((_ صقر النصافي _))

[ريف النشاما]

http://www.mekshat.com/pix/upload/images11/mk8178_sagr-al-nsafy.jpg




يا علي خل العيد لام الدناديش = اللى تنظف كل يوم جسدها
تبغي تماري ناقضات العكاريش = في كل ملفاح تنقض جعدها
العيد عيدالله لو فات حتيش = من حسبة ايام يمرك عددها
نبي نعلمك المساري على الجيش = تمشي ذلولك لين يفتر جهدها
خابرك مانتب ضاري للمطاريش = نبيك تونس حلوها من نكدها
ليله على مسرى وليله مغابيش = وليله نخلي نومها لمن رقدها
وليله على تمره وليله على عيش = وليله نوكلك اللحم صيد يدها
يا على لا جيت العرب لا تجي تيش = خبل ليا جاب السوالف سردها
إحفظ لسانك لا يجي فيه تبطيش = تصبح عيونك كايدات رمدها
يجيك من ينشدك نشدة تكديش = يبي يسنع هرجةيعتمدها
خله يقوم ومفلت في يده ريش = يروح منك وحاجته ما وجدها
ترى دعابيل الخبول الفوانيش = تبدي بما فيها والى احد نشدها
يجيك وحدهم يورش توريش = سحابته يسبق مطرها بردها
واللي لغمقات السوالف مناقيش = قراية الكلمه على اول عددها
تجي سوالفهم ضحك وتهبيش = وقلوبهم مااحد يفكك عددها


(( عاشق الفي )) (http://www.mekshat.com/vb/showthread.php?t=9148)
[line]
"""""""""""""""""