مشكلة واجهتني في الددسن دفرنسين غمارتين 2004

[بلنتي]

السلام عليكم ورحمة الله وبركاته



كيف حالكم عساكم طيبين



انا يالربع ابي انشدكم عن شي مضيق صدري في ددسني الدفرنسين غمارتين



موديله 2004 شريته من ابو عيال يعني نضيف ما مشى الا شوي



رفعته ا سم (سنتيمتر واحد ) جنوط باترول



اذا مسكت فيه خط بالرابع يوصل 140 - 145



والخامس يعني بالهواش يوصل اذا فيه هوا 120 و 130 بدون مكيف



وديته للوكالة قالو لي واحد من اثنين :



اما تكون مشكله في البخاخات ( والموتر مخزن يعني ما مشى واجد )



او تكون صفايه البنزين , وعندي تسائل هل صفاية البنزين يصل تاثيرها الى هذا الحد ؟


في ناس قالوا لي ان الفرارات والهدرز تساعد وتخلي الموتر يجيب 200

او الحوسة في الموتر مهيب زينة

تكفون يا اهل الخبرة نبي فزعتكم ...

[الربذي]

لاتتعب نفسك هذا هو انا مجربه بس ركب فرارات يمكن يخف شوي ولا زين ميه وخمسين وبوجهك هواء شي طيب جدا
عدوه الهواء ولا اذا وراك الهواء يجيب طبلونه وترا الدفرنسين ثقيل وترا اربعه سلندر وش ترجي من وراه حتى الهلي مثله وايضا الخبل البرادوا اذكر مبهذل واحد اذا بوجهه هواء مايتعدا 130 وترا اربعه سلندر

[بلنتي]

مشكور اخوي بس انا راكب مع واحد مديل2000 وجايب 190 وش رايك

و2006 كلها تفصل على180 هواء او بدون

[ممتر البران]

نعم صفاية البنزيم تثر اثر كبير مهوب سهل غيرها وشف تراها مهيب غاليه
تحيتي لك ولا تنسى انه 4 سلندر
ابو سعد

[الربذي]

هل هو دفرنسين ويجيب 190وانت مشغل المكيف وبوجهك هواء معقوله
هذا اكيد مكينة فتك 4800

[راعي الهـــدد]

لاتتعب نفسك هذا هو انا مجربه بس ركب فرارات يمكن يخف شوي ولا زين ميه وخمسين وبوجهك هواء شي طيب جدا
عدوه الهواء ولا اذا وراك الهواء يجيب طبلونه وترا الدفرنسين ثقيل وترا اربعه سلندر وش ترجي من وراه حتى الهلي مثله وايضا الخبل البرادوا اذكر مبهذل واحد اذا بوجهه هواء مايتعدا 130 وترا اربعه سلندر


رد في الصميم

انا من ضمن من ملك هذاالموتر والله انه مايوكل عيش وعزمه ردي ولا ينفع وبعته ولا فكرت اشري مثله

نصيحة أخ لاتعبث في الموتر هو كذا خلقه

بس بعه ولا عاد تتهور تشري موتر بر واربعه اسرندل

واخونا الربذي صادق صادق

[خالد]

انا اقول يمكن من الجنوووط اللي انت مركب
لان الجنوووط يمكن ثقااال
او يمكن من صمامات البخاخ

[دسم الشوارب]

السلام عليكم
أخاف مهيب لاصفايه ولا فرارات
إذا كنت تعبي بنزين من الاخضر اكتين 91 فاتنع من اليوم
لأنه مايسوى عليك يخرب موترك
صحيح انه رخيص لكنه ((يطيح العزم )) و ((يشربه الموتر بسرعه)) والظاهر انه هو اللي مسبب هالمشكلة
لاتعبي منه حتى ولو الوكيل اختاره لك
والشي الثاني حبيت امسي على الربذي واقول له لك وحشه يالغالي

[#الفارس#]

اخوي بلنتي المشكلة نفسها كانت تواجهني معي ددسن دفرنسين 2007جنوط باترول لاكن الحين توصل 150 براحة لاكن بعدفترة من التمرين وفية واحد اعرفة معة مديل 2005 يجيب 180 براحة لاكن هو مغير الفلتر ومركب فلتر (ابو وردة) ومركب الفرارات....

[الربذي]

الشوارب[/i]]السلام عليكم
أخاف مهيب لاصفايه ولا فرارات
إذا كنت تعبي بنزين من الاخضر اكتين 91 فاتنع من اليوم
لأنه مايسوى عليك يخرب موترك
صحيح انه رخيص لكنه ((يطيح العزم )) و ((يشربه الموتر بسرعه)) والظاهر انه هو اللي مسبب هالمشكلة
لاتعبي منه حتى ولو الوكيل اختاره لك
والشي الثاني حبيت امسي على الربذي واقول له لك وحشه يالغالي
مشكور اخوي يعلم الله ابادلك بالمثل
وعسانا على ذلك والجميع
لكن البنزين ايش ايسوا يمكن بعض السيارات عندهن كلسترول وطلعو شاهي اخضر تخبر اول مانعرف الا الشاهي الاحمر والبانزين الاحمر الحين عندك اخضر واحمر يبون يذكرونا بسئه الذكر الاسهم

[بلنتي]

يوووووووووووووووك

ذكروتني على طاري البنزين


من زمان وانا اعبي ديزل متعود على موتري اللي قبل

عرفت وش المشكله الحين

ههههههههههههههههههههههههههههههههههههههههههه


مشكورين على المرور كلن باسمة والله ما تقصرون



(( لا عاد تتهور وتشري موتر بر اربعه سلندر )) على يدك اصلا انا كنت افكر اشري جيب بي ام او ددسن دفرنسين

خخخخخخخخخخخخخخخخخخخخخخخخ
مشكورين الله يبارك فيكم

[أبوكلبشة]

شيك اسلاك البواجي والاصابع

[غارب النملة]

ابي اقولك حادثه قبل كم سنه كنت متوجه بحفظ ورعايه الله سبحانه على متن (الله من الدجه ) تويوتا فورنر 92 احمر طماطه الى بلد الله الحرام وكان الجو صيف ومشغل المكيف والبانزين الى الصاجه السرعه مع النزلات تاصل تخيل 140 اما اذا استوي 120 الى 130 وفجاءه بوبوم صوت انفجار هائل والسياره تنزل اب اب اب اب ايش حصل انفقعت الدبه يارب وش اسوي بالاخير مشيت بس صوت مزعج مزعج فوق ماتتصور اصايح على اللي معي عشان يسمعني لكن تصدقون ان شاء الله انه تجيب 140و150 و160بالراحه تصدقون اني امشي 140 ودوس انا تنز يابعد حيي ها الوجه بلاش من الكنداسه المهم بعد ان من الله سبحانه علينا بالعمره لحمنا الكنداسه ورجعت مثل اول حدها 130 بعد مسافه عشرين كيلو عشان تاصل 130
هذا مالدي وترا الددسن واي اربعه سلندر هذا ممشاه الا اذا كبرت مجرى الهواء الخارج واداخل بس ازعاج ياخوك لناس