((_ دخيل الله بن مرضي الروقي _))

[ريف النشاما]

http://www.mekshat.com/pix/upload/images11/mk8178_xz1222333333.jpg


""=""
ياجر قلبي جر لدن الغصونـــــــــــي=وغصون سدر جرها السيل جـــرا

وأهله من أول بالورق يورقونــــــــي=على غدير تحته الما يقــــــــــــرا

على الذي مشيه تخط بهونــــــــــي=والعصر من بين الفريقين مـــــــرا

لا والله اللي بالهوى هوجرونــــــــي=هجر بها الحيلات عيت تســـــــرا

لامبعد عنهم ولاقربونــــــــــــــــــــي=ولاعايف منــــــهم ولاني مــــــــورا

وأكثر عذاب القلب يوم سنحونـــــــي=بيح بصبري لو بغيت اتـــــــــــذرا

لاضاق صدري قمت اباري الضعوني=كني غريب بالدلوهة مضـــــــــرا

وقلبي عليه اشفق وتبكي عيوني=والحال من ود الحبيب تبــــــــــرا

ياعزتا لي من تفرق شجونــــــــــــي=يعزا لي ارمي بالسلب واتعــــــرا

ان مت في خد بعيد انقلونــــــــــــي=على هدي الزمل مشيــــــــــــه تدرا

ان مت في دافي حشاه ادفنونـــــي=في مستكن الـــــــــروح ماهوب برا

بين النهود وقدّ روس القرونــــــــــــي=عن الهبايب مســـــــــــــــتكن مذرا

ياليتهم بالحب ما ولعونـــــــــــــــــي= كان ابعدوا عنــــــــــــي بخير وشرا

ولا انهم يوم انهم قربونــــــــــــــــــــي=خلوني اقضي حاجتي واتـــــــــذرا

وياليتهم في الدرب ماواجهونـــــــــي=وياليتهم مازادوا الحر حـــــــــــــرا

وياليتهم عن حاجتي سائلونــــــــــي=يوم اني اقعد عندهم واتحــــــــــرا

الخد برق في علو المزونــــــــــــــــي=تقول براق من الصيف ســــــــــــــرا

وقفت عنده شابحات عيونــــــــــــــي=كني غرير باللهاوي مضـــــــــــــــــرا


************* (http://www.mekshat.com/vb/showthread.php?t=9834)