المساعد الشخصي الرقمي

مشاهدة النسخة كاملة : الي سيارته باترول 2005 ومافوق يدخل


عاشق الغضا
11/03/2007, 09:18 AM
السلام عليكم ورحمة الله وبركاته :

ياشباب ابي فزعتكم والي معه باترول 2005 ومافوق لايبخل بالرد

انا معي باترول باب واحد 4500 بخاخ ومايتعدى بالسرعة 160 كيلو بالساعة

وماأدري المشكلة في السيارة الغير موتري نفسه والسؤال كم يجيب اخرسرعة ؟
غضنفر
11/03/2007, 09:42 AM
اتوقع ان احدى الدبات الي طالعة من المكينة مسدودة
لذلك انصحك انك تفك الشكمان كامل وتشوف اذا فيه انسداد
rmnas2000
12/03/2007, 03:17 PM
اخوي عاشق الغضا (member.php?u=46567) شو صارفي السياره بعد ماشيكت على الشكمان لان انا بعد نفس المشكله عندي
أبو فهد 93
12/03/2007, 08:32 PM
عاشق الغضا عندي سوال

شتبي بالسرعة الزايدة؟؟؟؟؟؟
ابو مرام
12/03/2007, 08:47 PM
عاشق الغضا وهو صادق ابوفهد

ولكن الباترول البخاخ يجيب الطبلون براحه وانا اتكلم عن تجربه...

شف هو يحتاج تصفية مكينه واذا ما تغير شي شيك على كويلات الكهرب...
ناوي نيه
12/03/2007, 11:34 PM
السلام انا اعرف واحد عنده ربع 2006 يوصل 190 براحه
ملبق غلـــــط
13/03/2007, 09:57 AM
والله ياربع توني ماخذ 2006 جديد بس خلوه لين يمشي 1000 كيلو وابشروو باللي يشحطه 200 باذن اللي ماتنام عينه

ياخي تسوق الربع كانك راكب في اكس ار اي والله تمشي عليه 100 تحس بسرعته اسال الله ان يعطيني خيره ويكفيني شر

ويكفيني شر الصواديف
عاشق الغضا
13/03/2007, 10:29 AM
مشكورين على الردود

لكن شيكت على البواجي وصفاي البنزين فقط
حـاتـم
13/03/2007, 10:55 AM
غريبه اخوي مشكله غريبه

هل الموتر وكاله ماجاه صدوم او فك وتركيب ؟


اما عن الـ4500 فأنا كان معي 4500 98 بخاخ

يجيب تحت الـ200 كم

اما موترك غريب

اولا هل انت مركب بوالين ؟

هل موترك مرفوع وجهه اكثر من ورا ؟

أخوك / حاتم
غريب في داره
13/03/2007, 01:17 PM
الاحتمال الاول
اذا انته مشتري السيارة من الوكيل
احتمال الوكيل مسوي لوك على السرعة يعني ما تتعدى 160
او اذا كنت مشتريها مستعملة، يمكن راعيها السابق طلب من الوكالة يسوون لها لوك ((عشان عياله ما يسرعون))
بس انا انصحك بإنك تشييك على الاشياء اللي ذكروها الشباب وخصوصا دبات الشكمان
لانه السيارات الجديدة انا لاحظت انه دبات الفلاتر تنسد وتقدر تكتشف هالشي من خلال مشاهدتك للمنيفول وبتلقاه احمر من الضغط
-------------------------------
الاحتمال الثاني

يمكن تكون سيارتك مكربنة ((راعيها السابق شيبة وما يدعس))، يعني ماعليك إلا تدعس وتحكر السيارة في قير 3 و4 يعني تخليها اتف تف وتلعن جد الموتر وبتلاقيها يوم ورى يوم تزيد سرعتها
----------------------------------------------------
الاحتمال الثالث
ويمكن تكون الاطارات اللي عندك بوالين ورنقات16"،، في هالحالة سرعة 160 بتكون مضبوطة عندك،، واذا حبيت تشوف ال200 غير الى مياجر ورنقات 15" وبتشوف ال200 واكثر
-----------------------------------------------------
انا ارشح الاحتمال الثاني والثالث وان شاء الله ما يكون فالسيارة شي

((ابعد عن السرعة والله يحفظك))
ملك_النيسان
14/03/2007, 12:32 AM
انشاءالله موترك مافيه الا العافيه


نظف البخاخات و بدل طرمبة البنزين والبلاكات .... وشوف ال200

انا كان حصلي نفس المشكله وحليتها
الفهد11
14/03/2007, 12:56 AM
والله يابعد قلبي

انا معي 4800 وعجزت اتعدى 180 والكلام هذا ايضا مع احد اخوياي
وانا ارى انه طبيعيه ولابه شي ان شاء الله البته.
عرش السفاري
14/03/2007, 01:03 AM
يا شباب وش بدل وبدل سيارته جديده!!!!!!!!

اقول راجع الوكيل وأسأله وبتلاقي الحل ان شاء الله

وترى الحين فيه النظام الجديد للحفاظ على البيئة!!!!!!!!!!

واتوقع 160 واجده بعد<<<<<<<الله يحفظك.



ودمـــــــــــــــــــــتم
عاشق الغضا
14/03/2007, 09:55 AM
مشكورين على الردود وماقصرتوا
ملك_النيسان
14/03/2007, 02:51 PM
والله يابعد قلبي


انا معي 4800 وعجزت اتعدى 180 والكلام هذا ايضا مع احد اخوياي
وانا ارى انه طبيعيه ولابه شي ان شاء الله البته.



موترك عادي ولا توماتيك ؟
رهيبXرهيب
30/03/2011, 07:29 AM
والله يا جماعه انا موتري لاندكروزر 2007 وعليه بالون نوع سيام تاير وهواهم 35 والسياره شد بلد ويمشي لين 190كيلو ويفصل !!!!
m-a-z-d
22/04/2011, 06:40 AM
يالربع انا مع الوالد باترول 98 بخاخ عادي ابع ابواب مع هالهواء القوي يجيب الا 185 ومشغل المكيف ...
كديان
22/04/2011, 10:20 AM
يالربع انا مع الوالد باترول 98 بخاخ عادي ابع ابواب مع هالهواء القوي يجيب الا 185 ومشغل المكيف ...



قل ما شاء الله

الناس ما منه سلامه
الثويرات
22/04/2011, 01:46 PM
اول شي تسويه هو.

فك المنظم الي جنب القربه وانفخه بالهوى.
ثاني شي شيك على ضغط الطرمبه حقت البنزين عن طريق ساعه القياس اذا هي 35- الى 40 حلوه.
ثالث شي هل تماتيك المروحه يفصل لااسرعت ام يحن ويمسك المكينه.
شيك على الديلكو شف اذا هو محرك او لا......... ارجو منك ان تنتبه لكل الامور ذي وهي ماتكلفك 100 ريال قبل تسوي اي شي بالسيارة.
اتجاه السحاب
22/04/2011, 09:13 PM
فك الشخال حق الشكمان لان الشخال يحشر الموتر..وعب بنزين 95ويضبط ان شاء الله,,
الفهد11 <<انا معي فتك يفصل على 210
تمنيتك لي
14/10/2012, 01:11 AM
الفهد 11 ..

آنآ معآي فتك تمآتيك 2007

يفصل على 218 شفته بالقآرمن