((_ ابراهيم الجعثين _)) [الأرشيف]

ابـوعمر

14/01/2007, 05:08 PM

"" السلام عليكم ورحمة الله وبركاته ""

((اسغاثة ))

الشاعر ابراهيم بن جعيثن المولود في التويم بسدير سنة 1260 هـ والمتوفى سنة 1362 رحمه الله

""

يالله بنـو للرعـد بــه زلازيــل=ينشي من القبله صـدوق خيالـه
ينشي الضحى وهواسود كنه الليـل=لابرق به مثل الضـوى اشتعالـه
من واحد ما هـوب منـان وبخيـل=رب كريـم وكـل حـي يسـالـه
سيل يعم سدير مـن غيـر تفصيـل=عقب اربعين الحول يذكر كمالـه
يحـده الغـاط والزلفـي مشاميـل=وابا ذريه والوطي مـن سهالـه
وياطى الرويضه والحريـق مقابيـل=وابا السروج وما انحدر من قباله
ووراط يحيـا بـه حـلال مهازيـل=حيث هو اللي ينطح السيل جالـه
والى انحدر يضفي على العوده السيل=وتميـر ومجـزل تمـلا اهجالـه
يمطر على حرمه حقـوق مخاييـل=يشبع به الحرفي وراعي العمالـه
يعـل وادي المجمعـه للمطافـيـل=وابـا الميـاه علاوتـه والسفالـه
يمطر على هدب الغروس المظاليـل=يحير سيله في النخـل والحيالـه
ووادي الفقي زين البساتين ونخيـل=في القيض يسقي صافي من زلاله
كدادهم كنـه علـى ساحـل النيـل=تسمن معاويـده ويكثـر ريالـه
يرجع سديـر ويكثـرن المحاصيـل=تلقى به التاجـر ينمـي حلالـه
وان جا الضعيف بارد الكف ومعيـل=يمشي على الرجلين ماله ازمالـه
قليل شوف يشتكي مـن ردا الحيـل=ما له حلال ويستحي من ظلالـه
جار لسمحيـن الوجيـه المناويـل=اهل سدير اهل السخـا والجزالـه
ربـع يسلونـه بزيـن التعالـيـل=وكل يوسـع خاطـره بالنزالـه
يروح وركابه تهـادى مـن الشيـل=من شاف حاله قال يا كثـر مالـه
رجالهـم لـو مالـه إلا المعاميـل=لابد مع ضيفـه يسـوي جمالـه
يستاهلون المدح جيـل بعـد جيـل=واللي يماريهم فهو مـن اهبالـه
يا كثر ما مدحوا ويامـا بهـم قيـل=للضيف راعي سدير خله إلحالـه
هشين بشيـن عـدال عـن الميـل=سمحين وبضده لراعي الجهالـه
اقول شوف العين ما هـو دهاويـل=ما جيب لي نقل بخـط الرسالـه
وباقي العرب تلقى رجـال مشاكيـل=لابـد للبـارود يبقـى حثـالـه
وصلاة ربـي عـد رمـل الغراميـل=على النبي سيد الكـلام وكمالـه

""