((_ مشعان بن مغيلث _))

[ريف النشاما]

http://www.mekshat.com/pix/upload/images8/mk8178_7777.jpg
مشعان بن مغيلث بن هذال شيخ عنزه وأحد فراسانها المشهورين ، كما وأنه من أبرع شعراء عصره في الحماسة والاعتزاز بالنفس عاش الشاعر خلال حكم الأمام تركي العبد الله السعود آل مقرن وأدرك بداية حكم الأمام فيصل بن تركي العبد الله آل سعود وقتل في عهد ه سنة 1266 للهجرة
له أشعار مشهورة بالحماس ومن أشهر قصائده هذه القصيده والتي تسمى بـ(الشيخة) حيث يقول فيها

يالله بتصريف الهبايب والأدوار = شانك عسى تصريف شانك لنا خير
يالله ياعالم خفيات الأسرار = يا معتني بالخلق والي المقادير
قلته ونوم العين عن جفنها طار = والقلب كنه فوق حامي المجامير
وهلت دموع العين من شوفها الدار=سكانها الأجناب هم والبقاقير
ومن عقب ماحنا بها مثل الأزوار= نامر وننهى نحمي الجار ونجير
حامينها في لابة تسقي الأمرار=عدوهم مايحتسب بالمخاسير
ولولا شفاتي فيك يانجد ماصار = (أنده )نذيرات الهواجيس وانذير
وندير حيلات بالاريا وتبصار= وأرجي من الباري عساها مسافير
ولابد ماناتي لا بانات زوار= بأسلاف عجلات تعدى المظاهير
يهومن هومات بعيدات وعسار=وكم ذيرن من واحد ٍ مابعد ذير
كم فاجن العدوان غرات وجهار= وإلى انتون يسبقن ذار المعاصير
ضعاين ٍ حطن ملكٍ بسنجار= وبنن على الخابور زين الدواوير
تواهلن الزور حصن لهن كار= وامن البطين إلى الرهاء والمعابير
نامر وننهى مانداري بها أدوار= ونهدي العاصي بخسر ومخاسير
ومرن على الشنبل وحطن لهن كار =وخذن خضرات بسيف وتدبير
هم إنتون مع كفة الشط حدار =هم إنتحن مع روس هاك العناقير
وأقفن وكالن من شثاثا بالأسعار= وحطن لملوم المسمى مصادير
واقطعن ينوون الخطايط بالأقفار= يطيرن جيشان الحباري المخامير
وخلن فوق الشيك عج الرمك طار= ياحلو هاك اليوم خز المغاتير
وحطن على ورد الدجاني لهب نار= وغدوا بها الريلان مثل المداوير
وابا ذراع اصبح امقيم على الدار= وقطعن حلال المحمره والمسامير
وشدن وحطن الثمامي بالايسار=وخلن على المطران مثل المعاصير
باغي عليهم جاري مثل ماصار= ربح الشفايا والغنم والمظاهير
كسيرة ماقط عدت بالأذكار= وابها القلايع كنهن الخنازير
وفهدن بالجبرا وداسن بالأشوار= وجاهن كتاب من زبون المقاصير
من ماجد ابن عريعر حر الأوكار=يقول وليت داركم يالمناعير
وجيناه مثل السيل طمام الأوعار= ليما غدو عنه البوادي شعاثير
رفاقته واللي حذانا لهم جار= وحنا عليهم نحمي الجار ونجير
وصحنا عليهم صيحة تجلي الأمرار= من ابواب للحير السبايا مقادير
أولاد عم وعندنا غيرهم جار=وشيخ لنا عنده حلال وتقدير
وحنا شبات الحرب وان شبت النار= وتفازعت بين الجموع المشاهير
وحنا هل الجمع المسمى إلى سار= مركاضانا يشبع به السبع والطير
وصلاة ربي عد ما بالهوى طار = وعداد ما وردن ظمايا على البير

""


(تحفة الشعراء - ماجد المطيري)
[line]
هذه قصةلمشعان حيث كانت له بنت جميلة فسمع بها غنيم البستي شيخ البسيات ،بطن من بطون عنزه و كان في حاله من الغناء و اليسر و جاء يخطب بنت مشعان و يدفع لها ما طلبوا عليه بصدد ما كان عليه مشعان من القل و الضيق بسبب الدهر الذي تتابع عليه فرآها غنيم لحاجة مشعان للمال
ما دام الدنيا مقفية عليه , فأسر لبعض اخوياه بهذا العلم فتجهز هو و نفر من ربعه و حاشيته , فلما وصلوا
الي منزل مشعان استقبلهم استقبال حار و هلا و رحب فذهب واحد من خويا غنيم و قال لمشعان ترا غنيم
يقول ابي اخطب بنت مشعان ما دام انه علي هذه الفاقة لأنه محتاج فتكدر مشعان من ذلك العلم فلما جلسوا
بالقهوة أمر بصب القهوة و طلب الربابة من أحد عبيده فجابها و كان يحسن جر الربابة فغنا هذه
الأبيات الآتية :-

""""""
يا ربعنا كدحر من الرعابيب=وركب المهار ونقلنا لا سلاحي
من يوم ذكر اغنيم بالنزل خطيب=متبجح يبغي ظبي البياحي
يبغي غزال ن يخلط المسك و الطيب=و إلا مشا خطر عليه الطياحي
يا غنيم هو مطغيك حرش العراقيب=عشاير و فيها سمان ن القاحي
مأذكر (أنا )الحصني يصيد الاشابيب=و البس يقنص للنعام المداحي
دور بدلها من ابني الدياليب=فتر ظهرها من عراض الفطاحي
هذيك عشقت مكثرين الاصاويب=لياجا نهار فيه كثر الصياحي


فلما سمع اغنيم هذه الابيات انهارت آماله و تداعت احلامه و ركب من ساعته لا يلوي على احد
ولم ياكل من هذه الوليمة ............
****
***** (http://www.mekshat.com/vb/showthread.php?t=10021)
[line]
وهذه قصة أخر : كان لمشعان زوجة يحبها محبة عظيمة لأنها جامعة بين جمال
وعقل و أهلها رجال و طيبين فلما صار في ليلة من الليالي بين المداعبة و الملاعبة
صار بينهما سوء تفاهم فتنازعا فراحت لأهلها زعلانة فلما فقدها من البيت تكدر
وكثر تفكيره و هجر منامه فلما كان من الليلة الثانية اشتد عليه ألم الفراق قال لعبده
شد علي الفرس الفلانية و جبها فركبها و قال معي يا فرج فراح معه العبد فلما اقبل
علي منازل اهل زوجته وصل وسلم عليهم و رد عليه السلام و قال هذه الابيات :-

يا موقدين النار جوكم مسايير=ناس دعتهم ناركم توقدونه
سلام مني فالكم يا لمناعير=سلام احلا من روايح مزونه
حطوا حطب حطوا علي النار تكسير=الاسمي الترف لا توقدونه
ون كان سالتوا يا رجال المخاسير=عن حالتي فالحال مني ترونه
اجهل كما تجهل خلوج علي ضير=وابكي بكا اللي وهقنه اضنونه
علي الذي ما قط ذير و لا ذير=وحشي الحما دونه ارجال يحمونه
أبو ثمان واضحات مفاتير=غرو ايغذي با لشمطري اقرونه
ما كولها تمن شثاثاو بالقير=وشربه حليب امبرد في اصحونه
ما وقفت تمشي بسوق الحواضير=لبسه طربزون تخثع اردونه
بيني وبينه فرقتنا المقادير=و كم واحد بيديه يطرف عيونه
وجدي عليها وجد من طاح با لبير=خم الرشا و حال ازرق الجم دونه
أو وجد من صكوا عليه المشاهير=و ازر و اهل العادات لا يضهرونه
أو وجد راعي هجمة به خواوير=حال الرمك و مصطر الفوشي دونه
امس الضحي عندي بوسط الدوايير=و اليوم عني مبعدات اضعونه
علي اشقح خلف اسبايا المشاهير=يتلي قطيع مفتر مثل لونه
يالله يا منشي السحاب المزابير=تجبر عزا اللي كا ثرات اشطونه
علمي بهم ورد الشبيلي و ابا لقير=اقفا مع الفدعان تطرخ اضعونه


وسلامتكم
***** (http://www.mekshat.com/vb/showthread.php?t=10045)

((( أبو مشعل ))) (http://www.mekshat.com/vb/member.php?userid=3105)