شلون تفتك من قص البصل؟؟؟؟؟؟؟؟ >هام<

[راعي الجمس94]

فيه طريقه حلوه لكي ترتاح من قص

البصل وريحته وتقعد تدمع وتمسح

دموعك
تروح محل لبيع البهارات تقوله عطني بصل مجفف ومحموس شوي(مشقر)

طبعن يكون مقصوص وخالص

ماعليك إلى تحمسه زياده ويطلاع تمام وترتاح




......مع ألف تحيه..........

[قتال]

السلام عليكم ورحمة الله وبركاته ،،،

أخوي راعي الجمس94 .. حياك الله ، الله العالم إنك عزابي ما بعد مسكك القفص الذهبي .. يا خوي المعزبه تكفيك تقصيص البصل وحمسه بعد ..

وأنا يا خوك دايم آخذ معي بصل مزينته المعزبه .. شي مضمون ونظيف .. و ترى المكاشيت ما تحلى إلا بتعبها وشغلها وهنا تكمن المتعة الحقيقية ..

[الشيخ]

والله طريقتك ممتازة
بس يا خوك الخوف تكون عند العطار مكشوفة مدة طويلة
الطريقة الاسلم المتبعة عندي في البيت تقعد لك يوم قبل طلعة البر وتاخذ الكمية الي تشوفها مناسبة وتقصصها كلها ثم تعبيه بأكياس وتخليه بالثلاجة ومتى ما بغيت خذ الكمية المطلوبة ورجع الباقي للثلاجة هذا اذا كنت تبيه ني ء بدون حمس او انك تتبع اسلوب الحمس وثم التجفيف
وبكل الحالات انظف من الي تاخذه من العطار ولا من السوق

[الصحاف]

العزيز راعي الجمس
ولله اذا طلعت للبر وما قطعت بصل وان ما صبت دموعك انك ماتستانس

لكن اذا ماتبي ريحت البصل فعليك بطريقة الصحاف الجديده كليا

اذا كنت بالنفود فما عليك الا ان تضع البصل داخل كيس وتحضر اغصان ارطى وتضعها على الارض
ثم تربط كيس البصل جيداً وتضعه فوق الاغصان ثم تجلس بجانبه ويقوم احد حريفي القياده بتحريك الجيب
الربع حتى يضع الكفر الامامي على الكيس ثم يرجع بهدو الى الخلف مخلف بصل مهروس !!!!!!!!!!!!!!!!!

وو


الطريقه اعلاه تنطبق على الدجاج المثلج وبالصحه والعافيه
اخوكم الصحاف القناه الثانية من امام كفر الجيب الربع موسكووووووووووووووووووووووو :p :p :p :p :p :p :p :p :p :p :p :p :p :p :p

[تالي الاولين*]

.


راعي الجمس يابعدي

عز الله انك فكيتنا من بق بربلم <-------- مسوي انقليزي

خاصة اذا الطلعة مقناص ماعندك وقت وحيلك منهد


تسلم يابعدي على هالخطة


.

[هبوب]

;) ياراعي الجمس------------- البصل العادي احسن اذا مادمعت عيونك ولا مايصلح لا في بر ولا في البيت ------ هههههههههههههههههههههه

[قيال]

بخصوص تقطيع البصل :
فيه طريقه احسن من الاراء الي ذكروها الاخوه وهى انك تجيب لك فص بصل كبير وتحطه على حصاه
او فوق جذع شجره ثم ترميه با الشوزن اربع طلقات ثم تجمعه وانت لبس قفاز وتغسله وتحطه فى القدر.

ايه طبعآ اتعير.... الحين البر شمس وغبار وعرق.. وصيد ود م......اوقفت علىفص ها البصل0

...................................الرجاء عدم الزعل ..............................
اخوكم : قيال

[الفرعاوي]

أنا اتفق مع الاخ قيال فعلا فكرة حلوة .... بس و الطماط ؟


الاخ قتال ........................ ماشاء الله ................... يا حظك

[ق ح ص 411]

اخوي الغالي راعي الجمس
احلي مافي طلعات البر انك تتحرك لأننا لصرنا في الديارة كله جالسين ومانتحرك الين صرنا مثل الشيب نتوجع ونون من وجع الركب .
واذاء كان البصل تقشيره يسيل الدموعك فعندي لك طريقة وهي انك تحط بطرف السكين فص بصل صغير وتقطع البصل وبكذا مارياح تسيل الدموعك والريحة باليد ممكن تغسل ايدينك بعد مااتخلص بشوية ملح ناعم .
وتحياتي لكم .........