[ابرق الكبريت]

وطريق خريم :
تمسك خط الدمام السريع وقبل التفتيش اللي على مدخل الرياض تجيك لوحة يمين مكتوب رماح ، اطلع معه يمين وتتجه شمالا ، وبعد 50 كم تقريبا يجيك مفرق خريم يمين .
.
أعتقد ان مفرق رماح بعد التفتيش وليس قبله بالنسبة للقادم من الدمام ....



وبالنسبة للتنهات :
امسك خط الجنادرية باتجاه الثمامة وبعد تفتيش الثمامة بـ 50 إلى 60 كم يجيك مفرق يمين مكتوب ( الصمان - الطوقي - التنهاة )
ادخل معه وبعد تقريبا 80 كم تجيك التنهاة .

بالنسبة للتنهات للقادم من الدمام أعتقد انه من الأفضل ((وهذا للي
مايحبون قطع الصحاري ))
الاستمرار باتجاه رماح ثم الرمحية ثم دوار الحفنة ثم يمين باتجاه
دوار العتش ومن ثم التنهات....

[دغيم1]

السلام عليكم
حياك أخوي ابو جيان
ماذكره الأخوة صحيح - التنهاة زحمة وبعيدة عن أهل الشرقية - خريم قريبة للشرقية خاصة وانهم يدخلون من جهة طريق الدمام مخرج رماح - شمال .
ولكن لي رأي آخر - قريب للرياض - والدمام - روضة المسعودى - وأم القطا - وفي حالة رغبة مشاهدة روضة خريم المسافة لاتتجاوز ( 15 ) كيلو .
مخرج الوسيع شمال تتجه الى مصفاة ارامكو .
تقبل تحياتي -دغيم 1