شعيب تطاقينا على اسمه تكفون علموني وش اسمه....

[دكتور بر]

هذا طال عمركم شعيب جانا بعد ما خلينا شبك أرامكو على اليمين اللي عند سعد وحنارايحين شمال، وبعد ما انتهى شبك أرامكو ...جتنا فياض واجد منها الصغير ومنها الكبير ومنها المسعودي وأم القطا....ليس هذا هو الشاهد ....
بعد المحطة بحوالي 7 كيلو ونحن متجهون شمالاً جانا الشعيب...
طبعاً الشعيب أو الوادي هذا نكشت فيه من سنين ومسمينه الجافي ....
لكن جانا من قال : ان الجافي هو الشعيب اللي يقطع طريق الشرقية وعلاوية عند الكسارة...وهذا ليس بشعيب الجافي...
فهل أحد منكم يا إخوة يعرف الاسم الصحيح لهذا الشعيب ؟؟؟...

[ابو عاذر]

هذا يقاله شعيب رملان وفي نهايته توجد عدة أبار مطوية يقالها أبار رملان

مع تحيات اخوك ابو عاذر

[بــح ــر الــكــرم]

هلا أخوي دكتور بر




أسم الشعيب على مأعتقد شعيب رملان





دمت بود

[مكشاتي ون]

يعني ما معكم عطي الله ( القارمن ) بتلقونه مكتوب فيه

[دغيم1]

السلام عليكم
حياك أخوي ... دكتور بر
الحقيقة ماعرفت بالضبط اتجاهك او المكان اللي تقصد - لكن باعطيك معلومات متكاملة عن المنطقة وعن طريقها ان شاء الله تستدل على المكان اللي تبيه .
1) وانت نازل من كوبري سعد متجه شمال - تجيك روضة الجافي على يمينك - واللي يصب فيها وادي الجافي - اللي يباري طريق الدمام ثم يقطع الخط شمال ويمشي معه حتى تقاطع سعد ويتجة للروضة بالقرب من الدهناء .
2) وادي الخويش الذي يصب في روضة الخويش التي يقطعها الطريق المؤدي الى ام القطا بعد محطة ارامكو قبل الكسارة القديمة وهي غرب عن روضة الجافي .
3) وادي المسعودي - والذي يصب في روضة المسعودي -عند الوصول الى محطة الضخ 3 تتجة شمال غرب بعد 7 كم تأتيك الروضة .
4) وادي وثيلان - والذي يصب في روضة ام القطا -
5) وادي خويش العطشان - يصب في روضة خريم .
6) وادي خويش الريان - يصب في روضة خريم .
ملاحظة : أما ماذكرة الأخوة الكرام بأن اسم الوادي رملان - فإليك تصحيح للمعلومة - بدون قصور فيهم .
...... الأسم هو ( مربخ رملان ) وهو حضن الرمل تغمره المياه - وهذا الحضن غرب عرق رملان - تأتيه المياه من روضة خريم - بعد انتلائها والخويشات ووادي وثيلان - ينبت العشر والحرمل وبعض اشجار الطلح وهو وعر المسلك .
صورة توضح المنطقة :

http://www.mekshat.com/pix/upload/images30/mk46848_dscf0002.jpg



آمل أن اكون أوضحت ولو بشيء يفيد وبسيط .
تقبل تحياتي - دغيم 1

[عبد الله الفايز]

شعيب رملان

وان أخطيتوه فشعيب وثيلان

[دكتور بر]

أبو عاذر###السهلي###
الله يعافيكم
فيه على ما أظن لبس أو سوء فهم
أنا ما أدري بس الشعيب كبير وفيه طلاح وسدر وعوشق وهو مسترمل ويفيض على حدود الرمل
الأخ مكشاتي ون للأسف القارمن إلى الان لم يسجل جميع الأودية وبعض تسجيله للأسماء غير صحيح ...
الأخ / دغيم 1
والله إجابتك شافيه وتسلم يالغالي لكن الخريطة اللي عرضتها كانت غير واضحة لي
وجزيت خيرا على جهدك ...
الأخ / عبد الله الفايز
رملان ولا وثيلان ترى المطاقة بينا على الاسم:mad: ....
شكرا لمرورك....