ياشباب ممكن وصف شعيب الطوقي

[أبو داحم]

ياشباب أبي وصف شعيب الطوقي أذا ما عليكم كلفه

وهل هو وعر يعني لزم جيب .:confused: :confused: :what:

[سمنان]

أخوي أبو داحم .. ترى توي أدخل موضوعك اليوم

وشعيب الطوقي الله يسلمك .. ممكن تجيله من جهتين :

- من جهة الرمحية : ووصفها من الرياض .. تخلي محطة خزام اللي بالثمامة على يسارك وتفرق مع مفرق الرمحية يمين لحد ما ينتهي الخط بحرف تي يمين لرماح ويسار للرمحية .. طبعاً تفرق يسار وتطب بوسط الرمحية ومنها تفرق على الشعيب يسار .
- من جهة مفرق الصمان : تخلي محطة خزام بظهرك وتطول باتجاه الشمال وتخلي منتزه الثمامة البري على يمينك وتمشي تقريباً 50 كيلو وبعدين يجيك مفرق الصمان والطوقي على اليمين .. تفرق معه لحد ما يرقى الخط الضلع وياخذ يسار تمشي تقريباً 25 كيلو ثم تحول من الخط يمين مسافة من 3 إلى 5 كيلو وبتطيح بالشعيب.. وترى مفارقه واجد من هالجهة والشعيب ما هوب واضح لكن أي مفرق بيوصلك له .

ومن ناحية وعورة الشعيب فهو ما من وعورة كايدة لكن مناطق عن مناطق .. وعلى فكرة كنت أروح له بهوندا .. وياما شفت فيه سيارات صغيرة من كوامري وكراسيدات وانت جاي .

والمعذره كان الوصف ما هوب واضح ..

[ناصح]

وصف الاخ سمنان
ماشاء الله رهيب
( مايخرش الميه )
جزاه الله خير

[عاشق النحم]

قل لااله الا الله ترى نبي الرجال :) :)

[أبو يحيى]

السلام عليكم ورحمة الله وبركاته ......

يا إخوان من يعطيني وصف لروضة المحارق بالدقة لان ما معي GPS :what: . الله يعطي من يعطينيه الجنة.

[ابو زايد]

حياك الله أخي ابو يحيى ةأبشر بعزك

الوصف سهل ما يحتاج لا قارمن ولا غيره

خذ طريق التنهات الصمان حتى يأتيك الدوار الثاني " دوار التنهات والصمان وحفر العتش ،،، خذ يسار يم حفر العتش وبعد ما تمشي خمسه كم يأتيك مفرق لبلدة اسمها الحفيرة تأخذ يسار بتجاه الحفيره تقريباً 5 كم وأنت داخل على هذه البلدة ستشاهد خزان مياه عليك به انصه ومن ثم خله على يسراك وبعدها تمشي تقريباً 300 م فقط ويعترضك الشعيب ،،، طبعاً الزين والعشب تلاقيه في الجهه الجنوبيه يعني لما يعترضك الشعيب تاخذ المنطقة اللي على يسراك

وعلى فكرة الشعيب يبعد عن التنهات أقل من عشره كم فقط

[أبو يحيى]

الله يدخلك الجنة بغير حساب وعقاب.

[عبدالعزيز_فهد]

بعد اذن اخوي ابو زايد
ممكن يفرق قبل الدوار الثاني عند مفرق قرية الطير ( طريق صغير ) عند برج الجوال باتجاه الغرب حتى قرية الطيرى سوف تجد امامك وادي الطيري قم بتجاوزه باتجاه الغرب ولا تستعجل ( قريب بدو ) استمر ولا تعجز سوف ترى بعد ذلك شعيب محارق وانت تقريبا في منتصفه
والله الموفق .