شوركم ياهل الخبرة والتجربة ..شخص مقبل عل شراء موتر ..هايلكس ×دمكس

[إعصار]

بسم الله الرحمن الرحيم












ياجماعة الخير ...









انا رجال شاري خلال ذا الاسبوع بأذن الي ماتنام عينه باشتري سيارة ....










انا رجال احترت بين موترين













السوزو <الدمكس > ولا × الهايلكس










للمعلومية






اذا خذيت سوزو باخذ دفرنسين اما الهايلكس دفرنس واحد







نصايحكم ياهل الخبرة ..






التحمل.. العزم.. قطع الغيار اي شي مهم بالنسبة لي






اخوكم مقبل على شراء السيارة






ويبغى فزعتكم بالراي السديد ...












اخوكم : ابوسعود

[مفطح]

تبغى بنزين وألا ديزل ؟؟؟

[شـهـاب]

والله انا معي هايلوكس وماعليها


واذا انت راعي طلعات وروحات وجيات لا تاخذ الشكل الجديد خذ من 2005 وتحت


والديماكس كثير يمدحه

واظن قبل مده ابوحمود 4*4 ايسوزو

نزل موضوع مقارنه

بامكانك تبحث عنه بالمنتدى موضوع جميل

[إعصار]

مفطح ..
بالنسبة لسوزو ( الدمكس ) مافيه الا ديزل ..

اما الهايلكس بنزين ..

شهاب

كم موديل موترك ؟

مشكور على الافادة

بابحث وربك يسر ,,

[إعصار]

نتظر اراء الجميع ..

اخوكم : ابو سعود ..

[.أبوعبدالرحمن]

اذا تقدر تاخذ هايلكس دفرنسين فهو والله بطل على ما يقولون وهو يأتي بالدرجة الاولى اذا كان بنزين وفي الدرجة الثانية الدمكس الدفرنسين والدرجة الثالثة الهايلكس الدفرنس واحد بنزين




ويا اخوي اعصار اذا بتاخذ هايلكس دفرنسين فهو احسن من الدمكس على حد علمي لان الدبل حق الدمكس زر والهايلكس قير والله اعلم


وفيه منهو افهم مني لعلنا نستفيد منهم


ولا تنسى الاستخارة

[التختور]

خذ العلم
الديمكس لديه مشكلة في الدفرنس وقط الغيار ليست بتلك الوفرة وغالية في نفس الوقت واذا احتجت لشي منها تحتاج لشراء اشياء اخرى لا تحتاج لها لانها تجي بشكل مركب بعضه في بعض

اما التويوتا الجديد فا يا اخي استحقره اذا شفته ..... واقول ( حسبي الله علي غيروك وفسدو اخلاقك )

هو انت ملزوم بالصندوق ........ اذا كان لا فوسع على نفسك بخيارات اخرى

[العطة]

اخوي إعصار

جربت السوزو الجديد 2007

ابوعبدالاله

[MAX_502]

http://www.mekshat.com/vb/showthread.php?t=36054 (http://www.mekshat.com/vb/showthread.php?t=36054) هالرابط بفيدك بالحيل

[abo naser 21]

خذ لك هايولكس دفرنسين ......
فهي أفضل بلا شك ..

[شبح الصحراء]

ارشح الهايلوكس ولكن دفرنسين لا تاخذ دفرنس واحد كانك راعي بر وكشتات بس لاحظ انه العزم في النفود ما يقارن بالجيب أبداً وكثير من الناس تجرب الجيوب وتنصدم اذا جربت الهايلوكس الدفرنسين فهم يقارنون العزم مع الجيب مع ان الهايلوكس 4 سيلندر بس وكثر الله خيرها والله تطلع مطاليع صعبة ما يطلع لها إلا القوي من الجيوب ولكن تحتاج مهارة وتفنن في القيادة .

أما الديماكس فلا ارشحه أبداً لأن الناس طاحت فيه يوم البنزين كان غالي وميزته الوحيده انه إقتصادي بس الحين الحمد لله البنزين صار رخيص (الله يخلي ابو متعب) فلا تتوهق بديماكس لأن عزمه في الخطوط ردئ وقطع غياره نار وصيانته اصعب من الهايلوكس .

[الربذي]

بسم الله هلا وغلى بالغالي اعصار ((الله يكفينا شره ) زميل جديدا ترا كلا يفتي بالي يحب يعني بعضهم تايوتي وبعضهم نيساني وبعضهم ديمكسي !!
لكن مجرد تذكير ترا النيسان الدفرنسين حلو خصوصا 2007 حتى رفارفه صارت بيضا ورزه صح زين وقطعه بكل مكان ورخيص
لكن التايلندي الهلي غالي جدا وايضا غير مريح وغير امن ولو تضربك حصاة والا شي من تحت لان الشيال نازل مره وبدون حامي
اما الديمكس فهو مريح واقتصادي بس ثقيل شوي الا 3000 سي سي لكن جديد غالي والمستعمل ماتدري عنه وبعدين زر يمكن معك صغير وانت تمشي بالطريق 150او ستين والا ويشبك الدبل تخيل لان وضعه ومكانه غير مناسب لو حطوه بين الدركسون والباب شي وبعدين الديزل غثيث وزيته غير شكل وفيه فلتر مدري وش اسمه لازم تغيره كل ثلاثه شهور وغالي وايضا ومروح ماعليش على هذة الكلمة دخلته عندي بكراج البيت وهو مو للي للعمل وتركته شغال كلن سد خشمه وكام وع وع حتى بنيتي الزغروطه لان رائحته كريهه وايضا مضر مره مره كان اول لغلا البانزين اما الحين مو مغري ابدا ابدا
لكن اذا انك راعي بر وكشتات لاتاخذ الا دفرنسين والا غاوي كل شوي مغرس ولا متعاق ولا وقت الامطار خافس بالطين وركب فرارات ترا يخف ويق صوته شوي واذا انك حار وتبي موتر خفيف ويجيب بالطريق سرعه فلا تاخذ 4 سلندر الا اذا انك هادي وممشاك 120او 130 فهو مناسب ولا اوصيبالسرعه ياما وياما دفنى وبكينا دموع وسهرنا من لوعت الحوادث بسبب السرعه
لكن ارى ان تسوي جدول وتكتب فيه مايلي 1-الصيانه -2 رغبة الناس 3- الاعطال 4-مدى توفر قطع الغيار -5 الراحه والسرعه والقوه والعزم وافقى تكتب السيارات اسماهن
وادرجات من 1الى خمسه طبعا فوق تكتب الهاي لكس الديامكس الددسن ومر على متسوبيش عندهم سياره شكله حلو مره وجربت سواقته راكده مره مره وخفيفه اسمها ال 200
وسو اختبار و اي سياره تاخذ علامات اكثر تشتريها طبعا هذا الجدول يسووه الاجانب حتى في شراء الارض وغيره من الامور ولا حنا دق سلف وامش
وقبل مر على الموضوعات المميزه في هذة الخيمه تجد لاخونا الغالي ازيزة 4*4 موضوع عن المقارنه
ومبرك مقدما
بس ماقلت تبي سكند هاند ولا براند نيو مستعمل ولا جديد
والله يكتب الي فيه خير
ارشح ددسن والا ديمكس الهلي غالي وسريع الانقلاب كم حادث انقلاب صار وخصوصا دفرنسين وخرب عليهم طلعتهم وناستهم
مره انقلبت هلي قدام واحد وكان جو مطر وناسه طبعا تنثرت فرشهم وحوستهم بس ماجاهم شي هم قدامه يمشون جلد بر
وغير كذا معروفه تويوتا عموما بالروغان في الجلد والنفود

[شبح الصحراء]

الربذي هداك الله تراك بالغت بمسألة روغان الهايلوكس وانا اشوف ان الناس بالغت بموضوع عدم رساوة الهايلوكسات مع ان السبب الرئيسي في هذه النظرة السيئة هو خطأ تصنيعي في فرامل الهايلوكسات موديلات 89 إلى 94 حيث انه ومع الإستخدام كانت الفرامل لا تمسك كلها عند الضغط على دواسة الفرامل فتعرضت العديد من الهايلوكسات للإنحراف والإنقلاب ولكن تويوتا صححت الخطأ التصنيعي من زمان .

[شـهـاب]

مفطح ..
بالنسبة لسوزو ( الدمكس ) مافيه الا ديزل ..

اما الهايلكس بنزين ..

شهاب

كم موديل موترك ؟

مشكور على الافادة

بابحث وربك يسر ,,

مديل موتري 2003


وشوف الرابط الي في رد الاخ ماكس


هو الموضوع الي قلت لك عنه

انا بحثت عنه عجزت لا القاه


لكن الحمد لله جابوه الرجال

[إعصار]

ابوعبدالرحمن الصفيان ,,

الله يعافيك ويكثر من امثالك ..

ذكرتنا بالاستخارة

[إعصار]

التختور

مشكور على النصيحة ..

وصادق انت التويوتا مافيه مثله ..

الله يسعدك ,,

[إعصار]

العطة
لا والله ماجربته ,,

حياك ربي ..

[إعصار]

MAX_502

مشكور على تواضعك ووضعك الرابط ..

تحياتي ..

[إعصار]

abo naser 21

مشكور على النصيحة ..

تحياتي ..

[إعصار]

شبح الصحراء

صادق الدفرنسين مافيه مثله ..

دعواتك ..

[رحال الأندلس]

نصحيه لا تأخذ إلا دفرنسين إذا كنت تبي بنزين خذ هايلكس وإذا كنت تبي ديزل خذ ديماكس وبس ، وإذا أخت ديماكس لا تفكر بالبيع لا أنه يطيح سعره وشكرا

[إعصار]

الربذي

كلامك كثير وفوائدك اكثر ..

اعجبتني فكرة الجدول ..

مشكور يالغالي ..

[إعصار]

شهاب
يالنشمي ماقصرت واتعبانك معنى ,,

الله يوفقك ..

[إعصار]

رحال الاندلس ..

ماشاء الله علليك قصرتها وجبت الزبدة ..

تحياتي ..

[ولد عنيزة]

السلام عليكم
اما مابي اطول بالكلام الهيلوكس زينه بس غاليه الغماره ب70 الف هبال هو
والسوزو زينه مامثله كانك تبي تاخذ دفرنسين وانا اقول خذ بنزين اقوى وانشط

[الضاحي]

اخوي اعصار

السلام عليكم

اولا: اسأل الله ان يدلك على سبيل الخير

ثانيا: انا جربت السيارتين ورأيي كالتالي:

الهايلكس: 2006 و 2007 : واسع من الداخل وصندوق واسع (اوسع من الموديلات الاولى)، عزم قوي وتسارع قوي (البنزين طبعا)
مرغوب، شركة عريقة، يتحمل، قطع غيار متوفرة في كل مكان وبأسعار مقبولة، سهل الصيانة،يمسك سعره
وزن السيارة اقل من وزن الأسوزو الدبل بحوالي 100 كجم، يشيل حمولة اثقل من الآسوزو بـ 100 كجم تقريبا، يجي فيه ايرباقات امامية وفرامل مانعة للانغلاق (الفل كامل)، الدبل قير ارضي.

الهايلكس الديزل: انحش عنه لأنه ضعيف بس انه اقتصادي بالديزل.

الأسوزو: 2006 ديزل تربو: مريح اكثر من الهايلوكس الدبل، وذف وخفيف نفس، راسي في الخط، شكله اجمل، يجي فيه ايرباقات امامية وفرامل مانعة للانغلاق (الفل كامل)، صوت المكينة مرتفع شوي لأنه ديزل، خفيف في الطعوس، الدبل زرار (كهرباء) بس عملي، في المدينة الاسوزو اوذف لأنه اقل ارتفاع من الهايلوكس الدبل بس الصوت شوي مرتفع بالذات اذا السيارة باردة، قطع الغيار ليست متوفرة بكثرة قطع غيار الهايلوكس ولكنها موجودة في العديد من الاماكن.

كلا السيارتين ممتازة وما ذكر اعلاه يعبر عن رأيي الشخصي.

تحياتي

[فتيان صلالة]

يكفي الديماكس 2007 الدفعة الثانية طبلونه 220كم


هذا غير التحسينات الى حصلت من الداخل والخارج

[إعصار]

الضاحي ...


مشكور على النصايح القيمة ..

[إعصار]

فتيان صلالة ,,

اضافة قيمة ,,

[إعصار]

http://www.mekshat.com/vb/showthread.php?t=78089


زورنا على ذا الرابط

[الدحبول]

انصحك بالهيلوكس دبل (ممتاز وعلى كيفك ) بــــــــــــــــزيــــــــــــــــــــن باترول

منافسية :
فورد رنجر دبل , دتسن دبل , إيسوزو ديمكس ,

[بادي العتيبي]

اقول والله اني جربت الهايلكس 2007 في شعيب الرمحيه وفي الشعيب دروب عسره وقطعته الهلي ولا انهزت

[بواردي الدلم]

مع احترامي لك وللاخوان المشاركين
مايبيلها نشده مطوع
الهايلوكس هو الاول حتى لو كان غالي لاتنسى انه شيك لو بغيت تبيعه قيمته فيه هذي نقطه الشي الثاني قطع غياره ماهيب غاليه مثل الدمكس اللي وكيله الله يهديه مسوي استفتاء عن الحوادث ومغلي القطع اللي تتعرض لاكثر نسبه حوادث ( طبعا هو مسوي الاستفتاء على مستوى جميع السيارات ) واذا تبي تتاكد اسئل عن الاصطب الايمن بكم والايسر بكم
وعلى العموم قطعه غاليه بشكل عام وقيمته تطيح مقارنه بالهللي