المساعد الشخصي الرقمي

مشاهدة النسخة كاملة : للي جرب 000000000000000وش انشط تكفى


بواسامه
23/03/2007, 03:06 PM
اهوجس بشروكي
بس متردد بين قير عادي ولا تماتيك

فياليت من جرب يفيدني وله جزيل الشكر
حرقوص الشملد
23/03/2007, 03:07 PM
كم الموديل الللي تبي
سبيع الغلباء
23/03/2007, 03:09 PM
اخوي خذ قير عادي وانت مغمض

انشط ولا الفرق وازين لك ماتحسف
خذ نصيحتي
بواسامه
23/03/2007, 03:13 PM
الموديل اللي منشن عليه من 2000 او 2001

وليش وانت مغمض ياسبيع الغلباء واجد يمدحون نشاط التماتيك
شاكر لك نصحك بس بين وش السبب
ع.ف.الدرويش
23/03/2007, 07:18 PM
بو اسامة..

معروف ان القير العادي هو الافضــل بلا منازع ولكل أنواع الجيوب..لكن نقلت سؤالك لواحد من اخواني معاه شيروكي موديل 98 ربع قير عادي فقال الاوتوماتيك افضل وانشط ومشاكله اقل لكن يلزمه فحص من فتره لفتره..
وتعليقاً على بحثك عن شيروكي تراه موتر يحبه القلب وما شاء الله تبارك الله كله عزم ونشاط في البر..لكن أحياناً يكون علّة للقلب فتتعب من صيانة وقطع غياره وكثرتها..
ومع ذلك أقول الله يرزقنــــا وإياك كل خير..

أخوك..أبو فهـد..
بواسامه
24/03/2007, 10:30 PM
ماقصرت يابو فهد
شاكرا لك نصحك
الكوسه
25/03/2007, 01:10 AM
اهم شي شف هو استخدام امريكي ولا سعودي لان الشروكي ضحاياه حوادث حريييييييييييييييق يحترق بس انه نشيط ماعليه السعودي اقل خرابات من الامريكي وازين ولع النور الصغير السكن اذا ولعت الصطبات الاشاره كسكن هذا امريكي واذا ماولعت سعودي هذا اللي اعرف وانت ابخص
shaheenshah
25/03/2007, 11:13 AM
اللي أعرفه ان العادي انشط من الاوتوماتيك في السيارات بصفة عامة

وهو يعتمد عليك انت وش تبيه له
ان كانك تبيه للبر وانت راعي مطاعس ومراقى خذ قير عادي
ان كانك تقول لا والله ابيه داخل المدينة وطلعات بر على الخفيف خذ اتوماتيك

بس رأيي الشخصي اذا بتاخذ جيب وقير اتوماتيك أتوقع انك تاخذلك سيارة صغيرة احسن لك
الجيب ما يصلح اتوماتيك ابد ابد
ع.ف.الدرويش
25/03/2007, 04:06 PM
اهم شي شف هو استخدام امريكي ولا سعودي لان الشروكي ضحاياه حوادث حريييييييييييييييق يحترق بس انه نشيط ماعليه السعودي اقل خرابات من الامريكي وازين ولع النور الصغير السكن اذا ولعت الصطبات الاشاره كسكن هذا امريكي واذا ماولعت سعودي هذا اللي اعرف وانت ابخص

كلام سليم.. لأن الشيروكي ما شاء الله تبارك الله أنواع وفيه شيء أمريكي وفيه شيء كندي والعجيب إني أسمع إن فيه فئه مصري(؟؟).. لكن بشكل عام كلها تختلف عن السعودي بالقير والدفرنس وأيضاً بالراديتر ويمكن فيه أشياء إضافية لكن هذا إللي عندي علم عنه فاحذر..وتأكد بان الإستخدام السعودي بإذن الله أفضل..:good:


:cool: