جيب تايوتا يحتاج فزعتكم...

[الحاكم الأول]

عندي الوالد الله يخليه لنا ويطول بعمره ، من فترة طويلة موقف جيب تايوتا صالون ( اربع ابواب ) موديل 84 ولا عاد هو بحاجته ..

وودي بمساعدتكم في الامور التالية :-

1_ ودي اغير مكينته .. وش افضل مكينة ممكن اركبه له. بحيث تختفي صوت المكينة المزعج للجيوب القديمة مع ان مكينته الحالية 6 سلندر.

2- تعرفون الجيوب اللي في ذيك الموديلات قاسية شوي ولا تجحد المطبات .. يعني عطوني الصرفة اغير الييات اركب مساعدت رياضية ... دبروني تكفون

3- هل فيه اضافت ترونها مناسبه له .. من عنده افكار مجربه لا يبخل علي ..

الجيب حالته من ناحية العامة .. من متوسطة الى جيدة.


وانا في انتظار ارائكم وتوصياتكم..

[الصقار2007]

فك المروحة وركب مروحه كهرب أما الياي مالك سنع فيه لانه سست وكان تبي الراي الزين أشحنه لمعارض السيارات بالجنوب تراهم يقدرونه لانه يتكيف مع الجبال ودمتم0000000 :d

[بدوي جنوبي]

لا تستغني عنه

http://img340.imageshack.us/img340/3776/85al8.jpg

[T33]

هلا بك اخي



يقولون( الاول ماخلى للتالى شي)حطها حلقه في اذنك وبراحتك



اذا فيك حيل تسويه (بويه , يايات مساعدات رياضيه, تربيط ,دفرنس) الله يقويك ويعينك وخلنا نشوف مشروعك



ونمشي معاك خطوه خطوه إلا ان تكتمل السياره بس حط في بالك انت تبيه في



مناطق جبليه ولا مناطق رمليه وش البيئه اللي انت عايش فيها؟.؟



لاني اكاد اجزم انه مايستوي غير في المناطق الجبليه



اما في الرمال اتوقع مافي اثقل منه...



المكينه احتمال تركب مكينة الجمس 350 :good:



والله يوفقك

[مكه]

السلام عليكم 000 انصحك لاتفرط في مكينته 000 وازعاج المطبات لاتعب عمرك مالها طب 00 انا عندي اخوه بيج مجهزه للمقناص 0000 مركب فيه تانكي بنزين خلف المرتبه الوسطى بالضبط والمراتب الخلفيه الصغيره شلتها ومركب مكانها توانك ماء 00000 عندنا في تهامة مكه والطائف والجنوب ماينفع الا القديم واكثر اللي جرب الجديد ما صلح معه ورجع للسبعه والتسعين والموديلات القديمه 000 يكفيك الدبل الثقيل بقوة الحراثه ههههههههههههههههههه

[أبـو فـايـز]

اخوي لو بتبيعه ماراح يجيب لك ذاك المبلغ’’ يعني اللي بتصرفه عليه بيكون اغلى من قيمته
اذا مصر تغير فيه
انصحك تشوف لك مكينة كابرس جدي(موديلات 2000 وفوق) لأنه قوي ويتحمل الكرف وكثيرين من المعدلين يحطونه في سياراتهم لسباقات التطعيس
التكللفة بحدود 5000 ريال من التشليح ويحتاج تبدل كذا قطعه
اسأل المرهمين احسن

[الحاكم الأول]

الصقار 2007

بارك الله فيك
واسعدني مرورك

بس وش الفائدة من المروحة الكهرب




بدوي الجنوب

وش هالزين ماشاء الله تبارك الله .

نصايحك بخصوص الكفرات والملحقات واي شئ تشوف انه اضافه جيدة




T33

يازين الانسان الصريح ( يختصر عليك المسافة )

عموماً اخوي الغالي انا من سكان جدة كما يظهر يسار الشاشة ، وثانياً اخوك هاوي دعمر مثل قولتهم في جدة ، يعني مرة مناطق جبلية مرة بر وفيافي .




مكة

اخوي الغالي لا عدمتك ، تعديلات حلوه وايجابيه 100% ، وتراني قريب عندك في جدة .




أبو شنب فسفوري

بارك الله فيك يالغالي

بس انا والحمد لله ماني في حاجة بيعه ، بس ماسكة في راس اخوك انه ، يدلع هالجيب ويخليه ، ان بغى المدينة وشوراعها ارتاح ، وان بغى البر وطعوسه نشماه ، وان بغى الجبال والاماكن الوعرة رقاه.


واذا تعرفون ورش مختصه في جدة في التعديلات والترهيم بس تكون ممتازة لا تبخلون على أخوكم .(( يمكن سبحان الله انتلاقى في البر ، وصدقوني ابعطي كل واحد منكم دورة مجانية ولمدة 10 دقائق ياخذ بهالجيب لفه.

هاه وش قلتوا


يعني ما تعرف لي، وين ما قالوا الخويا مشينا قلت معكم .