راع الابل
15/03/2007, 03:15 PM
اخوي مدرهم تحية طيبة وبعد .
على نياتكم ترزقون .
حياتي / مع البل
حقيقتاً انا لست بدوي مثل ما يقول هوامير بورصة البل لان البدوي هو صاحب النياق الملاوين في وقتنا الحالي او صاحب الذود والانتاج الحقيقة من بعيرة .
اما امثالي اللي تولعوا في البل وشروها فاعتقد انه يهمه المشاركات والسمعة والوكيل هو اللي يدبر الامور .
وحياتي مع البل قريبة ولكن استفدة الكثير .
اول خلني اتكلم عن الناقة بشكل عام /
الناقة لها مواقف كثيرة ونزلت فيها ايات كثيرة ويضرب فيها الامثال والحكم والقصياد والوفيرة .
غريباً امرها عجيبا شكلها جمعة من الحصان / الصون ومن البقر وفرة الحليب ومن الحمار الصبر .
لحمها قليل الكلسترول قليل الدهون حار على الجسم يقتل بعض الكبتريات ويغذي الجسم .
فوائد حليبها حدث ولا حرج / اول مايحلب تكون مادة الدهون قليل وكل ما يبرد ويطول مدة خروج تكثر مادة الدسم فيها يفيد لب الاسنان والمسالك البولية ويقوي المناعة وله مفوعل جنسيا يخفض ضغط الدم ويخفض ارتفاع السكر الخ..
دقق يابعير مدرهم
انوا البل والشديد والرحيل /
الوضح : تقطع في اليوم الواحد حوالي 70كم ألى 80كم
المجهم / تقطح نفس المسافة ولكن ابطء شوي وتعلك شوي ومعافرها شغلة خصوصاً اذا برطمة .
الشعل / تطربك في الشديد والرحيل وتقطع في اليوم الواحد
حوالي 90كم واسرع البل في الشديد واخفها .
الصفر / لا تباعد الشعل ولكن الشعل اسرع شوي
عناء الشديد /
الشديد مشكلتة مشكلة خصوصاً كثرة المصاريف واذا طلع سهيل اتجهة خشوم البل يم الشمال وقامت تحن وترن تبي الرحيل يم البراد واذا طاحا المطر وتأكدنا من الربيع يم الشمال سندنا واهم ماعلينا الوايت والمارد والبرسيم او الشعير حسب ما يعلف راعي البل اذا كان يبي الحيلب وزين الوبرة عليه بالبرسيم واذا يبي الشحم عليه بالوافي والمكعب (شعير )
والشديد حسب المكان اللي تبي تشد منه اهل الجنوب اكثرهم من عند خريص والديار ذيك
واهل نجد والغربية وبعض اهل الجنوب مع كبري العتش محدودين غصب عليها ويمكن هذي المعلومة تنفع بنت الرس
وفي وقت الشديد يا بعير مدرهم تصير اكثر البل لقايح ( حميل ) وبعضها واصل حد المخاض ، ونحاول انا نوصي الراعي او الملحاق عليها ولكن بعضها يجيها المخاض في الليل وتسري ولا توقف حتى تطرح ولدها يعنى تولد والله يعين راعيها على تدويرها وسبحان الله ما تولد الناقة عند البل ابداً الا اذا كانت محجورة بشبك وبعضها يكسر الشبك وتسري تستحي من البل واذا ضاعت الناقة يسئل عنها اهل البل و في جهاز الكنود بذكر شكله واوصافها والوسم اللي عليها ومعلومة الناقة ما تضيع يحصلها صاحبها ولو بعد سنين لان الوسم ما احد يقدر يشيله ، ومن هذا الشرح نلاحظ ان الناقة تتجه على كيفها وحول الطرقات تدور ولايفها وهذا الخوف الحقيق لصاحبها انها تسوي حادث لاحد والا شي .
البعير يحمي البل من اي بعير ثاني واعتقد ان الاوضح هو دايم يبدي المشاكل للبعارين شايف نفسه شوي
واذا قرب الصفري يا بعير مدرهم نسئل عن ربيع الجنوب ثم حدرنا وللمعلومية يا اهل مكشات ارض الجنوب رائعة بكل ما تحمله الكلمة لان ارضها بيضاء واكثرها دكاكة يعنى قريبة من السهول وفيها ضلعان سوداء وقريبة من شكل وارض وضلعان طخفة وربيعان سبحان الله ما يطلع الا بالصيف مع حرارة الشمس ومدة ربيعها حوالي شهرين بالنسبة للبل وهي جنوب خط السريع الرياض مكة واقرب مكان يمكن تفرق من عنده هي بعد القويعية حتى حلبان وجنوباً مروراً على الدخول فحوملي التي ذكرها اعتقد امرؤ االقيس
قفا نبكي لذكرى حبيبي ومنزلي بسقط اللوى بين الدخول فحوملي
حتى تصل فرشة بيشة .
احتياج البل / تشرب البل في الصيف كل يوم لانها تاكل نباتات قليلة الماء في الصيف اما في الشتاء فبعضها يشرب كل ثلاثة ايام وفي المربعاني كل عشرة ايام .
الركبي / يعنى رحول هي اللي يركب عليها الراعي ويصيح بنداء للبل حتى تتبعه وافضل ناس لهذه الشغله العراقيين .
الشمايل / الشماله التي تغطي بها ديس الناقة وفي الشديد ترفع وتشال حتى ما يتعبها .
البعير يقيد حتى ما يشغلنا اذا شاف بعير ثاني والا يشغلنا في علمية الضراب .
البطح / مافسه شريفة بين ملاك الابل يتزايدون من اسرع في الشديد خصوصاً اذا قرب المراح وهذه تظر البل وخليها دقاقة .
الزرفلة / مشي البل على سرعة قبل البطح .
قصص / نوفا
بكرة عند الامير سلطان بن محمد يناديها باسمها وتتلفت البكرة تدور مكان الصوت واذا شافت الامير اطلعت لوحدها من بين البل وجت عنده وحطة راسها عند صدرة
خالي باع له ناقة وهي بكرة وبعد سنتين لقاها عند واحد من اصحابة مشتريها ويشتكي صاحبه منها يقول ناقة عجور عيت تطاوعنا قال خالي واذا طوعتها الحين قال الرجال تراها لك وهي بكرة مزيونة ناداها خالي وجت لين بيت الشعر وطلع خالي لها وعطاها تمر بيده واكلتها والله انها راحت ترثع من الفرحة وقال الرجال تراها جتك .
انا مرة ساعدة ناقة على الولادة كان طالع الحوار راسة وايديه ولبست ادسوس وسحبت الحوار وانا انزل الحوار قامت الناقة وحطة راسها فوق راسي وبغاء يضربها الراعي وقلت خلها تبي حوارها
مثل اللي تقول شكراً سبحان الله
وتقبلوا تحياتي
اليك اخي بعير مـــــــــــــــــــدرهم
على نياتكم ترزقون .
حياتي / مع البل
حقيقتاً انا لست بدوي مثل ما يقول هوامير بورصة البل لان البدوي هو صاحب النياق الملاوين في وقتنا الحالي او صاحب الذود والانتاج الحقيقة من بعيرة .
اما امثالي اللي تولعوا في البل وشروها فاعتقد انه يهمه المشاركات والسمعة والوكيل هو اللي يدبر الامور .
وحياتي مع البل قريبة ولكن استفدة الكثير .
اول خلني اتكلم عن الناقة بشكل عام /
الناقة لها مواقف كثيرة ونزلت فيها ايات كثيرة ويضرب فيها الامثال والحكم والقصياد والوفيرة .
غريباً امرها عجيبا شكلها جمعة من الحصان / الصون ومن البقر وفرة الحليب ومن الحمار الصبر .
لحمها قليل الكلسترول قليل الدهون حار على الجسم يقتل بعض الكبتريات ويغذي الجسم .
فوائد حليبها حدث ولا حرج / اول مايحلب تكون مادة الدهون قليل وكل ما يبرد ويطول مدة خروج تكثر مادة الدسم فيها يفيد لب الاسنان والمسالك البولية ويقوي المناعة وله مفوعل جنسيا يخفض ضغط الدم ويخفض ارتفاع السكر الخ..
دقق يابعير مدرهم
انوا البل والشديد والرحيل /
الوضح : تقطع في اليوم الواحد حوالي 70كم ألى 80كم
المجهم / تقطح نفس المسافة ولكن ابطء شوي وتعلك شوي ومعافرها شغلة خصوصاً اذا برطمة .
الشعل / تطربك في الشديد والرحيل وتقطع في اليوم الواحد
حوالي 90كم واسرع البل في الشديد واخفها .
الصفر / لا تباعد الشعل ولكن الشعل اسرع شوي
عناء الشديد /
الشديد مشكلتة مشكلة خصوصاً كثرة المصاريف واذا طلع سهيل اتجهة خشوم البل يم الشمال وقامت تحن وترن تبي الرحيل يم البراد واذا طاحا المطر وتأكدنا من الربيع يم الشمال سندنا واهم ماعلينا الوايت والمارد والبرسيم او الشعير حسب ما يعلف راعي البل اذا كان يبي الحيلب وزين الوبرة عليه بالبرسيم واذا يبي الشحم عليه بالوافي والمكعب (شعير )
والشديد حسب المكان اللي تبي تشد منه اهل الجنوب اكثرهم من عند خريص والديار ذيك
واهل نجد والغربية وبعض اهل الجنوب مع كبري العتش محدودين غصب عليها ويمكن هذي المعلومة تنفع بنت الرس
وفي وقت الشديد يا بعير مدرهم تصير اكثر البل لقايح ( حميل ) وبعضها واصل حد المخاض ، ونحاول انا نوصي الراعي او الملحاق عليها ولكن بعضها يجيها المخاض في الليل وتسري ولا توقف حتى تطرح ولدها يعنى تولد والله يعين راعيها على تدويرها وسبحان الله ما تولد الناقة عند البل ابداً الا اذا كانت محجورة بشبك وبعضها يكسر الشبك وتسري تستحي من البل واذا ضاعت الناقة يسئل عنها اهل البل و في جهاز الكنود بذكر شكله واوصافها والوسم اللي عليها ومعلومة الناقة ما تضيع يحصلها صاحبها ولو بعد سنين لان الوسم ما احد يقدر يشيله ، ومن هذا الشرح نلاحظ ان الناقة تتجه على كيفها وحول الطرقات تدور ولايفها وهذا الخوف الحقيق لصاحبها انها تسوي حادث لاحد والا شي .
البعير يحمي البل من اي بعير ثاني واعتقد ان الاوضح هو دايم يبدي المشاكل للبعارين شايف نفسه شوي
واذا قرب الصفري يا بعير مدرهم نسئل عن ربيع الجنوب ثم حدرنا وللمعلومية يا اهل مكشات ارض الجنوب رائعة بكل ما تحمله الكلمة لان ارضها بيضاء واكثرها دكاكة يعنى قريبة من السهول وفيها ضلعان سوداء وقريبة من شكل وارض وضلعان طخفة وربيعان سبحان الله ما يطلع الا بالصيف مع حرارة الشمس ومدة ربيعها حوالي شهرين بالنسبة للبل وهي جنوب خط السريع الرياض مكة واقرب مكان يمكن تفرق من عنده هي بعد القويعية حتى حلبان وجنوباً مروراً على الدخول فحوملي التي ذكرها اعتقد امرؤ االقيس
قفا نبكي لذكرى حبيبي ومنزلي بسقط اللوى بين الدخول فحوملي
حتى تصل فرشة بيشة .
احتياج البل / تشرب البل في الصيف كل يوم لانها تاكل نباتات قليلة الماء في الصيف اما في الشتاء فبعضها يشرب كل ثلاثة ايام وفي المربعاني كل عشرة ايام .
الركبي / يعنى رحول هي اللي يركب عليها الراعي ويصيح بنداء للبل حتى تتبعه وافضل ناس لهذه الشغله العراقيين .
الشمايل / الشماله التي تغطي بها ديس الناقة وفي الشديد ترفع وتشال حتى ما يتعبها .
البعير يقيد حتى ما يشغلنا اذا شاف بعير ثاني والا يشغلنا في علمية الضراب .
البطح / مافسه شريفة بين ملاك الابل يتزايدون من اسرع في الشديد خصوصاً اذا قرب المراح وهذه تظر البل وخليها دقاقة .
الزرفلة / مشي البل على سرعة قبل البطح .
قصص / نوفا
بكرة عند الامير سلطان بن محمد يناديها باسمها وتتلفت البكرة تدور مكان الصوت واذا شافت الامير اطلعت لوحدها من بين البل وجت عنده وحطة راسها عند صدرة
خالي باع له ناقة وهي بكرة وبعد سنتين لقاها عند واحد من اصحابة مشتريها ويشتكي صاحبه منها يقول ناقة عجور عيت تطاوعنا قال خالي واذا طوعتها الحين قال الرجال تراها لك وهي بكرة مزيونة ناداها خالي وجت لين بيت الشعر وطلع خالي لها وعطاها تمر بيده واكلتها والله انها راحت ترثع من الفرحة وقال الرجال تراها جتك .
انا مرة ساعدة ناقة على الولادة كان طالع الحوار راسة وايديه ولبست ادسوس وسحبت الحوار وانا انزل الحوار قامت الناقة وحطة راسها فوق راسي وبغاء يضربها الراعي وقلت خلها تبي حوارها
مثل اللي تقول شكراً سبحان الله
وتقبلوا تحياتي
اليك اخي بعير مـــــــــــــــــــدرهم