كم يسوى الـــvtc 2004 او 2003 ...

[slmuni]

سوبر سفاري 2004 او 2003

= فتحة
= قير تماتيك عادي ( مدموج قيرين)
= دفلوك(هزاز)
= خلفية لكزس (مزحة) :):) عشان يشراكون اللي يحبون التويوتا :):)
اللي يعرف سعر الموتر وكم حدوده يفيدنا جزاكم الله خير ...بس نبي المعقول لا سعر شريطي ولا سعر واحد وده يبيع

[باترول للأبد]

شف يالغالي أسعارهم متفاوتة من 82 الف 95 الف .. وأذ لقيت شي نظيف يوصل زيادة .. وبالتوفيق

[slmuni]

شف يالغالي أسعارهم متفاوتة من 82 الف 95 الف .. وأذ لقيت شي نظيف يوصل زيادة .. وبالتوفيق


الله يجزاك خير على التوضيح ...

بس احس الاسعار مرتفعه فهل انت قريب من السوق :confused:



تقبل شكري وتقديري ومعزتي الخالصة لك اخي باترول :):)

[باترول للأبد]

والله يالغالي أنا اروح للسوق وأشوف الأسعر .. ولاقي سوبر سفاري 2002 ب 80 الف .. فما بالك بالموديلات الأجدد

[slmuni]

والله يالغالي أنا اروح للسوق وأشوف الأسعر .. ولاقي سوبر سفاري 2002 ب 80 الف .. فما بالك بالموديلات الأجدد

الله يسلمك يمكن عندكم بالاحساء ..

امس بمعارض النسيم بالرياض .. سوبر سفاري فل كامل مراتب جلد دفلوك زنون دعامية وكالة فتحة موديل 2002 عيبه اللون الذهبي الخفيف اللون + الموديل هما اللي منعاني من الشراء ... ماشي 179الف كيلو ...

ومع هذا سمته بـــ70,000 والرجال حده علي 73500 ريال ..

ولاني صامل اعطيته رقم جوالي واتصل علي ونزل عن الحد 1000 ريال يعني 72500 بس ما لي رغبة بالموتر بالسعر هذا زي ما قلت لك بسبب اللون والموديل اللون ذهبي و الموديل 2002 سمعت ان فيه عيبين
الاول يفصل القير
الثاني يقول لي مهندس ميكانيكي ان الكمبيوتر الخاص بالجيب السفاري 2002 مباشرة تحت تهريب ماء المكيف مما يتسبب بتوقف نظام السيارة فجائة و هذا اللي صرفني عن الموتر ..

ورغبتي الحقيقية في 2004 لؤلؤي اذا انت خابر دون 85,000 لا تبخل علينا

اشكرك يا الغالي ..

[الفردوس]

الاسعار ما بين 85-90 والنظيف مرة يزود شوي

[هاوي الله]

سلام الله عليكم

طيب ياشباب , السوبر سفاري موديل 2002 فُل كامل قير عادي اللي هو أعلى فئه في السوبر سفاري وماشي 90000 كم ولونه أشهب أو أخضر فاتح ( تراني غشيم في ألوان النيسان ) والبدي سليم من الصدمات وعلى الشرط على البدي والمحركات . بالعربي الموتر نظيف .

كم يسوى ؟

[باترول للأبد]

عن أذن راعي الموضوع .. أخوي هاوي هدد أذا نظيف يسواله من 70 ألى 75 الف ..

[باترول للأبد]

أخوي سليمان .. أخذ الموتر وتوكل على الله ولا تسمع كلام الناس وترى سعرة حلو مرة ورخيص.. وتراني خبير في الباترولات ولا سمعت شي من هالعيوب

[slmuni]

الفردوس شكراً لك ..

هاوي هدد اخوي باترول ما قصر :)

باترول للابد ياحبي لك يا شيخ ما يحتاج تستأذن البيت بيتك :):) وخذ راحتك البساط احمدي :) واشكرك على النصيحة بس يقولون فيه مثل لو احد قالك رأسك مهوب عليك قمت تتحسسه :):) عشان كذا خلينا في 2003 او 2004 كانك خابر شي لا تقصر الله لا يهينك :):)

اخوك ابوسليمان Slmuni اسم الدلع للولد :):)

[هاوي الله]

عن أذن راعي الموضوع .. أخوي هاوي هدد أذا نظيف يسواله من 70 ألى 75 الف ..

الله يعطيك العافيه .

مكينة الموتر Vtc 4800-نور زينون -ديف لوك - فتحه- مثبت سرعه - Cd

هل سعره يتراوح بين 70 - 75 ؟

شكراً للجميع ,,

[باترول للأبد]

أخوي هاوي هدد أي يتراوح سعرة من 70 الى 75 الف كذا

[باترول للأبد]

أخوي أبوسليمان .. صراحة انك أحرجتني بكلامك وطيبك يالغالي .. وأبشر أذا لقيت لك موتر عطيتك خبر

[هاوي الله]

يعطيك ألف عافيه ياباترول للأبد .

لاهنت يابو سليمان .

[slmuni]

باترول للابد الله يعافيك و مثلك تنشرا خوته الله لا يهينك :):)

هاوي هدد لاندمت :):)

[محسن اليامي]

السوبر سفاري 2003 الدرجه الأولى يوصل 7000 دينار كويتي بالراحه ويمكن يزيد وينقص على حسب نظافته أنا عندي مديل 2003 الدرجه الأولى مواصفاته
زينون+مثبت سرعة+سينسر+مراتب كهرباء+cd +التحكم بالمسجل والراديو عن طريق الدركسون+دفلوك+فتحه
أخذته 7000 دينار صافي ماشي 140

[سعد777]

انا بايع سوبر سفاري 2003فل ابوشن مثل مواصفاتك بس وتحكم بالريكسون وكل شي فيه يعني توب مراتبه غير جلد بــ81000 الف ونظيييييف ماجته سمكره بس ترااني بايع قبل ماينرل المطر قبل 4 اشهور وماشي 89 الف حقيقي

وت

[slmuni]

محسن شكرا لك يعني بالريال السعودي يسوى (87500)ريال خلاف الجمارك و هيئة المواصفات والمقاييس 500 ريال ... السعر مرتفع ..

ـــــــــــــــــــ

سعد999 مبروك عليك البيع و بالفعل قيمة الموتر مناسبة في ذلك الوقت ..
تحياتي لك ..



ـــــــــــــــــــ

ما زال السؤال مطروح كم تسوي الجيوب المذكورة هالحين بعد ما قرب الصيف هل نزلت اسعارهن

يعني بالمختصر احصل 2004 بــ80000 ريال تقريباً..

[باترول للأبد]

((أخوي أبو سليمان )) الباترول 2004 مرغوب لأنه يعتبر ختامية للشكل القديم وخاصة أنة فية بعض الأختلافات البسيطة عن موديلات 2002 و 2003 .. وصعبة أنك تلقاة ب 80 الف .. قل 88 الف كذا معقول ** وأرجو أني أفدتك يالغالي .. أخوك خالد

[slmuni]

اخوي خالد (باترول للأبد) اشكرك من اعماق قلبي على تفاعلك مع الموضوع الله لا يهينك وخليك لمن تحب ..

ودي اعرف وش الاختلافات بين (2004) و 2003-2002 ان كان ما عليك كلافة الله لا يهينك ..

و حصلت ابشرك 2004 بس نص فل يعني لا مثبت سرعة ولا غيره واللون لك عليه غامق اسود طافي او هو كحلي ما بخصته زين ملبق بمعرض بمكان الاضاءة لك عليها ...

ميزته الوحيدة انه فتك تماتيك عادي و الباقي من جنب القدة و يزعم صاحب المعرض انه مخزن وما مشى الا 55000 و طالب مهره 85000 ريال و تسني تغاليته بسببين الاول مافيه مثبت ولا فتحة والثاني اللون اللي من جنبها :):)

اشكرك وفي انتظار ردك عن الفرق بين الموديلات و اشكر لك تعاونك وكان عليك كلافة فانت بحل :):)

[المميـز]

قبل اسبوع تقريبا في معارض بريده

2002 سوبر سفاري فتحه هزاز قير عادي مراتب مخمل اللون لؤلؤي

وصل السوم الى 73000 ريال ولم يتم البيع

[slmuni]

قبل اسبوع تقريبا في معارض بريده

2002 سوبر سفاري فتحه هزاز قير عادي مراتب مخمل اللون لؤلؤي

وصل السوم الى 73000 ريال ولم يتم البيع

ما شاء الله الله يبارك له فيما امسك :):) والفرص لا تطرق الباب الا مره واحده هذا في الغالب و القطفة الاولى هي الافضل دائماً....

[باترول للأبد]

أخوي (( أبوسليمان )) بالنسبة لأختلافات في السوبر سفاري 2004 بسيطة يعني بعض الأشياء .. مثل عيوب صناعية صلحوها .. والدعامية الأمامية في السوبر سفاري أساسية ,, وفي الموديلات 2002 و 2003 الدعامية أختيارة .. وفي الوان جديدة منزلينها .. والغطا حق الأستبنة الصورة اللي عليه غيروها .. والتخشب لونه يختلف فاتح والطارة مخشبه .. والموديلات السابقة الطارة مش مخشبة .. وأضافو فية شاشة محل المسجل .. وفي أشياء بس أكيد اللي جربوة يعرفونها .. وأسمحلي على القصور يالغالي

[عابد]

الأخ في الله سليمان
السلام عليكم ورحمة الله وبركاته

صديق لي اشترى سوبر سفاري فل كامل فتحة وجلد ودف لك وزينون وقير توب ترونك موديل 2004م ولونه رصاصي نظيف بالمرة ولا جاته صدمات وكان يحتاج فقط إلى كفرات جديدة اشتراه قبل سبة بمبلغ ( 84000 ) ريال وكان ماشي وقتها حوالي 87000كم فقط .
اخوي سليمان
إذا انت ناوي تشتري سيارة فعليك بالباترول بجميع أنواعه الفتك وغير الفتك تراه موتر ممتاز ومصاريفه قليلة جداً بل تكاد لاتذكر واقولك هذا الكلام وأنا مجرب عندي 2003 سفاري والحمد لله غير الزيت والبنزين ماحطيت شيء إلا إذا رغبت من باب الصيانة الدورية مثل البواجي والبريكات فقط

الله يبارك لك
اخوك عابد

[slmuni]

اخوي خالد (باترول للابد ) جزاك الله خير و كفيت و وفيت وزدت شوقي وتعلقي بـــ2004:):).. وحصلت اليوم لونين بس راعيه مغليه 94 الف :(

ــــــــــــ

اخوي عابد بارك الله لك في موترك و الله يطعمك من خيره ويكفيك شره و الله يبارك لخويك في الــ2004 .. واشكرك على الوصاية من اخو نصوح الله يعطيك العافية ..

[حـاتـم]

اخوي الباترول من موديل 2002 الى الـ2007 مافيه اي فروق ابدا

لا بالمكينه ولا القير

والـ2002 نفسه الـ2004

فقط الفرق الوحيد الي فرق الشكل

اما عن الـ2006 وطالع القير التماتيك فقط

سوو له نظام حمايه فالقير مايتفتف

والا سعار من الـ85 الى الـ105

هذا ما اراه على حسب النظافه يفرق السعر

والـ2002 لاتطوفه اذا نظيف ومامشا اكثر من الـ150




وشكرا لك

أخوك / حاتم