((_ عابرة سبيل _))

[ريف النشاما]

http://www.mekshat.com/pix/upload/images9/mk8178_abrt-sbaal.jpg

(( تعريف ))


أنا عجوز مطلـــقة وام ورعـــــــان= وأيضاً مدام وبنت وآنس وعانس

أنا بدوية وعايشه عند حضـــــران= وبنت البحر وابوي زارع وغارس

أمية ماتعرف حروف وألــــــــــوان =وتلميذة دشت جميع المدارس

ضفره وخبله،عاقله،في نقصان =شرود وأنطح لي ثمانين فارس

خلونِ أعيش العمر بدون عنـــوان= طــــــيف يمر بلا رقابة وحارس


((قالت هذه القصيدة قبل وفاتها وهي توصى زوجها))


الذبايح و أهلها ما تسليني =أنا أدري إن المرض لا يمكن علاجه

أدري تبي راحتي لايا بعد عيني = حرام ما قصرت يديك في حاجه

أخذ وصاتي وأمانه لا تبكيني = لو كان لك خاطرٍ ما ودي إزعاجه

أبيك في يديك تشهدني وتسقيني =أمانتك لا يجي جسمي بثلاجه

لف الكفن في يديك وضف رجليني =ما غيرك أحدٍ كشف حسناه واحراجه

أبيك بالخير تذكرني وتطريني = يجيرني خالقي من نار وهاجه

سامح على اللي جرى ما بينك وبيني = أيام نمشي عدل وأيام منعاجه

همي عيالي وأنا اللي فيْ ..كافيني= علمهم الدين تفسيره ومنهاجه


((وهذه قصيدة كتبها زوجها ابو فهد يرثيها))


حاولت انام وحاربت عيني النوم=وجريت صوتٍ مثل صوت الذيابـــه

الجفن كنه صاير وسطه هزوم= ودموع عيني مثل رش السحابـــه

على وليفٍ قالوا اليوم محروم= راح وتوفي ماتهنا فشبابـــه

زرت القبور اللي على بعضها ارسوم=وخطيت رسم فوق ذيك النصابــــه

قلبي من الدنيا عليل ومرسوم=والرسم توه عقب خط الكتابـــه

احبها مير القدر صار محتوم=ويحبها كل الاهل والقرابـــه

الموت اخذها وودع القلب مثلوم=جرحٍ عميق مايداوي صوابـــه

والموت أخذ شجعان وقروم ورخوم= واخذ الرسول وباقي الصحابـــه

"""""