يهل الشروكي

[الشمالي0]

السلام عليكم ورحمه الله وبركاته


ياااشباب انا عندي في الشروكي الحراره ابلشتني

اذا سرعت ترتفع الحراره


قالولي روح اوزن الديلكو يمكن يكون منه ورحت وزنت الديلكو وزي ما هو ترتفع


قالولي روح سيخ الراديتر وسيخت الرديتر وللحين الحراره ترتفع مع السرعه

ومشكورين ارجو الرد السريع

[سهيل واحد]

شيك على وجه راس المكينة يمكن يبيله تغيير او نفس راس المكينة يمكن يبله صنفرة

الله يوفقك.

[zaizoom]

وعليكم السلام ورحمة الله وبركاته ..

أهلا بك أخي الكريم / سردا ..


مشكلتك سهلة وبسيطة .. لا تقلق ..

فالحل موجود بإذن الله تعالى ..

فقط ..

قم بزيارة موضوعي على الرابط التالي :


الطرق المفيدة للتخلص من حرارة الشيروكي الفريدة! "مهم" (http://www.mekshat.com/vb/showthread.php?t=56320)


بإذن الله .. ستجد الحل ..

وأي استفسار حاضر .. لكن بعد زيارة الموضوع :good2:


محـــــبك : زيــــزوم

[بواسامه]

غير الخرطوشين
العلوي والسفلي
لانه مع الحراره والسرعه يلصق وينصفط على بعضه
واذا هديت خفت الحرارة يفتح ويرجع لشكله الطبيعي
وان حصل سقط فيه قوطي صلصة000:d 000مزحه
بس شيك عليهن

[إبن فيصل]

مرحباً أخي فعلاً ستجد الحل إن شاء الله في إطلاعك على موضوع أخي العزيز زيزوم عن حرارة الشيروكي.
عندي بعض الامور أبقولها لك يمكن تفيدك وهي كالتالي:
أولاً: قبل كل شي إذا كان الموتر ما فيه بلف حرارة ركب له بلف حرارة حق وكالتة .
ثانياً: إن كان الاديتر مهوب أصلي غيره وخذلك أصلي من وكلاه..لأن غير الاصلي ما ينفع ويمكن يعدم عليك رأس المكينة.
للتشييك على رأس المكينة إذا جيت من خط والسيارة حارة وقفها وخلها تبرد ثم إذا بردت عايرها وشف إذا كان على العيار بياض خفيف والا لون رمادي لامع مع الزيت تراه الله يعينك الراس حق المكينة تعبان.. ويبيله تغيير.
ثالثاً: شف إذا كان الموتر فيه مراوح عادية خلها لا تغيرها أبد خاصة للسيارة القير الاوتوماتيك ما ينفع معها مراوح الكهرب.
إذا ما زانت عليك بتشييك الليات حقت الاديتر وثلاجة المكيف الحار.
وإنشاء الله تزين هذه بعض تجاربي مع الشيروحكي قلتها لك والله يعينك.
وتقبل تحياتي...إبن فيصل،،،

[الشمالي0]

انا الي عندي قير توماتيك كانت الحراره اذاسرعت تنزل الحين ترتفع والرديتر اصلي

واليات تمام اول الجيب كاان تمام الحين مدري وش بلاه

[الشمالي0]

رحت للميكا نيكي وفحص السياره وقالي انه من اطرمبت الما


طيب يكون من الطرمبه

[zaizoom]

أهلا بك أخي / سردا ..

نعم .. قد يكون الميكانيكي محقا في كلامه ..

حيث أن أحد أسباب ارتفاع الحرارة هو ( تعطل الطرمبة ) ..

حيث تقوم الطرمبة بالتحكم في دفع الماء من وإلى المجاري المحيطة بالمحرك والرديتر ..


بالسلامة يالغلا .. وأي استفسار حاضر ..


محـــــبك : زيــــزوم

[صدام]

شيّك على المراوح

يمكن يفصل الكتاوت مع السرعه وترتفع الحرارة

حصلت معي سابقاً

[الجفن]

شروكي !!!!!!!! الله يعينك بس عليه وعلى خرباته ان حصل لك انك تبيعه بعه تراه اوفر لك وافضلك وش لك تايوتا وبس

[الشمالي0]

رحت للميكانيكي وكل شي تمام وشغلت مروحت المكيف وللحين الحراره تر تفع

بس طلع ما فيه بلف حراره من اول واولكانت الحراره ما تر تفع

[zaizoom]

أهلا بك أخي / سردا ..


ضروري .. ركب بلف الحرارة .. ولا تفكه مرة أخرى :no2:..


وهل زرت هذا الرابط :



الطرق المفيدة للتخلص من حرارة الشيروكي الفريدة! "مهم" (http://www.mekshat.com/vb/showthread.php?t=56320)

أتمنى ذلك ..


محـــــبك : زيــــزوم

[الشمالي0]

الله يعطيك الف الف عافيه ياااا زيزوم وجزاك الل الف خير

ومشكوررر علي التواصل

ولا يهونو باقي الاعضا

[الشمالي0]

اقول من اول مافيه بلف ولا ترتفع الحراره الحراره ترتفع وقت السرعه

اول امشي فيه 180 ولا ترتفع الربع والحين امشي 140 ترتفع للنص

[سبيع الغلباء]

اخوي سردا...
عليك بمراوح السوبارو تراه جيده

[الشمالي0]

طيب انا شبكت مروحت المكيف ولا منها فايد والحراره زي ما هي

[الشمالي0]

المشكله اني لو ابي اركب مراوح اضافيه ملها مكان

ولا تركب

[محمد الحريقي]

مرحباً أخي فعلاً ستجد الحل إن شاء الله في إطلاعك على موضوع أخي العزيز زيزوم عن حرارة الشيروكي.
عندي بعض الامور أبقولها لك يمكن تفيدك وهي كالتالي:
أولاً: قبل كل شي إذا كان الموتر ما فيه بلف حرارة ركب له بلف حرارة حق وكالتة .
ثانياً: إن كان الاديتر مهوب أصلي غيره وخذلك أصلي من وكلاه..لأن غير الاصلي ما ينفع ويمكن يعدم عليك رأس المكينة.
للتشييك على رأس المكينة إذا جيت من خط والسيارة حارة وقفها وخلها تبرد ثم إذا بردت عايرها وشف إذا كان على العيار بياض خفيف والا لون رمادي لامع مع الزيت تراه الله يعينك الراس حق المكينة تعبان.. ويبيله تغيير.
ثالثاً: شف إذا كان الموتر فيه مراوح عادية خلها لا تغيرها أبد خاصة للسيارة القير الاوتوماتيك ما ينفع معها مراوح الكهرب.
إذا ما زانت عليك بتشييك الليات حقت الاديتر وثلاجة المكيف الحار.
وإنشاء الله تزين هذه بعض تجاربي مع الشيروحكي قلتها لك والله يعينك.
وتقبل تحياتي...إبن فيصل،،،

معليش وعذرا على المداخلة
ليش ماتصلح مراوح الكهرب على التماتيك؟؟؟؟؟؟