افتونا يا اهل الخبرة مهم جدا جدا جدا

[وارد عراوي]

نويت ان شاء الله اشتري لاندكروزر موديل 99 او 2000 او 2001 او اكثر قير اوتوماتك وقابلت احد الاخوة جزاه الله خير ونصحني ان اشتري من موديل 2003 وصاعد لأن القير الاوتوماتك فيه خمس تغييرات اما الموديلات السابقه اربع تغييرات فقط هل هذا الكلام صحيح وهل يعتبر عيب ان التغييرات ( السرعات ) اربعة فقط
افيدونا جزاكم الله خير .

[فلان بن عفتان]

أعتقد أنك تقصد لاندكروزر في إكس آر ..


وهل يعتبر عيب ان التغييرات ( السرعات ) اربعة فقط

نعم عيب وخاصه في الجيب ,يعني النمره تبي تكون طويله مثلاً الثاني مايفصل إلى عند 100 وبهذا يقل التورك (العزم ) يعني بالغه العاميه إذا كنت بالنفود وجيت تطلع طعس يبي يموت عزم الموتر بسرعه .....

قير الفي إكس آر الاوتوماتك من موديل 2004 فوق أفضل من القير العادي بمراحل , من واقع تجربه ..

[ممتر البران]

ما اتوقع انه يضر عزم الموتر بالوقت الحالي يعني الاما شديته ما اقدر اطلع به لا يا حبيبي الواحد ليا بغا يطلع له طلعه شد موتر بنمره
لاكن ان كانه على المدى البعيد فهذا ممكن
والمشكله الثانيه هي صرفية الموتر لان الار بي ام بيبقى مرتفع لوقت اطول لين يغير وهذا يصرف عموما كل ما صار اجد صار احسن لك لا سيما وان القير بيصير بدال 4 تغييرات 5
وهذا سبب لوحده كفيل بتعديل الراي للموديل الاجدد
تحيتي لكم

[Somebody]

السلام عليكم ورحمة الله وبركاته .......


اخوي بالنسبة للثمانية سلندر تغير القير من 2003 اصبح 5 نمر

اما للعزم ما عندك مشكلة حتى لو 98

المشكلة في صاحب السيارة ومعرفته هي اللي تنجيه وخيبته هي اللي تخيبه

اقصد الخيل تعرف من خيالها

يعني ما يجي الواحد يبي يطلع في نفود وهواء السيارة ضغطه عالي لكل مكان مقياس

*ملاحظة الفكس ار اذا الله قدر وغرز ترى ليس مثل الجكس ار وذلك يكمن في قوته وسرعة دوران الكفر
لذلك يستحسن وضع القير على وضع 2ND وذلك لجعل الكفر يدور بسرعة اقل هذا من خلال التجربه


والله الموفق