ام دبــــــــــــــــــــــــــــــــــــابه

[مهيلان]

سمعت عن مكان يقال له ام دبابه بالقصيم
ما هو هذا المكان واين موقعه وما هي الهوايات التي تمارس فيه

وهل له موقع على الانترنت
وهل يوجد موقع بالرياض له نفس الاسم ؟؟؟؟
ارجوالاجابه على تساؤلاتي ولكم جزيل الشكر.............

[الشيخ]

الاخ مهيلان

انا سألت نفس السؤال في نهاية شهر رمضان الماضي اعاده الله علينا وعلى المسلمين بكل خير

وجاني الرد من الاستاذ راعي عنيزة

وهذا رده مثل ما كتبه بنفسه

------------------------------------------------------
منقول من راعي عنيزة
------------------------------------------------------

الوصف يا طويل البقا والسلامه
اذا كنت في خط الرياض القصيم السريع قبل القصيم بحوالي 40 كيلو يجيك كوبري ام سدره اطلع معه واتجه غرب وبتكون المحطه على يسارك (اذا كنت قادم من الزلفي استمر في خطك وتجاوز السريع)
ابتل مع الخط لحد ما تجيك لوحه مكتوب عليها : مزارع الفوزان ادخل معها يسار وامسك الخط لاخره لحد ما ينقطع عند بيوت قليله وبتشوف الرمل قدامك ادخل معاه وامسك الخطوط اكثرها متجهه لام دباب

وهذي الاحداثيه N25 59.843 E44 21.962

-----------------------------------------------------

وهو تل رملي كبير وشبيه بتل مرعب في الامارات العربية المتحدة يصلح لهواة التطعيس وموجودة له بعض الصور في المنتدى لكني ما اعرف بأي موضوع موجودة

وبصراحة ما حصلت لي فرصة الذهاب للموقع

يعني لو انت محتاج اي استفسار او توضيح ترجع للاخوان بالمنتدى وانشالله بتلقى الي يسرك
وسلامتك وبالتوفيق

[Y&Y_4X4]

اذا كنت ولا مالرلبورو من هوات التطعيس فلا تخلي ام دباب تفوتك قمة المتعه والمناظر الطبيعية وعظم خلق الله سبحانه والله يعينك على البطناج الين تاصل ام دباب .

[ابووليد]

سلام عليكم


الحقيقه انا اسمع عن ام دبابه بالهبل لكن ما رحت له


لان فيه في الرياض شي مشابه له (( يفك ازمه )) وهي طعوس المحليه




اللي في المزاحميه ممتازه ازين من الثمامه عفوا الخمامه ام البطناج والحرث


وتقلوا تحياتي...

[مهيلان]

شكرا لك يا الشيخ وابو وليد

لكنك اعجبتني يا ابو وليد بوصفك الثمامة للخمامه عز الله انك جبتها

والله انها اكره مكان طلعت فيه

ما طلعت له الا مرة لا وداق اللطمة خايف ان احد يشوفني

ويقولون شفناه في الثمامه

والسبب اللي شفته من الاشكال اللي ما تفتح النفس (اهل الجنوز) والتصرفات اللي ماتسر

لكن ابدلك على مكان حلو ونضيف مره ولا يجيه الا ناس محترمين

هايلكسات وجيوب بس

يصل عدد السيارات سبعين تقريبا ويحصل تحدي على طعس كأنه جدار وهيال بعد

وجنبه طعس اطول منه واصعب منه مره يتحدون عليه اهل الدبابات (البانشي )

وهم ايضا يصل عددهم الخمسين تقريبا .

ا
لموقع تفرق مع مفرق الخرارة مع الخط مكة السريع يمين ثم يجيك مفرق فيضة الخراره

يسار تعده على نفس خطك بيجيك مسجد على يسارك بعد 2 كم التفت يمين بتشوف الخطوط

رايحه يمين خذ معها وبتلقى السيارات قدامك

احسن ما في الموقع انه ما يصله الا جيب او واحد سواق

يعني مهوب اي واحد يجيه

[Y&Y_4X4]

أخوي مهيلان.
انا رحت للخرارة الموقع الي انت ذكرت هذا الخميس 17/4/2003م ولاكن ياخوي انا ماشفت طعوس ولا شفت رمل انا طال عمرك شفت شبوك , نعم , جمع شبك اول مرة يأخوان اشوف شبك يطلع الطعس روحو وانتحدى اي سيارة تطلع مطاليع الشبوك, أذهبوا هناك وتشوفون العجب ؟؟؟؟؟؟؟؟؟؟؟؟؟؟؟؟؟؟؟؟؟؟

[مهيلان]

اخوي اربعه في اربعه
انا ما فهمت قصدك فاما انك وصلت المكان ولا اعجبك او انك ضيعت المكان
لكن الموقع ما فيه كلام .... نظافه وطعس يستاهل انك تتفرج عليه
ويمكن ما يطلعه في اليوم الواحد الا سيارتين اوثلاث وملغمه بعد
وهذا من صعوبته . مهوب زي الثمامه نصف اللي يطلعون بالريوس .!!
عموما الوصف واضح ومن اراد الاستزاده فليبلغني
ودمتم سالمين

[Y&Y_4X4]

السلام عليكم والهرج للجميع

انا طال عمرك مشيت من الرياض على طريق الرياض الطائف السريع وكان معي احداثيات طلعتهن من كتاب جرير فرقت يسار مع مفرق الغطغط الحقيقة هذا الي انا فهمت من الوصف ولا فية اللوحات الي انت ذكرت المهم اني توجهت على الاحداثيات جنوب شرق وكان باقي من المحل الي انا فرقت معه 12 كم وفعلا دخلت طعوس عظيمة والعظيم الله سبحانه ماامدان امشي 2 كم الا عجزت الشبوك تحدك على الصعب مليت همن رجعت.

راجع معنا الوصف حقك الله يعطيك العافية خلني اشوف الغلط وين .

[مهيلان]

طيب
المعذره يا اربعه في اربعه
انت ما رحت للمكان اللي انا وصفت
قد يكون الغلط مني لاني وصفت للي عارفين روضة الخراره وما حسبت حساب اللي ما يعرفونها
عموما الوصف كالتالي :
انزل مع القديه
تعد كبري المزاحميه الاول والثاني ايضاً تعده
بيجيك الكبري الثالث اللي هو كبري (جو )
ديور معه وارجع وجهك شرق كانك راجع للرياض
امش قرابة خمسه كيلو واذا نزل الخط من النفود بيجيك مفرق اسفلت على اليمين
لف معه وامش الى ان تأتيك لوحه على اليمين مكتوب فيها فيضة الخراره
تعد اللوحه وامش ايضاً خمسه كيلو بيجيك مسجد على يسارك وسط شبك
التفت يمين بتشوف الخطوط راقيه الطعس اتبع الخطوط قرابه الكيلوين
بتلقى العالم قدامك
الاجتماع الرسمي يوم الخميس والجمعه بس الخميس اكثر
اذا مادليت او بغيت اي خدمه ( يعني مغرز وتبيني اطلعك ) راسلني على(150000)
نداي( مهيلان)
ودمتم سالمين

[Y&Y_4X4]

ابي اشوف هالخميس ان الله اراد ...

وتراي لله الحمد ماعمري غرزت انا طال عمرك خريج نفد وطعوس عنيزة اي واحد تخرج من جامعة عنيزة للنفد والطعوس مايغرز لو هو على سيكل..

الله يعطيك العافية والجميع ان شاء الله ,,,,,,,,,,,,,

[الطير]

تحيه طيبه

اخواني الاعزاء دمتم بخير .



انا ودي على طاري ام دباب وانا من روادها والمولعين بها ان تخبرونا ان كان هناك يوم يجتمع الناس فيه
انا اعلم انه يوم الجمعه من كل اسبوع غالباً لكن في بعض الاحيان لا يكون هناك التطعيس المطوب ( الي يستاهل من يعني له قربات 160 كم )



كما اشيد بان ام دباب تعتز في الاعياد .



ولكم تحياتي