ادخل واكتب السيارة اللي تعلمت فيها السواقه ايام الصبى""",,,

[هاف مون]

اخواني الاعضاء الكرام تعالوا وياي نعيد الذكريات شوي ونتذكر بدايتنا مع تعلم ( سواقة السيارة ) ونختصر الموضوع على نوع السيارة اللي تعلمنا فيها السواقة وأبدأكم انا بنفسي :

السيارة : تويوتا غمارتين 82
وعلى فكرة الوالد حفظه الله شاريها ذاك الوقت بسعر 17000 تقريبا وموجوده عندنا الى الان ولله الحمد شوفوا الفرق في الاسعار بين زمان والان مع الافضليه لسيارات زمان .

[راعي الهـــدد]

الغالي هاف مون

انت تريد بموضوعك هذا ان تعرف اعمار الأعضاء باسلوب ذكي جداً

هههههههههههههههههه

الله يحفضك ياربي ولولا الكذب لقلت لك عن اول سيارة قمت بقيادتها

[نجم السهاء]

الله حيه انا حولك81تويوتا هيلوكس ((ام عزيز ـ ام الجمايل )) شارينه وكالة يوم هي ؟؟؟؟
تقبل تحياتي

[T33]

الظاهر ان الشياب راح يجتمعون كلهم :)

ياطويل العمر اول سياره هاذي كرسيدا بوكس موديل 82 لونها فضي

الله يحفض الوالد كان يسميها (ترابه)

تدري رجعتني لايام زمان
........

يعطيك العفيه

[الكوسه]

هههههههههههه ذكرتنا بايام
خصوصا خذها قاعده اكثر اكثر اكثر الناس الي تعلمو السواقه بموترين كثيييييييييير تبي تكون الردود كذا وهي الهيلوكس والكابرس سواءا كانت الحشاشه او الصابونه
انا تعلمت السواقه بهيلوكس 84 الله يذكره بالخير

[الحر123]

انا تعلمت السواقه على هايلكس موديل 80 يازين زمان أول أنواع الفله .

[albara]

السلام عليكم ورحمة الله وبركاته
انا تعلمت على قلابي مرسدس عايدي مديل 1972 وكذلك تايوتا ماركتو مديل 1977
هاه ياباشا كم توفعون عمري اجل ؟؟ ;)

عسا الله يرجعها :confused:

[جي اكس أر 3]

السلام عليكم
هلا بخوي هاف مون
موظوع جيد ولادهي من الموظوع بمعرفتك اعمار الاعضاء وانا سوف اقول لك بكل صراحه ،،،،،
تعلمت بدسن موديل 69 شاريه الوالد رحمه الله عليه والمسلمين اجمعين بسبع ألاف ريال جديد طبعا بس تراني صغير ياله اطول البنزين والفرامل ،،،،،،،،،،،،،،،،

[اهلا وسهلا]

السلام عليكم ورحمة الله وبركاته...

أما أن فقد تعلمت على سيارة جميلة في عيني وعين امي وكانت تسميها المبروكة وكانت سيارة ذات مواصفات عالية حتى ان السيارة بداخلها جهاز يعلمك وش الخربان فيها ... اضني وضحت لكم

ههههههههههههههههههههههههههههههههههههههههههههه

اسمها مازدا مديل 82 بواكس لون حليبي والداخلي عنابي مخمل ومن الطريف أنها تدخل المخرج من جهة اليسار بدون تعب من السواق فقط اترك الدركسون وهي تكمل الباقي أو اذا بغيت تحد أحد على الجهه اليسراء فقط اترك الدركسون والسيارة تحت امرك يعني المقص منكسر والشاص مكسور بس خل عنك والله فيها نشاط اروح بها في كل مكان في البر واليابسة والبحر حتى فيها ميزة اذا شغلتها اصباح وكنت مستعجل فيها زرار فقط ارصة وتستعجل في التحمية .


مواصفااااااااااااااااااااااااااااااااااااااااااااا ات عام 1982م.

[عقرب رمل]

انا تعلمت على سوبربان92 وكرسيدا95

[آمري يا كامري]

أما أنا فقد تعلمت على ددسن موديل 77وقد تعلم عليه أكثر إخواني وجا ه صفقات كثيره سواقة عليميه وبصراحه موتر يشفيك صبور بمعنى الكلمه

[الشامخ!!]

أنا كراسيدا مديل 80
رفرفها الأيمن مصدي والكبوت كذلك
سواقتها تهول القلب

[الأسمري 2009]

جيب شاص 82

[أبو0عمر]

ددسن نيسان 85

غماره وحده
على كيفك

[راجح]

موضوع جميل وطرح أجمل .....
أنا تعلمت على كرسيدا 91 (( gl )) أنواع الفخفخة ...

:: طلب خاص من راعي الهدد أبو حمد بعد أذن صاحب الموضوع أنه يعلمنا بأي سيارة تعلم ؟؟؟؟ ::

[الدحبول]

كابرس (صابونة) موديل 1991

[ألسامر]

اه يازمن فيه التهاويل
بس اذكر الكابرس 91 والبوري كأ نه زر جرس البيت كيكيكيكييكيكيكيك

[شبح الصحراء]

الله ذكرتني بالغالية ماردونا الهايلوكس 92 فكيناها وكالة وتعلمت عليها السواقة مع اخوي وياما طلعنابها للبر وللنفود وللضلعان وسميناها من غلاها ماردونا بس كان عليها حركات غدر وخيانة وتعلمت عليها بعض أساسيات الميكانيكا ياما فكيت وربطت فيها وصدمت فيها صدمة قوية في أشهرها الأولى وانقلبت عليها بعد سنوات وذقت ايام حلوة ومرة عليها واستلمها اخوي الصغير وكان مهمل مرة والحين مطشوشة بجانب البيت بعد ما احيلت على التقاعد وعندها مشاكل في المفاصل وروماتيزم في الجير .

هذي صورة قديمة لها أيام شبابها :

http://www.mekshat.com/pix/upload/images29/mk23961_hi01.jpg

وهذي صورتها بعد ما احيلت على التقاعد :

http://www.mekshat.com/pix/upload/images29/mk23961_hi02.jpg

[محمد البازعي]

سزوكي82


ودمتم بود

[ابو درع]

دينا قلاب حقت المزرعة .. طبعاً الظهرية وناس نيام

وبعد التحقيق وقبل التلفيخ .. حولت التهم للمصري الفلاح .. وراح فيها صلاح المصري .

وبعد ايااام وجت مغرز .

[ابونايف الروقي]

هايلكس غماره 82 وددسن غمارتين 79 ....

ملاحطه الددسن مافيها جلدة عصى القير يعني معناة مع الغبار الي يدخل غير المويه وقت المطر ..

[الفردوس]

الله المستعان
هايلوكس 77 للوالد

[thebluebird]

اول سيارة تعلمت سواقتها كانت رينج روفر موديل 84

[sharrar]

انا فود وانيث 48وقلابى 56 فورد

[abo lafi]

كرسيدا بوقس 92

[أبوعمر 1]

:p مازدا 80 حمرا الله يجزا ابو رحم كل خير على تعليمي السواقة على فكره هذه اول مشاركة لي في المنتدى

[بدوي جنوبي]

هايلوكس 85 شراها الوالد وكالة اظن ب25 الف

http://www.dashboardcentre.com.au/Image/hilux1.jpg

[بو نوير]

مساكم الله بالخير والسرور شكر لصاحب الموضوع المطروح
موضوع جميل وقلبت الذكريات في عقولنا ذكريات التعليم السواقه
اما بالنسبه لي انا تعلمت على جمس موديل ( 88 ) وكان الوالد الله يجزاه خير
يجلس وراى على شان أى غلطه بكف حلاقه هههههههههه يقولى تبى تتعلم ولا انزل
وتعلمت بالقوه ولله الحمد .

[اسهيل]

انا تعلمت السوقه في ددسن 84 صندوق طويل الله من مره غرزة ونادية العامل يسحبه بحراثه
بس الحين صرت سواق بر وديره يعني في الجو وفي البحر مع الصندوق الطويل مافيه مستحيل

[وعر]

انا تعلمت السواقه على جاكور

واول موتر سقته كان لاند كروزر 84 مهب في سنته طبعا

[طارق]

اخوكم على ددسن مويل 76 وثاني يوم اخوكم صادم سياره بالشارع
عند ملعب الملز مقابل مواقف الدرجه الاولى موقف لان انساه ابداً عام 1981 م
اخوكم طارق

[عاشق سفر]

طال عمرك انا تعلمت على فياغرا موديل 2004 وأكبر دليل انها كانت اول وحدة طلعت بالمملكة وبالاماريه رحت عليها النفود<<< لا باين عليه صادق


لا جد والله تعلمت على 180 بي داتسون نيسان....

صراحة أحلى سواقة والله أنا أحلى من كابرس الفين وخمسة والله لها طعم خصوصا ببداياتها ماتكود يجي مشوار وتنط تبي السيارة اما هالحين والله ياكرهي للسيارة وللمشواير

[عيناوي]

صالون سوبربان
لكن البدايه الفعليه كانت لـ
بلاي ستيشن
هههههههههههههههه

فالك ما يخيب ان شاء الله
:)

[هاف مون]

هلا والله حبايبنا الشياب نسبتكم كبيره بهالمنتدى هههههههههه الله يحفظكم ويسلمكم .

والله ياخوان ايام زمان حلوه مررررررررررره وخاصة مع السيارات القديمه .

اشكر جميع حبايبنا في هذا المنتدى على المشاركة في هذا الوضوع .

الاخ ابو درع والله ردك يموت من الضحك كني اناظرك وانت مورط المصري .

[((الخالدي))]

تعلمت السواقة على كرسيدا موديل 91

[فارس طي]

موضوع شيق يعيد لنا الذكريات القديمة مشكور على الموضوع

أنا تعلمت على جيب حوض أبوشنب الأصلي موديل (1976) رمادي مرايا الباب طوال للي يتذكره وبعده (260 سي )من نيسان موديل 77 0

الجيب الحوض 76 تعلمنا عليه أنا وإخوتي ومعارفنا وجيراننا وأقاربنا 0 وكان أخونا الكبير بداية تعلمه للسواقه على الجيب ينتع 13 نتعه يالله بالنتعة الرابعة عشر يمشي بالسيارة زين 0

ولكم تحياتي

[شبح الصحراء]

فارس طي ذكرتني بهالجملة المشهورة ( سيرسي كوداندس ) ;) ههههههههه .

[H2O]

حياك الله يا هاف مون وحيالله شيبان المكشات ، تعلمنا طال عمرك على ددسن 82 وأول يوم هديت الجدار على الوالده الله يحفظها بس الله كتب لها عمر وتمت السمكره بأيدي سعوديه بحته ( انا والشباب ) يعني السعوده موجوده من الثمانينات :d :d

[ذيب حضن]

ددسن 80 غمارة:)

[المتبدوي]

طال عمرك وعمر من يقرا انا تعلمت على ددسن الشايب موديلها 82 كانت وقتها وردة

واول يوم سقت فيه دعست العنز الربشا حقت جدتي وجاني طق الله لا يوريكم وكرهت

السواقة

تقبلوا تحياتي

[وارد الخريبة]

سلام
مرسيدس سكس (( أبو خيارة )) 77م

[sameer_1798]

أول لا تعلمت على هايلكس 84 م غمارتين , وكان الوالد رحمة الله عليه يسميها ( شعيله أم الجمايل )
أخذها وكاله من هاك الحين .

[stranger]

اما انا فكان مع اخوي مرسدس 280 موديل 79 حكومي كنت آخذها بعد ما ينام في الليل والف عليه طول الليل وفي الصبح يقوم يشغلها يلاقي ما فيها بنزين وعاد تخيلوي ويش يصيرلي (؟؟؟؟؟؟؟؟؟؟؟؟؟؟)

[هواوي]

انا تعلمت القياده بسياره فولفو اكبر مقاس وكانت ذكرياتها جميله جدا
وسقتها بدون تعليم يعني دقيت سلف ومشيت واستعنت بخبرة احد الاصدقاء اللذي كان يشاركني في القياده عموما جلست معي شهر واحترقت من زين السواقه طبعا والاهم من كذا اني كنت اسرقها يعني اخذها بدون علم الوالد ولا دروا الا بعد ما فقدوها وبلغوا انها مسروقه لانها يوم انحرقت مشيت وتركتها والى الان ما احد يدري اني انا الي استعارها ((تلطيف سرقتها ))

والله ان لها قصص رهيبه وجميله ومضحكه اسال الله ان يتوب علينا

[SilverSniper]

أنا تعلمت على شفر77 بهبهاني عبارتين.. علمني عمي بعد كم صفقه على كم رصعة.. وبعد ما تعلمت وضبطته عطانياه عمي وقال هو لك وبتكبر وتشتري مواتر.. بس ان وفقك الله وأغناك وشريت لا تخليه ولو شريت غيره...
كبرت.. وجمعت .. وشريت هايلوكس 94 غمارتين.. وبعته وشريت هايلوكس 98 غمارتين.. وبعته وشريت فكسار 93.. وشريت البليزر 90 وعدلت فيه ولا يزال معي.. وبعت الفكسار وشريت تاهو 2007.. والى الآن لا يزال ذاك الونيت الشفر 77 معي.. ولن أبيعه ولو صارت قيمته 800 ألف.. :)
وهذا هو
http://www.mekshat.com/pix/upload/images29/mk7239_chevy77.jpg

[غارب النملة]

حراثه المزرعه عام 1402
شيبان مكشات بانت علومهم

[شاص محترق]

اما انا تعلمت على ددسن 82 ا ام خط طبعا فاكينها وكاله وكانت جديده
والان مافيها موضع شبر الا صدمة ودقه......او بالعربي هيكل عظمي...

[الربذي]

شاص محترق حسبي الله على عدوك تصدق اول ماقريت اسمك قعدت اضحك ونتكلم في ذاك اليوم عن اغرب النكات (الكنيه ) فذكرت لهم اسمك فعلا باين من اختيارك لهذا الاسم انك صاحب دعابه وخفه دم وشلون تصلقطت !!! اقراه على هالاسم
انتبه لايجونك البنقال يقطعونك باللحام !!!
جت ببالي سالف واحد يحب السيارات الاثريه راح لم تشليح عليها وقعد يتمشى تاخر يوم جاء الا البنقلادششين عماله مدري وشهم المهم لو تاخر قصوها باللحام تخيل تجي لسيارتك تلقاهم مفصلينه تفصيل بلحام وش تبي تسوي الحين الحديد غالي مره مره مره
وبعدين زين 82 ام شماع كنا نسميه زين شكلكم وافين معه ليش ماتبيعونه عند الوالد هلكس 82 فاكه وكاله والحين معه جديده فاكه وكاله ايضا 2003
لكن متمسك بالهلي مره كم سيارا شرا وباع بعده وهي عنده ابلشونا السودنييين اي يازول داير اشتريها حدها وصلوها 13 وهي مقربعه ماتسوى وقبل كم سنه وصلت 17 الف تخيل

[a7a7]

انا اول سياره تعلمت عليها السواقه هايلكس موديل 82 ونتعة فيها لما قالت امين

[الاوبيرق]

انا تعلمت السواقة على ددسن موديل 90 شبيت عليه لين انفقعت الكنداسة

[هاف مون]

اشكر الجميع على التواصل .

[الفاهي000]

تعلمت الددسن 92

[واحد تميمي]

هايلوكس 77 اشغله باالمحش اوالسكين ولافيه فرامل الله من اجدار وقفني يكثر المواقف الي حصلتلي عليه وا مخرب وسايد اهلي الاانا منكثر ما احطه حدري عشان ترفعني شوي واشوف السيارات احسن مافيها ان الوالد ما يقولي شي

[stranger]

الله يباركلك فيه وما شاء الله باين عليه نظيف

[بو مشعوفان]

لاندكروز موديل 2003 مع العلم أنه لم يتعدى عمري ال15 الآن :j

[khalid 6]

انا اتعلمت على لاندكروزر 84 سيارة الوالد وكنت دايما اسرقها بالليل وهو نايم .... لا وكنت اخلي الغير في الخالي وادفع السيارة مع الربع لمكان بعيد شوي عن البيت عشان مايسمع صوتها عند التشغيل ((((((ذكاء)))))
والطريف بعد فترة قالي انه كان يدري اني اسرق السيارة عن طريق البنزين اللي يكون ناقص ثاني يوم وانا ماحسبت حساب لهذا الشي. ههههههههههههههه ايام الصبى
وتحياتي للجميع

[هاف مون]

هايلوكس 77 اشغله باالمحش اوالسكين ولافيه فرامل الله من اجدار وقفني يكثر المواقف الي حصلتلي عليه وا مخرب وسايد اهلي الاانا منكثر ما احطه حدري عشان ترفعني شوي واشوف السيارات احسن مافيها ان الوالد ما يقولي شي

هههههههه حلوه التشغيله بمحش شكلك راعي مزرعه . وياحلو السواقه في المزرعه .

[ابوجبل]

انا تعلمت على شاص 2005
وانا مثل خويي الي فوق بس عمري 16

[محسن اليامي]

ددسن 83 حقت الشايب الله يرحمه
الله يازمان أول ذكرتني

[yaser_2000]

انا تعلمت على ونيت نيسان غمارتين موديل 1988

[محمد الحريقي]

دتسن غمارة وربع موديل 77
كنها لكزس عندي

[مكيشيت]

بسم الله الرحمن الرحيم

انا ياطويلي العمر والسلامة والعزة والكرام

تعلمت على 200 ال سيارة خالي وكنت مبسوط وطاير من الفرحة وقلتله اذا كبرت ابشري مثل هالسيارة

قال لي اذا كبرت بتطلع سيارات جديدة احسن وافضل قلت لا ابي زي هذي

ويوم كبرت ( على قولتي وانا صغير ) شريت اختها ( مكسيما)

[sharrar]

حيا الله الشباب

عمرى صغير
اول سياره وفى الواقع سيارات فكان عند الوالد يرحمه الله واموات المسلمين فود 48بك اب
وشفر 36 وقلاب 56فورد ترى

[هاف مون]

وين بقية الشياب في هالمنتدى ما يعلمونا بسياراتهم .

لاتخافون ترى مافيه قسيمة (على عدم التجديد )على السيارات القديمة المطوفة .

شاكرين لكم ومقدرين ايها الاحباب .

[ff-19]

والله يالربع اول ماتعلمت السواقة على هايلكس 82 غمارتين مكيف ازود ولا لا علمني ابوي الله يعطية الصحة والعافية اذا اردت السيارة تمشي ارفع رجلي عن الكلتش يبيلي وقت طويل والبنزين ضاغطه بقوة وحالة لين مشت وعندما قالي الشايب وقف ضغط على الفرمل بكل قوة والنتيجة اتركها لكم بس ابشركم ان القزاز سلم والشايب سلم

[كرستال]

بسم الله الرحمن الرحيم

السلام عليكم ورحمة الله وبركاتة


أييييييييييييييييييييييييييييييييييييييييييييييييي ييييييه أيام منذوا مبطي

أول سيارة تعلمت عليها جيب شاص ( سعفه ) قديم مديله بالسبعينات له ثلاث تعشيقات


أخوكم ( كرستال ) أبو = وجـــــد =