عاجل وهام جداااااااااااااااااااااااا وظروري ومن فضلكم المشاركه

[عاشق سفاري]

السلام عليكم اجمعين اخواني الائعزاء لا خل ولا عدم من مساعدتكم وفزعتكم
اخوي شراله جيب سفاري فل كامل موديله 99
ماشي 300000ك م
المشكله وهي كتالي
(1) اذا شغل السياره يتفتف ويطلع ريحة بنزين واذا مشا يزين واذا وقف يتفتف
(2)البوجي رقم (2)يجيه بنزين
(3)غير البواجي طبعا"من قطع الغيار ويقول اصلي
(4)كذالك اسلاك البوجي من نفس المحل
ارجو من الله ثم منكم المساعده لئن الاخ طابت نفسه منه وان احول ازينه له
وارجومنكم وظع رقم جول الورشه والوصف اخوكم غشيم شوي
وجزا كل من شارك خير الجزا وشكرا لكم اجمعين

[عبدالله الضويان]

اخوي اذا تبي النصيحه وده للوكاله واحسن ما في وكالة النيسان الصيانه عكس ما نسمع عن الوكالات الثانيه وانا مجربهم شغلهم زين ومضمون وسعرهم معقول وانا ما كنت اعترف فيهم ابد الابعد ماصار عندي مشكله في الجيب وخسرت عليه برى حول3000 ولا صلح ورحت به للوكاله بعد ما يأست انه يصلح وطلع من عندهم زي الورده وخذوا مني 270 ريال بس عيبهم انه يطول الموتر عندهم شوي

[عاشق سفاري]

نصيحتك علا العين وراس اخوي بو المها
الوكاله عندهم صرم ها الفلوس وبس ولا يحدونك علي اليجار
بس فيه ورش احسن من الوكله بي كثير وعلي العموم ماقصر وبيض الله وجهك

[أعذب الياس]

اخوي عاشق سفاري

بدون ما أقعد اتفلسف عليك لان مشاكل التفتفه كثيره ومنها الطرمبه او البخاخات او الحساس


لكن اقترح عليك ان تطمر لورش المعارض اللي عندهم فحص كمبيوتر ويعطيك كل بلا بالسياره


انصحك بمركز البريدي اللي بمعارض النسيم .


تحياااتي

[Abo Nader]

أخوي أنت بالرياض...خابرلك ورشه لواحد جدا نصووح..
المكان بعد صناعية على بن على أدخل يمين مع الصناعية ثم رح يسار الورشه الظاهر قبل الأخير أسمه أمير جدا نصوح و مخلص و تراها زحمه رح له الصبح بدري...