((_ بديوي الوقداني _))

[ريف النشاما]

http://www.mekshat.com/pix/upload/images9/mk8178_bdyw wgdan.jpg
الشيخ : بديوي شيخ الوقادين من عتيبة ويقال ،أنه من عقيل ،كان من حي معشى في الطائف ، عمّر فوق التسعين عام وجاس خلال الديار وأخذ عن تقاليد الأقطار واكثر التجارب مع الرجال وتعلم القراءة والقلم وأتقن الشعر والحكم ، وكانت مثل لمن يقرأها وعظة لمن يتعظ



((حمام الدوح))

أول استبداي باسمك ياحنون = ياكريم ماتخالفه الظنون
أمرك المحفوظ في كاف ونون = وأنت لي في كل مغواة دليل
هيض أشواقي حمام بالغصون = بات ساجع في بديعات الفنون
بين تغريد وترجيع بهون = بات ساجع في بديعات الفنون
ياحمام الدوح هيجت الغرام = ماسبب نوحك ومالك من مرام
اعطني عهدك وخذ مني ذمام = بيعني شوقك وخذ شوقي بديل
إن في قلبي جروح ماتطيب= مابدت حتى يداويها الطبيب
من حمام من بعد فرقا الحبيب= باح مكنوني وصبري مستحيل
كلما هبا الصبا قلبي صبا = من غزال بالحمى فاق الضبا
ضبي جازي يرعا نبت في الربا = يسلب العشاق بالطرف الكحيل
زارني طيفه كما لطف النسيم = جدد الأشواق والعهد القديم
ثم أنثنا في دجى الليل البهيم = قلت زدني قال يغنيك القليل
مال عني بالتجافي والصدود = مابقى غير الحسايف والوعود
كم أراعي النجم والعالم رقود = والمحاجر من دمعها الصافي يسيل
قمت مما حثني عقب الهجوع = يوم كل نام ولعت الشموع
والهواجس جن يمشنه جموع = مثل عود النحل في وادي طفيل
أو كما سيل تزايد مع مضيق = قلع الحيطان والسد الوثيق
يكل الجالات ويسد الطريق = زاد عن حده وضاق به المسيل
طار نومي يوم نامت كل عين = قمت أنا أراعى نجوم الفرقدين
من هوا جسم جفاني دور دين = مابقى إلا أشد عنها بالرحيل
شد عن دار الأعادي والجحود =واطلب العليا وبالغ في الجهود
لو يكون القصد في غاب الأسود = خير من دار تعيش بها ذليل
دع ديار الذل وارحل يا لبيب= واغترب والكل في الدنيا غريب
القضاء مكتوب والداعي نصيب =اركب الأخطار والهول المهيل
إن جفتك الدار أو مال الزمان = لا تعيش بدار ذل أو هوان
لو يضلل نبتها من زعفران = صاحب الآدب واجعلها دليل
كيف يرضا الذل حر من حرار= مايبدل معزله دار بدار
من رحل عن ديرة يلقى ديار= ومن جفاها الخل يلقى له خليل
صوب أرض الشام أو أرض العراق = ربما لك فيه ينحل الوثاق
كم تقاسي باللقاء مر المذاق = ربما تلقى عن المنزل بديل
اقطع البيداء على عوص النضا = لو تكن تمشي على جمر الغضاء
لن يفوت العمر قدام القضاء = دين عندك لين ياتيك العميل
كم ضعيف مات قدام الممات = موت بعض الناس خير من حيات
إن بكن أو مآبكن النايحات= فالبكاء خسران في بعض الهزيل
كم كلام راح من نقله نفوس= وأنت ما تأخذ على نقله فلوس
لاتفتش كل حب فيه سوس= كم تخوض الناس في قال وقيل
خذ كثير النصح من قول العرب = عاشر الأحرار من أهل الرتب
تستفيد العقل منهم والأدب = واترك السفهان سودان الوجيه
من حكى عنهم يصير الحكي فيه = كيف تأخذ علم من باير هبيل
كل من رام العلى يرقى لها = وسلم الأخطار في أهوالها
ومن تراخى عزمته مانالها= دونها مايقصر الباع الطويل
وأحذر الدنيا إلى جاتك ضحوك= لاتغرك بالملاعب والنزوك
كم غدر فيها وكم غرت ملوك = بضحكها تغري وما سرع ماتميل
خل عنك الكبر فالله الكبير= لاتحتقر لاعاجز ولاصغير
فأن كل الأمر لله الخبير = يقصم الجبار ويعز الذليل
فارق الأقراب إن شفت الجفا = وأصحب الأجناب إن شفت الوفا
طاوع الألباب واغنم بالصفى = واقصد الأجواد لاتقصد بخيل
لايغرك صقلة الوجه الحسن = دور الطيب ولو بأغلى الثمن
لو يكون القصد في أقصى اليمن= ابذل المجهود والمال الجزيل
وخذ عزيز السعر من زين القماش =والردي لو كان يعطونك بلاش
كيف تأخذ مايسرك شئ ماش= بيعة الخسران فيها تستقيل
والذهب مايخلطونه بالنحاس= مير بعض الناس ماعنده قياس
خذ نصيحة ماحواها ابو نواس = مثل نظم الدر واللؤلؤ الأصيل
والعدو لاتأمنه لو بعد حين = لو حلف بالله والركن اليمين
الردا والبغض في قلبه دفين = وإن ضحك بالوجه في قلبه غليل
واترك البيت الردي وأنص الرجال = خذ عريب الجد من عم وخال
يوم تنظر في ولدها كالهلال = وإن مشى في الدرب مايغوى الدليل
يوم أقوله ضامري يكوى بنار= وإن طلبت البعد ما ألقا له قرار
كيف أبا أصبر والحشاء للهم دار =صار مالكها وأنا عنها نزيل
سل عن الجيران قدام النزول = وإن سمعت الناس تهرج لا تقول
تكتسي ثوب المحبة والقبول= والخلايق يذكرونك بالجميل
واحفظ الجيران واحفظ مالهم = وغض طرف العين واستر حالهم
لا تؤاخذهم بسوء أفعالهم = خلهم يمشون بالفي الظليل
وإن ملكت المال لاتسدي شحوح= أكرم الجيران وأكرم كل روح
فالدبش والمال كله بيروح = والثناء والمدح جيل بعد جيل
ألف صلوا مابدع بالأشتراك = ساجع القمري على غصن الأراك
في رياض قد عليها وسم من السماك= كل يوم الركب له فيها مقيل
تبلغ المختار والصحب النجوم= ماسعى واطاف بالبيت القدوم
والكواكب والمصاحف والعلوم= والحصا والرمل ميل بعد ميل

***
[line]
---------------

((أيامنا والليالي))


أيامنا والليالي كم نعاتبها = شبنا وشابت وعفنا بعض الأحوالي
تاعد مواعيد والجاهل مكذبها = واللي عرف حدها من همها سالي
إن أقبلت يوم ما تصفى مشاربها = تقفي وتقبل ومادامت على حالي
في كل يوم م تورينا عجايبها = واليوم الأول تراه أحسن من التالي
أيام في غلبها وأيام نغلبها = وأيام فيها سوا والدهر ميالي
جربت الأيام مثلي من يجربها = تجريب عاقل وذاق المر والحالي
نضحك مع الناس والدنياء نلاعبها = نمشي مع الفي طوع حيث ما مالي
كم من علوم وكم آدب نكسبها = والشعر مازون مثقال بمثقالي
اعرف احروف الهجاء بالرمز وكتبها= عاقل ومجنون حاوي كل الأشكالي
لاشك حظي ردي والروح متعبها = مافادني حسن تأديبي مع أمثالي
إن جيت أبي حاجة عزت مطالبها = العفو ماحد عن المخلوق بيسالي
قوم إلى جيتهم رفت شواربها = بالضحك وقلوبها فيها الردى كالي
ماكني إلا مسوي حال مغضبها = والكل في عشرتي ماكر ودجالي
ياحيف تخفى أمور ٍ كنت حاسبها = واللي على بالهم كله على بالي
الجار جافي وكم قوم نحاربها = ولأهل الحسب والنسب في جمع الأموالي
نفسي تبي العز والحاجات تغصبها = وترمي بها بين أجاويد وانذالي
والمال يحي رجال لاحياة إبها = كالسيل يحي الهشيم الدمدم البالي
عفت المنازل وروحي يوم أجنبها= منها غنيمه وعنها البعد أولالي
لاخير في ديرة يشقي العزيز بها= يمشي مع الناس في هم واذلالي
دار بها الخوف دايم ما يغايبها= والجوع فيها معه من بعض الأحوالي
جوعا سراحينها شبعا ثعالبها= والكلب والهر يقدم كل ريبالي
عز الفتى راس ماله من مكاسبها= يامرتضي الهون لاعز ولامالي
دللت بالروح لين ارخصت واجبها= وأنا عتيبي عريب الجد والخالي
قوم تدوس الأفاعي مع عقاربها = لها عزايم تهد الشامخ العالي
كب المنازل وقل للبين يندبها = تشكي عليها بدمع العين هطالي
لاتعمر الدار والقالة تخربها = بيع الردي بالخسارة واشتر الغالي
ماضاقت الأرض واشتبت شبايبها= فيها السعه والمراجل والتفهلالي
دار بداغرن وجيران نقاربها = وارض بارض واطلال بأطلالي
والناس أجانيب لين إنك تصاحبها = تكون منهم كما قالوا بالأمثالي
الأرض لله نمشي في مناكبها = والله قدر لنا أرزاق وآجالي
حث المطايا وشرقها وغربها= وأقطع بها كل فج دارس خالي
واطعن انحور الفيافي مع ترايبها= وابعد عن الهم تمسي خالي البالي
مع كل عملية تقطع أبرا كبها= فدافد البيد درهام وزرفالي
تبعدك عن دار قوم ودار تقربها= وأختر لنفسك عن المنزال منزالي
لومت في ديرة قفر جوانبها = فيها لوطي السباع القبس مدهالي
أخير من ديرة يجفاك صاحبها = كم ذا الجفا والتجافي والتحلالي
دوس المخاطر ولاتخشى عواقبها = والموت واحد ولاعند الحذر جالي
إن المنيه إذا مدت مخالبها = تدرك لوكنت في جو السماء العالي
ماقرت الأسد في عالي مراقبها= تسعى للأرزاق ما حنة للأشبالي
والشمس في برجها والغيم يحجبها= تقفي وتقبل لها في الفلك مجدالي
رب السموات يا محصي كواكبها = يامجري السفن في لجات الأهوالي
ظاقت بي الأرض وأشتبت شبايبها = والغيث محبوس يامعبود ياوالي
يالله من مزنة هبت هبايبها= رعادها باتله في البحر زلازالي
ريح العوالي من المنشاء يجاذبها = جذب الدلي من جبى مطويت الجالي
ديمومتن سبلت وأرخت ذوايبها= وأنهل منها غزير الوبل همالي
تسقي ديارن شديدي الوقت حاربها = ماعاد فيها لبعض الناس منزالي
وياجاهل اسمع تماثيل مرتبها = فيها معاني جميع القيل والقالي
مثل المحابيب زادت في قوالبها = في صرفها زايده عن قرش وريالي
يارب توبه وروحي لاتعذبها = يوم القيامه إذا ما ضاقت أعمالي
وأزكى صلاة على المختار نوهبها = شفيعنا يوم حشرات الأهوالي

"""
"