ما اكبر سرعه مشيتها بسيارتك ؟ ادخل وشارك

[مهيلان]

مساكم الله بالخير

نريد من كل من يدخل هذا الموضوع ان يخبرنا باسرع مره قاد بها سيارته
ونوع السياره والظروف التي دعته الى ذلك وشعوره اثناء السرعه وبعدها

سابداء انا :
اكبر سرعه : 210 كلم
على مرسدس 280 موديل 80
السبب اني اريد تجربة السياره قبل شرائها طبعا قبل 9 سنوات من الان
وحسيت ان الاشياء تمر بسرعه والتريلات كأنها واقفه

بعدها هديت ووقفت اغسل وجهي وحمدت ربي على السلامه واتصلت باهلي اطمئن عليهم
:p
وما تعودتها ثاني مره ولا الان ما اتعدى 120 :D

[الشيخ]

اعلى سرعة مشيت فيها
1050 كم بالساعة بطيارة جامبو :D :D


اما اعلى سرعة جبتها بسيارتي كانت 260 كم
على سيارتي BMW 740
موديل 99

بعدها قمت اتنافض وحسيت اني انسان بلا قيمة يوم اني جازفت بعمري بس عشان احس بالمغامرة
والمشكلة ما حسيت بالمغامرة حسيت بالخوف وضيقة الصدر
بعدها بشهر بعت السيارة وجابت لي مربح ولله الحمد

اما الحين ما عاد اسرع
اولا لاني خفت من ذيك التجربة المرة والحمدلله انها انتهت على خير
ثانيا عندي نيسان باثفايندر وهذا فيه ميزة انه راكد ولا يعطيك مجال للسرعة فوق 160

[أيمن]

يا ساتر!!:D

[لعيون خلاني]

أكثر سرعة من يوم تعلمت القيادة 120 كم أما في الحالات الضرورية 140 كم وما راح أتعاده أبد
( ولا تلقوا بأيديكم إلى التهلكة):light:

[ولد روضة سدير]

استر عليهم .....انه السرعه اللي امشيها دايم مااعدي 120 ..130 واعتقد انه هذي السرعه الزينة ...
بس مره مشيت 240....230....على لكزس400.....بس والله اني حلفت اني ما اجربها والله انه تروع
بس انه مشيت هالسرعه لأنة في واحد ذبحني راعي موستنج فدست معه .....بس الله ستر؟؟:eek:

[عاشق النحم]

آخر سرعه مشيته 130 بطريق القصيم الرياض(من قايل الرياض القصيم)

[المرجوج2003]

انا امشي
180كم بساعه
ابهايلكس 99

[وجه الخير]

انا اكير سرعه وهي 175 سقتها على الهايلكس2002 لانها حدها، ونا لست ماشيها على اسفلت بل على رمله لسميها عندنا (جــــــو) لانها منبسطه ولا فيها حصى او اكوام وكنت اسابق شاص ولا بتصدقون من اني قمت عليه قومه وخط.والكفرات عندي حاط فيهن 18 بنط وهوه حاطنهن25 بنط
:good:

[راعي العشــه]

يسعد مساكم جميعا

اعلى سرعه مشيتها
240 جاي من الدمام للرياض
على مكسيما 2002
وبعدها خففت لـ220 :)

[Y&Y_4X4]

انا اكثر سرعة مشيتها 130 كم تصدقون طلع العرق مع كوعي,,

لاكن قبل كم يوم يسولف علي واحد الله يهديه يقول ان ساق اودي جديدة لواحد يعرفه يقول انه مشى 330 كم انا يوم سمعت السالفة وقف شعر خشمي .........

يأخواني الله يهدي الجميع تكفون لا تسرعون .

ملاحظة : قرأت في احد المجلات الطبية ان فية مرض نفسي يسمى جنون الطرق ويقول الكاتب ان هذا المرض مؤقت يصيب الاشخاص الذين يعانون من ضعف شديد في الشخصيه وهم غير قادرين على التصرف بحكمة في امور حياتهم العادية ومن الكبت العاطفي , ومن ثم تختزل هذه المعطيات النفسية في العقل الباطن ويتولد كبت عظيم لا يلبث ان ينفجر بمجرد ان يركب هذا الشخص المريض سيارتة فيقوم بتعويض هذا النقص بأستعمال قوة سيارته لترجمة احاسيسة ويظهر السعادة والرضى لتفريغ الكبت الذي يحس به .

نصيحة للأخوان الي يسرعون اذا تمعنى في هذا الكلام وفهمناه ممكن ان نحارب العقل الباطن.

هذا مالدي ودمتم ,,,,,,,,,,,,

[الاجودي]

والله انا واعوذ بالله من كلمة انا

اكثر سرعة مشيتها 230 كلم

كلى مرسيدس 560 SEL

[مهيلان]

يا سلام عليكم كلكم
انا يوم مشيت 210 كم احسب اني محد قدي واني حطمت الرقم القياسي
وكل من طالع فيني قلت اكيد هذا يدري اني اللي مشيت 210
حتى سميت ذيك السنه ( سنة السرعه ) وهي كلها دقيقتين وعقبها هديت !!!!
تصدقون عاد : كان فيه طالب سعودي يدرس في اليابان قريب لاحد الزملاء
وكان مدة بعثة سنتين وبعد ان مضى عليها ثلاث شهور اذ به يعود الى اهله
بالعفش واغراضه كلها !! تفاجأ الاهل وبعد سؤاله عن جرمه قال
مسكوني ماشي 140كم فتم تسفيره لبلده !!!!!!!!هذي حقيقه وليست خيال
خلوكم يابانيين ولو يوم واحد !!!!
وجه الخير ::::: ربي ستر عليك والا كان بتتوقف مشاركاتك على اربعين
والسبه راعي الشاص !!!! احد يمشي 170في بر هذا انتحار
ودمتم سالمين

[mohamad1121]

اكبر سرعه لي كانت على bmw82 وكانت 260 حسب العداد واخر مره كانت على سياره 2001 كابرس (المقلع دائما) 220 ويفصل اذا تعديت هذا الرقم من العجله ابي الحق الفطور عند الاهل في السعوديه (في رمضان ) لحد يفهم خطا من ابوظبي الى البيت حوالي 750 مع الطريق الجديد والله ستر وطبعاً ما افطرت عند الاهل لأنني وعلى هذه السرعه وصلت عقب صلاة العشا

[الخبير]

السلام عليكم
انا الصراحة أسرع دايم يعني غالباً ما اروح للدوام و أنا أمشي 160-180 كلم بالساعة.
لكن أقصى سرعة وصلت لها هي 230 كلم بالساعة مرة بدباب ياماها على طريق الملك فهد بالرياض ، و الثاني بلكزز على طريق التخصصي.

و انا الآن احاول اعقل شويتين لانه يا كثر ماوجهتني مشاكل معها ، و الله يستر من الحوادث.

[العليمي]

220 على كامري 6 سلندر 2001 و كنت ناوي اجيب الطبلون كامل 240 لاكن هديت وركدت الأمور .
170 على ددسن ...

لاكن اقول الله يزيد كرهي للسرعه ....

[laith]

الركاده زينه ياشباب...;)

وحقيقة كلام وتحليل الاخ/ Y&Y_4X4 منطقي جدا .....;)

[بـــدر]

.

[Y&Y_4X4]

اخوني الي يسرعون الله يعافيكم ولا يبلانا ,,,,,

وشكرا laith لأنك قرأت ما كتب.

[شيخ الجبل]

مساء الخير:o
انا اقصى سرعه مشيتها 180كلم على gxr 2000 بس انا مركب بالون احس ان الكروزر انقلب
كورفت من السرعه




-------------------------------------- ودمتم سالمين:good:

[qppd]

أنا اعترف شخصيا وبكل فخر اني جبان واخاف السرعات العاليه ( وبعض الخوف مرجله ) ولكن اكبر سرعه وصلتلها هي 140 مع العلم اني معاي سياره الشركه وليس سيارتي وهي من باب الامانه.

[أيمن]

http://www.mekshat.com/pix/upload/images/Tebloon.JPG

صورة مع التحية لأصحاب الهايلوكسات:D !!
تحيتي

[Y&Y_4X4]

راعين الهليكسات منسمين اكيد ان راعي الهليكس هذي مركب جنحان ويشتغل طيار حربي ولايهونون سواقين الكوامري بعد.
:mad:

[عطا الله]

موضوع غريب
لكن للمشاركة
20كلم

[مهيلان]

مشكور اخوي ايمن على الصوره اللي تروع
اظنه ماشيها في عز المربعانيه يمشي 200 والحراره الربع شي غريب
ارجو ان لا تكون الصوره الاخيره لهذه السياره ..........

[ابو عـوض]

اكثر سرعه مشيتها على المكسيما 240

اما الددسن 210 طبلونها وزياده 10


والله يجيرنا من السرعه

[...الطوقي...]

مشكور اخوي على الموضوع

وبصراحه انا ما اسرع الا اذا ركبت السياره وسقتها:D :D
اعلى سرعه مشيتها ا بـ هايلوكس
على طريق القصيم الرياض;)
وكانت تحت 180الى ان وصل الى حق الزيت العداد :p ولا ادري كم
مثل اللي بالصوره وموديله1 200جي ال اكس غماره
وبعدها ما امشي الا 120 او140اذا خربتها :D
طبعا مهوب بـالهلكس;)

واخونا مهيلان اللي يقول ان اللي بالصوره ماشي بعز المربعانيه هالسرعه
خلوه يقول مشاء الله لاتكون صززز اخر صوره للهلكس:D :D
وكل الهلكسات هذي حرارتها صيف والا شتاء









تحياتي لك
...الطوقي...

[mohamad1121]

اربعه في اربعه

تراك خوفتني من التقرير الطبي الذي ذكرته (وهو ان السرعه مرض نفسي ) ومشاركتي السابقه في السرعه على الـBMW كانت ايام الشباب في 86 وكان يرافقني شخص اخوه مصاب ويرقد في المستشفى في المنطقه الشرقيه (الاحساء) والسرعه الثانيه على السياره الكابريس فهي حديثه وكان قصدي االافطار (افطار رمضان) مع العائله ويازين الاجتماع على فطور رمضان وكما ذكرت لم الحق بالفطور .
ولي طلب هل انا ممن اشرت اليهم بهذا المرض (((( حسب التقرير الذي ذكرته)))).

اخوكم
ابوكاسر

[Y&Y_4X4]

والمقصود من القراءة الطبية التي ذكرت تحديدا، الاشخاص الي تلقاهم يسرعون في شوارع غير مخصصة للسرعة الغير عادية او فيها زحمة وتشوفه يتحرفن بين هالسيارات مغير يخيطهن يمين ويسار ويعبي فراغات ويغير مساره بسرعة وبدون اشارة الانعطاف الصحيحة، او الي يشحط نمرة للموتر في وسط الحارات وكل شحطة بزعقة كفر يعني شغل مراهقين وضرب البواري وانرفزة الي مالها داعي ، خانهم تقديرهم المريض للحديد الي هم راكبينه يحسب انه مسيطر على الوضع ومسطلح فقدان السيطرة ماهوب في قاموسه ( انا يأخوان والله اتمنى شي واحد ودي ان المراهق هذا يشوفه ابوه وهو في هالحاله ) لاكن ماتقدر تقول الى الله يهدينا جميعا .

ملاحظة:- الفرق بين 130 كم و 190 كم في الساعة تقريبا 7 دقائق لا كن لاحظ ارتفاع ضغط الدم والنرفزة وشد الاعصاب عند الشخص المسرع واذا ستر عليه الله ووصل الى غايته تلقاه مايقوى يتكلم ومسلهم يفكر وشلون وصل، بينما الرجال العاقل والي ماشي بما يرضي الله تلقاه ياصل مرتاح مبسوط يفكر بالناس الي يبي يقابلهم ويسئل عن الي ماشافهم.

وأسئل العلي القدير انه يحمينا من كل مكروه وجميع المسلمين، اللهم آمين.

[أيمن]

كلام جميل أخوي Y&Y_4X4 ..
يعطيك العافية .

تحيتي

[Y&Y_4X4]

الله يعافيك ...

[الجمس]

لاحول ولاقوة الابالله , انالله وانا اليه لراجعون.
ياخوان ترى الخبال مايبيله رز بيارق , بس اسرع وتسير خبل.
حسن القياده ليس تمكنك منها ولكن كيف تتفادى غلطات الغير.

[عاشق الهلي]

والله انا 220 على هلي 2001

وليش امشي 220 لانك اذا ركبت الفلتر وكنت جاي من رفحاء لبريده

[mohamad1121]

جزاكم الله خير ( من شارك في هذا الموضوع)

اما اهل السيارات ممن يسرعون في الحارات(( فلعنة الله على ابليس)) الله يازين العقل .
ومن هنا ومن هذا المنتدى الطيب وهذه الافكار النيره وهذه المشاركات الجميله والصراحه من الجميع لابد ان نتخذ الحيطه والحذر وان نفكر ان كنا عزاب فهناك من يرتقب رجوع الابن ، والاخ ، وان كنا اباء فهناك الزوجه والاطفال بالاضافه الى افراد العائله .والاصدقاء اهل الخير .

الله يستر على الجميع

اخوكم ابوكاسر

[أيمن]

أحسنت يا ابو كاسر .. لا فض فوك ..

تحيتي

[أبو ريم]

انا اسرع سرعة مشيتها 260 في مرسيدس 96 وانا رايح الزلفي الساعة 6 الصباح ايام الدراسة وكان الخط فاضي بس سبب السرعة اني قبلها بساعة مصفق يعني مجلود
وبردت حرتي بالسيارة

[المرصاع]

الله يدفع البلا.........

أنا أعلى شي 180 بكراسيدا بوقس بس مره لأني غيرت الماكينه وقلت لازم نفحصه

أما السرعة الإعتيادية هي 120 وإذا انهبلت وصرت عجل 140 ...............

والله أعلم

انتهى كلامه رحمه الله........

[راعي الوجار]

مرحـــبا فيكم ياخوان ...



الصراحه على ماكسيما خالي مشيت 230 كلم

ومره قبل كم شهر على الونيت ابي اجربه مشيت 180 على الفصله....

ومره عندنا ونيت قديم وجاي من الجبيل وولد عمي وراي بالكامري يمشي 220 وأنا قدامه ما لحقني وللعلم الونيت 454 قديم ما شاء الله عزم بس كل محطه وقف عب بانزيم


واللـــــــــــــــه يستر عليكم كلكم ولا تسرعون نصيحه .....

[Y&Y_4X4]

قويه بالحيل قولك


( انتهى كلامه رحمه الله........ ):D :D :D :D

المفسر أبي الفداء إسماعيل بن عمر بن كثير :rolleyes:

ابي احطه توقيع لي بعد اذنك وابي ازود آمين

انتهى كلامه رحمه الله........ آمين

[][مستر% شاص][]

الله يستر علينا اول شي وثاني شي والله السرعه مهي زينه يالربع و .... قمت اوزع نصايح
الزبده اعلى سرعه مشيتها 220 كلم على سيارة كابريس لكن والله لو ما يفصل الكمبيوتر اني ناوي ادق الطبلون
لكن الله ستر ومنيتي ما دنت لسه
اما عاد الشاصالديزل اعلى سرعه وصلها 180 والحراره قريب تفلل طبعا بعد ماركبت الفرار:p

[ابوقاسم]

انا مشيت 180 كم بالساعة وعندي سيارة فورد ماركيز... ويوم مشيت بهالسرعة ولا قدرت ازيدها شعرت بالاحباط ... تردون ليش ما قدرت ازيد السرعة لان المكينه طلعت مقفلة ... بس الصراحة كان ودي اكيم الطبلون ... يمكن بعضكم يقول هذا مبصاحي ... هذا اللي يبي يموت روحة بروحة .. بس ما ادري يالربع اموت في شي اسمه سرعة مع ان ناس زحمة ماتوا والسبب السرعة ... بس انا اذا صرت ورا المقود وفي خط تطلع اقروني .. لازم ادوس .. وحينها ينتابني شعور بالحماس والاثارة .. واذا تعبت هديت الموضع اشوي وارجع من جديد الى ان اوصل المكان المطلوب ... ولا يجي في بالي انه ينفجر التاير .. الله لايقوله..

[ابوقاسم]

ترى واحد من الجماعة اللي جالس على الكمبيوتر وحب يشارككم في الموضوع.

[الفحل 2003]

السلام عليكم ورحمه الله وبركاته

انا مره اسرعت بسيارتي لسرعة 250 كلم في الساعة
ونوع السيارة ZX 300 دبل تيربو وقطعت من الشرقية الى الرياض في
ساعيتن الا ربع أي من الساعة (6.30مساء إلى الساعة 8.15 مساء ) من نفس اليوم وكان وقت برد حتى أن أمن الطرق كانوا جالسين بسيارتهم عند تفتيش الرياض وخلوني امر من عندهم وسرعتي 70كلم في الساعة .
لكن الحين الحمد لله على العافية ولي الان 10 سنوات ما عمري تعديت 130 كلم .
ونصيحتي للشباب ان ما يتهورون ويسرعون واللي يبغى يسرع أو قبل ما يسرع يروح لمستشفيات الرياض أو المملكة قسم العظام ليشاهد الناس المتكسرين والمصابين بشلل من جراء السرعة ونقول الله يعافيهم ويشفيهم ولا يبتلينا ويبتلي اخوانا وسلامتكم .
الفحل 2003

[بونجد 2]

السرعة وما ادراك ما السرعة
يا جماعة الخير اي سرعة هذي 200 او 300 او او ...كلها اسمحولي كلام فاضي
انا يوم تعلمت السواقة بالددسن وكان اللي يعلمني الوالد ( جد نجد ) ومشيت بالسيارة بسرعة 50 كم تقريبا ما وعيت الا بذاك الطراق جايني من الشيبه وقالي وقف على جنب وحول عنك ما تعلمت المهم قام يسوق هو
ومن ذاك اليوم لليوم والسرعة معتدله عندي يعني 120 كم الى 140 كم في الطرق السريعه والواسعة
الظاهر الطراق جاب نتيجه و الحمد لله رب العالمين :good: :confused:

[كاتم اللهب]

ودي اشارك بس لما قريت موضوع Y&Y_4X4
ترددت
يا شباب ركزوا.......في موضوع الدكتور النفسي/Y&Y_4X4

[الفحل 2003]

نعم انا الاسرع مشيت بالسيارة ( ZX نيسان دبل تيربو موديل 99 ) 250 كلم من الشرقية الى الرياض في ساعتين الا ربع أي من الساعة 6.30 مساء الى الساعة 8.15 مساء من نفس اليوم وكان وقتها الجو برد جدا ولا يوجد فيه تفتيش عند الرياض ولا يوجد أمن طرق (رادار) على الطريق ولكني صرت اشوف الخطوط البضاء في الطريق خط واحد ز(عيون القطط) ما اشوغها ابدا ولا يوجد زحمه علشانه وسط الاسبوع والحمد للله على العافية والسلامة ، والان اخر سرعه مشيتها من هاك الوقت (130كلم ) في الساعة على الخطوط السريعة .

[الفحل 2003]

نعم انا الاسرع مشيت بالسيارة ( ZX نيسان دبل تيربو موديل 99 ) 250 كلم من الشرقية الى الرياض في ساعتين الا ربع أي من الساعة 6.30 مساء الى الساعة 8.15 مساء من نفس اليوم وكان وقتها الجو برد جدا ولا يوجد فيه تفتيش عند الرياض ولا يوجد أمن طرق (رادار) على الطريق ولكني صرت اشوف الخطوط البيضاء في الطريق خط واحد و(عيون القطط) ما اشوفها ابدا ولا يوجد زحمه علشانه وسط الاسبوع والحمد لله على العافية والسلامة ، والان اخر سرعه مشيتها من هاك الوقت (130كلم ) في الساعة على الخطوط السريعة .

[العنكبوت]

ولو اني متاخر لاكن...
اسرع ما اسرعت على هيلوكس 2000 اذكر عود السرعه ضارب
على ااخر شي ويوم فكيت رجلي عن البنزيم قعد له حول ثانيه او نص
ثانيه حتى بدي ينزل بس الحق ان الهايلكس كانت نشييييطه ... وشكرا

[جميل جمال]

اكبر سرعه مشيتها ..

230
على مرسيدس وعلى لكزس بعد ..

مطشكرين ..

[شبوب]

بسم الله الرحمن الرحيم

انا عارف انكم ابتموتون من الضحك بس ماعلي منكم000

تصدقون اني ماقدر اتعدى 140 حتى لو بغيت ، والسياره تتحمل عادي0

تدرون وشو السبب ركبتي تقوم ( تنتفض ) 00!! يالله اثبتها بيدي ! ! !

ياجماعه انتبهو لا يتسبب الواحد على نفسه بالشلل00 الله يقانا وياكم000
ثم والله ماينفع الندم000 خوذوا شور واحد عنده واحد عزيز عليه الحين مشلول
الله يعوضه بشبابه 00والسبب بعد المكتوب عليه

الـــــسرعه،،،،،،

[قلب الشاهين]

الله حيهم ..
اكبر سرعه كانت 200 على لانسر 98 لانه الموتر الي عندي حده حده 200
بس اركب مع واحد الله لايوريكم 260 على مكسيما 99 والله اني اشوف الموت بس وش نسوي
لاحيات لمن تنادي

[راعي أشيقر]

بصراحه ياشباب لو أبقولكم ماصدقتوا

أعلى سرعه مشيتها هي 240 والموتر منتب مصدقين

على كوريلا 1.8 2002

كنت أتقاوم أنا وهايلوكس 2002فاصل الطبلون ومركب مراوح وفلتر وماطاع يجيب إلا 220 الله يفشله

بس بصراحه الكوريلا عزم راحت عليه قومه وخط:D ;) :rolleyes: :eek:

[محمد محمود]

أكثر سرعة مشيتها على اللومينا وكانت 160 على طريق الخرج وبعدها حرمت أتعدى 110 و الحمد لله رب العالمين

[معمرها]

بسم الله الرحمن الرحيم


السلام عليكم ورحمة الله وبركاته..

انا اكثر سرعه مشيتها طبلون الجيب نسان 91

في اليل وطافي النور( طفي نور السياره ) ( المعني الثاني الله يجيرنا منه) ورايح لشباب في المخيم على طريق مكه المدينه
دامت الحاله مودة عشر دقايق تقريباً ولاكن والله كهنا اشهر وعلى قلبي مثل الجمروافكر كثيراً كيف كنت في تلك الحضه


بعد ماعرفت ان الجيوب اقصا سرعه لها 110 لم ازيد عنها انشالله مدي حياتي ...




شكراً

[راعي الدتسن]

السلام عليكم

اكبر سرعه مشيتها كانت 190كم
على سياره gx-r

وكنت وقتها مستعجل جدا

لا ولو كانت السياره مافيها تامين لان السياره تفصل(تقطع)عند سرعة 190كم

اقول الله يستر علينا ويكفينا شر الحوادث
والله الموفق

[الدافور]

السلام عليكم
الحقيقه اعلى سرعه جبتها على برادو 6سلندر 2001 على طريق المجمعه الارطاويه كنت ماشي 180 بس الله ستر لانه مثل ما انتم عارفين ان البرادو ما هوب عريض من الخلف وابسط ضربه يقوم يتفلت لكن شفت الموت بعيوني و قلت الروح غاليه و بعدها هديت السرعه
وقانا الله و اياكم من السرعه و شرورها

[الدافور]

السلام عليكم
الحقيقه اعلى سرعه جبتها على برادو 6سلندر 2001 على طريق المجمعه الارطاويه كنت ماشي 180 بس الله ستر لانه مثل ما انتم عارفين ان البرادو ما هوب عريض من الخلف وابسط ضربه يقوم يتفلت لكن شفت الموت بعيوني و قلت الروح غاليه و بعدها هديت السرعه
وقانا الله و اياكم من السرعه و شرورها

[الدافور]

السلام عليكم
الحقيقه اعلى سرعه جبتها على برادو 6سلندر 2001 على طريق المجمعه الارطاويه كنت ماشي 180 بس الله ستر لانه مثل ما انتم عارفين ان البرادو ما هوب عريض من الخلف وابسط ضربه يقوم يتفلت لكن شفت الموت بعيوني و قلت الروح غاليه و بعدها هديت السرعه
وقانا الله و اياكم من السرعه و شرورها

[najeme]

الصراحه اكثر سرعه مشيتها بجيب ربع ايجار AR موديل 97 قبل ثلاث سنوات

160 مع بر ومطرود من المحميه لكن الجيب محمل

وشعوري كان عادي كنت متعود بس بعد ما صار لواحد من اخوياي بنفس الموقف

وتوفاء (( مات)) الله يرحه حرمت السرعه وطب المحميه

وسلامتكم :row: :row:

وفيه نصيحه : لا تسرع الموت اسرع

[عاشق الكشتات]

ماشاءالله الشباب حقييين سرعه وهبال :D

أما أنا توني صغير على السرعه ولا معي سياره أن شاءالله أذا شريت هايلكس أبصفق الطبلون مثل الي في الصوره حقت أيمن .

أنا مشيت بسيارة أبوي 140 <<<<< صني 2000



سلام

[أيمن]

لا واللي يرحم والديك يا عاشق الكشتات ..
أنا ما وضعته إلا أوريكم صورة المهبل ومن في راسه قليل من الفتق :) ..
يعني ليس في زيادة السرعة إلا قلة عقل، وكلما زادت سرعة الواحد دلت على صغر عقل السائق، فخل عقلك كبير وانتبه لروحك، جعلك قرة عين لوالديك ..

تحيتي

[اعقاب]

260 على مرسدس 6,9

[وحدة تبي ريال]

أنا با الحقيقة بسيارتي الbmw طبعا
<< متخصصة صورايخ سكوت أرض جو ... الا أرض راحو خخخخخخ:D
المهم أن سرعتي كانت 261 . .<<< الله يابو الأحلام ...
<< يلعن ابو النصب بس ....
وشكرا ....:D