((_ ابن حصيص _))

[ريف النشاما]

http://www.mekshat.com/pix/upload/images11/mk8178_almtooo.jpg

محمد بن فهاد القحطاني المشهور بـ (ابن حصيص ) .. وُلد في بلدة الوقف بالقرائن عام 1290هـ
وقد توفي والده وهو صغير مما جعله يواجه الحياة بظروف قاسية وصعبة ، كما كان كفيف البصر
ومع ذلك تحمل تأمين لقمة عيشه والتحق بحلقات التدريس فحفظ القرآن عن ظهر قلب وتعلم اللغة العربية وحفظ بعض الشعر الفصيح كما برع في نظم الشعر العامي وكان يتميّز بروحة المرحة والتي صبغت الكثير من أشعاره بصيغة المرح واللطافة .. وله العدد من القصائد أشهرها على الاطلاق هذه القصيدة الغزلية والتي يقول فيها :

------------------


هيّض ابن حصيص في تالي نهاره=الف قافٍ من ضميرة مدلجاتي
ياوجودي وجده مكسور الجبارة=آخذٍ تسعين ليلة مايباتي
أووجود اللي خذ الحاكم دياره=خذ حلاله والحريم مسلباتي
عقب ماهو تاجر وراعي أماره=صار فلاّحٍ واموره هيّناتي
ارتحل ياحمود منبوز الفقاره=آركي وحبال كوره كالفاتي
آركي ومربِّعٍ عشب القراره=ما علاه الشدّ من عشر سنُواتي
ديرة بن ( ؟ ) مافيها صقاره=كود شيبانٍ وعجزٍ مدبحاتي
من خشوم كميت الى حدّ الزبارة=جعل تمحل والوشوم مربّعاتي
صاحبي ( بالوقف ) مدهاله وداره=ماسكن في ثرمدا والا مراتي
ولّعتني بالهوى والحبّ ساره=دلّهتني عن غنادير البناتي
ياحسايف بنت بن سلوم ساره=عند ابوها تدّرج مثل المهاتي
ريق ساره مثل شكر في غضاره=أو حليب ابكار عرب مسمناتي
والنهيد زبيديٍ في دعب قاره=في محير الما القراح مصلّعاتي
والثنايا قحويانٍ في زباره=زاهي نبته على كل النباتي
راس ساره ذيل شقراً وسط غاره=والجدايل بالرشوش مجدلاتي
والمطوّع لو يشوف خديد ساره=طبّق المصحف وعجّل بالصلاتي
ماذكر جارٍ ذبح بالحبّ جاره=بالمبيسم والثنايا المرهفاتي
حالفٍ بالله ما أنسى حبّ ساره *=كود أهل شقراء يخلون الصلاتي
لايمي يعطي حنيشٍ في خباره=سمّها يشظى العظام الصالباتي