بعد انقطاعي لفتره ......... اهديكم هذه الصوره ..!

[الوشاح]

السلام عليكم ورحمة الله وبركاته

انقطعت عن المنتدى من فتره .. وأنا الخسران اكيد لاكن هاذي الدنيا ومشاغله :mad:

الصوره من روضة الخفس قبل اسبوعين ..وهي صوره مايكور


عطونا رايكم بدووون مجامله :)




http://www.mekshat.com/pix/upload/images29/mk12014_1.jpg

[عيناوي]

هلابك يا الوشاح
بين اخوانك الي رفقتهم ان شاء الله ماهيب مثل فرقاهم;)

اما صورتك فجميله جدا
اللون الاصفر يحرك في الوجدان شيئا غريبا وتبقى غرابته ذات طعم مميز

بطبيعة الحال جميله بكل نواحيها...يبقى وجود (لكن)
والـ لكن الخاصه بي تقول
ليتك ابتعدت بعدستك لليسار بحيث تظهر الزهره الخلفيه كامله ولا تكون الوسطى محل شك
لاول وهله:هل هي جزء من الزهره الثانيه ام لا...
حتى يتضح للناظر انها زهره اخرى تماماً
وقد لا يعلم الكثير ان
الإدراك يأتي بعد المعرفه
لتسهيل المفهوم الذي اتحدث عنه:
العين ترى ثم تدرك ....ما تراه

والشك هنا او بطئ الادراك
نقطه ضعف وتكاد تكون غالبا ضد الصوره الجميله

اتمنى انك فهمت نظريتي..


فالك ما يخيب يا غالي ان شاء الله
:)

[الفهد11]

صوره جميله جدا ماعندي اي تعليق عليه .

[مسافر1]

صورة رائعة ..
يمال الغنيمة أخوي الوشاح .

[الوشاح]

عيناوي .. حياك الله يالغالي

الضاهر تحليلك يحتاج لتحليل :D

لاكني اوافقك بوجود تشتت بعناصر الصوره

يعطيك العافيه ياغلاهم


الفهد11 .. مرورك اجمل

الف شكر



مسافر1 .. هلا وغلا بمشرفنا

نورت الصفحه بوجودك

شاكر لك تعليقك الطيف

تحيتي لك

[النحاسي]

ماشاء الله
والله انقطاعك .. انعكس على القسم
يعني انت من الاعضاء الي يجددون القسم (بالرائع) دائماً ولا الصور واجد....بلاشك

صورة موفقة وجميلة ...
والتقاطك فني بكل المقاييس كما عهدناك....ماشاء الله عليك

ملاحظاتي ..:-
الملاحظة الاساسية"القاتلة"
*اقتصاص الصورة وحصرها في الهدفين (الزهرتين فقط) اثر سلباً بسبب التركيز الغيرمريح للعين على االهدف(لو اعطيت الصورة مساحات طبيعية .. لكي تتجول العين فيها واتنتقل للهدف بسهول ويراحة تامة...)

الملاحظة الثانوية:-
التوقيع لايقرب داخل الصورة , كذلك لو زدت اسمك الاطارا لاسود ..


بالطبع كل الملاحظات وجهات نظر شخصية

وانت مبدع كالعادة

[الوشاح]

النحاسي .. اخجلتنا الله يحفظك بمدحك عساالله يجعلنا عند حسن الضن

سببين خلتني اسوي قص للصوره

الاول .. اقرب مسافه لتصويرالمايكرو بكمرتي الفوجي 10سم وتعتبر بعيده نوعا ما

علشان كذا اضطر دايم بتصوير المايكرو اقص الصوره


السبب الثاني .. تعمدت اظهر الزهرتين فقط لانهم اساس الموضوع ..!!


اشكرك من قلبي يالنحاسي على ملاحضاتك الي اروت عطشي :)

لك اعذب تحيه

[عيناوي]

عيناوي .. حياك الله يالغالي








الضاهر تحليلك يحتاج لتحليل :D























ههههههههههههه

يا غالي

مقصدي واضح ولا فيه غموض

بيني وبينك محتاج تركز شوي وتتأمل الي ذكرته

يبدو انك قريته على عجل



على كلٍ..



هذي نقطه حساسه جدا يغفل عنها اكثرية المصورين

هي

المعرفه ثم الإدراك

بلغة ابسط

النظر ثم الإستيعاب



يعني تشوف الشي وبعد اجزاء بسيطه من الثانيه (بهالفتره يتم نقل هذه الاشارات البصريه للعقل وترجمتها)تستوعب الي شفت





لكن احنا في مجال التصوير الضوئي يجب علينا تلافي عدم الادراك التلقائي



و من وجهة نظري بخصوص صورتك

انا شفتها ولكن استصعب علي من اول نظره اعرف اذا الورده الوسطى هي جزء من الورده الخلفيه او لا

يمكن تقول غلطان وجدا واضح انها ورده مستقله وانا اقول ..لك حق تقول كذا

ليه؟

لانك كنت موجود عند هالثلاث ورود لحظه تصويرها وشاهدتها بأبعادها الطبيعيه ومن زوايا متعدده

هنا ندخل في قاعدة آخرى الي هي:

منظور الناظر

وعكسه

منظور صاحب العدسه

احس انك بتقول تبي تكحلها يا عيناوي واعميتها

ههههههههههه





بطبيعة الحال التصوير لا يقتصر على العدسه وابعاد الصوره وملاحظات الاخوان

يوجد امور بين الافاق يجهلها الكثير للاسف

وانا في حال تفرغت بارتب هالنقاط الي اعرفها واعرضها لكم ان شاء الله



عساك استوعبت شي يا غالي

واذا سردي واسلوبي غريب قل لي

لان هالموقف يتكرر معي كثير

كثير يقولون لي اسلوبك جدا صعب وغامق ومحتاج فك رموز

وهذي مشكله بحد ذاتها للاسف:(







فالك ما يخيب ان شاء الله

:)

[الوشاح]

عيناوي لاتتضايق ولا تتألم اعتقد الخلل بالطالب وليس المعلم :D

الزهره الوسطيه اساس المشكله


توني انتبهت للنقطه هذي





بطبيعة الحال التصوير لا يقتصر على العدسه وابعاد الصوره وملاحظات الاخوان
يوجد امور بين الافاق يجهلها الكثير للاسف



وأنا احدهم .. حنا مجرد هوات مبدتأين


التصوير بحر بدون شاطئ........الف شكر عزيزي عيناوي

تحيتي لكـ

:)

[محمد الجويسر]

رائع جدار ولا تحرمنا من الجديد

[عيناوي]

عيناوي لاتتضايق ولا تتألم اعتقد الخلل بالطالب وليس المعلم

افا !!
وش هالحتسي وانا اخوك
انت ما بك شي..لا توسوس
هههههههههه

انا اعترف
والاعتراف بالحق فضيله
اسلوبي غير واضح في اعطاء الملاحظات والنقد
محسوبك يحب كلامه يكون منمق شوي
لكن يبدو ان اسلوبي هذا استصعب على الكثير
وانت مو اول واحد ما يفهمني على طول
عانيت من هالشغله مده طويله
حتى مع اهلي وربعي
دايم يقولون ترجم لو سمحت ههههه
مشكله والله
لكن باحاول قد ما اقدر اسهل عليكم الحتسي

فالك ما يخيب يا بعدي
:)