((_ عبيد العلي الرشيد _))

[ريف النشاما]

http://www.mekshat.com/pix/upload/images10/mk8178_zybbb1122.jpg
هذه قصيدة للشاعر الامير الفارس عبيد العلي الرشيد ولها قصة ظريفه وهي أنه رأى فتاة جميلة انثنت لتسقي الزرع بالماء فلما رأته هربت منه وتركت السقاية , فبدأ عبيد يفجر الماء بدلاً منها ولما جاء صاحب البيت (ابوالفتاة) فوجيء بالأمير عبيد وهو يفجر الماء في مزرعته فما كان من الامير عبيد إلا أن طلب يد الفتاة للزواج واصرّ أن يتم الزواج خلال ساعة فكتب عليها وزفت إليه , واصبحت هذه القصه مثلاً لسرعة إتمام الشي مثلاً : "شي صار وشي ماصار ... عرس عبيد بالنهار"

((عوذه))
ناح الحمام بعاليات المقاصير= وأهل الهوى طربين ما يسمعونه
ذكرتني يالورق لاذكرك خير= غرو كما لدن المطارق قرونه
وش نوح ماكم ضايع ياهل الحير = نبي نعدله كان ماتعدلونه
مع الحمية ساقتن نية الخير = والشرط ما نبغاه لو تجدعونه
تمسي عروق القلب عندي معاشير= ويزهر ثمر قلبي وتطرخ غصونه
باكر ضحي العيد لادقوا الزير= وماعندهم من غالين يلبسونه
يظهر حبيبي كالخلاصة من الكير = عيذه برب الناس لاينحتونه
"""
((رواية)) (http://www.mekshat.com/vb/showthread.php?t=6838)

[line]

قصة هذه القصيدة حدثت عندما طلب والي مصر عباس باشا من عبيد الرشيد - فرس مشهورة له تسمى
(كروش)- بعد ماسمع عنها - حيث أرسل له وفدا يطلبها منه ولكن عبيد رفض هذا الطلب
وبين رفضه في هذه القصيدة.....



يابيه انا لكروش ماعطي ولا ابيع=قبلك طلبها فيصل وابن هادي(1)

يابيه لو كثرت بالقول ماطيع=ياحيف تبيني اسلم جوادي!

يابيه مايرهم على مثلها البيع=ولايج مثله بقودة مهادي(2)

ما جمّع اصله بالقراطيس تجميع=اصله يعرفونه جميع البوادي

باغٍ الا من لقّموها المصاريع=وصاح الصياح وثار عج الطرادي

انهج عليها وتعدى بالتراثيع=مثل الفحل لاصار وقت الهدادي

وأصلها لعيون بيض مفاريع=فوق الحنايا والسبايا غوادي

هذاك بيعه والصبايا مفاريع=بين القنا ومخفّرات الهنادي

هذاك بيعه كان ماتفهم البيع=لامنهن جلبن بسوق المزادي

يابيه انا ماسمع جوابك ولاطيع=هرجه بمقلة ناظري والفوادي

ياسابقي مانرخص بالمطاميع=حتم ولو قيل ارفعو بالجوادي(3)

ابغي لاثار الدخن بالزعازيع=وحطو على عجلاتهنّ العدادي

بيومٍ يشيب من وحاه المراضيع=حدّين وحاديهن من الخوف غادي

انطح ورا ربعي وجيه المداريع=واقضي عليها دينهم والعيادي

وأنشد عن افعاله بعاد المفازيع=هو هرجنا ذا كذب ولا وكادي

من لابةٍ بالحرب ماهم مطاويع=ولا تحسّب بالمداس العوادي

حلفت مايطري علينا بها البيع=للحشر مايفخت سواده سوادي(4)

مادام راسي للرياح الذعاذيع=بالعون طالبها م الناس غادي

وديارنا حامينها بالمرابيع=واضدادنا عنها تجي بالحيادي

الاّ ان بغاه الليث حنا مخاضيع=لامره وهو فوقه كما البدر بادي(5)

هذاك انا وحذاي لامره مطاويع=فرز الوغى صياد من لايصادي

حرٍ يفدّع بابرق الريش تفديع=ولا يفرس الا من كبار الثنادي

طير السعد يفرح قلوب المراضيع=تشتاق له معها وهو بالمهادي

يدرا وترجى من وراه المنافيع=الليث يرجى للعطايا الزيادي

أودع مصاعيب القبايل مراجيع=والخيل جاته من عمانٍ تقادي

وصلّوا عد ماحيش مال وما بيع=على نبيّ للورا خير هادي
"""

معاني المفردات:
(1):فيصل:هو فيصل بن وطبان الدويش شيخ مطير، ابن هادي:هو محمد بن هادي بن قرملة شيخ قحطان.
(2):يرهم:يصلح ، قودة:هدية.
(3):سابق:فرس.
(4):يفخت:يفارق.
(5):الليث: هو الامام فيصل بن تركي.
((المري)) (http://www.mekshat.com/vb/showthread.php?t=6350)
[line]

كان لعبد الله الرشيد وأخوه عبيد الرشيد كان لهم رفيق يدعى ، عبد المحسن السيف الملقب بالملا من اهل بريده وكانوا يتجاذبون الحديث فقالوا له:يا عبدالمحسن علمنا بما فينا من العيوب حيث انه كما قيل في المثل ((كلً بصير في عيوب غيره))
فقال لهم((لن اعلمكم بما فيكم ألا أذا أمنتموني فقالوا له :لك الامان منا بس تكلم فقال:اما انت يا عبدالله فعيبك عدم تقديرك للاجاويد واخيار الناس وذلك يعتريك عند الغضب وهذه خصله فيك غير حميده واما انت يا عبيد فجميع مكارم الاخلاق حاويها ومدركها ولا فيك سوى عيب واحد وهو عظم تقديرك للصلبي (ساهي) اذا دخل في المجلس اقربته حولك وادنيته بجانبك فقال عبيد نعم انا يا عبد المحسن ان هذا الرجل طيب وفيه شجاعه وهمه عاليه ونفس ابيه عن الادناس -فمن اجل ذلك قال هذه القصيده


طلبت رب(ن) يعلم السر والغيــــــــــب =يقبل صلاة(ن) لي ويقل صيامـــــــــــي

ويجعل لنا عرض(ن) نزيه(ن) عن العيــــب =ويفكنا من شر سوء الاثامــــــــــــــي

ابن ادم ملفا الردى والعذاريـــــــــب =لو ما فعل رميت عليه التهامــــــــــي

جليت عن نفسي شبا الشك والريـــــــــب =ولا حسب يلقون العرب بي كلامـــــــــــي

وربعي لقوبي عقب شيبي عذاريــــــــــب =بتسطير كذب مفسرين الحلامـــــــــــــي

قلت: اخبروني يا ملا وش هاك العيــــــب =قالوا :على ساقت رفيقك تحامــــــــــي

قلت: ان هذا من قديم(ن) لنا عيــــــب =مستارثينه من خوال وعمامـــــــــــــي

العيب ترك المعرضه بالمواجيــــــــــب =وألا الرفيق أبفزعته ما يلامـــــــــــي

رفيقنا كنه بروس الشخانيـــــــــــــب =يجبر بنا لو مكسره بالعظامـــــــــــي

ورفيقنا ما نجدعه للقصاصيــــــــــــب =في راس حيد(ن) نايف(ن) ما يظامـــــــي

ورفيقنا لو هو من الجد بصليــــــــــب =متعلق(ن) بنا بذروة سنامـــــــــــــي

والشر ما نسعى بجره بتقريــــــــــــب =ونذرى الى هبت لنا بالاولامــــــــــــي

هذي قدايمنا الى عدو الطيـــــــــــــب =وكل يريع الفعل اهله القدامــــــــــي

ويوم الوغى ما نستشير الزواريــــــــب =لا طار عن سود العيون اللثامــــــــــي

مركاضنا يشبع به الطير والذيـــــــــب =ونروي معاطيش السيوف الضوامــــــــــي

نلحق على سرد(ن) يجنك جناديــــــــــب =بمطارق(ن)مع مثل صف النعامـــــــــــي

يتلون ابو بندر ربيع السعابـــــــــيب =اللي على خيره تعيش اليتامـــــــــــي

فأن سلم راس امبيد الكنس النيــــــــب =حريبنا مايهني بالمنامــــــــــــــي

غنوا بها ركاب عوج المصاليـــــــــــب =من مصر(ن) الغربي الى دار يامــــــــي

شارخ اخذ نابه زبون المهاليــــــــــب =وشجاب سطوه مطبر وبن لامــــــــــــــي
معاني بعض ....
1-ابو بندر:طلال العبدالله الرشيد
2-الكنس النيب: وصف الابل التي اكتنزت من الشحم وشق نابها
3-شارخ:شاعر -
أبو علي الشمري (http://www.mekshat.com/vb/showthread.php?t=6731)
[line]