((_ الإمام تركي بن عبد الله آل سعود _))

[ريف النشاما]

http://www.mekshat.com/pix/upload/images8/mk8178_2222HGYG.jpg
(( الإمام تركي بن عبد الله آل سعود ))
تركي بن عبد الله آل سعود بن عبد العزيز بن محمد بن سعود ويعتبر الأمير تركي من خيرة الأمراء السعوديين قام بتأسيس الدور الثاني للدولة السعودية باستيلاءه على الرياض في سنة /1240هـــ وحرر سائر بلدان نجد من السيطرة المصرية ويتضح لنا من قصيدته التالية : التي يسندها على ابن عمه مشاري الذي كان مبعد من قبل الدولة التركية بمصر ومدى ما نعمت به البلاد من أمن و استقرار

""""
"="
طار الكرى عن موق عينى وفر ا = وفزيت من نومي طرالي طواري
وابد يت من جاش الحشاء ماتدرا= واسهرت من حولي بكثر الهذ اري
خط ٍ لفانى زاد قلبي بحر ا =من شاكي ضيم النيا والعزاري
سر يا قلم واكتب على ماتورا =أزكى سلام لابن عمي مشاري
شيخ على درب الشجاعة مضرا = من لابة يوم الملاقا ضواري
ياما سهرنا حاكم مايطرا = واليوم دنيا ضاع فيها افتكاري
اشكي لمن يبكي له الجود طرا = ضراب هامات العدا مايداري
ياحيف ياخطو الشجاع المضرا= في مصر مملوك لحمر العتاري
من الزاد غاد له سنام وسرا=من الذل شبعان من العز عاري
وش عاد لو يلبس حرير يجرا=ومتوج تاج الذهب بالزراري
دنياك يابن العم هذي مغرا = ولاخير في دنيا حلاها مراري
تسقيك حلو ثم تسقيك مرا=ولذاتها بين البرايا عواري
اكفخ بجنحان السعد لاتدرا = فالعمر ماياقاه كثر المداري
مافي يد المخلوق نفع وضارا= ماقدر الباري على العبد جاري
وسلم وسلم لي على من تورا = واذكر لهم حالي وما كان جاري
إن سايلوا عني فحالي تسرا =قبقب شراع العز لو كنت داري
يوم ٍ كل ٍ من عميله تبرا =حطيت الأجرب لي عميل مباري
ونعم الرفيق الي سطا ثم جرا = يودع مناعير النشاما حباري
رميت عني برقع الذل برا= ولاخير فيمن لايدوس المحاري
يبقى الفخر وأنا بقبري معرا =و أفعال تركي مثل شمس النهاري
وحصنت نجد عقب ماهي تطرا = مصيونة عن حر لفح المذاري
ونزلتها غصب بخير وشرا= وجمعت شمل بالقرايا وقاري
والشرع فيها قد مشى واستقرا = وقرا بنا درس الضحى كل قاري
زال الهوى والغي عنها وفرا= ويقضي بها القاضي بليا مصاري
وان سلت عمن قال لي لا تزرا = نجد غدت باب بليا سواري
ومن أمن الجاني كفا ماتحرا= وتازى حريمه باالقرايا وجاري
واجهدت في طلب العلى لين قرا = وطاب الكرى مع لابسات الخزاري
ومن غاص غبات البحر جاب درا = ويحمد مصابيح السرى كل ساري
وأنا أحمد اللي جاب لي ماتحرا =وأذهب غبار الذل عني وطاري
والعمر مايزداد مثقال ذرا=عمر الفتى والرزق في كف باري
وصلاة ربي عد ما خط قرا = على النبي ما طاف بالبت عاري

****
**


(ديوان الأمراء وتحفة الشعراء - ماجد بن طاهر )