خدمة ياراعين الباثفندر

[روح الهنا]

السلام عليكم
واحد من ربعي عنده باثفندر 2003.... يقول مشكلته اذا كان الموتر بارد وشغل السياره من كثر الدخان الي يطلع من الشكمان يخاف تولع فيه ولا يدري وش السبب وبعد فيه صوت بلوف مزعج مع العلم انه مابعد مشى 100.000 كم؟؟!ومواظب على الصيانة .... راح لكم ورشه كل واحد يقول له عله تختلف عن الثاني.... ارخصهم يصلحه ب3000ريال؟!!


الله لايهينكم وش احسن ورشه بالقصيم متخصصه بالباثفندر؟

[Abo Nader]

السلام عليكم...

أخوي بالنسبة لصوت البلوف عادي جدا...

أما لدخان وش لون الدخان الي طالع...

(يا جماعه لا تصيرون موسوسين)...

[شبح الصحراء]

ظهور الدخان أثناء تسخين السيارة اذا كان خفيف ولونه أسود هذا طبيعي على ما اظن ، أنا معاي هايلوكس 2005 دائم اشم رائحة الكربون اثناء تسخين السيارة حتى وهي جديدة واذا دعست على البنص يظهر دخان اسود من الشكمان يختفي بعد ذلك وهو عبارة عن كربون متراكم واتوقع طبيعي في السيارات الجديدة خصوصاً الذين يسافرون دائماً ، وكذلك صوت البلوف اذا كان غير مستمر فهو طبيعي أيضاً فلا توسوس!! :no2: .

[روح الهنا]

ابو نادر ...... شبح الصحراء

اشكركم على المشاركة ....انا شخصيا قعد معي الموتر يومين ..اذا شغلته وهو بارد... يعني له 4ساعات او 5 ما اشتغل اشووووووووف الدخان يجي من يمين ويسار ... تقول سيارة الفليت مرت من عندي والدخان لونه ابيض مره وكثيييييييييييييييييير ... بشكل غير طبيعي

وصوت البلوف بعد قويييييي خاصه اذا تعدت السرعه 60 او70 كم الله لا يوريك احس ان المكينه بتطق ..تسمع له صوت قرقعه يعني مهي السالفه وسوسه او زود حرص.. لا

[شبح الصحراء]

أولاً هل متأكد انه دخان؟ يمكن بخار ماء؟!! .
ثانياً اذا كان دخان أبيض أظن والله اعلم ان الموتر يحتاج شمبره ولكي تتأكد افحص الزيت من فترة لفترة فإذا كان ينقص فمعناه ان الزيت بدأ يخرج مع البساتم عبر الشكمان لخارج السيارة وتحتاج شمبره أو توضيب للمحرك ، وهناك مادة اسمها أستوب توجد عند البناشر وتوضع علبة واحدة مع الزيت عند تغييره وأنا جربتها شخصياً على فورد كان يحتاج شمبره واختفى الدخان بنسبة 95 بالمية وهي آمنة وممتازة وأظنها تقوم بسداد الفتحات التي يخرج منها الزيت عبر البساتم فتحافظ على الزيت من النقص وتمنع الدخان الأبيض .
صوت البلوف اذا كان شديد ومستمر فمعناه في مشكلة في المحرك ، تأكد من نوع البنزين الذي تستخدمه جرب تستخدم الـ 95 واذا مافاد لازم فحص محرك عند مركز متخصص لأنه يمكن المحرك يحتاج وزن بلوف وهي عملية بسيطة وغير معقدة .

[الجفن]

شباب وش سالفة الباثفندر الايام هذه كثرانه عيوبه واستغرب من بعض الشباب الي ينصح فيه وبشراءه بصراحه
حب لاخيك ما تحب لنفسك
الباثفندر بصراحه ما ينفع شف خمية السيارات وانت الحكم غير تايوتا لا تدوربس

[عبدالرحمن السالم]

وتايوتا له مشاكله بعد الـ جي أكس آر والـ في أكس آر يحلون مشاكله هنا ..
لاتجلس تفلسف بعد حيي وانت ماتدري وش السالفه

[الجفن]

اخوي دحيم اخر لفه كيف حالك شكلك عندك باثفندر لكن هذه حقيقه والدعوه كلها نقاش والنقاش لا يفسد للود قضيه
انا بصراحه اشوف ان خربات التايوتا ما تقارن باي سياره هذا من باب التجربه ليس من باب الفلسفه وانا اشوف ان اباثفندر الايام هذا ما شاء الله كلن صار يشتكي منه بصراحه اشوف الشباب مخصصين له قسم خاص للعطلات ما شفنى قسم خاص للفكسار او الجيكسار او سفاري اغلبهم يشتون من الشروكي والباثفندر !!!!!!!!!
وعلى العموم انا اسف كان ضيقنى صدرك مع خالص تحياتي وتقديري اخوك الجفن كاره الباث والشروكي ههههههههه

[روح الهنا]

انا متأكد انه دخان ابيض <<<<<<<شكل الدعوا توضييييييييييب >>>>>>>>

الله يعين صاحبنا على قطع الغيار

اخوي الجفن ..دحيم اخر لفه... اشكر مروركم على الموضوع

<<<<<<<<شباب الي يعرف ورشه ببريدة او عنيزه متخصصه بمكاين النيسان لا يبخل علينا>>>>>

[Abo Nader]

أخوي الله يعينك على الخراب...
لكن هل خويك يغير الزيت..محافظ على تبديل الزيوت...يزين صيانة من كل فتره و فتره..
ترا الباث ما هو باترول ولا هدد..تراه شوي حساس..بعدين البلوف وزنها ما يكلف...


أخوي الجفن...قد قالها black pathراعي الباث حساس أي شي يصير أو يسمعه يشكله موضوع بالمنتدى...لو تشوف المشاكل أغلبها عاديه إلا مشكلة خوينا روح الهنا الله يعـــــــينه....

[sultan8861]

اخوي الجفن حنا ياراعين الباث مانرضي بالمشكله حتى لو انها بسيطه بس انت من كثر المشاكل ماتدري وش تحط منها

وشكراااااااااااا