للفاهمين ولا يهونون الباقين

[أبو هليل]

السلام عليكم




انا معي ددسن دفرنسين وابلشتني بحا جتين وهن :

انها تهزع (تنزل مع التحميل) من ورا

وانها بالنفود وانا امشي مغير تتراقص خشة الموتر تقل متفقعه المساعدات وان اصلا ما اراقي ولا احب المراقا

حتى بالديره ما نيب اقامزبه يعني محافظ

وبالديره المساعدات ما تلاحظ عليه شي بس بالنفود وشيكت عليهن وصارن زينات ما تفقعن

بس انهن لينات وانا ما ابغا ادبل بس اني ابي مساعدات قدام تجمد على الشارب

فا وش الحل مع الهزعه والمراقص يا قرووم

[رعي البنلي]

السلام عليكم اخي ابو هليل
شف من قدام ركب مساعدات غاز
اما لخلف السياراه سو كبس سست وترتف ولا تنزل عند التحميل شي كثير

[أبو هليل]

طيب وش احسن المساعدات الغاز ؟؟ وعند من اكبس السست ؟؟ وهل فيه حل غير مساعدات الغاز ؟؟

[غضنفر]

الهايلوكس يركبون لها مساعدات مرسدس من قدام عشان تثبت خشتها
لكن ما ادري اذا تركب على الددسن

[راع الابل]

ياخوي وش دخلني انا الظاهر اني داخل غلط يا جماعة احسب الدعوى فيها بعارين والا حولها ودام الدعوة مناقز فانا يخوي عندي خبرة في المناقز على ظهر الناقة او الرحول ومركب لها مساعدات جبرين حقات دينا والحين اذا طلعت للبر ما تناقز تنط نط كلها

تحياتي

[شـهـاب]

انا موتري هايلوكس

ركبت فيه زياده سسته ورا صارت اقل نزول من اول

وركبت قدام مساعدات صفر غاز