خساير في خساير والنتيجه مافيه

[j w a l]

ياجماعه ابقولكم سالفتي











قبل فتره طلع صوت عندي في الجهه الخلفيه (طقطفه ) سيارتيجيب جي اكس 95







ورحت ابي اشوف وش السالفه لاني ما احب الاصوات في السيارهمن باب الحرص







رحت لميزان المجد وقالو دخلها على الحفره نبي نشيك لك عليها







المهم دخلتها الحفره ودخل تحتها باكستاني واخذ معه ماصورهوقعد يطقطق في هالاذرعه ويفرفر الكفر المهم النتيجه كانت التالي :



1- مسامسر الذ راع (الدركسون) الخلفي يبيلها كبس على قولته



2- االهوبات الاماميه والخلفيه جميعها يبيلها خرط



3-الشدادات الخلفيه (شدادات الذراع) اللي فوق الدفرنس يبيلها تغيير



4- الفحمات الاماميه فيها النصف ولا تحتاج تغيير وكذلكالقماشات الخلفيه



5- عندك فضاوه في الرمان الامامي الايمن في الهوب



شغل اليد من غير القطع 700 ريال كان اللي ماسك الاشراف علىالمركز سوداني ولبناني



المهم بعد التفاوض اتفقنا على 600 ريال







القطع قالوا ماتحتاج شي







المهم اشتغلو ولما خلصوا قالوا سيارتك جاهزه



طلعت من عندهم وانا مبسوط ولما طلعت ورحت على السياره واتضحالتالي :



1- الطقطقه اللي مدخل السياره على حسابها كماهي مازالتموجوده



2- الفحمات طلعت صوت



3- الدركسون طلع فيه فضاوه مع الخط السريع تروع







رجعت لهم وقالوا ماعندك مشكله الصوت اللي في الحمات يروح معالوقت علشان الهوب مخروط جديد والفضاوه قالوا ماعندك فضاوه



اما الطقطقه ماعرفوا لها



رحت واخذت لي يوم كامل وصوت الصفير الامامي مع مسكة الفراملمازال باقي ورجعت لهم وقابلت اللبناني وقال لازم تغير الفحمه قلت له طيب انتم اولتقولون فيها النصف قال بس الفحمه عندك مجيمه غيرها جديده قلت غيروها حيل الله اقوىجابوها هم وغيروها







تدرون عاد وش صوت الطقطه اللي انا جاي على حسابه (طلع صوت الياي الاسترالي اللي انا مغيره لما يحمل الموتر تحتك اللفات مع بعضها )











المهم طلعت ورحت خميس وجمعه وتمشيت (فضاوة الدركسون مازالت باقيه ) وسمعت صوت في الكفرالايسر قرقعه قويه شكلها في الفحمه تلعب ونزلت تحت الموتر ابي اشوف وش السالفه شفتلي سلك لونه برتقالي مربوط باليد في الفحمه







المهم انتضرت السبت وانا على احر من الجمر ورحت لهم وقلتلهمعلى السالفه قالوا ماعليك







قالوا خل الفني يطلع معك وركبت مع هالباكستاني وراحلفلف بي على طريق سكة الحديد اللي بجنبهم قلت اطلع بر علشان تسمع الصوت المهم ماطلع دور على مطبات صغيره ماتطلع شي







رجع لهم وقال الموتر كويس







قالوا سيارتك مافيها شي بس خله يكشف لك على الفحمه فكوا الكفر وطلع الفحمه وطلع الحدايد اللي عليها وقال الحين جرب ورحت اجرب وطلع الصوت اكثر ورجعت لهم وقالوا نبي نرجعها لك ونحط سليكون بين الحدايد وبين الفحمه علشان الصوت قلت يالله







المهم طلعت من عندهم وانا مقهور وقال لي واحد من الشباب كلم على مديرهم اسمه اتوقع عبدالحكيم المهم دقيت عليه جواله محوله موجود وارسلت له كذا رساله ماجاني رد







من بكره رحت لورشه حولنا وقلت لهم على فضاوة الدركسون فحص الفني الذراع قال هذا مكبوس بقوه ولا يتحرك وهذا خطر لازم تغير المسمارين اللي في راس الذراع يمين ويسار



القطع مع شغل اليد (330 ريال الله لايخسر)







طلعت وجربت السياره الحمد الله الفضاوه راحت بنسبة 90%







انا لي الآن من الصيانه 12 يوم وصوت القرقعه اللي في الفحمه مازال باقي وكذلك الفحمات صوتها قام يزيد (الصفير )











حسبي الله ونعم الوكيل عليهم







وش رايكم ياجماعه اللي عنده خبره لايخلينا

[خيال الغلبا]

يااخي المشكلة اننا ننخدع بالدعاية الإعلامية مثل لوحات الورشة الكبيرة

يااخي اكثر عمال ورش الصناعية لايعرفون شيئا

هم في بلدانهم اصلا لايوجد لديهم مراكز تأهيل وتدريب ...

بل لم يعرفوا السيارات الا بعد قدومهم وتعبثهم في سياراتنا بل دراجات ناريه وركشات دبابات وسياكل

والدليل على ذلك ان لي اكثر من عشرين سنة لم اجد عامل يصلح خلل عن طريق الإصلاح ...فهو يتوقع الخلل في قطعة فيطلب منك قطعة جديدة ويرمي قطعة الوكالة التي يمكن اصلاحها ...فا ن نجح توقعه والا توقع قطعة ثانية وطلبها وهكذا لدرجة انه قد يغير اربع او خمس قطع ولم يضع يده على الخلل الحقيقي

يااخوان افضل طريقة انك تسأل من حولك من الزملاء والأقارب عن الخلل المتوقع بعد ان تصف لهم المشكلة

اما الصناعية فقل عليها السلام وانا لاافكر فيها

بعض الأحيان قد توفق في فلبيني متقن ... بعض الأحيان

اما الورشة المذكورة ميزان المجد فلايتميزون بأي شيء وانا وقعت في مشكلة مماثلة معهم قبل اجازة الربيع وخسروني اكثر من الف واربعمائة ريل ... والنتيجة لاشيء

[j w a l]

هلابك خيال الغلبا
فعلا والله كلامك سليم

ومانقول الا حسبنا الله ونعم الوكيل

[عرق رملان]

قل آمين ... الله يرحم والديك عن النار
طبعا هذا شي طبيعي من بعض اصحاب الورش .. اذا ما أتقن شغلته بداء يصرف ويشوف اعذار واهية.
المشكله من بعد تصليحاتهم والمشاكل طالعة بسيارة ...
انا عارف انا يسعوديين طيبيين بزيادة الى حد السذاجة ( وسمحلي بهتعبير )
المهم اذا انت واثق من كلامك ( ولا راح تظلمهم بشي )
الله لا يهينك صبح بكره قسم الشرطة في الصناعية وراح ينصفونك حقك .
وعلى فكره فيه قصة صايره لولد اخوي مع ورشة بالصناعية مقاربة لقصتك ولا ردة لا المحكمة المستعجلة وحضرو راعي الورشة والمهندس عشان قضيته ( والقصة طويلة والأن مشغول )
خلاصة الموضوع منتاب خسران شي ازرق للقسم الشرطة في الصناعية وعطهم سالفتك وراح ان شاء الله تاخذ حقك .
وارجع وقولك الظلم شين انتبه ونا خوك

[j w a l]

اول مشاركه هلابك اخوي
من ناحية الظلم لا والله ماني ظالمهم وانهم يستاهلون ان الواحد يشتكيهم

بس انا خبري بالشكوى في شي كبير

واذاكانت الشرطه بتنصفني والله رحت لهم وانا ماهمتني الفلوس انا دافع مبلغ كبير ابي اريح راسي ولو ابي اي ورشه شرط ماتتعدى 250 ريال
بس اخاف اروح للشرطه ويصير ماعندهم سالفه كالعاده

اشكرك اخوي

[nassir]

شف يالطيب

الباكستاني والمصري والبنقالي لايقربون سيارتك حتى بغيار الزيت


والله انا صار معي صوت وسايرتي فورد وجيت الورشه الاولى ويطلع معي الفني باكستاني قال رفيق هذا دفرنس

وقلت ماهو معقول السياره جديده نزلته ورحت لجاره ونفس كلامه وقلت بمر اخر ورشه واشوف وش بيقول

اذا طابق لقول ربعه مافيه الا الوكاله وكان الفني هندي ركب معي وشويه ويضحك قال انا بسوق وبس دوبه

حرك السياره وقف وقالي روح غير الكفر الايمن الخلفي الصراحه تفاجئت بكلامه ولكنه اقنعني ..

وروح اقرب بنشري وبدل بلاسبير وصار صادق والله رجعت وشكرته .......

[j w a l]

المشكله حنا ماذبحنا الا هالدعيات للمحلات

ولما توديهم سيارتك ماتلقى الا البلاوي

اكل فلوس ونصب عيني عينك والمشكله انت ماتقدر تقول لهم شي تبيهم يسوون سيارتك وتخلص لايجيبون لك خراب ثاني

الله المستعان بس ويفكنا من هالاحتيال

مشكور اخوي ناصر

[j w a l]

لابارك الله في المجد وميزانه البارح رحت لهم وصنفروا الفحمه والهوب اليسار وقالوا خلاص هالحين كويس
وطلعت من عندهم طلع الصوت في الفحمه الليمين

حسبنا الله ونعم الوكيل

[خيال الغلبا]

المجد ....جربتهم اكثر من خمس مرات ولم اخرج منهم راضيا ابدا

[اسهيل]

كلام الاخوه صحيح حنا ننخدع بدعايات لكن ؟
الواحد مايصير موسوس وانا عند قاعده ياخوان اذا الحراره مارتفعت او لمبت الزيت ماولعت لا تاقف ولا توسوس
الا شي قوي عاد وهاذي قاعدتي في السيارة القديمه والجديده عاد ماعمره ولعة النبه ولا حتمت واذا بغيت تسافر هك الحين شيك عليها
وذا بغيت مكانيك زين رح لم ورشت كل شي جديد على شارع الاربيعن الصناعية القديمه اسمه صالح اصلع وترى فيه واحد اسمر اسمه صالح ترى مهب هو .

[j w a l]

اخوي خيال الغلبا

هذا الليلى ضحك على الذقون

اخوياسهيل

الدعوى ماهي وسوسه انا من النوع اللي ما احب صوت في السياره وتعرف الواحد يمكن يقنص ويروح في اي وقت ولازميكون موتره جاهز

وانا يا اخوان يوم قلتلكمالسالفه ترى والله ابي الاخوان ياخذوا حذرهم من هالورش اللي مافالح فيها الالوحاتها وخساره عليهم بعد



كذلك ابي الاخوان يستفيدونمن تجربتي علشان ماتتكرر معهم انا خلاص وقع الفاس بالراس



انا صراحه امس رحت لهم وذبيتعليهم كلام واجد وقلت لهم انتم خسرتوني وبهذلتوني ولو ان شغلكم اللي اشتغلتوه منتكرار الفك والتركيب في سيارات ثانيه كان استفدتوا ان كان ماعندكم سالفه رجعوا ليفلوسي خلوني اروح لورشه ثانيه ابرك منكم



قال لا ماتروح الا راضيوتدرون عاد وش طلعنا به في الاخير قالوا ان الفحمات اللي جبناها فيها رايش حديدلونه اصفريخرب الهوب



انتبهوا تراه يخرب الفحمه والهوب ويقولون انه وكاله وقلتك لهم من وين شريتوه قالوا من المحل اللي مقابل لنا



ورحت للمحل وقال هذا وكالهقلت الاخوان اخذينه منك ويقولون تجاري قال حنا عارفين الرايش اللي فيه وكلمناالوكيل عبداللطيف وقال هذا اصلي والله غش تجاري عيني عينك



المهم قاللي السوداني (ياسين)روح للضحيان عندهم قطع اصليه قلت والفحمه اللي بجيبها من يتحملها طبعا الفحمه اللي يقولون تجاريه هم جايبينها على حسابي قال انت حسبيالله ونعم الوكيل قلت طيب هذي جايبينها انتم قبل 5 ايام ومركبينها وتقولون اصليهالمهم ماطلعت بنتيجه ولاحبيت ادوش راسي



رحت للضحيان وجاب لي نفساللي ركبتها قبل وفيها قطع حديد قلت لهم مابي هذي ماهي اصليه قال هذا الوكاله ويومجيت ابي اطلع قال تعال فيه وحده بس انها غاليه بس ممتازه قلت بكم قال 125 واللي اناشاريها قبل 75 قلت كويسه قال نعم بس في المحل الثاني المهم عطاني رقمها وقبل مااروح له رحت للنهدي قلت خلني اشيك ماعاد فيه ثقه رحت للنهدي وطلع لي نفس اللي فيهاحديد قلت لا هذا ماهي اصليه قال الا وكاله

المهم طلعت من عنده ورحتشريت اللي بـ 125 ولونها اخضر ورحت لهم وركبوها وراحو وخرطوا الهوب مره ثانيه حسبيالله عليهم وهم خارطيبنه قبل 10 ايام



ياجماعه انتبهوا حتى منالقطع

[البركة]

الله يعينك يااخوي

ونصيحة لأي واحد يبي يصلح مشكلة عنده بالسيارة مثل الصوت اذا راح لم راعين الميزان يخليهم يصلحون الصوت بس وإذا قالوا له سيارتك تحتاج كذا وكذا ويطلعون لك خرابات الدنيا قل لهم انا ابصلح المشكلة هذي وبس وماعليكم من الباقي
أصلاً أول ماتدخل عليهم بالسيارة يقولون لك نبي نفحصه لك مجاناً
مهوب لوجه الله ولكن يبي ينفض اللي بمخباتك

[الرهدن]

السلام عليكم 00

إذا بغيتوا شغل عدل وذمة رح للورشة اللي فيها سعودي يشتغل بيديه ويشرف على العمال إشراف مباشر ماهوب جالس في مكتب وماغير يدربي راسه ومايدري وش الطبخة ويبي فلوس وبس00
لأنه يهمه سمعت ورشته أكثر من غيره00
والدليل إن المناطق غير اللي بالمدن الكبيرة( بريدة والزلفي مثلآ ) مايشتكون مثلنا لأن أصحابها بداخل الورش مع العمال ولاتفرقه من العمال00

.