المساعد الشخصي الرقمي

مشاهدة النسخة كاملة : ابغى دعامة وهوك باث فيندر


ابوتركي 540
08/03/2007, 11:48 PM
السلامة عليكم ورحمة الله ........
مساكم الله بالخير ياجماعة الربع ........
الله لا يهينكم ابي احد مركب دعامية وهوك باث فيندر يدلني وين مكان الورشه
ابغى بالقصيم ولكم جزيل الشكر .......
:d
ابوتركي 540
09/03/2007, 01:57 PM
ردو علي ياجماعه ........
بدوي جنوبي
09/03/2007, 09:18 PM
اصبر يا ابو تركي الناس كاشته خميس وجمعه

تحياتي
ابوتركي 540
10/03/2007, 06:02 PM
ان شاء الله ابصبر يابعدي .
1500
10/03/2007, 09:59 PM
والله مادري لو اني ادري من عيوني
بالرياض فيه المميز
ابوتركي 540
10/03/2007, 11:40 PM
تسلم عيونك ياغالي
طيب ممكن مكان المميز بالرياض
لو كلفتك .
ابوتركي 540
13/03/2007, 11:25 PM
اخوي ابو ساره صندوق الرسائل عندك فل !!؟
ابوالجميع
14/03/2007, 08:46 AM
طلبك تجده عندالسليماني في شارع الغرابي
ق ص ك
14/03/2007, 08:51 PM
المميز هذا رقمه0504457189
بس قله ماصورتين اوذف من ثلاث مواصير
الدبوس
15/03/2007, 07:12 AM
إلا على طاري الدعامية . . ممكن الإفادة عن مكان تركيب دعامية مثل اللي على السيارات الأمنية (المرور - الشرطة - أمن الطرق - المجاهدين) السيارات الجديدة وليست القديمة فملاحظ عليها الشكل الأنيق والقوة والصلابه . فمن يعرف مكان بيعها وتركيبها بالرياض .
الحقيقة السيارات الجديدة ماتزبن ، صدامات فيبر وحديد هش مثل البسكوت ولا عاد به مسافة بين الصدام الأمامي والسواق مثل سيارة الكابرس 76 (الستاوي) وإلا جموس وشفرات السبعينات ، واللي أدها وامر أن سرعة السيارات الجديدة تجاوزت (400كلم في الساعة) نصف سرعة الطيارة .
أحياناً يصير قدامك سيارة متعطله خاصة في شوارع الرياض وإلا طافيه في المطر وصعبة تنزل في المويه تسحبه من قدام وبتسوي خير تفهقه عن درب المسلمين يمين ولكن الصدام ردي فيبر وإلا تتمخش البوية .
والحامي والحافظ الله
دغيم1
15/03/2007, 07:56 AM
السلام عليكم

بالنسبة لتركيب الإضافات على السيارات : الرياض

1) المميز - صناعية العويضة . الشارع المقابل لورشة المواهب باتجاه الجنوب .
2) المواهب : صناعية العويضة الشارع الرئيسي .
3) زاكي : صناعية العويضة - الشارع الرئيسي .
4) السليماني - الغرابي - الجهه الشمالية الششرقية .
5) العليان : الغرابي - بالقرب من السليماني .
تقبلوا تحياتي - دغيم 1
الربذي
15/03/2007, 08:17 AM
انا ادور مثلك يجي استعمال مع الاستعمال الامريكي باث طبعا وراء هوك رائع جدا جدا وتقدر تستعمله للسحب وايضا لتركيب السله الخلفيه ياهي مفيده جدا جدا جدا احسن من التربيط فوق بس على اعصابك ويثقل السياره لانه مرتفع مقاومه الهواء تصير قويه وايضا تاخذ وقت بالتربيط والحوسه
لكن وراء ياسلام
الربذي
15/03/2007, 08:32 AM
وعليكم السلام (السلامه) اخوي الامير


ياعيني على الاحترام ولادب ياالدبوس اللي تبي تلقاه من الناس اذا ركبت مثل دعامات المرور او الشرطه تدري لي
يحسبوك المرور السري !!! ربعنا مايمشون للا بالطق ياحليلهم اذا شافوا المرور واذا اختفى تقول هذولا مرجج !! يعني مستهترين مره وفيه محترمين طبعا لااعمم ولا يمكن تلقى تفتيش وفيه بعض الناس اللي مايتفاهم غير قابل للمط يقول انت مزور اول نحب سنك !!المرور السري واثرك يالسرمادي مزور في سياره حكوميه !! رقعه عاد فعلا خربت السيارات حتى ابو شنب صار ابو بلاستك
الله يايام الحديدي والكابرس التسعاوي مدري السبعاوي مره صدم مازدا من الخلف هي راحت وطي وهو تحلف انه ماجاه شي قوي صدانه على زنبرك اضن يدخل ويطلع شي شي الحل هو مثل صدامات المرور والشرطه ويختلط الحابل بالنابل وماتعرف وين المرور السري من المواطن المسالم احسن ترا تقل قطع الاشارات فيه ميزه ركبو ياشباب ركبووو
الدبوس
15/03/2007, 08:51 AM
الربذي : لا وما أدرك لو يدرون أن رمزي (الدبوس) لكن أبشرك كل شيء عندي نظامي ولانيب مرجوج (واحد يمدح نفسه) ، الحقيقة الزبالة (الله يكرم الجميع) هالي يحطونها في وجيه السيارات ماتسمى دعاميه (النيكل) هم يحطونها زينه وهي والله تشوه السيارة وخساره وثقل على السيارة .
وش رأيك عاد لصار جيب بع ودعامية اللي في البال ، وبواري هواء (باخره) بس باقي سكين شيول هم تشوف الناس يختبصون ليا صرت وراهم .
ابوتركي 540
15/03/2007, 02:38 PM
اشكركم على المرور يا شباب .....
جذع غضى
16/03/2007, 04:03 AM
تسلملي يابو تركي فيه واحد بعنيزه يفصله الي يشوفه يحسبه شد بلد قيمة 500 ريال مع التركيب تقريبا وهذا رقمه 0505138597 ابو علي
ابوتركي 540
16/03/2007, 02:24 PM
الله لا يهينك كلفت عليك يابعدي ....
برادو
17/03/2007, 09:42 AM
بعد أذن صاحب الموضوع
أنا عندي دعاميه ستيل ابي اركبها على البرادو بس ابي لها قاعده ممتازه لأنه بدونها الدعاميه مالها داعي وتعدم الموتر اذا ماركبت عدل ممكن تدلوني على احد بالشرقيه يفصل هالقواعد
ابوتركي 540
17/03/2007, 11:48 PM
خذ راحتك ....
خ الفياض
21/03/2007, 02:52 PM
تجدها عند الجاز
جواله 0555223390
انا شريت السياره وعليها دعاميه زي حقت المرور شكلها روعه
وهذا اشتكر مكتوب فيه الرقم
بس ودي اركب هوك خلفي مع العلم ان سيارتي استبنه معلقه كيف
راعي الهـــدد
21/03/2007, 03:04 PM
نصيحة اخ محب لك

رح لورشة المواهب بالرياض

وستجد كل ابداع واختراع وافكار

والي تبيه بتلقاه عندهم وبأشكال وأنواع على كيف كيفك

انا معاملهم وشغلهم فوق الخيال

يكفيك ياخوي اخلاق وتعامل ابو خالد صاحب المحل الله يجزاه خير

نعم الرجل ونعم العمالة عمالته

انا ارى انهم افضل ناس بالرياض يصلحون تجهيزات البر من توانك او دعاميات او سلات او قواعد اريل

اذا تبي ارقامهم لامانع لدي

شكرا لك
الدبوس
24/03/2007, 10:24 PM
راعي الهدد . . وصف لنا المكان بالتحديد .