خزان بنزين للوانيت

[ولد روضة سدير]

السلام عليكم ......علومكم اخباركم .....عندي وانيت جمس 79 وابغي اركبله خزان بنزين
يعني مو بكبير بس يوفي الغرض ...يكون بالحوض اول شي تحت القزاز كم يكلف تقريبا .
...مو بكبير يعني من اليمين الى اليسار ولي حد الحوض من فوق ..................
ولكم اجمل تحياتي ..........................79

[الخبير]

السلام عليكم ور حمة الله وبركاته
طبعاً يالحبيب يعتمد على المقاسات في المقام الأول.
وش نوع الحديد انت تبي تحطه ستيل ولا حديد عادي؟
انا شخصياً مركب حديد و ماشي معي تمام التمام ، لكن بعض الشباب قالوا انه يصدي ، انا مركبه لي الآن سنتين و ماشفت فيه عيب أبد و لله الحمد.
على ما اعتقد انك لو تركب ستيل يبي يكلفك بي ال 1000 إلى 1200 ريال. و هذا مجد تخمين.
لكن على العموم بالتوفيق

[الشيخ]

الاخ ولد روضة سدير

لو تحدد الارتفاع والطول والعرض يمكن اقدر افيدك بتقدير السعر له
لكني ما استبعد التسعيرة الي ذكرها الاخ الخبير
لو انك تفصله بالكويت يكلف تقريبا من 80 الى 100 دينار هذا اذا كان حجمه كبير ومصنوع من الستانل ستيل
اما الحديد فهو طبيعيا ارخص بتقريبا ثلث السعر ويذكرون انه سريع الصدأ اما الثاني عليه ضمان خمس سنوات وتلقى اكثر من ورشة في صناعية الجليب يشتغلون فيهم ومتخصصين بالجيبات والوانيتات
ومنهم كراج السوري شغله نظيف بس انه اغلى من سعر السوق

[هلكس]

السلام عليكم ..

والله انا اقول لك تحط حديد عادي ارخص لك وفيه ناس مجربينه ويقولون انه مايصدي اذا طيت فيه بنزين
اما مويه فيصدي بسرعه

هذا والله اعلم

والحديد ترى مايكلفك شي اوفر من الستيل بوااجد


ارجو اني افدتك

[ولد روضة سدير]

تسلم اخوي الشيخ .....بس الكراج السوري اللي بالجليب غالي مررررررررررررررررررررررررررررررررررره نشف بوكك....ز

[الشيخ]

:D
اول شي قلت لك انه غالي
بس يوم انك تعرفه يعني اكيد تعرف غيره
بس بصراحة شغله مضمون ويعطيك عليه كفالة
بس لو انك تدور بين كراجات الجليب تلقى غيره واجد شغلهم ارخص منه وبنفس المستوى بس هو عنده السمعه والضمان
اعرف واحد قريب منه وشغله ممتاز جدا جدا
شف يا طويل العمر
تخلي السوري على يدك اليمين وترجع مع اول لفةبعد ما تلف على طول التفت على اليمين تلقى براحة ادخلها تشوف جدامك محل تنجيد ويساره باب كراج كبير ومحل حدادة صغير
رح للمحل الصغير تلقى واحد سوري اسمه عبدالكريم ورفيجه الثاني ايراني اسمه غلام
شغلهم ممتاز وبصراحة فنانين وسعرهم ارخص بشي بسيط عن الكراج السوري وتلقى حولهم اكثر من اربع محلات مختصه بالوانيتات لو ما عجبك الاول تروح لغيره

الاخ هلكس على حق لاني سألت الحداد نفسه عن تانكي الحديد للبنزين وقال ما يصدي بس اذا انت تبيه للماي استعمل المنيوم
وطبعا راح يقول لك الالمنيوم اضمن لنظافة المكينة طبعا يبي يرفع عليك السعر
بس انت ماذكرت لنا كم المقاسات الي ناوي عليها وتبيه مشبوك مع الخزان الرئيسي ولا له وصلة خارجية