بواري هواء . . تكفون أذكروا لي في الرياض اللي يولفها [الأرشيف]

مشاهدة النسخة كاملة : بواري هواء . . تكفون أذكروا لي في الرياض اللي يولفها

الدبوس

04/03/2007, 06:47 PM

السلام عليكم . .
الحقيقة ياشباب مدقره معي إلا أركب بواري هواء (باخره) اللي تجيء محقانين مثل اللي في التريلات على جيب تويوتا (كبسوله) ، طبعاً البواري هواء يعني لابد من خزان هواء ، اما اللي في الأسواق اللي على كهرب فقط وتشكل بالصوت . . هاذي ماتصلح .
الحقيقة واجهتني مشكلتين :
1 - توليف خزان الهواء .
2 - بواري الهواء ماتشتغل إلا على 24 فولت والبطارية 12 فلوت يعني أبغى محول .
السؤال :
هل يوجد أحد يولف هاذي البواري في مدينة الرياض .

الحقيقة صوت بوري الهواء (الباخره) شي :cool: :eek: .

تكفون ترا تكفى تهز الرجاجيل .

راعي الهـــدد

04/03/2007, 07:01 PM

والله يابن الأجواد ما ادري وش اقول لك

بس ترى بواري المواتر الي فيه خلقه في الغالب انها كافية

وانتبه من أزعاج الناس وانا عارف انك رجال مانتب يم هالأمور بس ممكن يقع شي بدون قصد

والله اني يامحاكيك بعض الأحيان بالغلط اضرب بوري قال لي ابي احرص ام العيال تطلع بسرعه هههه

ثم اتذكر لو كان فيه شايب على فراشه او مريض يأن من الألم ولاصدق بالنوم وانت جيت وقومته من النوم وش بيحملك دعائهم

والله ما انسى دعوة دعا بها شايب على واحد مركب هالي تركب في الشكمان وتطلع صوت قوي والله دعا دعوة تشق الوجه شق

وقلت يالله لك الحمد انه ماهوب انا الي ازعج

ملخص القول خلك على بوري بلاده الا اذا انك تقول انه ضعيف مره فغيره بشي مناسب

بالتوفيق ياغالي

اقول اسمك يروع شوي هههههه

بدوي جنوبي

04/03/2007, 07:05 PM

هلا بالدبوس

الله يسقي ايام المحاقين والله لو تدق علي واحد واقف غلط بها البوري ان يتجنن

اذكر فيه نوع كان يجي كهرب وصوته قريب من المحقان بس الكلام هذا منذ مبطي مره ما اعتقد تلقاها وشريته زمان من الطايف

لو تروح الطايف اتوقع تلقاها او مكه لان فيه ناس تستخدمها انا لي في الرياض تقريبا اقل من 10 سنوات

ولا سمعت هالبوري .........

يا اخي ذكرتني بايام الرجه والزحف
تحياتي لك

الدبوس

04/03/2007, 09:16 PM

أخوي (راعي الهدد) أنت رحت بعيد أصلاً هاذي البواري ممنوعه الاستخدام داخل المدن تلاحظ حقين الباصات يجي لها فاصل شد بلد من الشركة (مرسيدس) لاستخدامه داخل المدن ، وحتى لو ماهي ممنوعه الله يجعله الصمخ اللي يستخدمها ي الحواري ، الناس اليوم متحضره تدق بالجوال وأنا أكره ما عندي اللي شابك بوري سيارته على الاشاره مع ما تفتح الاشاره تلقاه معلق على البوري ، وبها المناسبة مره أنا واقف عند الاشارة وبجنبي شايب ومغير أنا وياه وفتحت الاشاره ويدق بورق وهو جنبي ولا أحد قدامه . . تصورو هو الأول عند الأشاره ويدق بوري ويأشر بيده يقولي أمش .
أخوي (بدوي جنوبي) تسمع بواري التريلات والباصات وانت تقول ماسمعت تراها (فله) الثمرة أني أبغاها على الخطوط السريعة .
وتراها موضه قديمه اسمعه هالأيام توطوط على سيارات صغار . وخلك من هالي يركبون بواري (لومينا) علشان الازعاج .
عاد وشلكم بالهبال هي مسكت على بوري (باخره) اللي خابر محل في الرياض ويلفها يذكره ، ترا البواري موجودة في صناعية العويضه شرق الصناعية الكبيرة ولكن المشكلة في الحاجتين اللي ذكرتها في موضوعي الأول .

بدوي جنوبي

04/03/2007, 09:45 PM

بالنسبه لخزان الهواء يبيلك كمبروسر وانا قريت موضوع عن طريقة ترهيم كبروسر الهواء

هنا في المنتدي بس من فتره طويله ولو عندي وصلة الموضوع كان افدتك اكثر

دام البواري متوفره ما عندك اي مشكله الباقي بسيط ان شاء الله الاعضاء يفيدوك اكثر

بالتوفيق

الدبوس

04/03/2007, 10:31 PM

شكراً ياخوي (بدوي جنوبي) والله أن كني أسمعها في رأسي من لطفك وسنعك .

ك ه ك 777

08/03/2007, 08:06 AM

السلام عليكم
الدبوس يا غالي عندي حل لوحده من المشاكل والحل هذا ذكره لي كهربائي ممتاز دايم اصلح عنده مشاكل سياراتي واقنعني بفكرته الصراحه
شفت علبت الفريون اللي يعبون بها فريون السياره اللي يجي لونها ابيض وسماوي في اغلب الاحيان اللي تحصلها معلقينها في واجهت المحلات عشان تعرف ان المحل يصلح مكيفات قالي الكهربائي جبلك ثنتين وقصهم من النص ولحم القطعتين اللي فيها بلف من كل وحده يعني تصير بعد التلحيم من تحد فيها بلف ومن فوق فيها بلف وذكرلي طريقت التمديد وقالي انها ما تصرف كهرب لو تحط عشرين محقان قلتله اذا فضا الهوا قالي وقف عند البنشر وخله يعبيها 200 او 300 هواء وتجلس شهور ماخلصت
اما مشكلت البطاريه والـ24 فولت اتوقع بتحصل انواع 12 فولت واذا تبيني اكلم الكهربائي خويي او تبيني اواجهك عنده ماعندي مشكله وتراه في الصناعيه القديمه ولا تخلي في خاطرك شي دامها مسكت علي بواري هوا لاتخليها في خاطرك وابشر بلي تبيه

hamad_alsaad

08/03/2007, 08:51 AM

باثفندر

08/03/2007, 01:09 PM

http://www.mekshat.com/pix/upload/sign/images/mk41765.gif

ويش فيكم على الرجال طبيتوا فيه مايبي يستخدمها في الديرة ابد

يمكن يبيها للمطامر والمهايط

اسمع اخوي فيه محاقين تنباع بالخطوط السريعة تلقالك كهربائي تريلات قله ابي محاقين مرسيدس او فولفو تراها تجي طويله يمكن نص متر

او اكثر شوي والثاني اقل بشوي تقدر تشبكها على المنفاخ العادي وتحطلها فصال داخل السيارة يعني اذا كبست يشتغل المنفاخ ويحقن بس

الصوت اقل جودة واوطا من اللي تبيه وتقدر ترهم كمبريسر على سير وتعبئة وهذا الطريقة سالفة وتقدر تشريلك من ساكو او من المحلات

دبة تتعبا من اي بنشري وفيها ضغط الى 120 بار تكفيك شهر وتوصلها من داخل السيارة والفصال يكون عبارة عن مفتاح تنسم الهواء وتقفله

ارجو اني افدتك .

داب الرمث

08/03/2007, 11:42 PM

ما يحتاج الشباب جربوها ياخذون هوا من الاستبنة يعبونها 60 ويشيلون البلف .

الدبوس

10/03/2007, 06:22 PM

ك ه ك 777 (http://www.mekshat.com/vb/member.php?u=41348) http://www.mekshat.com/vb/images/statusicon/user_offline.gif vbmenu_register("postmenu_743874", true);
عضو مكشاتي : الله يجزاك خير الحقيقة فكرة طيبة ، أما عن 24 فولت فلقيت لها حل وهو تغيير فقط الدقمة حقت بوري الباخرة 24 بدقمة بوري 12 فقط وبالنسبة لخزان الهواء هل يمكن تركيب ماطور هواء أبو جبل لتعبئتة الخزان اللي تقول (اسطوانة فريون) وإلا ما يصلح . وشاكراً لك (أنشهد ليا زهمت الرجاجيل يجيبون العلم) ماهو مثل بعض الناس ما له إلا الاستهزاء .

باثفندر (http://www.mekshat.com/vb/member.php?u=41765) http://www.mekshat.com/vb/images/statusicon/user_offline.gif vbmenu_register("postmenu_744077", true);
عضو مكشاتي : كلامك صحيح ولكن المشكلة في الكهرباء (المرسدس والفولفو والمان) 24 فولت والسيارة الصغيرة 12 فولت ، وهاذي لقينا حلها ، وشاكراً لكي يالغالي .

داب الرمث (http://www.mekshat.com/vb/member.php?u=13060) http://www.mekshat.com/vb/images/statusicon/user_offline.gif vbmenu_register("postmenu_744668", true);
عضو مكشاتي : يحبي لك ، طيب لين أحتجت الاستبنه وش أسوي ، الله يثيبك على فزعتك .

في محل في الغرابي أسمه (العربه) يقولي واحد في صناعية العويضه في الرياض ، يجيب بوري معه خزانه وعدته من أمريكا ويركبها ، ولكن مالقيت هالمحل في الغرابي ، مترته شمال وجنوب ومالقيت هالمحل .

وأرجو من أراد أن يركبها أن لا يزعج الناس بها ولا يستخدمها في داخل المدينة (أتقوا دعوة المسلمين) .

ونرغب مزيداً من الأفكار .

هاوي قصيده

10/03/2007, 08:50 PM

اخوي الدبوس..

يعجبني الشخص راعي الصمله ..

اللي مثلك ..

وياشباب اكرام النفس هوااها الرجال نشد ..واللي يعرف يفيده ..

وانا لو اعرف والله اني مابخلت عليك

الدبوس

24/03/2007, 10:32 PM

ركبت البواري ولكن ما ازعجت الناس . . الناس اللي أزعجوني ونسم راسي من الأسئلة : كيف ؟ وشلون ؟ وين ؟ وكم ؟

هاوي قصيده

25/03/2007, 12:20 AM

كفووووووو والله يا الدبوس

بشرر كيف الحين الصوت

مثل اللي تبيه ؟

والله يطرح البركه بالسياره كلها رواعيها

تستاهل

essam-moka

03/10/2008, 12:29 PM

السلام عليكم ورحمة الله وبركاته
كل عام وانتم بخير اخوي نص الكلام اللي ان قال فوق مو صح ..... ضغط الهواء اةل شي حددوا 200 وما يكمل معاك يوم اذا انت شغال عليه وعلى حسب السيارة السيارة الصغيرة تاخذ 24 فولت والكبيرة زي التريللات تاخذ 12 فولت والقفيز انواع واللي انواع عشان ما ينفجر عليك وانت تعبي ولازم تركب دقمه حق فورد انا معايه سيارة ايكو فيها اربعة بوراي من النوع الطويل الحمرة ابو ما صورتين وانا اللي شريتها وانا شريت حاجاتها من انبوبه لقفيز لدقمة لاسلاك وكلللللللل شي يتعللق فيها وانا اللي مركبها بنفسي

اذا تأمرني بشي انا حاضر وهذا رقم جوالي 0568640909

وهذا ايميلي rian__2007@hotmail.com

صدقني من قوة البوري اللي عندي الناس ترقص من هززت الارضية يعطيك الف عافية ^_^

ضحية صمت

03/10/2008, 01:43 PM

فيه بواري القطار
وفيه بواري السفينه

طبعا بوري القطار بحول الاربع الاف
وبوري السفينه بحول السبعه الاف

اذا تبي منهم ارسل لي بالخاص وازهلها

بس الله الله في عدم ازعاج اخواننا المسلمين انا مركب على الجمس بوري سفينه بس والله ماشريته
فاكه من سيارة واحد من زمان وخلاه معي الين يشتري سياره ولاعاد قال لي شئ بس والله مانيب
اشغله الا بالبر بس ...لانه من جد مزعج الحاره كلها تطلع لا ضربت فيه