حذف العلاج

[راعي الخلوي]

السلام عليكم
وش حالكم كلن باسمه
يالله حيهم يالله حيهم:d
وشعلومكم وش اخباركم يا اهل المنتدى الطيب؟

علومي واخباري ماتسر والله وجيتكم طالب الشور يالقروم

عندي فرخ شكيت انه فيه عله ووديته للطبيب
وبعد الفحص والكشف تبين انه عنده التهاب في الامعا...عطانا الدكتور حبوب وقال هذا دواك وعلى الله شفاك ( ميد الطير والا انا مافيني شي)
اخذت العلاج وسريت للبيت ويوم عودت من الدوام والقم الطير هاك الحبتين وارش عليه ما

ماخذت شوي الا الطير حاذف الحبتين كانهم ذايبات وبعد شوي تبعهم بما لونه حمر نفس لون الحبه...
قلت ايييها...وش السوات الحين ...
ومع اني على معرفه بصقاقير الا اني اثرت استشارت الاجاويد شرواكم بهالموضوع ولابد ان احد مر عليه مثل هالسالفه...
وجزاكم الله خير

[صاحب الطير]

يا حبيبي حياك اولا بين إخوانك..أما الأمعا ..فجربت له.. دم زغاليل الحمام((زغاليل عش)) ولا يومين إلا والحمد لله الطير معافا.. وعندك حبوب كبسولات أبيض وأسود بعد يوم من علف الطير وشف الطير صرف وبقي شوي..عطه الحبه وجلده بيوم لا تعلف.. وبعدين علفه تجد إن شاء الله مفعولها..أجيب لك الإسبلنق حقها قريب إن شاء الله على الخاص عندك.. وعند يا طويل العمر الثوم..قلب الثوم تراه مفيد للبكتيريا والجراثيم...

[الوافي عزام]

احرص على طيرك اذا ودك يسلم ويتعافى

ورح وده واكشف عليه مره ثانيه واستخدم العلاج مضبوط ازين لك من التطبب عليه مع احترامي لوجهة نظر اخوي صاحب الطير

وبعدين يوم تعطي الطير الحبتين وقذفها مهوب عذر انك ماتعطيه العلاج مره ثانيه

ولا تنسى انه وقت ربطه ولازم قبل ما تربطه انه طيب ومتعافي

والله يشفيه

[حطاااااب]

السلام عليكم ورحمة الله وبركاته
الاخ0000 راعي الخلوي
المسأله عاديه بالنسبه الى اي طير في طيور ( يقذ ) يخرج الحبه اذا بدون برقع وفي طيور يخرجها بالبرقع طبعا وهي ذايبه بلون الحبه او الكبسوله لاكن انت عطه الحبه او الكبسوله واللهي طيرك بشيله على كفك او امسح على الطير اذا هو مايكفخ وبكذا ان شاءلله تمشي معك الطريقه
على العموم اغلب الطيور ماتحب العلاج بالحبوب او الكبسوله لاكن ماباليد حيله الا انك تسايس طيرك
وان شاءلله افتدك بالطريقه هذي وكل له طريقته وان شاءلله الاعضاء يزودونك بطرق اكثر واختار السهل لك ولطيرك
الله يشفيه

[راعي الخلوي]

يا حبيبي حياك اولا بين إخوانك..أما الأمعا ..فجربت له.. دم زغاليل الحمام((زغاليل عش)) ولا يومين إلا والحمد لله الطير معافا.. وعندك حبوب كبسولات أبيض وأسود بعد يوم من علف الطير وشف الطير صرف وبقي شوي..عطه الحبه وجلده بيوم لا تعلف.. وبعدين علفه تجد إن شاء الله مفعولها..أجيب لك الإسبلنق حقها قريب إن شاء الله على الخاص عندك.. وعند يا طويل العمر الثوم..قلب الثوم تراه مفيد للبكتيريا والجراثيم...

ياخوي العلاج اللي عطانا اياه الطبيب مابه قصور ومجرب ومعروف...مير هالطير مهب راضي يدرجه!:confused:
يبي لي اشتري لي شرياس واجرب عليه العلاجات اللي وصفتها

[راعي الخلوي]

احرص على طيرك اذا ودك يسلم ويتعافى

ورح وده واكشف عليه مره ثانيه واستخدم العلاج مضبوط ازين لك من التطبب عليه مع احترامي لوجهة نظر اخوي صاحب الطير

وبعدين يوم تعطي الطير الحبتين وقذفها مهوب عذر انك ماتعطيه العلاج مره ثانيه

ولا تنسى انه وقت ربطه ولازم قبل ما تربطه انه طيب ومتعافي

والله يشفيه

يا جماعه العلاج مضبوووط بس انه حار على الطير

سؤالي وشلون اخلي الطير يدرج العلاج ولا يحذفه!!
وسلامتكم اللي عنده شور حياه

[راعي الخلوي]

السلام عليكم ورحمة الله وبركاته
الاخ0000 راعي الخلوي
المسأله عاديه بالنسبه الى اي طير في طيور ( يقذ ) يخرج الحبه اذا بدون برقع وفي طيور يخرجها بالبرقع طبعا وهي ذايبه بلون الحبه او الكبسوله لاكن انت عطه الحبه او الكبسوله واللهي طيرك بشيله على كفك او امسح على الطير اذا هو مايكفخ وبكذا ان شاءلله تمشي معك الطريقه
على العموم اغلب الطيور ماتحب العلاج بالحبوب او الكبسوله لاكن ماباليد حيله الا انك تسايس طيرك
وان شاءلله افتدك بالطريقه هذي وكل له طريقته وان شاءلله الاعضاء يزودونك بطرق اكثر واختار السهل لك ولطيرك
الله يشفيه

وعليكم السلام ورحمة الله وبركاته
والله اني ماقصرت ياللحيه الغانمه
شايلن الطير على كفي وامسح عليه واقول كوود انك تدرج العلاج ...ماخذت الا الطير رافعن راسه على وشك روباج واتا اللي اومي له يمين ويسار بس الطير صامل الا يحذف قال لي انزح وراك لا اسبحك ذالحين
وشوي وروبج على ثوبي...قط الحبه الحمرا نص ذايبه اما البيضا فذايبه كلها...قلنا يفداك الثوب يا بعد حيي
مير انه مصخها شوي وتبعها بما لونه حمر...وكانك يا بو زيد ماغزيت...

شور يقول لي اعطيه العلاج واعطيه شوي نسير بعده وشراااااااايكم؟؟؟

[رآعي آلبآترول]

مساك الله بالخير
العلة ياطويل العمر انك ماتدخل العلاج وترصه في فرسة الطير عشان كذا يصير قريب ويقدر يطلعه
المطلوب تدخل اصبعك السبابه كامل وتدعس العلاج وانتبه لاتروح لمجرى التنفس وبعدها انقل الطير وامسح عليه ودهله وأشغله خمس دقايق
لاتنسر الطير لان فاعلية العلاج تقل اذا وجد العلف
وغير كذا ماتبي شي ابد

[راعي الخلوي]

مساك الله بالخير
العلة ياطويل العمر انك ماتدخل العلاج وترصه في فرسة الطير عشان كذا يصير قريب ويقدر يطلعه
المطلوب تدخل اصبعك السبابه كامل وتدعس العلاج وانتبه لاتروح لمجرى التنفس وبعدها انقل الطير وامسح عليه ودهله وأشغله خمس دقايق
لاتنسر الطير لان فاعلية العلاج تقل اذا وجد العلف
وغير كذا ماتبي شي ابد

الله يجزاك خير

انا يوم اني عطيته الحبتين ...ما لقمته اياهن الا بملقاط...وعلى قولتك وصلتهن للفرسه برسم الخدمه
بس المشكله تكمن (كثر منها) في ان الطير مايستسيغ حرارة العلاج في فرسته فيحذفها

الله يجزاكم خير ترا احتار بالي :(

[abu hlal]

احسن حل تحط العلاج داخل فواد حمامه!!!!!!!!!!!!!!!;)

Abu Hlal

[راعي الخلوي]

احسن حل تحط العلاج داخل فواد حمامه!!!!!!!!!!!!!!!;)

Abu Hlal

فؤاد والا اسعد عمر قلي؟
ترا انكت من حر مابي

بس يقال ان العلاج ماياخذ مفعوله...

وين اهل الخبره :(

[صاحب الطير]

علموك الأخوان.. وانا علمتك من واقع تجربة..صحيح أن مكة والغربية بصفة عامة ما فيها مستشفيات للطيور بس خبرة الصثقارة عندنا عن الف مستشفى.. وهذا علمي وسلامتك..

[راعي الخلوي]

علموك الأخوان.. وانا علمتك من واقع تجربة..صحيح أن مكة والغربية بصفة عامة ما فيها مستشفيات للطيور بس خبرة الصثقارة عندنا عن الف مستشفى.. وهذا علمي وسلامتك..

انا اشهد ان طب الاولين ما فوقه...
بس ياخوي الحين الفاس طاح بالراس والعلاج عندي...وتراه علاج طيب انا اسمع فيه من زمان بس ماهقت ان الزمن بيحدني عليه :mad:

وشلون اخلي الطير يدرجه....اخاف اعلفه بعد العلاج ولايستفيد منه
واخاف ماعطيه نسير ويعود سواد وجهه البارحه :j

[رآعي آلبآترول]

مالك الا انك تعطيه بعد العلاج قطعة لحم صافي صغيره
صح ان العلاج لوحده افضل بس الشكوى على الله

[راعي الخلوي]

هذا اللي صار عطيته العلاج وفوقه ربع صدر حمامه...بس ماهقيت انه يطيب على هالحال

اليوم ماني معطيه شي ابد ابشوف انا والا هو:p

الا اذا به شور احسن هذا انا صارلي طارحن الموضوع فتره ماشفنا احد جاوبنا جواب شااااااااااااااااااافي !!

[خيال الصبحا]

السلام عليكم
وش حالكم كلن باسمه
يالله حيهم يالله حيهم:d
وشعلومكم وش اخباركم يا اهل المنتدى الطيب؟

علومي واخباري ماتسر والله وجيتكم طالب الشور يالقروم

عندي فرخ شكيت انه فيه عله ووديته للطبيب
وبعد الفحص والكشف تبين انه عنده التهاب في الامعا...عطانا الدكتور حبوب وقال هذا دواك وعلى الله شفاك ( ميد الطير والا انا مافيني شي)
اخذت العلاج وسريت للبيت ويوم عودت من الدوام والقم الطير هاك الحبتين وارش عليه ما

ماخذت شوي الا الطير حاذف الحبتين كانهم ذايبات وبعد شوي تبعهم بما لونه حمر نفس لون الحبه...
قلت ايييها...وش السوات الحين ...
ومع اني على معرفه بصقاقير الا اني اثرت استشارت الاجاويد شرواكم بهالموضوع ولابد ان احد مر عليه مثل هالسالفه...
وجزاكم الله خير
وعليكم السلام
أخوي راعي الخلوي
أنا ماني صقار ولكن حبيت
أني أدلي بدلوي ، مع العلم أن خبرتي
ماتضاها مع الي قبلي ،وخذها على عجل

إذا جيت تعطي الطير العلاج خل بجنبك أو حولك
علف ، وخل الطير يشوفها ، وبعد ماتعطيه العلاج برقعه
وخله على وكره
علمنا بالي يصير معك
(الطير يكظم على الشناذر على شان العلف ، والشنذره أحر من العلاج)
أتمنى أكون أفدتك
وشكرًا

[حطاااااب]

السلام عليكم
الاخ 000 راعي الخلوي
اذا تبي ترتاح الطبيب اللي عطاك العلاج يقدر يعطيه اذا انت بالشرقيه مر الدكتور فارس وقله انا تعبت مع الطير بالسواه هذي بيعطيه عنك واذا كنت تعالجه بمستشفيات الرياض رح لطبيب وتراها مجانن اعاه الدواء خاصه اذا انت فاحصه عندهم ومشتري العلاج منهم لاكن طريقت خيال الصبحا حلوه مره وزودت على تجويع الطير وره العلف واعطه دواه

بعدين ياخيال الصبحا تقول مني صقار اجل لو انك صقار كان اكلتنا من علومك الطيبه بس شكلك صقار وتلعب بالخبره

[راعي الخلوي]

الله يسلمكم
يوم قريت راي هيال الصبحا عجبتني الفكره

وانا معشي الطير امس حول المغرب بعد ماعطيته الحبوب ب 10 دقايق بالضبط والحمدلله ادرج العلاج بس سمعت انه مافيه فود اذا ماعطيته عشات قبل ساعتين...
جربت طريقه خيال يوم جا يكفخ بيطير على العلف وابرقعه...ماخذ له ربع ساعه الا مروبج العلاج
والله يا جماعة الخير ضاقت فيني الدنيا ومليت نفسي ولولا حبي للطيور كان سفرته مع خدامتنا لبنقلادش
المراد ردينا على طريقتنا امس عطيته اللي بقى من الحبه ثمن عشيته بنص صدر حمامه وعليها ليلحين والوعد يوم الفحص....
دكتور فارس اسمع عنه كثير بس ماقد جيته يبي لي اخت له كوود يشوف لنا صرفه مع هالمشكله...

جزاكم الله خير...وهذا مايمنع من اللي عنده حل يحطه...عارف اني اتعبتكم وعجزتكم مير انه هالطير يا بيموت يا بيجيب لي الجلطه

[حطاااااب]

السلام عليكم

الاخ راعي الخلوي في طريقه بس انا والله ماحببني الله فيها ويستخدمها الدكتور فارس في الطير العسر علاجه وخاصه الكبسولات الكبيره واللي تذوب بسرعه لاكن عسره على الطير
لف الكبسوله بالجلد اللي بين الريش واللحم اعرف انه دهني بس انا جربته بطير قديم وهذي الطريقه اخذتها من الدكتور فارس يوم كان بقطر
المهم وامسح عليها دم الحمامه بشرط مهو الدم المسفوك لان دايم الدم المسفوك دايم مع الذكاه تطلع البكتيريا وهذا من فوائد دينا علينا والحمدلله الطير لما يشوفها مهو متردد بيبلعها بشرط انها في المقدمه ويكون مع لحم ثاني لان الطير اذا ماشاف لحم يحاول ياكلها ويظن انها لحمه بس يااااويلك لو عرف انها كبسووله واكرر يااااويلك لان ماعاد في امل تمشي عليه الطريقه هذي بيصير اذا اعطيته المره الجايه اول مايحذف الكبسوله ام جلده اللي انت مسويها له ويعرف وين توكل الكتف جرب الطريقه وعساه عون لك ان شاءلله
اما بالنسبه لتعب المنتدى واللي قايمين عليه ماقصرو ماحطو الجمعه الزينه الا للستفاده منك ومن غيرك ونعتبرها مدرسه لجميع الصقارين وترى مهو كل صقار يقول انا وصلت للمرحله واكتفيت الا كل يوم تكتشف جديد واللي يزيدك خبره كثره الطيور اللي تنقلها تحياتي لك

[راعي الخلوي]

السلام عليكم

الاخ راعي الخلوي في طريقه بس انا والله ماحببني الله فيها ويستخدمها الدكتور فارس في الطير العسر علاجه وخاصه الكبسولات الكبيره واللي تذوب بسرعه لاكن عسره على الطير
لف الكبسوله بالجلد اللي بين الريش واللحم اعرف انه دهني بس انا جربته بطير قديم وهذي الطريقه اخذتها من الدكتور فارس يوم كان بقطر
المهم وامسح عليها دم الحمامه بشرط مهو الدم المسفوك لان دايم الدم المسفوك دايم مع الذكاه تطلع البكتيريا وهذا من فوائد دينا علينا والحمدلله الطير لما يشوفها مهو متردد بيبلعها بشرط انها في المقدمه ويكون مع لحم ثاني لان الطير اذا ماشاف لحم يحاول ياكلها ويظن انها لحمه بس يااااويلك لو عرف انها كبسووله واكرر يااااويلك لان ماعاد في امل تمشي عليه الطريقه هذي بيصير اذا اعطيته المره الجايه اول مايحذف الكبسوله ام جلده اللي انت مسويها له ويعرف وين توكل الكتف جرب الطريقه وعساه عون لك ان شاءلله
اما بالنسبه لتعب المنتدى واللي قايمين عليه ماقصرو ماحطو الجمعه الزينه الا للستفاده منك ومن غيرك ونعتبرها مدرسه لجميع الصقارين وترى مهو كل صقار يقول انا وصلت للمرحله واكتفيت الا كل يوم تكتشف جديد واللي يزيدك خبره كثره الطيور اللي تنقلها تحياتي لك

جزاك الله خير وكل من شارك يا رب

المشكله مهي في ان الطير ماراح يبلعها

المشكله انه مايدرج العلاج
تصدقون يا جماعه اول الايام والله اني اعطيه الحبتين على طول ماغير امسك بوزه وافتحه شوي وادف الحبوب للفرسه
بس اخر يومين قال لي معصي الا يومن مسكه لي واحد ويالله يالله لقمناه
المهم ليلحين الطير مايدرج الحبه الا مع نسير...
واليوم اخر يوم وبكره نتيجة الفحص:rolleyes: