من يدلني على ميكانيكي متخصص 454؟وفالة الجنة !

[طناف]

يأخوان أنا معي جمس 454 موديل 80 ومن اللقافة قلت بسوي تصفية مع العلم أنة مافية الأالعافية
قبل شهر حطيتة في مقصب (ورشة) لتغيير البواجي مع الأسلاك وتنظيف الكلبليتر .
وتفاجئت بأن السيارة تغيرت وغيرت البواجي 3 مرات 44 و45 و46 في أسبوعين دون فائدة ثم قالوا وزن بلوف .
وزنت البلوف مرتين خلال أسبوع وقالوا وزن ديلكو ووزنتة 3 مرات في أسبوعين .
ثم قالوا الكلبليتر ونظفتة مع تغيير ألأصلاح وتغيير فلترالبنزين .

دون فائدة

وللأسف أغلب عمال الورش قصابين وسباكيين و..... و..... و....و..... و؟
يتطببون فينا بكلمة غير هذا .

والقسم الآخر منهم لايعلم ويتعذر .<<كأني جايب لهم رنج روفر أو bmw
علماً بأن الملاحظة الحالية أعتقد بأنها بسيطة .تقطيع وخروج صوت فرقعة .

من يدلني على متخصص وياليت يكون سعودي باالرياااااااااااااااااض

والله يوفقنا وياكم

[ابوطاقية]

للاسف ماعرف ورشه محدده لاكن عندي سؤال
هل قمت بخرط الراس وتوسيع الثلاجه
لان الصرقعه عاده تجي من خلل في خرط وتوسيع الثلاجه والراس
بالنسبه لوزن الديلكو يجب وزنه الكتروني بالاشعه

[طناف]

مالك لوا يابوطاقية
والله أكثر المؤشرات تقول أغير الكلبليتر
ولاهنت

[escape_man]

ما افتيك ياخوي طناف

لكن انا معي ونيت وبهذلني قبل فتره وغيرت كل شيء

وبالاخير مليت وطلبت من القصاب ( الميكانيكي) يوظب الديلكو ويغير غطاه

صرت انا راعي العلم مهوب هووو

وبالاخير الحمد لله تمام

كانك بالرياض رح لواحد بصناعية العاصمة

مخرج 29 الي يطلع على طريق المدينة .. تلاقي الصناعية على يسارك وانت رايح للكبري المعلق

ورشة الشباب

اسم القصاب : تاج

شغله زين ولكن يبطي واحيانا يفوت راسه من الزحمة الي عنده

[SilverSniper]

حل الديلكو وفره يمين ويسار إلين يصفي.. واذا ما صفى غير غطا الديلكو.. وتنتهي مشكلتك..

[Somebody]

السلام عليكم ورحمة الله وبركاته ....

مرحبا اخوي طنااف

بالنسبة للفرقعه هذي ما يمكن تصير الا من كهرب

البوااجي اذا ودك تركب بواجي مجربه ويصفي الموتر عليها بشرط ما يكون هنااك خلل ثاااني في السيارة

عليك في بواااجي 44T عدسه داخليه يعني منظم الشرارة يجي قصير داخلي هذي بصرااحه ما عليها كلام

التقطيع يمكن في الكبريتر وخصوص اذا انت مغير إصلاح غير أصلي الله يعينك

الديلكو وزنته على الإشعاع اذا السيارة غير صلفيه ما يظبط

ولكن اذا جيت توزن الديلكو بعد ما ترخي المسمار الخلفي اترك السيارة تشتغل لمدة دقيقة وبعد ذلك

اوزن الديلكو حتى تسمع الماطور يخنق وذلك بإتجاه دوران الساعة وبعد ذلك اعكس الإتجاه ولف حتى تسمع المكينه

يرتفع حسها وتتوقف عن الإرتجاف الى حد معقول ثم بعد ذلك طفي السيارة وشغل مرة اخرى بحيث ما يكون السلف ثقيل عند

التشغيل اذا حسيت انه ثقيل رح الله لا يهينك وفر الديلكو عكس الساعة قليل والسيارة تشتغل واعد الكره كما السابق اذا ضبط شد المسمار

الخلفي وتوكل على الله.

هل تم سحب الديلكو خارج المكينه عند القصاصيب اللي ذكرت ام لا ؟

ولو تخبرني عن عملهم في سيارتك بدقه يكون احسن

آسف على الإطاله

تحيااااااااااااااتي

[ابو عاذر]

شف أخوي ورشة بن كليب في الصناعية القديمة ( صناعية دوار الخرج ) شارع الجمعية من الورش القديمة المتميزة في أصلاحات الجموس من على وقت الفروت وأيام التهريب .

مع تحيات أخوك ابو عاذر

[القناص 2008]

السلام عليكم ياخوي انشاء الله انك بتدعيلي
هذا رقم جوالي 0555188220 وابشر بالخير
ومالك الا الي يرضيك انا معي جمس ولا تقلق
دق علي والله ا نشاء بيسهل امرك معك ابو نواف

[طارق]

الاخ العزيز هناك ورشه بالصناعيه القديمه وصاحبها شاب سعودي وتجده بالورشه اغلب الاوقات
ومتخصص جموس وسيارته جمس اسمه ابو عادل
وصف الورشه
طريق الخرج تتعدا بنك الراجحي ثم يجيك ملف صغير وترابي على اليمين تفرق واول ورشه على اليسار
اسال عن ابو عادل وقله جايك من طارق ومايقصر معك ان شاء الله
الرجال يقدر السيارات الامريكيه وراعي ترهيم وخاصه الجموس

اخوك طارق

[طناف]

الأخـــــــوان

escape_man

سلفر

somebody {{{ لم يسحبوا الديلكو

بوذعار

القناص << مانستغني عنك

طارق

((( الله يبيض وجيهكم وماقصرتواعلى تفاعلكم ومايستغرب هذا منكم )))

[دغيم1]

السلام عليكم
حياك أخوي طناف
مأأزيد على الأخوان - والأخ طارق ماقصر بيض الله وجهه
وأنا بادلك على ورشة في صناعية العاصمة - الدائري الغربي - مخرج المدينة المنورة - بجوار المسجد - شرق المسجد من الجهة الجنوبية - الورشة الوحيدة اللي ابوابها والشبك لونه أصفر - وأسمها - ورشة سندباد الشمال - وراعيها شاب سعودي يتواجد بها باستمرار - ولديه عمال فنيون جيدين -
تقبل تحياتي - دغيم 1

[كعبول]

************************************

[كعبول]

اقول وانا اخوك انا بعطيك راي قبل لا تروح اي ورشة
اول ناظر البواجي اذا راس البوجي مسود شبه محترق اذا كان محترق وهو جديد او لاحظت دخان اسود فالمشكلة في الكربريتر.... اذا لا
فاحتمال يكون احد اسلاك البواجي ماهو في مكانه الصح يعني بدل مايكون السلك رقم واحد مثلاُ في بوجي واحد يكون راكب بالغلط في بوجي ثنين او اربعة والحل شف اقرب جمس نظيف نفس الموديل سواء 350 او 454 وناظر اسلاكه ورتبها نفسها اذا كان كلش تمام زين
اما اذا ماظبط فاخر شي الديلكو حاول توزنة يمين ويسار وخل وزنة الديلكو اخر شي تسوية مع ملاحظة ان يمكن يصفى الموتر بس ترتفع الحرارة (غريب صح) لان وزنة الديلكو يبيلها ضبط
والله يسهل
واذا تبي ورشة جيدين علمني.

[طناف]

دغيم 1

كعبول

الله يبيض وجيهكم ماقصرتوا

علي باالحرام أني كرهت السياراة ولا أبي طاريها <<لعبت فينا التكاسي

هذي عين جعلها العمى شوفولنا مطوع
الله يجزاكم خير

[كعبول]

طناف
عادي وسع صدرك فيه مشكلة لو تلقاها ظبطت الامور، بس اهم شي تلقا مكانيكي فاهم
وانا في الخدمة.

[طناف]

غيرت الديلكو +بلاتين جديد
+
أسلاك بواجي جديدة

8
8
من الوكالة

دون فائدة ؟؟؟

[شويحط]

اعلاف واحد دكتور جموس يجونه من اماكن بعيده بس هو في الخبر تخصصه جموس القديمه انا مجربه في اكثر من موتر واعرفه من اكثر من 25 سنه

[طناف]

لاهنت ياشويحط
ضبطت السيارة في الاحساء ورشة البشير طريق قطر

لكن وداعتكم من العامل السوري والباكستاني أنواع النصب .

[حايرالقلم]

السلام عليكم
الحال عندي تبيع المكينه لي وافكك من العباله كلها مع ان والله مالي علم بالمكاين لكن اذا بتبيع تراني شراي
وشوري الثاني لاتختار ولاتفكر واجد بتلقى ناس واجد يصلحون المكينه وخصوصا بالرياض لكن واحد عن واحد يفرق ولاتستعجل قول لا اله الا الله وامر الله بسعه

[adel88]

كل الى سويته موترك غلط فى غلط الموتر قبل تغييرك زين بعد تغييرك للبواجى والاسلاك صارت المشكله ........المشكله فى السلاك البواجى

[طناف]

الأخوان
حاير القلم

ade188

الله لايهينكم على كل حال وماقصرتوا المشكلة بسيطة .
ووضحتها في ردودي الأخيرة .

الأخ حاير القلم : كلامك ترى ينرفز !!!
وأذا ترغب بمكينة جمس 454 أبشر بسعدك ندور لك .

[فهووودي 7991]

اخوي طناف

اخبرلك ورشه زينه وجربته في مشاكل القير والمكينه والكمبيوتر السياره

في واحد معروف ولد الجميح ومعاه باكستانين

وورشته موجوده على طريق خريص

فيه شارع بين صاله العرض GMC وصاله المستعمل الي موجوده على طريق خريص ادخل بينهم وأمشي بتلقى على يسارك بعد ماينتهي صاله المعرض سور ابيض على يسارك امش لآخر السور تلقى باب قراش ادخل عنده وانشالله يعرف حل مشكلتك