المساعد الشخصي الرقمي

مشاهدة النسخة كاملة : قصيده غامضه


عروق الدهنا
21/03/2007, 02:14 PM
انا بعيد الشوف والشوق مهجور@وتثبتلك الايام خافي بلاها
ياما من افعال الزمن بت مقهور@وياما تذوقت الشقا من شقاها
ولولا الفشل والخوف ماطحت مكسور@ ولولاكسر رجلي لاجهل غلاها
ولاشك ابرضى دامي اليوم مجبور@ولاشك تب ترضى تسلك معاها
وتذكار يبقى لي على القلب محفور@ وتذكار يبقى لك يطوي عناها
وتدري غموض القصد مايعني قصور@وادري قصيده ينجهل وش وراها
ولاصرت ماتفهم مقصدي مانت معذور@ولاصار ذا طبعك تمشي بعماها
لوكنت ادعي اني معك دوم مسرور@لومدعي فرحي حزني طغاها
محتار في طبعك ثقيل ومانت مغرور@وتحتار في طبع الحزن لالفاها
في نظرتي عنوان لليل مأسور@وفي نظرتك اسرار بانت خفاها
جاك الزمان اللي به الحقد مغمور@وجانا زمان الشر وكلن شراها
وخل السوالف سالفة بيت مهجور@وخل الدبش تلهى وتجبر عزاها
ودام الزعل منزاح والشوق منثور@دام الهجر للشوق اقطع رجاها
والخير يبقى بين الاجواد مذكور@والشر يسعى دوم للي سعاها

ونبي تعليقكم على القصيده بكل صراحه لاني شويعر مبتدي
وللمعلوميه القصيده بعيده كل البعد عن الغزل
والسلام ختام
عروق الدهنا
21/03/2007, 02:22 PM
وهذي كم بيت اهداء لمنتدى مكشات
سلام يامنتدى الخير مكشات@اطيب تحيه من عضو يحكم النص
ادخل عليه ان كان بالنفس ضيقات@وينزاح همي لاتسجيت بالقنص
وعرف الرجال اللي على الصيد صملات@وعز الرفيق اللي على الدين يحرص
سلطان العوني
07/04/2007, 02:08 PM
ما شاء الله تبارك يا بو سلامه صح اللسان وفكرك
وتقبل مروري
عروق الدهنا
11/04/2007, 02:06 PM
يعطيك العافيه اخوي سلطان على المرور الكريم صح بدنك

والسلام ختام
بواسامه
11/04/2007, 02:13 PM
المعنى في بطن الشعر
عروق الدهنا
14/04/2007, 02:11 PM
ابو اسامه المعنى في بطن الشعر والشاعر وشاكر مرورك

والسلام ختام
قلب ذيب
22/04/2007, 10:43 PM
انا بعيد الشوف والشوق مهجور=وتثبتلك الايام خافي بلاها
ياما من افعال الزمن بت مقهور=وياما تذوقت الشقا من شقاها
ولولا الفشل والخوف ماطحت مكسور= ولولاكسر رجلي لاجهل غلاها
ولاشك ابرضى دامي اليوم مجبور=ولاشك تب ترضى تسلك معاها
وتذكار يبقى لي على القلب محفور= وتذكار يبقى لك يطوي عناها
وتدري غموض القصد مايعني قصور=وادري قصيده ينجهل وش وراها
ولاصرت ماتفهم مقصدي مانت معذور=ولاصار ذا طبعك تمشي بعماها
لوكنت ادعي اني معك دوم مسرور=لومدعي فرحي حزني طغاها
محتار في طبعك ثقيل ومانت مغرور=وتحتار في طبع الحزن لالفاها
في نظرتي عنوان لليل مأسور=وفي نظرتك اسرار بانت خفاها
جاك الزمان اللي به الحقد مغمور=وجانا زمان الشر وكلن شراها
وخل السوالف سالفة بيت مهجور=وخل الدبش تلهى وتجبر عزاها
ودام الزعل منزاح والشوق منثور=دام الهجر للشوق اقطع رجاها
والخير يبقى بين الاجواد مذكور=والشر يسعى دوم للي سعاها

لوكنت ادعي اني معك دوم مسرور-----لومدعي فرحي حزني طغاها
هذا البيت لوتلاحظ موسيقاه غير مستقيمه , وهناك شطر من البيوت بنقس الوضعيه 0
قصيده جيده , استخدم فيها الايحاء الغير مباشر بكثره مما أفقدها بعض الوضوح في مخاطبة الطرف الاخر 0
طرح ممتاز , ولاشك انه سيتغير مع الممارسه والمطالعه 0 ------- تقبل نقدي وتقديري 0
عروق الدهنا
23/04/2007, 01:15 PM
اخوي قلب الذيب
جزاك الله خير على هالنقد البناء
وعدم الوضوح هو اساس القصيده ومبتغاها عندي
اشكرك مره ثانيه
ومنكم نستفيد
قلب ذيب
23/04/2007, 10:35 PM
عروق الدهنا 0
احيي رحابة صدرك , والنقد البناء هو المطلوب لكن متقبليه قله رغم فائدته في تطوير وتنوير الشاعر , وهو لايقلل من قيمة الشاعر او القصيده
لكن لايقبله الكثير من الشعراء 0
تقبل أصدق تحيه وفي نتظار جديدك 0
عروق الدهنا
23/04/2007, 11:14 PM
اخوي قلب الذيب

اشكرك للاهتمام بهذا الموضوع اللي الكثير تجاهله
وبالنسبه لنقد لولا النقد لما ظهر الشعراء
والشاعر اللي مايتقبل النقد يحتويه الغرور والكبر
اشكرك مره ثانيه لمرورك الكريم

اخوك ابوسلامه
خيمة الصيد بالسلق
والسلام ختام
@@ksa@@
30/04/2007, 08:30 AM
الاخ " عروق الدهناء " القدير ،،،
يعطيكــــ الف عافية ,,,
تسلمــــ يمينكـــــ
صــــح لســـانكــ و لســــان قايلها
بيض الله وجهك ... لاهنت
وأنا اجيز القصيدة وكاتب القصيدة وصاحب القصيدة
دربــــــكـــــ خـــــــــضـــــــر
........مشكور .......................................مشكو ر............
.................مشكور... ......مشكور.............. .........مشكور.........مشكور.....
...............مشكور..... ..........مشكور.......... .....مشكور............... مشكور.....
...............مشكور..... ....................مشكور ......................... .....مشكور.....
.................مشكور... ......................... ......................... .....مشكور.......
...................مشكور. ......................... ......................... ...مشكور.....
......................مشكور....................... ......................... مشكور.......
......................... مشكور.................... ....................مشكور ......
......................... ...مشكور................. ................مشكور.... ....
......................... ......مشكور.............. ............مشكور........
......................... .........مشكور........... .......مشكور...........
......................... ............مشكور.......مشكور................
......................... ....................مشكور .......................
المكحل/ابو
30/04/2007, 08:55 AM
عروق الدهنا

الله يبيض وجهك على القصيدة
جدا رائعة والاروع منها تقبلك لملاحظات الاخوة

http://www.mekshat.com/pix/upload/images32/mk2429_clip_image001.gif
المكحل /ابو فهد
يتمنى لكم التوفيق فى المشاركات البنائة
*************************
خوينا مانصلبة بالمصاليب.......... ولايشتكى منا دروب العزارى
ان كان ماقمنا بحق المواجيب .......... حرم علينا لابسات الخزارى
http://www.mekshat.com/pix/upload/images32/mk2429_clip_image001.gif
ذرب المعاني
30/04/2007, 09:06 AM
عروق الدهنا صحلسانك واعتلى شانك

تاكد لي من البيت الاول في الابيات المضافه بعد القصيده

سلام يامنتدى الخير مكشات@اطيب تحيه من عضو يحكم النص
ادخل عليه ان كان بالنفس ضيقات@وينزاح همي لاتسجيت بالقنص
وعرف الرجال اللي على الصيد صملات@وعز الرفيق اللي على الدين يحرص

سلام مني لمنتدى الخير مكشات @اطيب تحيه من عضو يحكم النص
عروق الدهنا
01/05/2007, 03:00 AM
ksa
شاكر لك مرورك
ومشكور على الرد اللي يثلج الصدر

اخوك ابوسلامه
خيمة الصيد بالسلق

والسلام ختام
عروق الدهنا
01/05/2007, 03:07 AM
ابو المكحل
صح بدنك وشاكر مرورك

وش حنا بلا نقد الاخوة


اخوك ابوسلامه

خيمة الصيد بالسلق

والسلام ختام
عروق الدهنا
01/05/2007, 03:13 AM
اخوي ذرب المعاني

صح بدنك طال عمرك


والله اني ما ادري وش انت تقصد

على العموم مشكور على المرور الكريم

اخوك ابوسلامه
خيمة الصيد بالسلق
والسلام ختام
abufahad2008
01/05/2007, 03:15 AM
يبيض الله وجهك على القصيدة
عروق الدهنا
01/05/2007, 03:28 AM
وجهك ابيض طال عمرك

مرورك يزيدني شرف وانا اخوك



اخوك ابوسلامه
خيمة الصيد بالسلق

والسلام ختام