المساعد الشخصي الرقمي

مشاهدة النسخة كاملة : يا اهل vxr تكفون وش رايكم فقط الله لا يهينكم


الجفن
14/03/2007, 01:49 PM
انا بصراحه لي نية اشتري لي فكس ار موديل 99 او 2000 وحبيت اخذ رايكم كم يسوى الفل كامل النظيف جداً منها لان بصراحه ادرهم حدود خمسه وستون فقط لا غير شاكر ومقدر اخوكم الجفن,,,
الوسطاوي
14/03/2007, 11:34 PM
أخوي الجفن حبيت أدخل ومسيك بالخير
والله يوفقك بالموتر الزين ويعطيك من خيره ويكفيك شره
ولك جزيل الشكر000000000000000
الجفن
15/03/2007, 02:09 AM
يامل العافيه أخوي الوسطاوي والله يجزاك الف خير
ونبغاء اهل الجيوب الي عندهم معلوميه في اسعار الجيوب فلا يبخلون علينا نورنا الله لا يهينكم
كاشت شمال
15/03/2007, 02:55 AM
هلا بخوي..

والله النظيف بالحيل وفل كامل يتعدى الـ 70 الف على مااظن حالياً.وتلقا نص عمر في بحور الـ 55 - 60 الف.

بالتوفيق ,,
الجفن
15/03/2007, 11:16 AM
يا مل العافيه والله يا كاشت شمال ولا نستغني عن باقي ردود الشباب
راع الابل
15/03/2007, 11:32 AM
ياخوي الجفن

لو اسمك مهو فوق العين كان حطينا مكانة

ودور لك في اكس ار ولك ياكون مصدوم مع الوجه وهذا اهم شي لان المديل اللي ذكرت نادر تلقا نظيف .

وبعد ما تشريه سوله علمية تربيط كامل عند حكين السمكرة يفكون الموتر كنك تبي ترشة بوية كامل وهذي بحد ذاتها تربيط جميع ما في السيارة ولا تنسى توصيهم يركبون قفايز وجلد جديد ويحطون قبل تركيب اي صاموله جلبه .
وبعدها سو علمية وزن للدفرنس والمقصات والاذرعة جربها وتدعي لي يصير موترك كنه 2005

التكلفة حوالي 3000

مع ان اتمنى ان تحصل في اكس ار جديد وتساهل .
الجفن
15/03/2007, 07:29 PM
الله يجزاك الف خير يا راعاي الابل بصراحه انا كنت في المعارض والله ما تلقى النظيف وان لقيت لقيته غالي جدا جدا
جي اكس أر 3
15/03/2007, 08:03 PM
السلام عليكم
مرحبا اخي الكريم
اذا تبي نصيحه من شخص يشتري ويبيع في الجيوب عمومأ عليك بزياده فلوسك اخي الكريم يعني حول المئه الف وانشاء الله تجد النظيف والميزات التي ذكرتها،،،،،،،، اما فلوسك هذه ماتجيب لك النظيف اطلاقأ ،،
وانا ابنصحك خذ من مودبل 2002 وما فوق وعليك بلخليجي ميزات واريح بلخط والبر اكثر من وارد ابو جمبل واسئل مجرب وانشاء الله تجد ما تبحث عليه تحياتي
الجفن
15/03/2007, 09:16 PM
يامل العافيه والله يا جي اكس ار
الربذي
16/03/2007, 09:48 PM
السلام عليكم
مرحبا اخي الكريم
اذا تبي نصيحه من شخص يشتري ويبيع في الجيوب عمومأ عليك بزياده فلوسك اخي الكريم يعني حول المئه الف وان شاء الله تجد النظيف والميزات التي ذكرتها،،،،،،،، اما فلوسك هذه ماتجيب لك النظيف اطلاقأ ،،
وانا ابنصحك خذ من مودبل 2002 وما فوق وعليك بلخليجي ميزات واريح بلخط والبر اكثر من وارد ابو جمبل واسئل مجرب وان شاء الله تجد ما تبحث عليه تحياتي


وعليكم السلام اخوي انتبه لكلمه ان شاء الله ترا الكتابه الصحيحه هي ان شاء الله


نرجع موضوعنا فعلا اخوي جي ليش انا قبل فتره دورت دورت وفريت المعارض وجيت معارض القصيم خميس وجمعه كل اللي موقفات فل كامل وهو طلبي القاه محيوس حوس وايضا اجرب الهيدروليك القاه خربان ليش باكثر من واحد ماهو السبب يمكن لان التويوتا ماعنده خبره هيدرولوكيه !!1 مثل ميرسيدس بنز
واذا كان نظيف ماهو للبيع وسعره غالي
فعلا الفين و2 فل اوبشن ابيض:good2: جخه !!! ياقدمي بدون اللوان !
بيالة
19/03/2007, 09:48 AM
عمي الجفن أتمنالك التوفيق وأهنيك على إختيار جيب التويوتا
الجفن
20/03/2007, 10:54 PM
عمي بيالة يامل العافيه وتستاهل بيالة شاهي على الماشي كرماً لك ولأخلاقك
يازين البر
20/03/2007, 11:08 PM
أنا سألت شريطي نفس سؤالك

وقال لي تلقى 98 النظيف بـ 65 في اكس ار

بس وينه عاد حلها يعني يبي صبررررررررررررر علشان تطيح على المبروك

وان كانك مثلي ما عندك صبر الله يعينك .
* Storm *
20/03/2007, 11:22 PM
أسمع أخوي,,,,,,,

انا احترت زيك وسألت مالقيت الى 2001بكل المعارض 102000 ورحت طقيتلي شاص 2004 (( 52000)) نضيف مره وداني لكل مكان حتى الشعبان قطعتها واجزم انه احسن من الفكسار وخذها خذها من أخوك مجرب لان ابوي عنده فكساروكلما يطلع للبر لحاله ياخذ الشاص اعجبه مره قلتله اشترلك واحد قال ياليت بس مايكفي العائله!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!!
أخوك:" مراقب السحاب00
الجفن
20/03/2007, 11:44 PM
أخوي يا زين البر ويازينك انت بعد ويعطيك الف عافيه ومثل ما قلت حنى ما فينا صبر انا بصراحه صرت افكر حاليا في برادو موديل 2005 فل كامل
مراقب السحاب كلامك على الراس والعين بصراحه الشاص ما عليه كلام لاكن انت عارف حنى متأهلين ما يصلح لنا صح ولا انا غلطان على العموم يا مل العافيه
يازين البر
21/03/2007, 12:30 AM
الشاص !!


إذا معك حالة ولادة عليك بالشاص تراه يسهل الولادة:D