((_ ضيدان الفغم _))

[ريف النشاما]

http://www.mekshat.com/pix/upload/images8/mk8178_bbbb11.jpg
(( ضيدان الفغم ))
-1-


هو أحد زعماء الصهبه من مطير وللفغمه شهره بين القبائل ولهم أفعال طيبه وأشعار
تشهد بذالك ..وكان لشيوخ القبايل جيران من غير قبيلتهم يعيشون تحت حمايتهم وكان
الخشاب من بني رشيد جارا للفغم وعندما نزح عنه أخذه ابن شقير الدويش ..
ولكن الفغم أرسل لدويش قصيده يخبره فيها بأن المذكور في حمايته , وحيث أن
الدويش والفغم أبناء عمومه فقد أعاد ما أخذه من الخشاب وهذه هي ألأبيات التي قالها ضيدان الفغم بهذه المناسبه..



يا راكب حر رعي بالمخاضير = متيه يرعى بعشب المطاوي

ياراكبه مني ألى جيت لشقير =سلم على الصعصيع فرخ النداوي

اباعر الخشاب برص المواخير = شرب اسود الماء عقب ماهو غناوي

والسابق اللي عندكم بالدواوير = ماكنه ألا وصف ذيب قراوي

هذي قصيرة عودنا شايب الخير = وحنا بأثرها لو غدينا عواوي

قصيرتك ما اخذت فيها معاذير =حيثك على ماتطلب النفس قاوي

هوماتنا تاصل ثميد وابا القير = ولا يبعد الهومات كود النداوي

اما نهود عن جميع المشاوير = والا نثور ويعتدل كل غاوي

والى ركبنا فوق مثل المعاشير = نقعد حجاج اللي على الدرب ثاوي

"""""""
""

-2-

وله ايضا .....كان نازحآ عند أحدى القبائل لأسباب خاصه ..وقد استضافه أحدهم وبعد أن
تناولوا طعام العشاء

سأله قائلآ :حينما قتلتم فلان ..........ماذا قال قبل أن يموت ؟؟

فقال الضيف : أنه استنجد بعلوى ..

فقال ضيدان : علوى تقتبس من راسي ..وقتل القاتل .

ولكن القبيله التي هو نازح لديها سمحت له حيث أن ذالك الشخص

هو من جنى على نفسه بأخباره .. وقال ضيدان قصيده نذكر منها

البيتين :

ياشاري قلب من الغبن جزاع = بقلب معيد للردى مرجعاني

قلبي جزوع لو عذلناه ماطاع =لا شاف شي يكرهه ما يداني
"""""
"""
[line]
الشاعر
((3))
((ضيدان بن قضعان))


يا وجودي كل ما هبّ صوتك من شمال=وجد من حدّه زمانه على اللي ما يبيه

ويا وجودي كلما اضحيت ثم مال الظلال=لا غفت عيني ولا ذقت شي ٍ مشتهيه

وجد من قفّى وهو في رجا كلمة تعال=والتفت من عقب ما اقفى ولا أحد ٍ لدّ فيه

ويا عذابي لا دنا الليل من روس الجبال=وانتهى يوم ٍ من العمر ما عاد ارتجيه

وانتي أبعد من سما الحلم ووصالك محال=يا بعد من هلّ دمعي ضحى الفرقا عليه

يا غناتي لا تحسبين دمعي يوم سال=ضعف والا خوف والا كذا والا كذيه

والله إني من رجال ٍ يضدّون الرجال=لكن الحظ ّ الردي ساق دمعي كل ابيه

والله ان قد لي وانا اصّد لا جالك مجال= صدة اللي لا تضايق تذكّر قبر اخيه

ووالله إني كلما دار حوليك الجدال=قمت كن الموت يشّر على قبرى بديه

ومن سألني قلت مدري وإذا عاد السؤال=قلت له تكفى سؤالك ترى ماهو وجيه

وش تبيني أقول عن مِن ترى ذبحي حلال=والخطا منها علي صرت أحبه وأهتويه

عذرها لو ماْ تْعذّر مثل واضرب مثال=واحد ٍ ما يعرف الحرّ الاشقر يشتويه

وان لفينا للتواصيف لله الكمال=إلا انتهى ليل المزايين جاتك تبتديه

كنّها غفل ٍ مع البدو طاويها الحيال=ما يميّز وصفها إلا نبيه ٍ من نبيه

يا اول أحلام الطفوله على حد ّ الخيال=الرجى باللي حمى البيت من حملة بريه

حال دونك سيف عنتر وتاسع حول حال=باْثر حول ٍ حال دونك وانا ادعى هيه هيه

هيه ياللي غرّك الحسن واطغاك الجمال=والله إني أموت ما شفت لأوصافك شبيه

لو يسام الحسن والتيه بجنيه وريال=ما بقى في سوق غيرك ريال ولا جنيه

كيف أهدّك للمقادير وانتي راس مال=راس مال ومال والمال ما يغطي السفيه

حافظك حفظي لعيني ورمشي لك جلال=وانتي تْشحّين بالما وانا شفّي مويه

شايف ٍ ظلمك وساكت وطال الليل طال=لا نويتي طعن قلبي وانا ما قلت ليه

لو بقى للهيل صبر ٍ على فوح الدلال=ما بقى للهيل صبرٍ على شي ٍ يجيه

وانتي تْسوقين عقلي على حدّ الهبال=تحسبين إن من بغى شي .يقدر يشتريه

وإلا انا يا وجد حالي وجود ٍ ما يقال=وجد من ضحّى بغاليه لرضا والديه

ويا وجودي بأول العمر قبل ألبس عقال=وجد من باع آخر العمر في رغبة ذويه

ويا وجودي كل ما هبّ صوتك من شمال=وجد من حدّه زمانه على اللي ما يب يه

""""""""







http://www.mekshat.com/pix/upload/images8/mk8178_asmmmmmm11.jpg
http://www.mekshat.com/pix/upload/images8/mk8178_al-msfhl.jpg