لأهل الخبرة في القير العادي..................

[البيـرق]

السلام عليكم ورحمة الله وبركاته

مساكم الله بالخير.............

اخواني فيه مشكلة تواجهني وتواجه كثيراً من الناس.......الي هي

كان معي لاند كروزر جي اكس ار قير توماتيك.....بعته

وشريت لي قير عادي.........وجدت فيه انه دائماً تطلع فيه رائحة مثل رائحة الشحم الميكانيكي.....

تطلع من عند القير وش هارائحة؟؟؟؟ وش الحل فيها؟؟؟مع انها ماطلعت في التوماتيك!!!!

والله يجزاكم خير مقدما............

[باث فاندر]

اتوقع انك تحبس على الكلدش يعني وانت تمشي تكون رجلك على الكلدش او اذا جيت تمشي تضغط نص الكلتش مع البنزيم وتطول في التقويمه
هذا يطلع ريحه الكلدش ويمكن يحرقه
واذا كان غير ذالك ارجع لورشه وهي اعلم مني

وشكرا

[راعي ساموده]

اذا كانت السياره جديده فهي عاديه لمده بسيطه وبعدين تروح ( ولايضيق صدرك وتقعد تحسب لكل صوت ولا ريحه )

[ممتر البران]

اتوقع انك ما تعودت على العايدي ورجلك على الكلتش قبل
1- اذا جيت تقوم حاول ما تطول على الكلتش
2- اذا غيرت وانت تمشي ارفع رجلك وحطها على الدعاسه اللي على يسار الكلتش لا تخليها على الكلتش او ملامسه له لئنها بترتكي على الكلتش وتنزل من دون ما تحس وبالتالي تحرقه.
3- اذا جيت غراز سيده عشق الدبل ونسم الهواء تتعب موتر وتحرق كلتشك على الفاضي ابد شغل ونسم وريح بالك
من اهم النقاط رقم 2 تحيتي
سلام

[البيـرق]

الله يجزاكم خير...........

بس الرائحة هذي تطلع دايم حتى لو السيارة باردة......في الصبح وتزيد

مع مسك الخط.......والدوس عموما........

وطلعت في سيارة كم واحد اعرفه باثفندر وغيره من السيارات....بس قير عادي.....

[الربذي]

اخوي البيرق هذا امر طبيعي جدا لان هناك تنسيم او هواء يخرج من فتحة القير او بيناو الجلدة بها شق ويطلع اذا مشت السياره كنه رائحة شحم فعلا هذا لو جبت لكسس وشلت اللي حول القير تطلع الريحه اكيد ان موترك قديم او هناك هواء يدخل من تحت وبكذا تشم الرئحه وترا طبيعي انا معي باث قير عادي وتطلع احيانا

[ذريّع]

الحل عندي لان المشكلة واجهتني وحليتها عن طريق سحب الجلدة اللي تحت عصا القير وربطتها بسحاب خاص برط الكيابل طبعا بعد سحب الجلدة تربطها على عصا القيرمن تحت. المربط المقصود هو حق الكيابل يوجد عند محل الادوات الكهربائية وهو شبية بالربطة اللي يربط فيها ظفيرة السيارة

[البيـرق]

الله يجزاكم خير اخوي الربذي موتري 2005..........وكلامك صحيح ياجعلك تسلم.........

واخوي ذريع ..........فعلا الرائحة تزول عند سد مخرج الهواء من عند القير..............

.......................مشكور كل من رد وفاد واستفاد......................وماقصرتوا يالذيابه.......

اخوكم البيـرق......ابو ناصر

[أبو أسامة]

السلام عليكم ورحمة الله وبركاته

الحمد لله اللي أنحلت مشكلتك .................

لكن بما إن الشباب عندهم خبره ............ودي أسئلهم عن تسنين القير لأن عندي سيارة قديمه وقيرها ثلاث نمر بس وودي أقلبه لخمس نمر فيه اللي قالي ركب قير الموديلات الأجد وفيه اللي يقولي سنن القير .........وأنتم وش تشيرون علي يالذيابه ...... أغيره أم أسننه ........
طبعاً التغيير يبيله خرط صحن الكلتش ووووو ....... والتسنين ما أعرف عنه أي شيء حتى ما أعرف ويين الورش اللي تسويه ......