يا اهل ال Gxr تراه بهذلني

[علم199]

يا الربع وش الحل مع القير العادي فى البداي فية صوت ونة مزعجة........... مشيناها البلا بعدين وفجأة وبدون مقدمات طلع اصوات قرقعة واختلف ممشاة رحت للميكانيكي (ميكانيكي دكتور) شيك على السيارة وقال الصوت داخل القير وفية ترس مكسور قلنا الحمد لله رب العالمين وش الحل يا ميكانيكي رد على وقال غير قير قلنا الحمد لله على كل حال وشريت واحد من التشليح فى الحاير وركبناة ........تفاجئت بصوت ونة اقوى من القير الأول ورجعتة للميكانيكى وقال لى هذا صوت عادى فى كل جيوب التويوتا ما اقتنعت ورجعت للتشليح وبدلتة بالضمان ...........مازالت المشكلة موجودة ولكن الصوت اخف من اول بنسبة خمسين بالمية؟؟؟؟؟؟؟
السؤال يالربع هل الصوت طبيعي أو لة حل عند مجرب لاتبخلون علينا يالربع بتجاربكم وآرائكم ترانى متبهذل وحالتى حالة وجعلكم ماتشوفون اللى شفتة مع ها السيارة .
رجاءً لااحد يقول عين؟؟؟؟؟؟؟؟؟؟:( ؟؟؟؟؟؟؟؟؟؟؟؟؟

[الذيب الاول]

سلام عليكم ليكم ورحمة الله وبركاته

يمكن من القير الجديد او عيب وصنعي

كم مديل موتر ؟

[.أبوعبدالرحمن]

كم موديل السيارة؟

[ط ك ط]

تأكد من الدزق والكلتش والفحمة ولاتنسى الدفرنس..........................

[علم199]

الموديل 2000 والدسك والكلتش والفحمة جديدة .

مريت ميكانيكي مشهور ومتخصص فى الجيوب وقالى لازم تتعود على الصوت لإنة طبيعي في اكثر سيارات الgxr .
والله ماعاد ندري وش نسوي مع ها الميكانيكيين كل واحد لة راى ولا ندري من نصدق؟

[البيضاني]

الاخ 199علم لي تجربة بهذه المشاكل و لدي خلفية كاملة عن أصوات القيور وأصوات التروس وأصوات الفحمة والكلتش
أولاً:- جميع سيارات الاندكروزر الجديدة من بعد موديل1998 إذا مشت أكثر من 200000 مائتان الف يطلع صوت بالقير وبالتحديد صوت بشجرة القير اللي راكب بها التروس وهذا طبيعي لحد معين0
ثانياً:- الفحمة الجديدة يظهر لها صوة يختفي بعد فترة علماً بأن صوت أي رمان بالمكينة يظهر لك صوته بالقير0
ثالثاً:- يمكن الاتصال على شخصياً (0556229979) أبو عبدالرحمن( مدينة الرياض) وأتشرف بفحصه وأعطائك تقرير إولي عن حالة القير

0

[راع الابل]

ياخوي علم 199 اذا الصوت خفيف انا عندي لك نصيحتين .
الاولى : تركب عوازل للكير والبدي اللي حول الكير يخفف بشكل كبير من صوت القير .
الثانية بما ان مديل جيبك 2000 فاكيد اخذ حقة من البر واللاسف المديلات الجدية يبيلك كل ستة اشهر تربيط لان اكثرة قفايز مو صواميل فعليك بالترتيط الكامل وافضل تربيط وهذه اللي انا انصحك فيه لاني سويته اكثر من مرة في اللكزس وصار كنة جدية

تروح لأهل ورش السمكرة وتقولهم ابي افك الموتر كانك تبي تغيير لونه فرن وعمد السمكري يحط على كل قفيزة جلبة وعلى كل صامولة جلبة وحاول تجدد جلد البدي وعلى كذا يصير موترك 2005 واعتقد التكلفة بين / 2500/ 3000 ريال وتحياتي
دعواتك

[ابوحماد]

بدل زين القير ابو علبة حمراء خضراء جالون

قير خمسة وراح ترتاح كان واحد من عيال أختي معه مثل هذي المشكلة

وغير زيت القير والحمدالله صار القير صاحي

[علم199]

السلام عليكم ورحمة الله جميعاً

اشكركم جميعاًعلى تفاعلكم معي

أخوىالبيضاني * ماتقصر وانشاء الله اتصل بك .

أخوى راعى الابل * فكرت بالعوازل لكن العوازل موجودة اصلاً تحت الديكور شد بلد إلا اذا كان عندك فكرة معينة ياليت تشرحها لى .

أخوى ابوحماد * اذا تقصد زيت سوبر جي تي 90 فهذا هو الزيت المستعمل فى السيارة حالياً .

[ابوحماد]

زيت ثاني الظاهر علبتة خضراء بس بتأكد من الزيت وبجيبه لك أن شاء الله

[شبح الصحراء]

صوت ونة الجير عادي جداً وموجود حتى في الهايلوكسات ولا توسوس مادام الموتر تمام مافيه مشكلة انا معاي هيلوكس 2005 وطلع فيها الصوت وهي ما كملت 5000 كلم ويظهر بوضوح عند ترك دواسة الكلتش ويختفي عند الضغط عليها ورحت للوكالة وقالوا الصوت عادي وقابلت أحد الزبائن ومعاه هايلوكس وقال لي انه طلع فيه الصوت هذا وسيارته جديدة وداخ مع الوكالة حتى اقنعهم يبدلون الجير كاملاً وبدلوه على الضمان وطلع فيه نفس الصوت من جديد وبالعكس ندم على جيره الأول لأن الجديد صار تغيير النمرة فيه ثقيل ، فلا تتوهق وتخرب جيبك الصوت اتوقع طبيعي إن شاء الله .

[الرهدن]

رجاءً لااحد يقول عين؟؟؟؟؟؟؟؟؟؟:( ؟؟؟؟؟؟؟؟؟؟؟؟؟

أليست العين حق :confused:
الله ييسر أمرك ويكفيك شر من فيه شر00
لكن إن إستمرت المشكلة ولم تجد لها حلآ فااستخر وشاور في بيع الموتر00
والله ماارتحت إلا بعد مابعت سيارة لي وهي داخل الورشة00

.

[ناصح]

صوت ونة الجير عادي جداً وموجود حتى في الهايلوكسات ولا توسوس مادام الموتر تمام مافيه مشكلة انا معاي هيلوكس 2005 وطلع فيها الصوت وهي ما كملت 5000 كلم ويظهر بوضوح عند ترك دواسة الكلتش ويختفي عند الضغط عليها ورحت للوكالة وقالوا الصوت عادي وقابلت أحد الزبائن ومعاه هايلوكس وقال لي انه طلع فيه الصوت هذا وسيارته جديدة وداخ مع الوكالة حتى اقنعهم يبدلون الجير كاملاً وبدلوه على الضمان وطلع فيه نفس الصوت من جديد وبالعكس ندم على جيره الأول لأن الجديد صار تغيير النمرة فيه ثقيل ، فلا تتوهق وتخرب جيبك الصوت اتوقع طبيعي إن شاء الله .

بصراحة أنا أتفق معك تماما..

أنا معي لاندكروزر 2002 Gxr وصوت الونه من يوم شريته حتى الآن

وهذا شيء طبيعي في التايوتا ..

[عزيز نجد]

الونه في قير الجكس عاديه جدا (الا اذا كنت تلاحظ ان موترك اشد من غيره من الجيوب)

انا مرت علي نفس تجربة اخوي ناصح : شريت Gx -r 2002 جديد ومن يوم سقته ضاق صدري من الصوت (اذا ضغطت كلتش خف الصوت ) ومع الوقت تعودت عليه اللين بعته وهو ماشي معي 240 الف وما شاء الله ما خالف ولا شي

[محمد الحريقي]

صوت ونة الجير عادي جداً وموجود حتى في الهايلوكسات ولا توسوس مادام الموتر تمام مافيه مشكلة انا معاي هيلوكس 2005 وطلع فيها الصوت وهي ما كملت 5000 كلم ويظهر بوضوح عند ترك دواسة الكلتش ويختفي عند الضغط عليها ورحت للوكالة وقالوا الصوت عادي وقابلت أحد الزبائن ومعاه هايلوكس وقال لي انه طلع فيه الصوت هذا وسيارته جديدة وداخ مع الوكالة حتى اقنعهم يبدلون الجير كاملاً وبدلوه على الضمان وطلع فيه نفس الصوت من جديد وبالعكس ندم على جيره الأول لأن الجديد صار تغيير النمرة فيه ثقيل ، فلا تتوهق وتخرب جيبك الصوت اتوقع طبيعي إن شاء الله .
فعلا كلام صحيح:
بالنسبة لي اشتريت هايلوكس موديل 2000 وكالة واستخدمتها 5سنوات وبعتها والشر في راسها تدور اكبر طعس وماتقول لا : وكان الصوت موجود معها من يوم اشتريتها طبعا ماطنشت الصوت يوم سمعته كل من واجهته شرحتله المشكلة اللي يقولي سو كذا واللي يقوللي سو كذا والله وانقز واسويه ابي الفكه من هالصوت ومن ضمن النصائح اللي جتني تغيير الزيت ولا تغير علي شي والله واروح للوكالة واتبالش انا واياهم واشرحلهم القضية لين دخلوه _طبعا على الضمان_ واخذه بعد يومين يوم شفت الا والله مغيرين الكلتش كامل والصوت موجود ....لا اطيل عليك، وآخر المشوار وبعد جهد جهيد رحت لواحد نصحوني فيه الشباب يوم شاف الموتر وركبه وخذ فيه لفه جاني وقال: الصوت يزيد والا ثابت قلت لا ثابت قال : طبيعي هذا من رمان القير ولا يأثر في السيارة.
وطريقة الصوت مثل ماقال اخوي شبح الصحراء.
وانا أقول ريح مخك وموترك مافيه الا العافية ان شاء الله.وعذرا على الاطالة
والسلام عليكم ورحمة الله وبركاته.

[جي اكس أر 3]

السلام عليكم
اخي العزيز( علم 199 )
بحكم خبرتي واقتنائي لسياره الجيب بجميع موديلاتها وبلاخص الموديل الحديث منها بعد ماتتعدي 60 الف كيلو متر تخرج ونه وهذا بشكل طبيعي وللمعلوميه افيدك اخي الكريم vxr ايظا فيه ونه ولاكن بشكل خفيف جدأ وذلك بفظل قوه العزل الجيد فيه وصوت المكينه الذي مخفيه اكثر وهذا بحكم تجربتي لسيارتين
تحياتي لك،،،،،،،،،،،،،،،،،،،

[علم199]

الله يجزاكم خير جميعاً على المشاركات اللى تبرد الكبد والحمد لله اللى عندنا مثل ها المنتديات اللى جمعت الاخوان اللى شاركوا في الموضوع وابدوا رايهم وافادو غيرهم سواء لصاحب الموضوع اوالقراء اللى مرو على الموضوع .....................