إقلالالالالالاع × إقلالالالالاع ومن نوع جديد ... رحلة ولا كالرحلات .... راعي الهـــدد

[راعي الهـــدد]

http://www.mekshat.com/pix/upload/images30/mk33838_28u.jpg


بسم الله الرحمن الرحيم



في يوم الخميس الموافق 25 / 2 / 1428هـ تم الإتفاق بين كلاً من ابو حمد طرفاً أولا وبين ابو عاصم طرفاً ثانيا على أن يقوم الطرف الأول بــ ........... هههههههههههه

صار عقد بيع وشراء

المهم رحت هالسبوع لمكان قريب من الرياض وعلى بعد 85 كيلو فقط

وحقيقة وبلا خجل اقولها بصراحة الناس ماعندها تقدير

تقولون ليش اقول لكم

والله شفنا شي يفقع المرارة انا ما ابي انكد عليكم بتشوفون في ثنايا الموضوع كل حاقه

توجهت انا والأخ الفاضل ابو عاصم ونعم الأخ اي والله

وحملنا اغراضنا من عزبة وماء وكل شي نحتاجة

هاه ابو عاصم وين ودك نوجه ابو عبدالله (( أحد كتاب مكشات اسمه السرهيد حفضه الله وقدس سره هههه )) دقيت عليه قبل شوي ويقول روضة أم القطا شي خيال تعلو يمنا

وش رايك نروح لأم القطا او لأم سمحان هههههههههههه اقصد فيضة سمحان ورى ضرما

قال الراي لك يابو حمد والي تشوفه مناسب قلت لا ودي برايك هالمرة المهم عقدنا المسير يم فيضة سمحان ورى ضرما

ايييييييييييه

وصلنا الفيضة ووجدناها ممتلائة بخلق الله

دجنا لنا شوي في الفيضة ندور شجرة او شي لأنا متوقعين الشمس حارة ولكن ماحصلنا شجرة كلهن مشغولات هههه

ولا به زود شجر فيها ماغير اربع او خمس

المهم وقفنا بمكان طيب أخضر وفي وسط الفيضة

وصارت الشمس ولله الحمد بويردة او حلوه مابها زود أذى

المهم نزلنا العزبة وكل مانحتاجة وطقين الرواق الذي لايمكن لأي كشات او قناص الأستغناء عنه (( قريباً سوف انزل موضوع عن إختراع جديد وقفزة عالمية في عالم تطوير الرواق وبأسلوب عجيب سيعجبكم كثيراً ))

وروسنا دايخة حيل حيل وشبينا على الماء وصلحنا اقهوتنا

http://www.mekshat.com/pix/upload/images30/mk33838_4u.jpg





أوييييييييييييييه اضبطت القهوة الله يعافي من صلحها

وكسرنا كم فنجال وكم فردة اخلاص يحبه قلبك

ووسعنا الصدر وسوالف واعلوم وزانت السالفة وياربي لك الحمد والله نحن في نعمة نحسد عليها يالله لك الحمد

http://www.mekshat.com/pix/upload/images30/mk33838_1-u.jpg




روقنا ووسعنا الصدر وبدينا بتجهيز الغداء

والله اني ما ابي انزل اي وجبة لي بالنت بس الشباب ملزمين علي في مواضيع ثانية ووعدتهم بتلبيت الطلب في هذا الموضوع

المهم

الي أخذ اللحمة ينضفها ويغسلها اووووه الحيمت حويشي يحبها قلبك

والي قام يقطع البصل والطماط وهاه من هالعلوم الطيبة الي انتو خابرينها

وهذا قدري العزيز والغالي على قلبي قدر الضغط الصيني وارد السيف
ونطلنا به الحمة الحاشي والطميطة هههه والبصيلة ويالله لك الحمد


http://www.mekshat.com/pix/upload/images30/mk33838_3u.jpg


طبيعي انك بتزيده ماء وتوزن الماء عليه كما بالصورة أدناه


http://www.mekshat.com/pix/upload/images30/mk33838_5u.jpg


انتضرت الين بدى يقلب الماء

ثم كتمته وخليته يتقلّب لحاله قلت خلك على راحتك تقلّب الين اجيك ههههههه

http://www.mekshat.com/pix/upload/images30/mk33838_7u.jpg




وفيه شي دايم مايفارقني في كشتاتي او مقانيصي وهو القرع الأمريكي ياأخوان ترآه زيادة على طعمه الحلو

فترآه مفيد مفيد مفيد
ويقولون أهل الغذاء ان فوائده تعادل فوائد اللحم بنسبة 70 او 80 بالمائة
فلا يفووووتكم

وهذاهو جاهز للنطل مع كبسة الرز حلوه النطل ههههه

لاحظ معي السكين السويسرية

يعنبو من صنعها اشهد بالله انها سكين واوك ما اطيبها

لاتفوكم يالربع يلزم كل واحد سكين مثلها

http://www.mekshat.com/pix/upload/images30/mk33838_8u.jpg





ونحن بنتظار الغداء جهزنا الخيار والطماط واليمون

وانا احب السلطة في البر تكون عدله بدون تقطيع

لنواحي صحية ونواحي شهويه هههههههههه حلوه شهويه يعني اشتهيها كذا الذ وأطعم

http://www.mekshat.com/pix/upload/images30/mk33838_9u.jpg




لكن ابو عاصم وده بتقطيعها قلت سم الي تشوف لكن لاتكثر انا باعرم عرم افضل واحسن ههههههه

http://www.mekshat.com/pix/upload/images30/mk33838_10u.jpg


تــــــابــــــع >>>>

ارجوووك لاترد أنتضر باقي تكملة للموضوع


تــــــابــــــع >>>>

[راعي الهـــدد]

مـــــتــــــبــــوع <<<<<




طوط طوط طوط طوط طوط طوط

الخطوط مشغوله الكبسة وصلت والكل بينشغل بها

تكفون يالربع قولو بسم الله ماشاء الله لاقوة الا بالله

يالله تبون تشوفونها

طيب طيب

بس مثل ما اتفقنا

واحد مآخذ في نفسه مقلب ههههههههه والله من الرفالة يابو حمد ههههه
http://www.mekshat.com/pix/upload/images30/mk33838_11u.jpg



ولعشان ابو حمد مايحب التمطيط وتكثير الكلام قرر ان يصقعكم ويصعقكم بصورة الغداء مباشرة (( الا والله انك ابو التمطيط والخربطة يالخرموطي ههههههه ))

http://www.mekshat.com/pix/upload/images30/mk33838_12u.jpg




وهذه الكبسة من صورة أخرى وبمشهد خلاب لايفوووتك حبة الرز الي متمغطة تمغّط الين قالت بس هههه
http://www.mekshat.com/pix/upload/images30/mk33838_13u.jpg


ومابين كبسة البر وكبسة البيت يفتح الله يفتح الله يفتح الله

تحت السواهي دواهي على قولتهم

لاحظ الفرق بين إعداد البيت وإعداد البر
http://www.mekshat.com/pix/upload/images30/mk33838_40u.jpg




تغدينا وعينا من الله الف خير وضبطنا لنا بريق شويهي يحبه قلبك ياغالي

ويقولون أن طريقة الشاهي المخنوق الذ وافضل من غيرها


ههههههههههههههاي


اكيد بتقول وش الشاهي المخنوق تابع معي

هذا البريق يطبخ سكر وماء فقط
http://www.mekshat.com/pix/upload/images30/mk33838_14u.jpg



بعدين طف عنه النار وكب ورق الشاهي فيه وسكره وخله شوي يخدر

http://www.mekshat.com/pix/upload/images30/mk33838_15u.jpg




ثم تعال شف كيف يصير الشاهي وزنه وحده لا في اللون ولا في الطعم الى آخر قطره ه ه
http://www.mekshat.com/pix/upload/images30/mk33838_zzzzzzzzz.jpg




ياسلالالالالالام سلّم

شاهي وخضار من ربي

وجلسة مع ارجال شرواكم وسالفة رايحة وسالفة جايه

يالله لك الحمد
http://www.mekshat.com/pix/upload/images30/mk33838_16u.jpg



وتمدد ابو عاصم وردد يالله لك الحمد الله لايغيرها نعمة وبسط على هالشويهي

http://www.mekshat.com/pix/upload/images30/mk33838_20u.jpg







تـــــــابــــــــــع >>>>>

ارجووووك لاترد باقي تكملة للموضوع

تــــــــابـــــــــع >>>>>>

[راعي الهـــدد]

مـــــتــــــــبــــوع>>>>>




شف بيالة الشاهي وعن قرب
تلذذ لو بالمشاهدة ممكن يكفي والا وش رايكم ههههههه

http://www.mekshat.com/pix/upload/images30/mk33838_17u.jpg


طيب يالخو ماودك تقرب بعد شوي ممكن يطول فمك شي منه

http://www.mekshat.com/pix/upload/images30/mk33838_18u.jpg




الا ماودك تغطس فيه وتسبح
ههههههههههه هههههههاي

لونه لون الذهب ماشاء الله

http://www.mekshat.com/pix/upload/images30/mk33838_19u.jpg




بعد كل هالصور التفت علي البريق

ولسان حاله يقول ماتخاف الله صورتني وصورة بنياتي البيالات وفضحتني

خف الله

تكفى لاتصور تكفى

واتمعن واتمقل الا والله ذيك البيالة المزيووونة بيالة بادريق منخشة ورآه

قلت آخر صوره تكفى ابي انزلها لقروووم مكشات ولا جايك ولا بناتك شر الا كود كسر بالغلط

وخرت دموعه وطلع ورق الشاهي مثل ماتشوفون وتحسّفت شفه فاق اخشيشته يبكي

http://www.mekshat.com/pix/upload/images30/mk33838_26u.jpg



مــــلاحــــضــــة


البريق ونوعيته تفعل الأفاعيل

البريق وكما شاهدتم هو افضل بريق يضبط فيه الشاهي ويعطيك نكهته الحقيقية وبنقاوة عجيبة

وهو بريق الستيل الكوري 10/18 وهو شبه معدوم من السوق وفيه عناوين لمحلات وضعتها لكم بالرابط أدناه تابع فيه لايفوتك البريق وأصل الموضوع لأحد الإخوة وتحت عنوان /

يا أعضاء مكشات،،من يدلني على هذا البريق (http://www.mekshat.com/vb/showthread.php?t=73760)


المهم وزبدة الموضوع

صلينا العصر والضهر وبدينا نتمشى ونلقط صور للموقع ووالله شاهدنا مناظرعالمية

وفي نفس الوقت شاهدنا مناظر يندى لها الجبين من حال امة متخلفة

تابع معي ستفرح وتبتهج

وستبكي دما في نفس الوقت


انظر للعشب وقد بدت الشمس تغازل خضرته

http://www.mekshat.com/pix/upload/images30/mk33838_31u.jpg



منظر يعجب الكثير خضرة ورمله وجبل


http://www.mekshat.com/pix/upload/images30/mk33838_29u.jpg




العالم منتشرين في الفيضة يالله لك الحمد

http://www.mekshat.com/pix/upload/images30/mk33838_ggf.jpg




والشويهات دقت الفيضة دق وماخلق العشب الا لذالك

فمتع الله اهل الإبل بإبلهم واهل الشاه بشوايهاتهم

http://www.mekshat.com/pix/upload/images30/mk33838_22u.jpg





ومنظرمسحي وعلى قطر اوسع


http://www.mekshat.com/pix/upload/images30/mk33838_21u.jpg






تــــــابـــــــع >>>>>>>


ارجووووووك لاترد باقي تكملة للموضوع

تــــــابــــــع >>>>>>>

[راعي الهـــدد]

مــــــتـــــــبـــــوع >>>>>






صورة مقربة من بعد

http://www.mekshat.com/pix/upload/images30/mk33838_23u.jpg




وابشركم السيارات الصغيرة تآصل حتى الأمريكي يآصل

تكفوووون تكفووووون تكفوووون

برو آبائكم تبركم ابنائكم

متعو والديكم وزوجاتكم واولادكم ولاتبخلون عليهم بكشتة ولو بالشهرين مره
http://www.mekshat.com/pix/upload/images30/mk33838_32u.jpg



وابشركم العشب حتى في الضلعان وفي روس الجبال

السنه هذي جانا خيرعظيم انضر للصورة ادناه

http://www.mekshat.com/pix/upload/images30/mk33838_36u.jpg




وهذه ايضاً تقول معشّى ارنب يازينه

http://www.mekshat.com/pix/upload/images30/mk33838_37u.jpg




يحد الفيضة من غرب جنوب عريق يحبه قلبك ينتهي في راس الجبل بمنظر بديع

يازينه وزين مقاعد فيه عقب عصر انضر للصورة أدناه

http://www.mekshat.com/pix/upload/images30/mk33838_35u.jpg




وهذي صورة اسعى فيها للأحترافية
(( تبطي يابو حمد خلك على الأوتو ويالله يالله ههههههه ))

http://www.mekshat.com/pix/upload/images30/mk33838_34u.jpg


انضر للمآسي المبكية

انضر معي وتأمل لغة القوم

تابع وستمل ولاشك من المتابعة

قوم اشبه مالهم وش اقول بس والله لو شبهتهم بوصفهم الحقيقي لبتر الموضوع من أساسه

شف القمايم كرمك الله وقد أبادت وستبيد لسنوات قادمة العشب والخضرة

http://www.mekshat.com/pix/upload/images30/mk33838_24u.jpg





بالله هذا ليش مجمع زبالته وراميها هنا

بيعجزه يحملها بسيارته ويرميها في اقرب زبالة

قالك الحين انه ماقصر ولا احد قده انحش عنه

شف الصورة حدر وانضر للمعلم بالأحمر

http://www.mekshat.com/pix/upload/images30/mk33838_30u.jpg





طبعاً المشهد المألوف الذي لابد منه في مجتمع مثل مجتمعنا قليل التوعية

ان ترى الفيضة وقد قسّمت بتقاسيم اشبه مالها بمخططات الموسى او ابن سعيدان للعقارات ماناقص الا يعلنون البيع حسبي الله ونعم الوكيل

شف الفيضة وش صارت
http://www.mekshat.com/pix/upload/images30/mk33838_39u.jpg





تــــــابــــــع >>>>

ارجووووك لاترد باقي تكملة للموضوع


تــــــابــــــع >>>>

[راعي الهـــدد]

مــــــتــــــــبـــوع >>>>





وحتى البلدية وهي البلدية مسوية ضجه في الفيضة ووالله يا أخوان اني موقف طولي ادور وش صوت هالموتر الله يستر لايتوطانا

الا والله هاك الموتر اللحمر واعاين واتمقل

الى ختم البلدية عليه

قلت ايه ممتلكات الدولة راحت خيخه بين هالعمالة والي مايخافون الله تقول كنه شاريه من جيبه طاير طيرة ماتصدق بها تأمل المعلم بالأحمر تصدقون اعجزت الكمرة تلحقه
http://www.mekshat.com/pix/upload/images30/mk33838_33u.jpg


وعند الوداع واجهتنا هذه الدودة

الكثير سيعرفها ولاشك منضرها جميل وخلاّب الوانها تقول تشع نور

http://www.mekshat.com/pix/upload/images30/mk33838_38u.jpg




الله يحفضني وأياكم من كل شر وسوء

تقبلو محبتي وتقديري ياأعضاء ياغالين


والموضوع القادم سيهز أرجاء مكشات

ترقبو له بإذن الله سيعجبكم

وسيعجب بالخصوص كل صاحب باترول ربع

تطور وسلاسة ودقة ومتابعة من ابو حمد



انتهى موضوع الرحلة

اتمنى انكم استمتعتم ياغالين

وهذه فيضة سمحان بعد ضرما بعشرين كيلو تقريباً

لم يكن من عادتي الإعلان في العام عن المواقع اياً كانت نباتية او حيوانية

وفعلت ذلك هذه المرة لأن العشب ولى وراح والله يوفق ويسدد

وهدفي مصلحة الموقع ذاته


محبكم ومغليكم والداعي لكم بضهر الغيب

ابو حمد




ترقبو



والقااااااادم >>>>>> والقااااااااادم >>>>>> أشد >>>> وأنكى

[(أبوزيـــــد)]

ماشاء الله تبارك الله عليك...

مواضيعك رااايقه بصراحه..

ويعلم الله اني اتشوق لمواضيعك واطاردها مطارد...وهذا لتميزك ...
جهد تشكر عليه اخي راعي الهدد...
تقبل خالص تحياتي...

(أبو زيـــــد)

[غازي 1]

ماشاء الله ياراعي الهدد .... رحلة موفقة إن شاء الله
جهد تشكر عليه اخي راعي الهدد...
بس بصراحة الكبسة خياااااااااااااااااااااال .. بالعافية إن شاء الله ...
لكن أخوي أنا من رأيي إنه يكون معك شاي أخضر بعد الكبسة ..
مجرد رأي فقط ..

خالص تحياتي لك ولخويك أبو عاصم ..

[راعي الهـــدد]

ماشاء الله تبارك الله عليك...

مواضيعك رااايقه بصراحه..

ويعلم الله اني اتشوق لمواضيعك واطاردها مطارد...وهذا لتميزك ...
جهد تشكر عليه اخي راعي الهدد...
تقبل خالص تحياتي...

(أبو زيـــــد)



الغالي والعزيز والطيب

ابو زيد

يعلم الله لقد شرفني مرورك

والله يشكر سعيك ولايحرمك الأجر

الله يكرمك بالجنة آمين

[راعي الهـــدد]

ماشاء الله ياراعي الهدد .... رحلة موفقة إن شاء الله

جهد تشكر عليه اخي راعي الهدد...
بس بصراحة الكبسة خياااااااااااااااااااااال .. بالعافية إن شاء الله ...
لكن أخوي أنا من رأيي إنه يكون معك شاي أخضر بعد الكبسة ..
مجرد رأي فقط ..

خالص تحياتي لك ولخويك أبو عاصم ..






الغالي يزيد الأول شكرا لك يابعدهم

بس الشاهي الأخضر مايناسبني ياغالي

ابحث عن السر في جوابي وينتهي العجب منه

هههههه

حياك ياغالي والله يغفر لك ووالديك

[راعي الجير]

مشكور لاعدمناك والله يرحم والدينا واالديك والمسلمين جهد جبار تشكر عليه انا من اهل ضرما وتحسفت لان نروح رايض ثانيه وهاذي عندنا طمعتنا فيها معاد نتعداها

[دغيم1]

السلام عليكم
الحمد لله على السلامه - ورحلة موفقه
ماشاء الله - صور متكاملة ومتنوعة - أقدر أقول عنها كوكتيل - تقرير مفصل
تسلم يمينك على الصور - وبورك فيك أهتمامك وحرصك على البيئة
تقبل تحياتي - دغيم1

[نقا خريم]

الله يمتعنا بشوفة انهار الجنه وخضرتها الدائمه..
امتعتنا بما تبقّى من ربيع مناطقكم..
أمتعك الله بالصحه والعافيه..
ونسأل الله ان يلطف بحالنا نحن شمال القصيم..
ويرزقنا من واسع فضله انه جواد كريم..
وجزاك الله كل خير ..

[العنبري1]

ماشاء الله

تقرير مصور رائع جدا

الله يعطيك الصحة والعافية اخوي راعي الهدد

على هالتقرير المصور الجميييل

ترتيب وتنظيم وسرد راااائع تشكر عليه

دائما التميز عنوانك الله يمتعك بالصحة ويوفقك للخير

اتمنى لك التوفيق والنجاح

تقبل تحياتي

[khalid 6]

صراحه رووووووووووووووووووووووعه وانت روعه بالتقاط الصور والحركات الحلوه في التصوير
ومشكووووووووووووووووووووووووووووووووووووووووووور
مشكووووووووووووووووووووووووووووووووووووووور
مشكوووووووووووووووووووووووووووووووووور
مشكوووووووووووووووووووووووووووور
مشكووووووووووووووووووووووور
مشكوووووووووووووووووور
مشكووووووووووووور
مشكووووووووور
مشكووووور
مشكوور

[مزاجي]

ماشاء الله تبارك الله

ونا قول وراك مشغول هليومين اثرك تجهز هلموضوع الزين


اقول شريت الدفتر الليعلمتك ولا بعد وابشرك ترا اخوك سلم الدفتر وينتظر التصحيح


طبعاً مقدر اقول الا الله يجزاك خير

[راع الابل]

ياحلوا الطبخة ولكن لو فيها لحم حاشي او طلي لباني او تويس تكمل عليه بالليل مشوي كان تحلوووووووووو مع زين طبخك والله اني جعت من الشوفة ومشاء الله عليك

تحياتي

[همّام]

هاه نرد ولا باقي شيء

تسلم وانا اخوك على هالزين

واللي ذكرت وصورت والله يضيق الخلق

ولو فكر الواحد إنه يطلع للمكان نفسه من باكر هل تتوقع إنه يترك فيه شيء

ما أظن والله ،، لكن من تقول له وأنا أخوك ..

[عاشق سفر]

تصدق شيء يا راعي الهدد؟؟

انت يوم تكتب الواحد ما يمل منك كيف لو جلس معك؟؟

حياك الله ان جيت جدة والا الطائف اتشرف بمعرفتك والله...

وعلى فكرة ترى انت تصلح روائي وكاتب قصص مبدع

[رحـ R ـال]

وش هالزين يا راعي الهدد

ما أقول إلا ما شاء الله تبارك الله ....

والله يوفقك ياغالي

[ahm620]

الله يعافيك راعي الهدد
صور جميله وتقرير ممتع

[قلب الداهيه]

ما شاء الله عليك أخي راعي الهدد
تقرير مفصل ومميز ورائع وجميل
باقي كلمات ثناء أخرى ما قلتها ذكرني تراني أنسى
أما الناس اللي يقطون الزبايل بالبران وخاصة بالربيع يتقطع قلبي لما أشوف زي هالمناظر ما أقول الا الله يهديهم ويصلحهم
مشكور على الصور والرحلة الموفقة باذن الله 00

[راعي الهـــدد]

مشكور لاعدمناك والله يرحم والدينا واالديك والمسلمين جهد جبار تشكر عليه انا من اهل ضرما وتحسفت لان نروح رايض ثانيه وهاذي عندنا طمعتنا فيها معاد نتعداها




اشكر لك المرور ياغالي

الله لايحرمنا من طلاتك الطيبة

شكرا شكرا

[راعي الهـــدد]

السلام عليكم
الحمد لله على السلامه - ورحلة موفقه
ماشاء الله - صور متكاملة ومتنوعة - أقدر أقول عنها كوكتيل - تقرير مفصل
تسلم يمينك على الصور - وبورك فيك أهتمامك وحرصك على البيئة
تقبل تحياتي - دغيم1








هلا بالغالي دغيم1

هلا بك ومرحبا بك

اشكر لك المرور الطيب والرد الأطيب

شكرا لك ياغالي

[صياد البسيتين]

السلام عليكم ورحمة الله وبركاته
رحلة موفقه
ماشاء الله - صور متكاملة ومتنوعة - أقدر أقول عنها كوكتيل - تقرير مفصل
تسلم يمينك على الصور
تقبل تحياتي .

[راعي الهـــدد]

الله يمتعنا بشوفة انهار الجنه وخضرتها الدائمه..
امتعتنا بما تبقّى من ربيع مناطقكم..
أمتعك الله بالصحه والعافيه..
ونسأل الله ان يلطف بحالنا نحن شمال القصيم..
ويرزقنا من واسع فضله انه جواد كريم..
وجزاك الله كل خير ..



الغالي نقا خريم فضل الله وآسع

والله يعطيكم من زوائد فضله

شكر الله لك المرور الطيب ياغالي

دمت بود ومحبة وإخلاص يابعدهم

[ملبق غلـــــط]

يابو حمد شهادتي مجروح فيك وفي مواضيعك ياراعي البلهاء ( انتبه على وجهك )

الله يسعدك يابو حمد ويوفقك باذن الله الطلعه الجايه معك

[راعي الهـــدد]

الغالي العنبري 1

شكرا لك ومنك نستفيد ياغالي

والله يغفر لك ووالديك



الغالي khalid 6

شكر الله لك المرور الطيب

والله لايحرمنا منك ومن كلماتك الطيبة

[ملك الزاجل]

تشكر أبو حمد على التقرير والصور الجميلة ، عشنا وقت جميل بالاطلاع على التقرير ، تذكرنا المربعانية وأيامها الحلوة ، اتمنى لك يابو حمد التوفيق صور جميله

أخوك
ملك الزاجل

[غضنفر]

ذبحتنا انت وبيالتك
معد بقا الا تحط الكمرا داخل البيالة
ههههههههههه
يحفظك ربي
مبدع والاجمل فيك انك تحرص على التميز في كل موضوع تطرحه

ننتظر جديدك يراعي الربع
الا على طاري الربع
ما ودك تسير علينا هنا
http://www.mekshat.com/vb/showthread.php?t=78373
رأيك يهمني جدا

[راعي الهـــدد]

ماشاء الله تبارك الله


ونا قول وراك مشغول هليومين اثرك تجهز هلموضوع الزين


اقول شريت الدفتر الليعلمتك ولا بعد وابشرك ترا اخوك سلم الدفتر وينتظر التصحيح


طبعاً مقدر اقول الا الله يجزاك خير






انت يابو الدفاتر تبي لك رد الحالك واستقعاد ويالله عسى نقواك ههههه

الدفتر ابشرك مانيب راعي دفاتر

انا اذا تعطل طريق فابشرك متيسر لي طريق ثاني وافهمها يالبيب

اقول لاتخليني اكب العشاء هنا ويدرون الربيع وشني مسوي هههههههههههههههههههه

ثم اجي راكز خشمي بطبق حلى او شي ولا ادري الا مصفوق بوجهي

وش السالفة وش العلم

الى والله العلم كله عندهم بسبتك

اقول جزاك الله خير ولاقصرت على هالمرور الطيب

وخل العيارة بيني وبينك حدر سمرة او طلحة في البر ابرك لنا

[البدر900]

رحله ولا احلى
صدق لاقالو البر بريره والغثا بالديره

[راعي الهـــدد]

الأخ الغالي راعي الأبل

شكر الله لك

ولاشك ان لحيمة التويس طيبة

بس كل وله اختياره

والتنويع طيب

شكرا لك ياغالي

الأخ الغالي همام

صدقت حالنا يضيق الصدر بس وش تقول

وان شاء الله كثر النصح والتوجيه ينفع بإذن الله

ومثل ماقالو كثر الطق يفك اللحام صح

الأخ الغالي تركي بن عازب

شكرا لك ياغالي ولاقصرت

وان شاء الله اذا فيه روحه يمكم بكون فيه تنسيق

شكرا ياغلي ولاقصرت

[راعي الهـــدد]

الأخ الغالي القناص 96

شكر الله لك ولاقصرت

والله يقبل دعائك شكرا ياغالي

الأخ الغالي ahm620

شكرا لك

ولاقصرت على هالمرور الطيب

دمت بود

[راعي الهـــدد]

ما شاء الله عليك أخي راعي الهدد
تقرير مفصل ومميز ورائع وجميل
باقي كلمات ثناء أخرى ما قلتها ذكرني تراني أنسى
أما الناس اللي يقطون الزبايل بالبران وخاصة بالربيع يتقطع قلبي لما أشوف زي هالمناظر ما أقول الا الله يهديهم ويصلحهم
مشكور على الصور والرحلة الموفقة باذن الله 00



حياك ياغالي والله يغفر لك ووالديك

والوضع يبي يتغير

بس لابد نتكاتف وننصح ونوجه ولانمل ابد

يعني على سبيل المثال

كان فيه واحد من الربع مايهتم من زبالته في البر يرميها ولاهمه

وبعد فتره تغير وقلت له وش السالفة يافلان اشوفك صرت تحرص على الزبالة حتى علبة المناديل ماتتركها

قال والله كثر ما اسمع من كتاب مكشات والتوعية الي صايره فيه تغيرت غصب وبديت اشعر بالمسؤولية وعضم الجريمة الي كنت اسويها
قلت الحمدلله

فلذلك يا أخوان لانمل الكل لابد يتكلم وينصح ويوجه وان شاء الله يتحسن الوضع

شكرا لك ياغالي ومرور طيب سعدت به

[راع الصمان]

هلا براعي البريق...:p


تسلم يمينك على التقرير الرائع

[راعي الهـــدد]

السلام عليكم ورحمة الله وبركاته

رحلة موفقه
ماشاء الله - صور متكاملة ومتنوعة - أقدر أقول عنها كوكتيل - تقرير مفصل
تسلم يمينك على الصور
تقبل تحياتي .







شكر الله لك ياغالي ولاقصرت

ومن امثالك نستفيد وننهل

شكرا لك ياغالي

[راعي الهـــدد]

يابو حمد شهادتي مجروح فيك وفي مواضيعك ياراعي البلهاء ( انتبه على وجهك )

الله يسعدك يابو حمد ويوفقك باذن الله الطلعه الجايه معك





الغالي ابو مشعل شاكر لك هذا المرور الطيب

ولاقصرت ياغالي

وننتضر الإشارة منك للطلعة انت تآمر أمر يابعدهم

[طارق]

الله يجزاك خير
صور رائعه وتقرير اروع من مبدع
والواحد ودك اذا كشت يحسب نفسه ببيته
كان ماشفت الزباله محلته بالشكل
اخوك طارق

[طالب الحور]

ما شاء الله تبارك الله



كعادتك ....... متميز.........إلى............... أبعد............ حد :good: :good:




أقول تكفى أبو حمد جهز عمرك......... :D :D





هل تريد أن تعرف ؟؟؟؟؟ :rolleyes: :rolleyes:




ولا أقول خلها مفاجأة :p





المهم تكون الأسبوع اللي بعد الإجازة فارغ




ولكل حادث حديث

[سداااااح]

مشاء الله طلعه وتصوير روعه
والله يهدي الناس

[راعي الهـــدد]

الغالي ملك الزاجل

شكرا لك ولاقصرت على هالرد الطيب دمت بود

الأخ الغالي بلاك باث

ابشر بعزك ابشر بعزك

شقرت على موضوعك وابشر بالرد الي يطيب خاطرك

وقدر استطاعتي باقول لك كل الي عندي

ابشر ابشر

وبختصار خذه ولاتشاور وشرط تدعي لي وتقول ويني عنه من أول

ولعشان نغريك ونحمسك خذ هالصورة بتعجبك

http://www.mekshat.com/pix/upload/images27/mk33838_1111111111111111.jpg

وخذ هذي بعد ترآها طازة لك ياغالي

ماطلعت من الكمبيوتر الا لك

http://www.mekshat.com/pix/upload/images30/mk33838_dddddddd.jpg



هاه وش قلت

هههههههههههههههههههههه

الله يحفضك وييسر امرك خذه ولاتشاور

وخل عنك اهروووج خلق الله

ترى تبي تتعب اذا بتسمع من كل احد

دمت بود ومحبة ياغالي

[متعة الترحال]

هلا والله بابو حمد



تقرير محكحك ونثري ما شاء الله عليك



لكن أخوي ما تلاحظ إنك أبلشت أبو عاصم

كل شوي وانت مصور عصاقيله :D :D :D

v

v

v

v

v



http://www.mekshat.com/pix/upload/images30/mk20462_mk33838_1-u.jpg





http://www.mekshat.com/pix/upload/images30/mk20462_mk33838_13u.jpg



http://www.mekshat.com/pix/upload/images30/mk20462_mk33838_20u.jpg

[راعي الهـــدد]

الأخ الغالي البدر 900

شكرا لك على هالمرور الطيب

والله يغفر لك ووالديك

دمت بود ومحبة ياغالي

الأخ الغالي راع الصمان

ماقصرت على هالمرور الكريم

والرد الممتع

شكرا لك يابعدهم

[راعي الهـــدد]

الله يجزاك خير

صور رائعه وتقرير اروع من مبدع
والواحد ودك اذا كشت يحسب نفسه ببيته
كان ماشفت الزباله محلته بالشكل
اخوك طارق







الأخ الغالي طارق

شكرا لك على هذا الرد الطيب

والتوجيه الأطيب وننتضر الكثير منك ياغالي لاتحرمنا من طلاتك

دمت بود ومحبة وإخلاص ياغالي

[راعي الهـــدد]

ما شاء الله تبارك الله



كعادتك ....... متميز.........إلى............... أبعد............ حد :good: :good:




أقول تكفى أبو حمد جهز عمرك......... :D :D





هل تريد أن تعرف ؟؟؟؟؟ :rolleyes: :rolleyes:




ولا أقول خلها مفاجأة :p





المهم تكون الأسبوع اللي بعد الإجازة فارغ




ولكل حادث حديث





الغالي طالب الحور

انت تآمر وحنا نطامر

انت وش تبي بس الله لايحرمنا من الطيبين شرواك

يالله انك تغفر له وتيسر اموره

اقول لاتنساني من صالح دعائك

شكرا لك يابعدهم كلهم

[راعي الهـــدد]

مشاء الله طلعه وتصوير روعه
والله يهدي الناس





الأخ الغالي سداااح شكرا لك على هذا المرور الطيب

والله يغفر لك ووالديك

دمت بود ياغالي

[راعي الهـــدد]

هلا والله بابو حمد



تقرير محكحك ونثري ما شاء الله عليك

لكن أخوي ما تلاحظ إنك أبلشت أبو عاصم
كل شوي وانت مصور عصاقيله :D :D :D
v
v
v
v
v

http://www.mekshat.com/pix/upload/images30/mk20462_mk33838_1-u.jpg


http://www.mekshat.com/pix/upload/images30/mk20462_mk33838_13u.jpg



http://www.mekshat.com/pix/upload/images30/mk20462_mk33838_20u.jpg




هههههههههههههههههههههههههههه


يعلم الله اني ضحكت الين قلت بس

وانت مالقيت الا تلقط هالصور

تصدق تنوي انتبه

بس وش تبيني اسوي به اقول ضف عصاقيلك او شو اقول

ههههههههههههههه

مرور طيب وشكرا لك ياغالي

[نديم السهر]

يعطيك العاافيه ماقصرت وشروااااك الطيب

غداء وكاسه شااي واسلوب منعش

وانا متابع الطبخه اخر صوره استغربت شفيها للحمه الحاشي قلبت دجاج

بعدين انتبهت انها مقارنه:D

[ابو_حمد]

مشكور اخي على الصور الاكثر من روعة والتقرير المفصل الله يدوم الخير لك تحياتي

[راعي الهـــدد]

يعطيك العاافيه ماقصرت وشروااااك الطيب


غداء وكاسه شااي واسلوب منعش

وانا متابع الطبخه اخر صوره استغربت شفيها للحمه الحاشي قلبت دجاج

بعدين انتبهت انها مقارنه:D





الغالي نديم السهر

الله يعافيك ولاقصرت على هالمرور الطيب

ومثل ماقلت هي مقارنة لشغل البر الي تلمس فيه البساطة وبين شغل البيت الي تشوف فيه كل الأهتمام والدقة

شكرا لك ياغالي

دمت بود ومحبة يابعدهم

[راعي الهـــدد]

مشكور اخي على الصور الاكثر من روعة والتقرير المفصل الله يدوم الخير لك تحياتي




الغالي ابو حمد شكرا لك ولاقصرت

مرور طيب ورد اطيب

والله لايحرمنا من طلاتك ياغالي

دمت بود ومحبة ياغالي

[سكون الريح]

http://www.arab7.com/up/file/1174226134395.jpg




الله يعطيك العافية مشكورررررررررررررررررررررر

[جفيل]

http://www.mekshat.com/pix/upload/images30/mk33838_17u.jpg



هذي مفروض تاخذ عليها أجره من السنيدي..تنفع دعايه لهم (( أرسلها لهم كودهم يشترونها منك:D ))

تقرير رائع..تصوير متقن..طلعه خياليه.. سلملي على راعي البلديه المقلع هههههههههههههههههههههه

[راعي الهـــدد]

http://www.arab7.com/up/file/1174226134395.jpg




الله يعطيك العافية مشكورررررررررررررررررررررر




الغالي سكون الريح

تشكر على هذا المرور الطيب

والله يعافيك ويغفر لك وييسر لي ولك كل امر

شكراً يابعدهم كلهم

[البيـرق]

ماشاء الله عليكم وعلى طباخكم.........الله يهنينا جميع...............

[راعي الهـــدد]

http://www.mekshat.com/pix/upload/images30/mk33838_17u.jpg



هذي مفروض تاخذ عليها أجره من السنيدي..تنفع دعايه لهم (( أرسلها لهم كودهم يشترونها منك:D ))

تقرير رائع..تصوير متقن..طلعه خياليه.. سلملي على راعي البلديه المقلع هههههههههههههههههههههه




الغالي شايب سدير

شكرا لك على هذا المرور الطيب

والله يغفر لي ولك وللمسلمين والمسلمات

ومن ناحية دعاية فلم اقصدها بالتصوير كدعاية

والله يجعلني واياك من الموفقين المسددين

آمين

دمت بود ومحبة وإخلاص ياغالي

[راعي الهـــدد]

ماشاء الله عليكم وعلى طباخكم.........الله يهنينا جميع...............





أخوي الغالي البيرق

شكرا لك على هذا المرور الطيب

شكرا الف

دمت بود ياغالي

[جفيل]

الله يهديك منيب اقصد انك تسوي دعايه (رغم اني أجزم انه ليس لك مصلحه عندي السندي اوغيره)

ولكن سبحان الله جت صدفه هالصوره (( :) افهم قصدي أخي ))

[سلمون]

تقرير رائع وموثق بالصور من شخص رائع

(((((((( اترك المكان أحسن مما كان وإن لم يكن بالإمكان فدعه كما كان )))))))

[صوح الجبل]

ماشاء الله عليك ...... يابوحمد ....... فعلاً رحله في قمة الروعه .......تتطابق الموضوع ...... صورته مع قلمه ......... والموضوع ....... مرتباً ....... ومنسقاً ........ ومتسلسلاً .............ومفيداً ...... يخرج منه متابعه ..... وهو لايريد الخروج منه ...... الحمد الله على سلامتكم ........

[راعي الهـــدد]

الله يهديك منيب اقصد انك تسوي دعايه (رغم اني أجزم انه ليس لك مصلحه عندي السندي اوغيره)

ولكن سبحان الله جت صدفه هالصوره (( :) افهم قصدي أخي ))



الغالي شايب سدير

خلك على اسمك وافهمني زين هههههههه

والله اني عارف وش تقصد بس بغيت انبه على الأمر هذا لأني انا واياك فاهمين بعض

بس فيه قراء ممكن مايفهمونا صح

فهمتني يالحبيب

الله يجمعني بك في دار كرامته


الله يدخلنا الجنة انا واياك ونشرب من الخمر الين نقول بس

ونروح اندوّج بين هالأنهار

لبن لم يتغير طعمه وخمر لذة للشاربين

وعسل مصفى

ويالله لك الحمد ونتقنص على كيفنا

يالله ياكريم تدخلنا الجنة وتعفو عنا والله انها الراحة والأنس ولاتنسى بعد الحور


شايب سدير الله يغفر لي ولك

تقبل محبتي وتقديري يابعدهم كلهم

[راعي الهـــدد]

تقرير رائع وموثق بالصور من شخص رائع

(((((((( اترك المكان أحسن مما كان وإن لم يكن بالإمكان فدعه كما كان )))))))





تسلم ياغالي والله يغفر لي ولك

شكرا لك على هذا المرور الطيب

دمت بود يابعدهم

[جي اكس أر 3]

السلام عليكم ورحمه الله
هلا بخوي وتاج راسي وعزوتي ابو/ حمد اطال الله بعمره
كم انت مبدع بكل شئ يعلم الله هيظتني بكا سه الشاهي
والكبسه علي لحيمه الحاشي يعله عليكم بصحه والعافيه
والله مبدع اخوي ابو حمد بكل شئ وفقك الله ورعاك
تحــــــــــــــــياتـــي

[راعي الهـــدد]

ماشاء الله عليك ...... يابوحمد ....... فعلاً رحله في قمة الروعه .......تتطابق الموضوع ...... صورته مع قلمه ......... والموضوع ....... مرتباً ....... ومنسقاً ........ ومتسلسلاً .............ومفيداً ...... يخرج منه متابعه ..... وهو لايريد الخروج منه ...... الحمد الله على سلامتكم ........




أخوي الغالي ابو عبدالله

الله يشكر سعيك ورد طيب من رجل اطيب

والله يسلمك ياغالي

تقبل محبتي وتقديري لشخصكم الكريم

دمت بود ياغالي

[الجافي]

اقول مافيك حيله ياراعي الهدد مواضيعك دائما متميزه

[باث فاندر]

والله مبدع مبدع مبدع

وتعجز الكلمات على شكرك

الله يجزاك الف الف الف خير

[باترول 4×4]

تقريروافي ورحلة موفقة .
لكن
هالمرة يا أبو حمد ما شفنا حبيبك الشاي المفضل القرقاص


يعطيكم العافية
ونتنظر جديدكم يا أبوحمد .

[راعي الهـــدد]

السلام عليكم ورحمه الله
هلا بخوي وتاج راسي وعزوتي ابو/ حمد اطال الله بعمره
كم انت مبدع بكل شئ يعلم الله هيظتني بكا سه الشاهي
والكبسه علي لحيمه الحاشي يعله عليكم بصحه والعافيه
والله مبدع اخوي ابو حمد بكل شئ وفقك الله ورعاك
تحــــــــــــــــياتـــي



هلا بالغالي ابو راكان

هلا والله هلا

تسلم والله على هالمرور الطيب

ويابوي تراني والله من عيالك الا انت الي تاج راسي وعزي يابعدهم

وتسلم تسلم على هالكلمات الحلووة

الله لايقطعنا من الطيبين شرواك آمين

[راعي الهـــدد]

اقول مافيك حيله ياراعي الهدد مواضيعك دائما متميزه



تسلم ياغالي

الله يغفر لك ووالديك

تسلم والله

شكرا على هذا المرور الطيب

[راعي الهـــدد]

والله مبدع مبدع مبدع

وتعجز الكلمات على شكرك

الله يجزاك الف الف الف خير



الغالي باث فندر

الله يغفر لك ولاقصرت على هالرد الطيب

تسلم والله

تقبل محبتي وتقديري ياغالي

[كشته 111]

راعي الهدد للابداع حدود وانت تعديت الحدود ما شاء الله لا قوة الا با الله ,,, الله يحفظك وربعك من كل شر وشيطان وسعلو انسي اوجني ,,,,

[نجم حفرالباطن]

وفقك ربي اراعي الهدد يعطيك العافيه ومشكور على الموضوع

[راعي الهـــدد]

تقريروافي ورحلة موفقة .
لكن
هالمرة يا أبو حمد ما شفنا حبيبك الشاي المفضل القرقاص


يعطيكم العافية
ونتنظر جديدكم يا أبوحمد .



هلا بابو غلا

هلا بك والله ياغالي

وهالمرة ماتيسر نآخذ معنا قرقاص

او بمعن اصح قضيت عليه ماعاد حولي شي هههههه

تسلم على هالمرور الطيب

وابشر بكل جديد

الجاي يهمك كثيرا ويهم موترك الربع

ادع بالتوفيق ياغالي

دمت بود ومحبة وإخلاص ياغالي

[الضب الصماني]

اسلوب رهيب،،،يعطيك العافيه ايها المبدع،،،،،

[راعي الهـــدد]

راعي الهدد للابداع حدود وانت تعديت الحدود ما شاء الله لا قوة الا با الله ,,, الله يحفظك وربعك من كل شر وشيطان وسعلو انسي اوجني ,,,,



الغالي كشته 111

سرني مرورك ويعلم الله بذلك

فشكرا لك ياغالي والله يغفر لك ووالديك آمين

والله يستجيب دعائك ولايرده ياكريم

دمت بود ومحبة وإخلاص

[راعي الهـــدد]

وفقك ربي اراعي الهدد يعطيك العافيه ومشكور على الموضوع



الغالي نجم حفر الباطن

مشكور على هذا المرور الطيب ياغالي

والله لايحرمني من طلاتك يابعدهم

شكرا لك يالحبيب

[بني سبيع]

ماشاء الله تبارك الله عليك...

مواضيعك رااايقه بصراحه..

ويعلم الله اني اتشوق لمواضيعك واطاردها مطارد...وهذا لتميزك ...
جهد تشكر عليه اخي راعي الهدد...
تقبل خالص تحياتي...

[جفيل]

حياك الله .. وشي موب مستغرب .. ان هالكلام الطيب يجي منك ،،،

وان تسان على أسمي انت خابر شباب المنتدى الله يهديهم يعيروني _( يالشايب..يالشايب ..)_ <<< وش عنده ابو سبعين:D

والله يسمع منك .. الجنه يبيلها عمل يبيلها طاعه وانا خووك .. أجل خمر وقنص خخخخ

تحياتي لك أخي الكريم .. والله ان هالمنتدى جمعنا بنااس طيبين شروواك ..

[ذيب وراط]

مشكووووووور اخوي

[راعي الهـــدد]

اسلوب رهيب،،،يعطيك العافيه ايها المبدع،،،،،



هلا بالغالي هلا

اشكر لك المرور والرد الطيب

اشكرك وبقوة

شكرا لك يابعدهم كلهم تسلم والله تسلم

دمت بود ياغالي

[راعي الهـــدد]

ماشاء الله تبارك الله عليك...

مواضيعك رااايقه بصراحه..

ويعلم الله اني اتشوق لمواضيعك واطاردها مطارد...وهذا لتميزك ...
جهد تشكر عليه اخي راعي الهدد...
تقبل خالص تحياتي...





تسلم ياغالي

الله لايحرمنا منك ياطيب

يالله انك تغفر له ووالديه وتيسر امره ياحي ياقيوم

شكرا لك يابعدهم

[راعي الهـــدد]

حياك الله .. وشي موب مستغرب .. ان هالكلام الطيب يجي منك ،،،


وان تسان على أسمي انت خابر شباب المنتدى الله يهديهم يعيروني _( يالشايب..يالشايب ..)_ <<< وش عنده ابو سبعين:D

والله يسمع منك .. الجنه يبيلها عمل يبيلها طاعه وانا خووك .. أجل خمر وقنص خخخخ

تحياتي لك أخي الكريم .. والله ان هالمنتدى جمعنا بنااس طيبين شروواك ..





ياحبي لك وتسلم والله

والعز يوم نكتب مع من هو مثلك

شكرا لك ياغالي

[جبل راف]

بارك الله فيك صور روعة

[ابو سمر]

يعطيك العافية أخي راعي الهدد وما قصرت بهذا التقرير الجميل ..

سبق أن مررت بهذه الروضة قبل مدة وكانت جميلة لولا صغرها وكثرة المكاشيت بها ، لكنها جميلة وتفتح النفس ..

شكرا لك و رحلات سعيدة إن شاء الله .. وحبيت أسألك عن السكين السويسرية و ين ألقى مثلها وأصغر قليلا وأسعارها الله يحفظك .

[عاشق البروق]

ماشاء الله تبارك الله

ربيع طيب

وصور طيبة

[maxima20009]

مشكور على الصور الرائعةيابعد حيي

[قناص تميم]

مشكووووور اخوي على الموضوع ومجهود تشكر عليه

[راعي الهـــدد]

مشكووووووور اخوي






بل شكرا لك انت على هذا المرور ياغالي

الله يغفر لك ووالديك آمين

دمت بود ياغالي

[راعي الهـــدد]

بارك الله فيك صور روعة




شكرا لك ياغالي على هذا المرور الطيب

وبارك فيك المولى

دمت بود ومحبة ياغالي

[راعي الهـــدد]

يعطيك العافية أخي راعي الهدد وما قصرت بهذا التقرير الجميل ..

سبق أن مررت بهذه الروضة قبل مدة وكانت جميلة لولا صغرها وكثرة المكاشيت بها ، لكنها جميلة وتفتح النفس ..

شكرا لك و رحلات سعيدة إن شاء الله .. وحبيت أسألك عن السكين السويسرية و ين ألقى مثلها وأصغر قليلا وأسعارها الله يحفظك .


تسلم يابو سمر

مرورك يشرفني فشكرا لك ياغالي

وصدقت هي صغيرة والكشاته بها كثير

بس ترى قل عددهم عن اول بحكم انها بدا يروح ربيعها

أما بخصوص السكين السويسرية

السكين تحصلها عند الرماية

ويوجد منها ثلاث احجام

صغير كبير وسط

وسعرها مناسب جدا بس والله نسيت كم أخذتها اي والله

شكرا لك ياغالي ولاتفوووتك السكين

اشترها وعلى مسؤوليتي

اذا ما اصلحت لك آخذها منك بس بنص القيمة هههههههه

شكرا لك ياغالي

[ابو سمر]

تسلم يابو سمر


مرورك يشرفني فشكرا لك ياغالي

وصدقت هي صغيرة والكشاته بها كثير

بس ترى قل عددهم عن اول بحكم انها بدا يروح ربيعها

أما بخصوص السكين السويسرية

السكين تحصلها عند الرماية

ويوجد منها ثلاث احجام

صغير كبير وسط

وسعرها مناسب جدا بس والله نسيت كم أخذتها اي والله

شكرا لك ياغالي ولاتفوووتك السكين

اشترها وعلى مسؤوليتي

اذا ما اصلحت لك آخذها منك بس بنص القيمة هههههههه

شكرا لك ياغالي



شاكر ومقدر تجاوبك الله يطول بعمرك أخي راعي الهدد وما قصرت الله يكثر خيرك .. وتستاهل كل خير ..

ورحلات سعيدة قادمة إن شاء الله ..

[راعي الهـــدد]

ماشاء الله تبارك الله

ربيع طيب

وصور طيبة


الغالي عاشق البروق

شكرا لك يابعدهم كلهم

مرور طيب من رجل طيب

شكرا لك

[راعي الهـــدد]

مشكور على الصور الرائعةيابعد حيي




شكرا لك ياغالي على المرور الطيب

شكرا شكرا

دمت بود

[راعي الهـــدد]

مشكووووور اخوي على الموضوع ومجهود تشكر عليه



الغالي قناص تميم

شكرا لك على هذا المرور الطيب

الله يغفر لك ووالديك

شكرا شكرا

دمت بود

[راعي الهـــدد]

شاكر ومقدر تجاوبك الله يطول بعمرك أخي راعي الهدد وما قصرت الله يكثر خيرك .. وتستاهل كل خير ..

ورحلات سعيدة قادمة إن شاء الله ..



الغالي ابو سمر استاذي الفاضل

شكرا لك ياغالي

والقادم بيعجبك ان شاء المولى

شكرا مرة اخرى لك

[مطارد]

الله يعطيك العافية سيناريو رائع وجميل تمنيت انه ما خلص وننتظر القادم من ابداعاتك يابو حمد .

[راعي الهـــدد]

الله يعطيك العافية سيناريو رائع وجميل تمنيت انه ما خلص وننتظر القادم من ابداعاتك يابو حمد .




الغالي مطارد

شكرا لك والله يغفر لك ووالديك

شكرا ياغالي

[* Storm *]

مشكور00000000000000

[طلحة]

ما شاء الله رحلة طيبة وناس طيبين
وما تمنيت إلا اني أكون معكم
الله يسعدكم بطاعته

[راعي الهـــدد]

مشكور00000000000000



اخوي الغالي

اشكر لك مرورك الطيب

شكرا لك يابعدهم

دمت بود

[راضي]

يابووووووووووووووووووووووووحمد والله حبيتك في الله

تدري وش اجمل شي بالموضوع دمعة البريق يوم طلبته تصور بناته هذي الحالها شدتني
كثير حبيت اعرف لاهنت موضوعك القادم اللي بيكسر الدنيا بتحطه في اي خيمه
وطابت لياليك ياسعادة الشيف البري ابوحمد

[راعي الهـــدد]

ما شاء الله رحلة طيبة وناس طيبين
وما تمنيت إلا اني أكون معكم
الله يسعدكم بطاعته



الغالي طلحة اشكر لك المرور

الله يغفر لك ووالديك آمين

تقبل محبتي وتقديري

شكرا لك يابعدهم

[راعي الهـــدد]

يابووووووووووووووووووووووووحمد والله حبيتك في الله

تدري وش اجمل شي بالموضوع دمعة البريق يوم طلبته تصور بناته هذي الحالها شدتني
كثير حبيت اعرف لاهنت موضوعك القادم اللي بيكسر الدنيا بتحطه في اي خيمه
وطابت لياليك ياسعادة الشيف البري ابوحمد


الغالي راضي

احبك الله الذي احببتني فيه

وانا والله احببتك في الله والذي نعرفه ان القلوب تتآلف او تتنافر بالمشاهدة عن قرب واللقاء

فلا اعلم هل يحصل في النت تآلف او تنافر بمشاهدة الأسماء والردود فقط ..... ؟؟؟؟


انا عن نفسي اجيب

والله كم من شخص احببتهم في الله ولله

واجد نفسي تميل اليهم بالحب والتقدير

وانا لم اعرفهم ولم اقابلهم فقط بقرآئت ردودهم واسمائهم في الموقع

فسبحان الله العلي العظيم

وانت أخي راضي احببتك في الله ولله

شكرا لك ياغالي

[الطير حوران]

ما شالله يراعي الهدد مابقيت شي ما صورته لو انك مجمعه ومدبلجه كان طلع لنا فلم الرحله كاملن ولا

تشكر علا الموضوع الرايق ولك فأق احترامي

[راعي الهـــدد]

ما شالله يراعي الهدد مابقيت شي ما صورته لو انك مجمعه ومدبلجه كان طلع لنا فلم الرحله كاملن ولا

تشكر علا الموضوع الرايق ولك فأق احترامي



الله يغفر لك

شكرا لك على هالمرور

دمت بود ياغالي

[الجافي]

اخي راعي هدد ننتظر بفارغ الصبر الاختراع الي ذكرته بالمشاركه
(( قريباً سوف انزل موضوع عن إختراع جديد وقفزة عالمية في عالم تطوير الرواق وبأسلوب عجيب سيعجبكم كثيراً ))

[راعي الهـــدد]

اخي راعي هدد ننتظر بفارغ الصبر الاختراع الي ذكرته بالمشاركه
(( قريباً سوف انزل موضوع عن إختراع جديد وقفزة عالمية في عالم تطوير الرواق وبأسلوب عجيب سيعجبكم كثيراً ))



أخوي الغالي الجافي

ابشر بكل مايسرك

بأذن الله اختراع سيرى النور قريبا

واعذرني على التأخير اذا كان فيه تأخير


فالأمر ليس بالهين اعداده

وهو تحت التخطيط والرسم والتجربة والعمل

وسيصلك منتهي وعلى افضل حال



استمتع وادع لبو حمد بس

ما اريد الا الدعاء

والله يغفر لك ووالديك

دمت بود ياغالي

[راضي]

ابو حمد سلام الله عليكم ورحمته وبركاته
قل امين الله ينور دربك وين ماتروح
من يوم قريت موضوعك هذا
وانا بادي اعطي تقاعد لبعض اعضاء العزبه عندي
رحت طول الله عمرك لراشد راعي محل الجزيره
في السباله وقلت له ياطويل العمر دبر لي البريق
الكوري واحد شايرن علي به اقصدك انت جعل والديك في الجنه
قال منهو لايكون هذاك النحيف قلت والله يااخيي
ماشفته ابن الحلال لكن كني شايفه عندك كمره مثبته نطلع الشريط قبل شهر
يمكن نشوفه ابن الحلال ونلقطه ولا يوم ناظرني قال ايش كمره قلت امحق
يا والله اللي بيصير عندك كمره لا وفي السباله
المهم عندك ولا ماعندك قال كل الجماعه خذوهن ماعندي الا ابو عروة مكسوره وصغير
قلت وين القاه قال دور الله يعينك ومير القى هاك النشمي الهندي قلت ابي البريق الفلاني قال كم يبغى
وانهبلت قلت اجل بعلم ابو حمد يعلن عنه قلت ابي ثلاثه قال طيب وراح ودار واحولت عيونه وجاني قال بابا
اول موجود هالحين فيه واحد هذا قلت هاته ومير اشريه منه 18-8 كوري مقاسه 1,6 تقريبا
واروح للبيت قلت يامره سنعي الشاهي بذا بااجربه ولا يوم اطرب الراس جعل والديك في الجنه هذا الشاهي والابلاش
باقي القهوه عجزت احلها تهجر واقرى موضوعك عنها واطمر ثانيه للسباله واروح لرفيقي واسال عن العساف ودلته
قالوا اما هو توفى الله يرحمه واما دلاله ماهيب بعيدة مثله قلت انا لله ابوحمد مايطيح الا على الزين والله لاادورها لين القاها والقى هاك الرجال الحضرمي الحبيب قلت يابومحمد قال سم قلت ابي الدله الفلانيه قال مهيب موجوده لكن حط عربونك وبكره ان شاء الله عندك قلت بيض الله وجهك واجيه طال عمرك من بكره واخذها نفس ماقلت
واعطيها المره قلت سنعي القهوه فيها وعسى الله يبارك والله الحمد لله حتى طعمها طيب وجاية من طيب
وواصفها طيب فقاعدت البريق اللي في العزبه والدله وحطيتهم بدالهم وابشرك ابراجي فل الحين
وتسلم يابوحمد لو عندي بنية للعرس لازوجكيها بدون ماشفتك لا عدمتك وطبت وطاب مثواك والسلام
اخوك راضي

[راعي الهـــدد]

ابو حمد سلام الله عليكم ورحمته وبركاته

قل امين الله ينور دربك وين ماتروح
من يوم قريت موضوعك هذا
وانا بادي اعطي تقاعد لبعض اعضاء العزبه عندي
رحت طول الله عمرك لراشد راعي محل الجزيره
في السباله وقلت له ياطويل العمر دبر لي البريق
الكوري واحد شايرن علي به اقصدك انت جعل والديك في الجنه
قال منهو لايكون هذاك النحيف قلت والله يااخيي
ماشفته ابن الحلال لكن كني شايفه عندك كمره مثبته نطلع الشريط قبل شهر
يمكن نشوفه ابن الحلال ونلقطه ولا يوم ناظرني قال ايش كمره قلت امحق
يا والله اللي بيصير عندك كمره لا وفي السباله
المهم عندك ولا ماعندك قال كل الجماعه خذوهن ماعندي الا ابو عروة مكسوره وصغير
قلت وين القاه قال دور الله يعينك ومير القى هاك النشمي الهندي قلت ابي البريق الفلاني قال كم يبغى
وانهبلت قلت اجل بعلم ابو حمد يعلن عنه قلت ابي ثلاثه قال طيب وراح ودار واحولت عيونه وجاني قال بابا
اول موجود هالحين فيه واحد هذا قلت هاته ومير اشريه منه 18-8 كوري مقاسه 1,6 تقريبا
واروح للبيت قلت يامره سنعي الشاهي بذا بااجربه ولا يوم اطرب الراس جعل والديك في الجنه هذا الشاهي والابلاش
باقي القهوه عجزت احلها تهجر واقرى موضوعك عنها واطمر ثانيه للسباله واروح لرفيقي واسال عن العساف ودلته
قالوا اما هو توفى الله يرحمه واما دلاله ماهيب بعيدة مثله قلت انا لله ابوحمد مايطيح الا على الزين والله لاادورها لين القاها والقى هاك الرجال الحضرمي الحبيب قلت يابومحمد قال سم قلت ابي الدله الفلانيه قال مهيب موجوده لكن حط عربونك وبكره ان شاء الله عندك قلت بيض الله وجهك واجيه طال عمرك من بكره واخذها نفس ماقلت
واعطيها المره قلت سنعي القهوه فيها وعسى الله يبارك والله الحمد لله حتى طعمها طيب وجاية من طيب
وواصفها طيب فقاعدت البريق اللي في العزبه والدله وحطيتهم بدالهم وابشرك ابراجي فل الحين
وتسلم يابوحمد لو عندي بنية للعرس لازوجكيها بدون ماشفتك لا عدمتك وطبت وطاب مثواك والسلام
اخوك راضي





اخوي الغالي راضي

ياهلا بك والله

والحمدلله انك حصلت الي تبيه ياغالي

وراعي محل الجزيرة صحيح مخاص الي عنده وهو صادق فانا جيته وضفيت الي عنده كله هههههه


بس لتا شريت والحمدلله بس ترى يلزمك بعد ابريقين ثانية واحد لتفويح الماء والثاني لتلقيم القهوه ورح لأهلك ما عاد يلزمك شي ههههه

اخوي الغالي اي خدمة او شي تكفى ترى نسعد والله بذلك

حياك ربي والله يغفر لك ووالديك

محبك ابو حمد

[SAL]

والله شي ماشاء الله عليك

اما القرع الامريكي وو بريق الستيل الكوري 10/18 هذه خلاص مسكت في راسي

من يوم شفت موضوعك


بس سؤال يوم تقول

وهذاهو جاهز للنطل مع كبسة الرز حلوه النطل ههههه
يعني تبطخه معه ولا تاكله لحاله

سؤال ثاني وشلون طعمه
<<<<< خلاص مسكت على القرع

اخوك
سالم
SAL

[الطـرقي]

مشكور على الصورة وعلى هذه الطبيخ الاكثر من رائع


ويعطيك الف الف الف الف الف الف الف الف الف الف الف الف الف عافية


وننتظرك جديدك

[اسير الغربة 1]

جهد تشكر عليه اخي راعي الهدد...
بس بصراحة الكبسة خياااااااااااااااااااااال .. بالعافية إن شاء الله

[رجل الاطلال]

الف شكر لك

[بدوي ملحوس]

اقول ماغير بيض الله وجهك يا خوي الله يعطيكي العافيه ماشاء الله عليكم راعين كشتات صح والله يا زين كبستكم اي والله والشاي هذي الطلعات الونس والله وسعه الصدر يا قلبي .... الله يوفقكم
س : وين الموقع بالضبط الي كشتو فيه الله مير يسلمك خخخخ الظاهر الربيع الجاي بغزو المكان مع خوي الدحمي خخخخخخخخخخخخ
لا ومصور الشاي ماشاء الله عليك

اخوك الصغير( بدوي مطعس)

[راعي الهـــدد]

والله شي ماشاء الله عليك

اما القرع الامريكي وو بريق الستيل الكوري 10/18 هذه خلاص مسكت في راسي

من يوم شفت موضوعك


بس سؤال يوم تقول

يعني تبطخه معه ولا تاكله لحاله

سؤال ثاني وشلون طعمه
<<<<< خلاص مسكت على القرع

اخوك
سالم
SAL



أخوي الغالي شكرا لك على الرد والمتابعة

والقرع لك الخيار ان تطبخه لوحده مع بصل وطماط ويصير زي الأيدام

او تطبخه مغ الرز اذا جيت تكب الرز كبه معه وتعال شف الطعم الخيااااال

شكرا لك ياغالي

واعذروني على الأنقطاع انا الآن بمكة وراجع لكم وسفو ترون مايسركم بأذن الله

دمتم بود ومحبة

[رحال الخبر]

ماشاء الله اخي راعي الهدد

تحياتي ولمشاركتك اللي ماشاء الله عليك مطمطتها بحلو الحديث وترتيب الصور الممتعة والطول حلو باسلوبك الله يمتعك بالصحة والعافية .
تونسك العافية اخوي على المشاركة الحلوة والاضافات الجميلة .
تحياتي وسلامي لك ولزملائك

[الغزال الشارد]

صراحة صور جميلة وانت مبدع والله يعطيك العافية اخوى راعي الهدد وتسلم على الكبسة طيبة تقبل 00000 تحياتي

[راعي الهـــدد]

مشكور على الصورة وعلى هذه الطبيخ الاكثر من رائع


ويعطيك الف الف الف الف الف الف الف الف الف الف الف الف الف عافية


وننتظرك جديدك



الأخ الغالي الطرقي

شكرا لك على المرور والتكرم بالرد

لاهنت ياغالي وابشر بكل جديد قريباً سترى المواضيع المهاجرة

[ابوسعد2008]

هههههههههههههههههههههههههههههههههههههههههههه
الله يعطيك العافيه هههه شهيتنا عالكبســــــــه ذابحنا الجووع

[راعي الهـــدد]

جهد تشكر عليه اخي راعي الهدد...
بس بصراحة الكبسة خياااااااااااااااااااااال .. بالعافية إن شاء الله





أخوي الغالي ابو سعد

ماقصرت ياغالي ومرور طيب من رجل اطيب

ويسعدني والله يوم تشرف المحل ونقدم لك افضل من هالكبسة ياغالي

وتقبل محبتي وتقديري ياغالي

[راعي الهـــدد]

الف شكر لك





وشكرا لك انت ياغالي

شرفتني بحضورك وطلتك

تقبل محبتي وتقديري ياغالي

[سلطان العوني]

عافاك الله
وفعلا رحله جميله
وفعلا صور مؤسفه

[ابومحمد؟؟؟؟]

ماشاء الله تبارك الله عليك...

[راعي الهـــدد]

عافاك الله
وفعلا رحله جميله
وفعلا صور مؤسفه




اخوي الغالي سلطان العوني

الله يعافيك ويغفر لك

مرور كريم من شخص كريم

تقبل محبتي ياغالي

[راعي الهـــدد]

اقول ماغير بيض الله وجهك يا خوي الله يعطيكي العافيه ماشاء الله عليكم راعين كشتات صح والله يا زين كبستكم اي والله والشاي هذي الطلعات الونس والله وسعه الصدر يا قلبي .... الله يوفقكم
س : وين الموقع بالضبط الي كشتو فيه الله مير يسلمك خخخخ الظاهر الربيع الجاي بغزو المكان مع خوي الدحمي خخخخخخخخخخخخ
لا ومصور الشاي ماشاء الله عليك

اخوك الصغير( بدوي مطعس)





أخوي الغالي بدوي ملحوس

شاكر لك المرور الطيب

والموقع ذكرته لك في اصل الموضوع

بس خاف انك عجل ههههه

حياك ربي ياغالي

[راعي الهـــدد]

ماشاء الله اخي راعي الهدد


تحياتي ولمشاركتك اللي ماشاء الله عليك مطمطتها بحلو الحديث وترتيب الصور الممتعة والطول حلو باسلوبك الله يمتعك بالصحة والعافية .
تونسك العافية اخوي على المشاركة الحلوة والاضافات الجميلة .
تحياتي وسلامي لك ولزملائك






تسلم ياغالي

الله يغفر لك ووالديك

مرور كريم من رجل كريم

تسلم تسلم

تقبل محبتي وتقديري ياغالي

[راعي الهـــدد]

صراحة صور جميلة وانت مبدع والله يعطيك العافية اخوى راعي الهدد وتسلم على الكبسة طيبة تقبل 00000 تحياتي




تسلم ياغالي على هذا المرور الطيب

دمت بود يابعدهم

[راعي الهـــدد]

هههههههههههههههههههههههههههههههههههههههههههه
الله يعطيك العافيه هههه شهيتنا عالكبســــــــه ذابحنا الجووع



حياك ربي ياغالي

تسلم على المرور الطيب

والله يجعل هالضحكة دوم على فمك

والدار دارك تفضل وابشر بالكبسة الي تطيب خاطرك ياغالي

تقبل محبتي وتقديري ياغالي

[راعي الهـــدد]

ماشاء الله تبارك الله عليك...





حياك ياغالي

شكرا لك على المرور الطيب

تقبل محبتي وتقديري ياغالي

[جمس قطعه 10]

ماشاء الله تبارك الله عليك...

مواضيعك رااايقه بصراحه..

ويعلم الله اني اتشوق لمواضيعك واطاردها مطارد...وهذا لتميزك ...
جهد تشكر عليه اخي راعي الهدد...
تقبل خالص تحياتي...

ودايم مبدع يالغالي




جمس قطعه 10

[راعي الهـــدد]

ماشاء الله تبارك الله عليك...

مواضيعك رااايقه بصراحه..

ويعلم الله اني اتشوق لمواضيعك واطاردها مطارد...وهذا لتميزك ...
جهد تشكر عليه اخي راعي الهدد...
تقبل خالص تحياتي...

ودايم مبدع يالغالي




جمس قطعه 10





تسلم ياغالي والله لايحرمنا منك

تقبل محبتي وتقديري يابعدهم

[هاوي الله]

شرواك الطيب

مشاءالله مشاءالله مشاءالله

جعل قلبك مايسرق ياراعي الهدد بيض الله وجهك على ذالمجهود

اخوك هاوي هدد ,,

[راعي الهـــدد]

شرواك الطيب

مشاءالله مشاءالله مشاءالله

جعل قلبك مايسرق ياراعي الهدد بيض الله وجهك على ذالمجهود

اخوك هاوي هدد ,,


الغالي هاوي هدد

شكرا لك على هذا المرور الطيب

وقلبي لاتخاف مسروق من كم سنة اي والله

سارقه حبيب وغالي على القلب هههههه اي والله

تقبل محبتي وتقديري ياغالي

[راجح]

رحلة موفقه

أسعدك الله ,,,

[راعي الهـــدد]

رحلة موفقه

أسعدك الله ,,,




تسلم ياغالي

مرور يشرفني واسعد به كثيرا

دمت بود ومحبة ياغالي

[شبح الكشتات]

السلام عليكم
الصور مسكته واكثر شيء عجبني الكبسة ويعطي العافيه

[راعي الهـــدد]

السلام عليكم
الصور مسكته واكثر شيء عجبني الكبسة ويعطي العافيه




وعليكم السلام والرحمه

هلا بك ياغالي

شاكر لك هذا المرور الطيب

وتسلم والله والي يعجبك يعجبني

تقبل محبتي وتقديري يابعدهم

شكرا لك

[omiran]

تسلم على هالموضوع الممتع ولك مني سلام يابو حمد

[راعي الهـــدد]

تسلم على هالموضوع الممتع ولك مني سلام يابو حمد














تسلم تسلم يابو احمد





شاكر لك المرور والرد الطيب





ياجعلني ما افقد طلتك يالله ياكريم





دمت بود ومحبة ياغالي