((_ شالح بن هدلان _))

[ريف النشاما]

http://www.mekshat.com/pix/upload/images8/mk8178_99999.jpg
أمير الخنافرة من قحطان ،اشتهر بالشجاعة الفائقة عمر عُمرا طويل ، ومني بفاجعة قتل أخيه الفديع ثم بابنه ذيب وكل واحد منهما يضرب به المثل في البطولة النادرة والشجاعة وشاع صيتهما في أنحاء الجزيرة ومع كل القبائل وبعد فقدهما رثاء كل واحد منهما على حده نورد له ........مايلي :-

((طير السعد))


أن كان تنشد يالهويدي عن الطير = الطير والله يالهويدي غادالي
طيري عذاب معسكرات المسامير=إن حل عند قطيهن الجفالي
أن جاء نهار فيه شر بلا خير = وغدا لهن عند الطريح اجتوالي
إن ادبرن خيل وخيل مناحير = وغدن مثل مخزمات الجمالي
على الرمك صيده عيال مناعير= وشره على نشر الحريب الموالي
يضحك لياصكت عليه الطوابير= طير السعد قبله من الخوف خالي
خيالنا وإن عرجدن المظاهير = وزيزوم عيرات طواها الحيالي
غيث لنا وأن جت ليال المعاسير =وبالشح ريف للضعوف الهزالي

((ذيب))


ياربعنا ياللي على الفطر الشيب = عز الله إنه ضاع منكم وداعه
رحتوا على الطوعات مثل العياسيب= وجيتوا وخليتوا لقلبي بضاعه
خليتو النادر بدار ألأجانيب= وضاقت بي الأفاق عقب اتساعه
تكدرن لي صافيات المشاريب= وبالعون شفت الذل عقب الشجاعه
ياذيب أنا بوصيك لاتاكل الذيب = كم ليلة عشاك عقب المجاعه
كم ليلة عشاك حرش العراقيب= وكم شيخ قوم كزته لك ذراعه
كفه بعدوانه شنيع المضاريب= ويسقي عدوه بالوغى سم ساعه
ويضحك إلى صكت عليه المغاليب= ويلكد على جمع العدو باندفاعه
وبيته لجيرانه مشيد على الطيب= وللضيف يبني في طويل الرفاعه
جرحي عطيب ولابقالي مقاضيب = وأفخت حبل الوصل عقب انقطاعه
كني بعد فقده بحامي اللواهيب = وكني غريب الدار مالي جماعه
من عقب ذيب الخيل عرج مهاليب= ياهل الرمك ماعاد فيهن طماعه
قالوا تطيب وقلت وشلون باطيب= وطلبت من عند الكريم الشافعه

(( مرثية بن هدلان لأبنه ذيب وهو حي ........))

ماذكر به حي بكى حي ياذيب = واليوم أنا ببكيك لو كنت حيا
وياذيب يبكونك هل الفطر الشيب = إن لايعتهم مثل خيل المحيا
وتبكيك قطعان عليها الكواليب= وشيال حمل اللي يبون الكفيا
وتبكيك وضح علقوها دباديب = إن رددت من يمة الخوف عيا
ويبكيك من صكت عليه المغاليب= ((إن صاح بأعلى الصوت يأهل الحميا))
ننزل بك الحزم المطرف ليا هيب= إن رددوهن ناقلين العصيا
أنا أشهد إنك بيننا منقع الطيب =والطيب عسر مطلبه ماتهيا

""""
""