فرارات الباثفايندر2003

[الباثفايندر3]

السلام عليكم ويييييييييييييييين اهل القصيم خاصه والاخوه الاعضاء عامه انا جاي ان شاء الله للقصيم الاسبوع القادم :وابي افضل ورشه لتركيب الفرارات ثانيا وين احصل الفرارات وكم سعرهن ثالثا هل من جربهن لاحظ فائده تذكر او لا شكرا للجميع وان حصل تعطونا ارقام الورش هذا زين الموتر باثفايندر 2003 اوتوماتيك _________

[ابو عاذر]

أخوي الباثفايندر 3 تحية طيبة وبعد :-
أذا كنت بالرياض لا تتعب نفسك وتروح يم القصيم من أجل تركيب فرار هنا ورش متخصصة في الرياض في تركيب الفرارات من أبرزها ورشة معارض السليماني بطريق الملك عبدالعزيز بعد أشارة شارع الاتصالات بحي المرسلات المعروفة وأنت متجه شمال قبل مركز الاطفاء على اليمين حيث موجودة عندهم الفرارات مع ضمان الشغل والقطع وألي يركب على سيارتك هو فرار من نوع واران أمريكي الصنع وقيمته في حدود 450 ريال وشغل اليد 200 ريال أي المجموع 650 ريال أما عن فوائد الفرار فمن أهمها ( تقليل أستهلاك الوقود / خفة السيارة ) وغيرها الكثير وتجدها في مشاركة أخونا مهيلان عن الفرارات على الرابط التالي :

http://www.mekshat.com/vb/showthread.php?s=&threadid=8291 (http://www.mekshat.com/vb/showthread.php?s=&threadid=8291)

مع تحيات اخوك ابو عاذر

[salehhd]

السلام عليكم

الي اعرفة ان الباث مايحتاج فرارات لان الدبل مفصول ودفع خلفي والفرارات للسيارات الي الدفع فيها رباعي مستمر مثل البرادو

يعني تركيب الفرارات للباث خسارة على الفاضي

[عبدالرحمن]

من قال انها خساره ؟؟؟؟؟

تصحيح للمعلومات : اي سياره فيها دبل حتى لو كان الدبل مفصول يكون الدفرنس الامامي شابك على الكفرات , وظيفه الفرار يفصل الدفرنس عن الكفرات الاماميه .

فوائده :
1- تقليل ضجه السياره .
2- يزيد من عمر الدفرنس الامامي و تخف حركتها .
3- يقلل صرفيه البنزين . << باث 2005 قير عادي يزيد في التانكي 70 كيلو مع وجود الفرار .

[هاوي الله]

من قال انها خساره ؟؟؟؟؟

تصحيح للمعلومات : اي سياره فيها دبل حتى لو كان الدبل مفصول يكون الدفرنس الامامي شابك على الكفرات , وظيفه الفرار يفصل الدفرنس عن الكفرات الاماميه .

فوائده :
1- تقليل ضجه السياره .
2- يزيد من عمر الدفرنس الامامي و تخف حركتها .
3- يقلل صرفيه البنزين . << باث 2005 قير عادي يزيد في التانكي 70 كيلو مع وجود الفرار .

كلامك صحيح .

3- يقلل صرفيه البنزين . << باث 2005 قير عادي يزيد في التانكي 70 كيلو مع وجود الفرار .

اوووووف ماتوقعت إنه كذا . يوفر 70 كم !!! حتى 50 كم فيها بركه . والله له فايده على الباث أجل يستاهل التركيب .

بس نصيحه لا تركب إلا الأصلي مهما كان السعر . وإنحش من البرازيلي اللي عند السليماني .

بالتوفيق ,,

[الكايف2]

اخوي الباث 3عندك السليماني اللي في شارع الغرابي 450ريال مع التركيب مركبهن اناولامثلهن لانهاتريح عمود الدبل ويخف الموترواذاكان في الموتررجه تروح بعد ارجواان اكون قد افتك بشئ تقبل تحياتي

[ارتست]

والبرازيلي ممتاز وقيمته مع التركيب450 وانا استخدمة وعندي اخوياي واللي يقربون لي ما يركبون غير البرازيلي من عند السليماني ولاشفنا فيه خلاف ابد
اصلا لو تشوف فكرته تضحك لان طريقته عبارة عن ترس يخش بين الهوب والعكس ويسوي شبكية وإذا فصلته يطلع الترس ويصير الهوب مفصول عن العكس
وهذي كل السالفة
اما الفوائد فمثل ماقالو الشباب وازيد فيه انه يخفف الرجة

[هاوي الله]

البرازيلي غير عملي ( عن تجربه ) وإذا تبي فرارات برازيليه ( هايلكس ) فهو موجود عندي للبيع وإستعماله كان لمدة شهرين فقط
الله لا يخسر شاريه بــ 450 ريال وحدي فيه ( 300 ) إذا لك رغبه فراسلني على الخاص .

الأنواع الأخرى لا أعلم عنها .

الأخوان في المنتدى يمدحون الوارن الإمريكي عند السليماني .

[بواسامه]

السلام عليكم

الي اعرفة ان الباث مايحتاج فرارات لان الدبل مفصول ودفع خلفي والفرارات للسيارات الي الدفع فيها رباعي مستمر مثل البرادو

يعني تركيب الفرارات للباث خسارة على الفاضي

اؤيدك وبشدة
ركبتها وماحسيت بفرق ابدا
بل احيانا اطلع من النفد واوصل لبيت وهي مفروره مادريت:D
واما بالنزين فالفرق مايذكر لان موتري تماتيك والعادي ماجربت
نصيحتي وفر قرشك :good:

[الباثفايندر3]

مااااااااااااااااااااقصرتم وجزاكم الله كل خير هووونا من القصيم وباذن الله الاسبوع الجاي بالرياض للمعلوميه انا من الشرقيه اذا بغيتم شي انا جاهز

[salehhd]

السلام عليكم

اذا كان بالفعل لها فايدة وطلع انا غلطان ( جدلاً ) فتوفير نقول 4 ريال في الفل ( سعر اللتر = 45 هلله )

فعلشان تعوض قيمة الفرارات علشان يبتدي عندك التوفير تعبي فل اكثر من 112 مرة

يعني اكثر من سنتين ونص ( فل 6 مرات في الشهر ) علشان تطلع قيمة الفرارات (لو فرضنا انها توفر بنزين ) وتبدى مرحلة التوفير

لازلت اقول ان مالها فود وحتى لو لها فود فتوفير مايسوى


وارجع اقول خسارة فلوس على الفاضي

هذي وجهة نظري واحترامي لجميع الاخوان

صالح