اخوي المجد انا وياك بالهوى سوء والسبب هالمره ابو ياسر الله يسامحه

[((( الحر)))]

بسم الله الرحمن الرحيم!!!
ولاعدوان الا على الظالمين:D :D :D

والله يانا معصب:confused: :confused: :confused:


اخوي المجد تطرق في موضوعه الي بالرابط هــــــــــــــــــــــذا (http://www.mekshat.com/vb/showthread.php?s=&threadid=7614) انه ضيع التنهات بسبب احداثيه اخذها من كتاب عنده!!!
وانا الاسبوع الماضي دربي دربه وطريقي طريقك من تمير الى الشعب ثم الى ام رجوم ومسكنا هالخطوط الي تروح للتنهات لاكن الفرق بيني وبينه من وين اخذت الاحداثيه والمشكله معنا اربع سيارات والدليله انا بحكم ان القارمن معي وماخذ احداثية التنهات من موقع ماتوقعت القى فيه اي نسبة خطاء الي هو موقع ((مكشات)).!!!

وفعلاً مثل ماقال اخوي المجد موقع الاحداثيه راح فينا جهة الدهناء وكنا بعد المغرب يوم الاربعاء وقالو الربع ياناس التنهات قريبه حسب وصف اهل تمير لها وحنا ماسكين خطوط ماندري وش سالفتها!!!
قلت يالربع القارمن مايكذب ابد وانا ماخذ الاحداثيه من مكشات يعني ماعليه كلام؟؟
وسوينا نداء بالكنود وطلبنا الفزعه بالاحداثيه وماقصرو اهل الكناود عطوناها بالملي وصار الفرق 55 كيلو صحراء جهة الشمال اكلها اخوي المجد وحنا فكنا الله اكلنا بعضها!!!

اخوي ابو ياسر مقلبي من سببك وانما اطالب بالحق ولا اتنازل ابد والله عطاك خيارات علشان هالمقلب!!!---
1) تعزمني في القصيم انا وبعض الربع في مكشات:D :D :D !!!!
2) تحطني مشرف في المنتدى ;) ;) ;) !!!
3)تهديلي جهاز قارمن:p :p :p :p

وهذي الي فيها احداثيات موقع مكشات!!!
هنـــــــــــــــــــــــا (http://www.mekshat.com/) ادخل على احداثيات مواقع ثم رياض!!!
وهذي الاحداثيه الصحيحه 100%
N26.04.000
E46.28.444
ارجو من اخوي ابو ياسر تصحيح الاحداثيه وسلااااااااااااااااامة الجميع من الضياع!!!

وعلى ماقالو حلاها في غثاها!!!

اخوكم ((( الحر)))
4/2/1424هـ

[نقا هشال]

مرحبتين باالحر

الحمد لله على السلامه

وهذي حلاة البر

على العموم الاحداثيات مشكلتها مشكله

لاكن نقول الواحد يقدر المسافه اللي يعطيهياه القارمن

وبعدين لازم يكون واحد من الكشاته يدل

سبحان الله يخرب القارمن او تكون الاحداثيه خطاء

تحياتي....

[مكشات]

هلا أخوي ((( الحر)))
حياك الله ........ وهد أعصابك شوي :D
بعض الإحداثيات الواردة في موقع مكشات تم نسخها من بعض الكتب وبعض الأصدقاء وأيضا ماوقفت عليه بنفسي .. ولاشك انها معرضة للخطأ سواءا كان السبب من المنقول منه أو الناقل ..
أعتذر لما حدث لك :( وماوقعت فيه أنت والمجد وقعت انا فيه وغيري في مواقع أخرى ..
على العموم
تم تعديل الإحداثية إلى N26.04.000 E46.28.444
وقريبا سيتم حذف الإحداثيات الأخرى واعتماد دليل مكشات للإحداثيات (http://www.mekshat.com/gps/Search.php)فقط ..
وسنحاول جاهدين إن شاء الله بعدم الوقوع في إحداثيات خاطئة ..
وفي هذه المناسبة أتمنى أن لايتم إضافة أي إحداثية من مصادر أخرى إلا في حالة التأكد منها ..
تحياتي لك

[المجد]

السلام عليكم اخوي الحر والأخوان ورحمة الله وبركاته
الحمد لله على السلامه وما تشوف شر انت والأخوان
صدقني حتى خويي قال نفس الكلام انها قريبه ولها طريق مطروق وزين تمشي فيه بسرعه لكن قدر الله وما شاء فعل والله يسامح راعي الكتاب بس بصراحه كانت متعه ولو انها ضيعه لكن كانت مناظر حلوه تخبرون الدهناء توسع الصدر مناظر الأرطاء وبيوت الشعر وكانت الأرض مرشوشه شوي والجو ولله الحمد رهيب .....
بس الله يسامحك يالحر يعني تذكرتني بالضيعه ونسيتني يوم جا طاري عزيمة ابو ياسر خوش والله خوش (: (:

[عاشق النحم]

أهم شي سلامتكم هما كم رتوا واستانستوا ورجعتو أحمدوا ربكم واشكروه على النعمه