((_ سيف الغوينمي الودعاني _))

[ريف النشاما]

http://www.mekshat.com/pix/upload/images8/mk8178_jjjjjj.jpg

الشيخ / سيف الغوينمي الودعاني من الولامين , كان رحمه الله في الأحساء سنة 1200 هجرية تقريباً ويقال بأنه كان يشغل أحد المناصب هناك .وأحفادة لا زالو موجودين
وصل إليه أن جماعته الوداعين في الوادي بينهم شىء من الحرب أو التنازع فما كان منه رحمه الله إلا أن كتب هذه القصيدة وأرسلها لهم . وعند سماعهم لها أراد الله أن تكون باب صلحٍ فيما بينهم وسميت (مصلحة) .


أوصيك يـــامنه صـدوق صــادق=احفـظ وصاتي واتـعـــظ بأمثــــالها
تري المثايل للرجــال عـــلامه=تهدي بهاطرق الهـــدي وأسبــــالها
من حاذق قدقاس الاشــياء كلها=ومغـربـل بدقــاقــه واجــــــلالها
أما مــلاواه الــحروب عرفـتها=وهي البحـــور وكم غدا في حــــالها
تري الحروب مـايسعى بهن مشبب=كــــم دفـنـت بـينــاها خـمـــالها
فما الخصم روس النقم بهمومـه=تسّــهر طويـــل الـليل من محـــالها
فلا خــير في هرج يكذب قايـله=لا عـــّرضـت الاقــــوال في مظـــالها
فيا حزمي اركب من على منجوبه=تعجبك في جـــو الخــلا سـر بـــالها
صـفـاقـة صعـــاقـة سـبـاقـه=تشدي الربد يـــوم حــق أجفــــالها
منجـــوبة معـلومة مجــنـونه=تجفل الى شــافت ســواد ظــــــلالها
عـشـر لـيـالٍ مـا يهون ربخها =والعشــر الأخـرى مخـطرِ بقفـــــالها
تنشر من هجــر المسمى مجـنـب=بين الجـنوب وبين نـفـد رمـــــالها
تحط الدروب المخطره بيمـانها =وتحــط يا ريــن الوبا بشــمــالها
ثم نصها الأفـــلاج فنها ديـره=من منوة أهـــل الهجن عند أنكــالها
أيـوا الله ديـره وقــبـــيلـه=لــون فيها ريــــسٍ يرفــالها
أبــدويه شــاويه أحــضــريه=كـل المعــاوش تجتمع في جــــــالها
اختص من يدعى بعزوة نــابــت=مــــراجل الدنيا غدو با نـفـــالها
متحملين اللحرب كل قبــيـلـه=بـين الجــنوب وشرقــها وشمــــالها
لاجـيت بامـدح ذا إلى ذا مطوف=مـثل الـدراهـم يـعجبك صـلصــــالها
ثم نصهااللهــدار فيها جعيثن=من منوة أهل الهـجـن عند انكـــالها
سـلم عليهم وأنت فوق نجيرهـا =ولا تريض لــو على فنجــــــــالها
أحـــب لامرت ذلــولي ديـــره=تطري الرجــــال الطيبه بأفـــعالها
ترى في الرجـال مقّدمٍ ومؤخــر=مثــلالـيمين اتــمد قبل شـمــالها
وترى في الرجال مثل الجبال شوامخ=فيه الذرى والماء وزبن أوعــــالها
وترى في الرجال مثل الرمال مهالك=لاتمنع العـــاني ولا يعنـــــــالها
ان جيتها في الحر يؤذيك حرها=وإن جيتها وقت الشـتا برد شمـــالها
ترى في الرجال مثل الحماطــه=ترى الحمــاطه مـــا يظل ظـــــلالها
وترى في الرجال مثل الكتـاده=ترى الكـتــاده مــا يخـل خــــلالها
وترى في الرجـال طيب ومعــيّه=كــب المعــيّه حــرمها وحــــــلالها
أردالسليمه كان خفت من الظما=وانــص الرجـــال وخــل عنك اهزالها
اجزع اليهم بالركـايب ونصهـم=روس الركــايـب لا تطيع عــــــذّالها
انص الوداعين الرفاع اهل الثنا=اهل الــصـخا واهل العطا من مــالها
ترى الجار لا من داس فيهم زله =رفـوه وكــبو أقصـــارها وأطــوالها
أقصد أهل الفرعه وهم مقصودها=وهم غـــرضها يوم شـد رحـــــــالها
رز اللوا بين القصور وصحلهم=حتي تجــيك افروعــــــها وادوالـها
قل اصـلحو دون القبايل بينكم=ترى الــحروب تصــير جـذب خــــلالها
لاتنتخون اعيونكم بايمـــانكم=تاطـــــاكم العـدوان وطي انعــالها
ضفوا جماعتكم واغمو حفــكــم=ولا يشـيل الـــحِِمل كـون اجمــــالها
ولاتطيعيون الـقرود أهل الردى=مــايمدحــون اهـل الردى لافعـــالها
عـدوانكم احبلوا لكم حبــايل=ترىالــحرار يصـيدهـا حـبـــــالها
اسـقوقكم السم المصفى بالعسل=اللي اللعـــافية الـبدن ســـــلالها
العفومااكثرفي البلاد عدوانكم=بــانـو فـلا كــن المـلامه فــــالها
ولا تمسي إلا مصلح شافاتهــــم=ماتـمدح الــيمني بقطع شـمـــــالها
ثم شق جيب الثوب واظهرعــارى=ثم افصــخه بين النـساء ورجــــالها
قل لهم جرا منكم ثمـان سوالف=كل يصـــدق قــــايل لا قـــــــالها
الأوله منها المبيعيج نـاصــر=زلّـــت غــرير ســـببت لاجــــــالها
جـره عليه ولاط حلـقـه فوقـه=وقــال الـثيار حـــلاتها عجــــالها
والثانيه لا باق واحدفي سـيره=اذبـحوه ذبح الشــاة وسط احــــلالها
يـبغون مثله مايهم ابمثالها=ولا الـــديه سـتر ٍلــها وجــــمالها
واللى فعل ذا الفعل لاد عويمر=وهم افـــحوال المرجـــله وزحــولها
ترى مثارالصدق يبعد عن الردى=وترى الــهروج تضـيع كـون صــمـالها
والثالثه يوم طاح العاطفي في حسينا=عطـــاه ســـعـد اديه وامثـــالها
وامه عجوز ضــامـيـنٍ حوشهــا=راحـت تشـيل حمــولها وجمــــــالها
فذا شرعنا في الجار لاجاعندنا=اتعــلم بها عقـــالها جهــــــالها
والرابعه منها بيان ابن سليم=في البير طـــاح وطق راسه جــــالها
ظهر لناالى فيه فـعلٍ بـيــّـن=في جبهـته مطــرح ثــلاث اقفــــالها
هو جار كسـاب المراجــل مانع=كســـابها فــيــادهـا ختــــــالها
عطاه صفرا سابــق معلومــــه=صــفرا تشــوق العين في خيـــــالها
أول فوالتها أربعين جـذيــبه=إبـــل الـمريــخي يـــوم ربي زالها
والخامسه الجدار منها وداابن خليّف=عـــطا اديه وقفٍ بغـير امهـــــالها
افهاذي خمسٍ ما فعلها غيرهــم=مـن طـلعة الـبيضـــأ الى حـــوالها
والسادسه لاجات السنين الممحله=وإن كـــف من وبل الســمـاء همـالها
منصى ومناخ لمن ركبو النظــا=لا مختلط عـقب القفـــال احـبـــالها
يالـقون بشــاشـه وهـشــاشـه=وفــرش يـقــلط فـــوقهن ادلالــــها
وصـحون ســريٍ وبينهن نـحوتها=ســـمن يـــداري دفــقها شـيـــالها
وشـحوم ضـانٍ فوق صـفر فتاتهم=والافـــقار دايــم يــــعـبـــا لها
والسابعه زبـن المجـنـا لاوزى=يــامن ويبســــط في براد ظــــلالها
ولا يطــوله كل منهو طـــالبه=ويحط عــلوى فــــوق روس جبــــالها
والثامنه حمايه بجـنودهــــا=تحــمـي ولا تعتــاز مــن يحـمـي لها
مثل الخلاصـه يوم يوقد كرهــا=تنفٍخ وكــــل قـد عـــرف غربـــالها
والتاسعه ما يصبرون على الخطا=ولا تداري فـي الخــــطا عيـــــالها
يخزمون صعوب الشره لين تحطها=مـــثل المعـيد تســوقها عــمــالها
فنحمد الله يومني من روســـهـم=تلحـق عـلــومي بالجـمـيـل افعـالها
من لاد والمــــان سلالة غانـم=خـــذو المـــراجـل دقهـا وجـــلالها
لاجـيت أعد افعالهم ماحصيتهـا=من كـــثر مـــا بي يفتضـح قــوالها
فزاعـــةٍ نزاعــــةٍ بزاعـــه=مثل الأســـــود تجور في مصـــــالها
فياماهفى في ورودهم من نـادر=لامن ضــــوى الحـــرب شــب شعــالها
كم كاعبٍ منا تجب جعــودهـــا=لبسـت ثـياب الـــسـود عـقب جمـالها
لاسـقـف البارود دجرة روسهــم=تقـضـي جـمــوع الضـــد في سـبـالها
لامن بغيت من الحروب تخــــلص=أكثر عـليها مــن وقـــود شـعـالها
حتاك تعــلوا كل راعي طـلابـه=كما اعــتلآ الـــعارف على جـهــالها
وباب النجاة الصدق لاجا صـادق=فــإن زاد برطـــيل فــزد برطــالها
ترى موازين الرجال جليسهـــا=وبــعده تـــعرف خــيارهـا وانذالها
وأنافي موازين الرجال عرفتها=بالنطـق تعـرف عـدلــها وميــــالها
وثالث موازين الرجال كـما هي=وبعده تعــرف خـفــافها وثقــــالها
ان كان شيخان الدياراهل الثنا=تعطي وتفــعل جـــودها من مــــالها
جيرانهــم من عــزة في عــزه=رفــايـــةٍ لفـتــوقــها بشــــلالها
فان كان شيخان الديار هــوام=تـــاكل ولا تــكل افقطع ســــــلالها
أوصافهم مثل البغول الربّـــخ=مــاحـصــلت لبــطونها وعـــــيالها
والجار يمسي بالمهونه بينهـم=كــــب الــوجيه الـــظالمه وفـالها
وختام قيلي بالصلاه على النبي= إعــــداد حــجاج تمر امـيـــالها


""""""
"""




http://www.mekshat.com/pix/upload/images8/mk8178_jjjjjj444.jpg